الحلقه الحاديه عشر حتى الحلقه العشرون حصريه وجديده وكامله جميع الفصول 

20
وصلنا لدار فتحت بنت مروى للباب سلمت عليها عجوزتي مكانش فدار لا هي لا بنتها غير مروى ماحوستش نعرف وين راهم ماعندي حاجة فيهم قعدت مع مروى نهدرو ومقصرين من بعد فت لبيتي قلعت لبستي ولميت شعري صونا تلفوني لقيتها ماما… خير ان شاء الله ثاني شا كاين. الو.. واه.. واه ماما مليحة.. حمدالله وصلتي.. ايه قبيل.. هيا مليح ديك نتي خرجتي هاك جات مرت خالتك هاك… علاه جات واش كاين.. ديك جات تعرض لبنتها عرسها ف 23.. ااا صحا تزوجت ربي يهنيها ان شاء الله.. امين شحال رانا ليوم.. رانا 9 ليوم مزال باقي عليه قاتلي رواحي قبل حشمت نروح. مادام قيماتك وكبرت بيك وقاتلك رواحي قبل روحي .. منعرت بالك.. هيا مكان والو.. والو غير عيطت باه نقولك عرضاتك نتي وشيرات.. فكرتيني صبري نعيط لختي تعطيني نميرو تاع صحبتها..
شكون.. هاا ديك لي. تكوافي عندها… علاه.. عجبتني لااكولااغ تاع كنة جارتنا شفتي كي شاابة جاتها تهبل بالك نصبغ كيفهاا… شعرررك شباااب علاه بغيتي تخربي فيه .. كيفاه علاه نخرب فيه بغيت نصبغه كون مشي نتي كون صبغته فعرسي.. ساعفيني خليه والله لا كولااغ تاعك تهيل.. لا بغيت نصبغه ونمقص منه شوية… صبري صبري ختي راهي تعيط كوبيت عليها ورديت على ختي هدرت معاها على ديك حفافة قاتلي راك نهدرلك معاها كوبيت وقعدت نشوف فليكولااغ تاع شعر سمعت صوت عجوزتي وبنتها جاو ماديتهاش فيهم كملت نحوس على كاش صباغة تخرج عليااا هبلتني غير تاع كنة جارتنا ها دخل هو جا قعد حدايا.. شاراكي ديري.. والو ني نحوس على صباغة. علاه.. بغيت نصبغ.. ونتي علاه تصبغي راه عاجبني شعرك هاك مادوريش بيه تعرفي بلي يعجبني.. شعري وانا حرة فيه واش دخلك نتا وزاد بغيت نقص منه.. لا عدتي مر خربي فيه.. مارديتش قاع عليه كملت نشوف .. سكت حسبته خرج تالمو كنت لاهية فتلفون.. دورت لقيته يشوف فيااا.. راك هنا . اممممم علاه شا خصك . حسبتك خرج… ماتوحشتينيش.. علاه نتوحشك راك قدامي… بصح عندك 7ايام غايبة.. محسوب حسيت بفراقي.. مزلتي غير في تشراك فمك.. هيا تسمى ماتهدرش معايا … سكتنا في زوج من بعد نطق… ماتحشميش نتي.. راك معايا… لا مع خيالك… علاه نحشم.. ملي جيت عندك لدار ني نقولك توحشتك. نورمالمو تفهمي روحك.. شا نفهم …قعدي لااعبتها شا تفهمي تسمى ايا صحا وناض خبط لباب وخرج… قوده غادي صدقة عليا كيما ناض خرجت موراه لقيته مع خته سلمت على عجوز كي شافتني وجها نخطف تسلم عليا وخايفة من حاجة .. ماقاتليش حتى كي راكي.. كي لحق وقت العشا كنت شبعانه ماتعشيتش معاهم قعدت فصالة نكوناكتي كي كملو جاو. بدات نسيمة تهدر بألغاز ولمعاني كلي تشر على حاجة.وعجوز تخزر فيها كي تقلقت نوضت فت لبيتي… كلبة لي لااعبتها شريفة مكة تفوو. قعدت في بلاصتي ونتفرج من بعد شربت ديك كاشي على بالي من ليجاست تاوعه قبيل شا خصه حتى ليوم ماجاش للعشاا ملي دخلني شك من جيهته وليت نتهرب منه كون يخرج شكي صح نهبل والله نهبل 12 دخل قلع قشه بدل وجا دخل لبلاصته ماديتهاش قاع فيه كملت نخرب.فتلفوني بدا يدور يدور في بلاصته من بعد بدا يخرب فيا كي شاف مكان حتى رد حسيت بيه كي جبد الغطى ودورني عنده… قوليلي مالكي دروك ني نسمع فيك وجيبي هنا داك تلفون رفده وخبطه على حيط. كي جيت نوض زير علياا وطلع رجله حكملي بيها رجليا باه مانتحركش…. واش راك دير علااااه خبطته هكاك.. دروك نتي غادي نخبطك هكاك علاه راكي تهربي مني.. بعد عليا ماهربتش منك راك موسوس وحدك … راني موسوس تسمى صحا 7 ايام قعدتيها فداركم علاه ماعيطتيش… علاه نتا عيطت… جاااوبي. كي ماعيطتليش ماعندي علاه نعيط… يااااك ولينا في دي لهدرة دروك.. واه… هيا صحاا تسمى ديري رايك هيا دروك بغيت حقي… دي حقك وبعد عليااا كسرتلي رجليااا.. نديه ونبعد عليك ثاني اقسم بالله ونبدا وتقعدي جامدة معايا كيما هاك وما تتفاعليش غير نعوقك وراني حلفت والله وما ترجعيش كيما كنتي قبل هاذي تهدر وطلع يده يوريلي فيها وين ما نقول صاي دي تالية يعاود من جديد حتى شفته عيااا ناض بعد عليااا خرمجلي شعري لي كان طيره من بلاصته… شطورة هاذي هي مرتي انا نتي لوحيدة لي نقنع معاها هنا قالهالي وانا ماركزتش معاه ناض لبس ورجع لبلاصته وانا لبست غير من فوق رفد تلفونه طلقت عيني شفت الكود كي كان عاي فتحه قدامي منعرت شا دار وطاح رقد ومين راه واعر جبدني عنده ماعنديش قاع كي نفتش تلفون لعبتها رقدت كي عرفته بلي نيشان رقد وماينوضش جبدت عليه دار اممممم لعبتها بغيت ندور قعدت شوية قد مارقد مليح روحت لتلفونه حاولت نتفكر ديك شيمة بلكشفة باه نحل دخلت لتصاوير مصور راقد ويد محطوطة على ظهره عريان وهو راقد بصح دي وين دخلت ليميساج بديت نفركت لقيت اسم خولة دخلت ويا ريتني مادخلت…..

يتبع