فاتت 8شهر على داك نهار عجوزتي في دي 8 شهر شا دارت فيا وشااا دارت ماخلتلي معاير شربتني المر اذا تقدرت وكاش مجاتنا مناسبة تقولي قعدي ماتروحيش تحشميني غير مروة وليلى يصبرو فيا وبنتها نسيمة زايدة معاها وصلت حتى دارت روحها مرضت وحكمت الفراش غادي نموت وما شفتش ولاد ولادي وشبعت منهم ماخلتش حاجة ما دارتهاش بصح وكلت ربي وحاجة لي كانت مريحتني هو كان ساكت وما دايرش برايها بصح كنت غالطة من جيهته بزاااف بزااف ندورو ندورو تبقى يماه وهو ولدها كيما 8 شهر فاتت وهي ماتسكتش بصح فشهر تالي روماركيت لعجوز ماولتش كي قبل صاي وسكتت على موضوع لولااد انا فرحت وقلت هداها ربي واخيراا عشت داك شهر هانية بصح فليل نبات نبكي ونشهق على لولااد حتى عادل نحسه مخبي عليااا حاجة بأخص في وجهه نحسه ندمان وفليل كي يدخل ويقعد معايا نحسه بلي راه شافق عليااا واحساس لمرااا عمره ما يكون غالط وشكي كان في بلاصته حاجة كانت أ نورمال ليوم فليل جا روطار بزااااف حوجي قريب 2 تاع ليل داخل فشلاان وعاااي قشه وما قلعهش كيما جا حط سوالحه دخل رقد موالف. ينوضني وقاع بصح دروك لا حسيته تبدل عليااا عرفت كاين فلقصة مرااا غيري كنت نبكي من حرمان لولااد وليت نبكي على خيانة يخدعوني قاااع غير هو لا مانجمش نجم نتخيل حياتي بلا ولااد بصح بلا بيك مانجمش. كي شفته رقد نيشان رفدت تلفونه كاش مانلقى زدت شكيت كثر. كي لقيت لكود مبدل وفتلفون كان داير فوطو تاعي انا وياه ربع سنين وهو دايرها نفس لفوطو بدل تلفونه زوج مرات بصح فوطو يديرها غير هيااا لقيته داير فوطو نورمال تاع تلفون وضربت نح قلت نورمال قعدت نشوف فيه من بعد سقمت روحي ديك ليلة مارقدتش قاااع لصباح شفته يحل في عينيه دار عندي … صباح الخير.. شفت فيه .. مالكي ماالهم عينيك… صباح نور.. ونوضت من بلاصتي .. ريحانة.. واش.. سقسيتك مالكي لا… مابيا والو… يما عاود ثاني.. يماك راهي مبعدتني مكان مادخلها وانا مابيا والو… ايا ومالكي نتي موالفة تنوضي فوجهي…. البارح وين كنت حتى ل 2 داخل… كنت مريح مع صحابي نتي من وينتا تسقسيني وين كنت… اااا صحابي تسمى صحا ماعليش الله يخليهملك…. مالكي نتي مالكي.. رفدت قشي وهو ناض خبط لباب وخرج لبسته وفت نغسل وجهي تلااقيت ب مروى صبحت عليها وفت للكوزينة.. بردت في وذني كلمة وهي راهي مليحة.. كي دخلنا سكتت لعجوز هي وولدها .. ضربت نح فرغت وستنيته ينوض كي شفته ناض حطيت لكاس ولحقته… لقيته باغي يبدل… دخلت عليه وبلعت لباب كان باغي يقلع تريكوه كي شافني حبس اول مره يدير هذا جاست قعد لاابسه بدل غير سروال … قيساه تجي من بعد… قيس لي نكمل فيه… قولي اذا تجي للفطور ولا لا عندك مدة ماراك تفطر ماراك تتعشا هنا… من تالي شاخصك نتي وين باغية توصلي… حتى حاجة سقسيتك برك مهيم مورا فطور. ديني لدارنا واذا ماتجيش نقول لشيخي يوصلني… داركم علاه راكي غير كي كنتي تماك… ديك عندها شهرين ملي روحت وتوحشت يما وباغية نروح… منعرت من بعد نقولك لا تروحي… انا جيت خبرتك بلي ني رايحة مشي نستنى فيك لا تخمم قبل… شوفي نتي راكي من صبحت ربي تخلطي فياااا وراح صباح هااا زبل بعديني خير ليا وليك… ريحان سموني انا نقارع مورا فطور ماتجيش نقول لشيخي… خرجي علياااا خرجي علياا راه صباح.. كي جيت خارجة .. عادل خزر فيااا.. الله يمهل ولا يهمل… وهذي لهدرة علاه دروك ثاني… غير حليت لباب وخرجت شوية وشفته فايت ومبدل تريكو
