الحلقه الحاديه والعشرون حتى الحلقه الثلاثون حصريه وجديده وكامله جميع الفصول
تقول جولييت واش من حب واشعار عمري وقلبي تهدر غير اشعار شفت فيه دمعة طاحتلي هو يهدر عادي تمعشيق مكانش من جيهته ميساج تالي قاع كون غير تجي تبات معايا ني مضرار وهو راد عليها مانجمشش مرتي جبتها ليوم راسلتله قلب مكسر هنا حبست لهدرة دخلت للمسنجر مسمياته خولة ******بلعربية
دخلت فليميساج تاوعها كنت حاسبة صحبته ولا بصح كي لقيتها راسلتله تصاوير عجوزتي ونسيمة هاذي تاع ليوم معروضين عندها للفطور وضحكت هجوزتي فمها فاتحاته ضرس العقل تبان وديك نسيمة على لعام وجها مقلوب راسلتله كون غير خليت يما تبات فرحت بيها بزااف كي مانجمتش نقرااا وليت غير نطلع حبست عند ميساج روحت انا ويما عند طبيبة وجبتلك بشارة حتى تجي عندي نقولهالك حكمت راسي حتى وصل ميساج في ديك دقيقة انا وولدك توحشناك ورسلت فوطو مطلعة تريكو وحاطة يدها على كرشها كي قريت لميساج عيطت وحد لعيطة صحاب دار ناضو قاع وما هو طار وهود كي شاف تلفونه في يدي ورفده شعل عليااااا وحدة صفعة دمرته ونوضت … وااااش هذاا راه جايك طفل اه خادعني وزايد تضرب فياااا علاااه درت معايا هاك علاه شا درتلك انا وين ضيعت معاك كاش نهار مادرتلكش خاطرك والله ما نستاهل والله نهدر ونعيط ونبكي علاه خدعتني علااه حراام عليك والله ما نسمحلك.. خدعتني كي مانجمتش نجيبلك ولااد زادني كف زاوج… مزالك تضرب فيااا يااو نتا لخاين لي خدعتني مشي انا نتاااا ها خلااص راهي جايبتلك ولد فطريق توحشاتك هي وولدك علاااااااه علاه درتلي هاك… بعي فممممك بركي ماتعيطي.. نعيط ونزيد نعييييييط قاع خدعتوني يماك حسبيا الله ونعم الوكيل فيها وفيك وفيكم قاع لي حشيتوهالي جيت رايحة جيهة لباب حكمتي.. وين خارجة هاااك ولي راك نخلطك.. نخلطني مسني اذا كنت راااجل نتا ما تستاهلنيش كون جيت نتا في بلاصتي والله العظيم ما نبدلك بصح نتا شوف شا درت علاه انا شا درتلك والله لا بغيتك والله… جمعت وبديت نضرب في روحي وطحت في كرشي غير نضرب نضرب نضرب جهلت وهو واقف عليااا غير سمحيلي سمحيلي والله لا غير فتحت عليها ومانيش عاقد عليها كي سمعت بلي راهي مرته صاي هنا زدت جهلت سمعت عجوزتي وشيخي يعيط عليه فتح لباب ناض يعيط على يماه نتي سبة ونتي ل خليتيلي داري بغيتي لولااد هااا لولااد لي بغيتيهم… ناضت هيااا.. علاه راك تحلل فيها كون حات مرا تجيبلك لولد كون راهي فرحانة وهي لي تقولك روح تزوج كون جات صح تبغيك مادام خلاص سمعت صاي واه عندك مرا وحدخرة وراهي اونسانت رفدت من شهرها لول وغادي تعمرلي داري شيخي كي سمع تماك قالها راكي مطلقة وبدا يدعي عليها هي كلي واحد عطاهل صفعة وصل بغا يضربها بدات تعاير فيا لعاقر كيما كنت نوضت خرجت دمرته .. حسبيا الله ونعم الوكيل فييييييك ربي ياخذ فيك الحق مشي بيديا لا ماجبتش حتى انا نحس وامنيتي نهز بصح والله والله والله ما نسمحلك وتخلصيها عند ربي بيك بولدك وبكل واحد كان سبة في حالتي هاك دمرني وخبط الباب عليهم عجوز تبكي وشيخي يحلف نسيمة دات بوها ومروى دات عجوزتها…. دخل علياا حكمني من شعري… خرجتي هاك قدام بويااا هااااااك بصدرك ورقبتك وكل شي على براااااا.. حرام عليك ستغبيتوني قاع انا معاكم ونتوما تلعبو عليااا وتحشولي كل شي يمشي من تحتي وانا كي لعمية وطرشة بيناتكم تشرو عليااا وانا مافاهمة والو نهز في راسي برك كون قتهالي حقك تعاود حياتك بصح مشي على ظهري واش محلي من اعراب انا ماعنديش راي هاه ماعنديش لدي درجة قيمة عندك باه ما تقوليش تزوجت وجايني ولد كون قتلي والله ننساحب من حياتك فرحتك تسوا عندي كل شي حتى اذا كانت مع غيري والله نبعد..والله لا خاطيني تعرفي بلي نعزك ونبغيك وعند ربي وعندي غير نتي مرتي يجيبهالي في صحتي اذا ني نزيد عليك…واش من صحة راك تحكي عليها راك موخذ ونتا ماعلى بالك بوالو ههههه يماك وصلت تعايرني بلعاق. وسكت ماكملتهاش كي حكمتني كي لخنقة وتزير عليا قلبي ولت في فمي غير كلمة جيبلي ماما جيبلي ماما مانقعدش عندكم راح جابلي نشرب فشلت ديك ليلة شا خربني فتلفونه انا علاه شفت وقريت كي شافني نعيط وماباغياش نشوفه لبس قشه وخرج وبلع عليااا لبيت رفدت يديا لربي ودعيت دعيت دعيت ليلتها ربي يخلص فيهم
22
