19
وكيما كان الحال جا مورا فطور وهو لي داني جبت 4 ايام في دارنا يعيط غير فليل ومارت مايعيطش قاااع خليتله اتساع وزدت تاكدت كي هدرت مع مروى وقاتلي ماراهش يبات فدار تعمرت بزاااف طردقت وهدرت كل شيء لماما لي زادت اكدتلي بلي راه كاين طرف 3 بيناتكم والقصة فيها مرااا وحدخرة صاي انا تماك مت زاد داك نهار قاع ماعيطش حتى انا قلت والله مانعيط زدت نهار وحداخر غدوة جات جارتنا مسكينة كنتها عندها 7سنين بلا ولااد وهذا شهر رفدت لكرش فرحة باينة من عينيها كون تشوفو كي متهلية فيها كنت قريب نبكي سقست عليااا مزاال على ربي شا قالولي طبة قاتلي مايكدبوش عليك حتى انا قالونا كيفك وقاتلي على دي طبيبة لي تبعتها كنتها وقاتلي روحي على ربي ومايكون غير الخير ان شاء الله غدوة صباح 7 كنت مبكرة عندها انا وماما كانو 3 نسا قبلي من بعد بداو يجو كي دخلت عندها مراا كبيرة ماديرش لخيمار وتهدر غير فرونسي مزية ماما جاية قارية وفاهمة بدات ترد عليها انا لونڨلي نفرحكم فيه بصح فرونسي هو في جيهة وانا في جيهة انا فرونسي حابسة فيه نفهم قليل قد ما نسلك راسي برك ودرتلهم سبة تاع مانقراش فرونسي تاع لي جدودنا نرجعو لموضوعنا كي جات دالتي ودخلت عندها ضحكت معانا من بعد سقستني حكيتلها قاتلي طلعي نشوفك فلولة حشمت مانكدبش عليكم من قلعت بدات تشوف فيا وتسقسي كي كملت دارتلي… شكون قالك نتي ماعندكش فرصة باه تولدي… مكانش طبيبة ماخليتهاش وقاع قالولي نفس لهدرة… طب تاااع لخرااا هذااا كيفاه يهدرو هاك تسمى شحال من وحدة قطعولها لياس بلي تولد تولدي نتي ان شاء الله وربي كبير وعقلي زين زين على هذا نهار وغادي ترفدي الكرش وكون ماتجيبليش حقي تاع القاطو ولبركوكس نوريلك… كلامها حسيت فيه وحد امل خلااني نرجع الحياة بعد ما كنت فاقدة امل كلياااا وليت نبكي ونضحك ونعيط ونبوس فيها هبلت وصاي حتى ولت تقولي نوضي خرجي عليااا والله ما خلصت عليااا قاتلي فرحتك هياا حقي عطاتني وحد دوا كي خرجت قاع دوك نسااا طلبتلهم ربي يدعولي ربي يرزقني خرجت شريت دوا ورجعنا لدار بديت فيه اليوم داك دوا ووحداخر قاتلي قبل لا تصرا بينك وبينه علاقة شربي منه لغدوة درت صدقة عليااا وديتها للجامع وعيطت قاااع ولااد حومتي حطيتلهم 3 زلاايف.كبار تاع طعام ورسلت لجارتنا انا بعدا نغسل فلماعين تاع لي طيبت بيهم حتى نشوفه واقف عليااا فلكوزينة… شفت فيه… قالي خير خير .. الباب علاه راه محلول ولولااد لي راهم برا… والو غير درت صدقة علياا.. مناسبة واش… حتى حاجة طلعتلي درت صدقة عليا مشي شرط تكون مناسبة… الله يجعلها في ميزان حسناتك وصحا ماتجيش تسلمي عليااا… سلام… سلام خليها عندك ماتجيش تعنقيني… علاه كنت فلحج.. واصلن يديا راهم مشمخين تاكل نحطلك .. جا مورايا وعنقني .. شكون دار طعام…. انا.. ونتي من وينتا تعرفي ديريه.. من قبل لا نعرفك.. وعلاه ما ديريهش عندنا… نتي اصلن ماتاكلهش… مانبغيش ناكله فليل برك بصح كون ديريه نتي ناكله… بعدت عليه ودورت عنده .. نحطلك تاكل…لز عندي وعنقني.. توحشتك مووووت على بالك… على دي كنت تعيط وتسقسي… خليتك في راحتك شفتك عيانة… هيااا مليح تسمى.. كي قدم يبوسني… دورت وجهي… اقسم بالله لا توحشتك مالكي… مناش فدار راك تدخل ماما ولا راجلها… رانا وحدنا فدار كي جيت جاي شفته هو ويماك داخلين الحانوت بركي ماتكدبي… صحا بعد خليني نحطلك وخليني نكمل نغسل… حطي نشوفو طعامك هاسيدي راك نروحو لدار ونتفاهمو على حالتك… حطيتله كلااا ياكل ويقولي حلفي لا نتي درتيه.. خليته وكملت نغسل جابولي زلاايف لي كلااو فيهم غسلتهم نقيت كوزينة هو خرج قالي لعاصر نجي نديك جات ماما قاتلي روحي لدارك وماتنسيس دواك لي قاتلك عليه طبيبة مابغيتش نخيره بلي روحت عندها قاااع انا وين مانجي لدارنا نخرج بلا مانقوله كي قرب لعاصر دوشت ووجدت روحي كي قال الله واكبر جا تقول كان يستنى فيه خرجلي سواالحي سلمت على ماما وروحت معاه ومن هادي ليلة كل شيء تبدل وكل شي نكشف
