هاذي اخر طبيبة نصحونا بيها وقالك هي تعطيك صح كنا واقفين عند لباب نستنو فيها بعد ما دخلنا عندها وشافتني قاتلنا قعدو برا وهو يصبر فيااا وحاكملي يدي حتى عيطتلي دخل معايا وانا هي صاااي فقدتني الامل على إني نكون أم مابكيت ما هدرت ما حتى حاجة قعدت نسمع فيها وهو مزير على يدي حسيت بيها حا تطردق نضنا خرجنا من عندها وانا غير ساكتة هو غير ني معاك راني معاك بصح صاي كانت اخر امل وكل شي سماطلي خلااص كي وصلنا لدار فتحت علينا عجوز كان على بالها وين رحنا كانت وحدها فدار… حكمتنا عند لباب… من صباح ني نستنى واش قاتلكم… ماما من بعد نهدرو.. انا قعدت غير نشوف بعينيا… قولي هيااا ياااك هيا لي ماتولدش كنت عارفتهاا عرفتتتهاااا.. عيط عليهاا… يماااااا رانا عند لباب من بعد ماتهدريش معاها هاك ومشكل منيييييي انااا مشي هي بردتي دروك طلعت راسي نشوف فيه خزر فيااا وكمل يهدر وهي تقوله غير لالا هو قاالها مشكل مني وهي تجيني تتحكك عليا وتحكملي في يديا وتحاول وسمحيلي جبدت عليها تهني ولدك مافيه والو راه يكدب مشكل راه فيا انااا غير تماااك رجعت مع الحيط وتبسمت قولي والله لا انا ولدي مافيه والو ياااك وبدات تحمد فربي ديك دقيقة حسيت روحي نااااقصة بزاااف جاتني وحد الحالة بديت نعيط هبلت هبلت وفي فمي غير حسبيا الله ونعم الوكيل كي ما نجمش يكالميني عطاني كف سكت ديراكت وفت نجري للبيت حليت لباب وطحت فلرض نبكي غاضتني غاضتني عمري وحياتي لي ضاعت كي نتفكر ما نجمش حسيت روحي ضعيفة في حياتي ما غادي نولي ام ولا يكون عندي ولد واذا رفدت ماغاديش يكون ولدي ومايقولش كلمة ماما ليا مكانش فرصة نولي ام مجرد فكرة حطمتني وكسرتني حتى بدل ما يجي يواسيني خرج كان يعيط هو وياها من بعد خبط لباب وراح مهما يبين بلي موضوع مايهمهش مكانش راجل مايبغيش يكون عنده وللاااد مهما حاول ما يبينش يجي نهار لي يبغي داك طفل بسبب افكار طحت فلرض تكسلت وبديت نخمم ونبكي كل شيء تخلط عليااا ماخرجتش من بيتي قاع على بالي تسمعني كلااام لي يجرحني فليل دخل للبيت شاف فيااا ودور وجهه للجيهة زاوجة بدل وفات ديراكت يرقد و عطاني بظهره . عيطتله مابغاش يرد عليااا… عادل… سكت.. عادل.. راسي راه ضارني وباغي نرقد… يهدر بلا مايشوف فياا . لزيت عنده.. حطيت راسي على على مخدته حدا راسه… عادل غير هذا لوقت كون معايا فيه كل شيء ديره معايا من غير تجاهل ملي مانيش قدامك مكانش لي راه حاس بيااا هدرة بزاااف ساهلة بصح واحد ماراه في بلاصتي يااا ناس ني نقولكم في حياتي ماغادي يكون عندي ولدي ولا بنتي فهمو عليااا ني مضراارة بزااف نهدر ونبكي دار عندي بدا غير يستغفر ويتنهد .. قوليلي انا شا نجم ندير مشي بيدي ريحان كون جات عليااا نحطلك توام فكرشك وندير مخدة تحت راسي ونقابلك مانخليكش تتحركي من قدامي بصح حتى انا عبد كيفي كيفك مانجم ندير واالو انا ني قابل نتي واااش قلقك راني نقولك ني معااااااااك نتي مرتي وبنتي وكل شي علاه راكي تبكي اذا انا ني نقولك نورمااااال اذا ربي ما رزقناش حاجة تاع ربي هادي الا اذا بغيتي تدخلي فيها… جبدت عليه وسكت ودورت رقدت على بالي حتى هو مشي ساهلة عليه غير يصبر فيااا جا مورايا وبدا يمسح على شعري هربت من واقع لي راني فيه لرقاد حل لوحيد باه نجم ننسى شوية وداك لي صرا رقدت وانا على امل بلي ربي كبير ومحال يخلي عبده مظلوم وحزين وعنده حل لكل حاجة
18
