15
دورت عطيته بظهري حسيت بيه كي ناض وبدا يتحرك شفت فلمرايا لي قدامي شفته يقلع فتريكوه قلبي حبس قبل لا نخمم فيها دورني فهمته شا بغااا جيت نبعد زيرني تفكرت حاجة مرة قالتها وحدة وكون ما تصدقش غادي ندعي عليها ونقوم ليل على جالها كي شفته بدا يروح فيها جبدتله على دارنا قعد غير ساكت.كي كثرت عليه حبس وقعد يشوف فيا وليت ندير فوحد ليجاست والله لا شكيت فروحي وهو زاد هبل نقولهالكم انا راجلي لا علاقة له برومنسية وحنانة هو في جيهة وهما في جيهة قاع هاك ونحاول نسايسها قدر مستطاع كي عاودت جبدتله قالي صحاا صحا ركزي معايا على بالي يلكد فيااا كي اصريت عليه عيط عليا وحلفلي يديني. كيما كان الحال داني صح وقعدت 3 ايام
ورجعت معاه لدار روماركيته يحاول يصلح علاقته بيااا ماولااش كي كان ولا يهدر يضحك حتى من عياطه وتعليقه على اي حاجة صاي حبس منهم ولا بنادم وحداخر قااااع حتى والفته فات عام لول من زواجنا انا كنت حاسدة روحي عليه ومن تغيره مفاجئ علاقتنا تصلحت بزااف طحت فيه طلب مني سماح وحلفلي عشنا شهور يهبلو حتى شهر العسل ودرناه رجعو يضربو بينا مثل غير شوف فلانة وفلاان كي عايشين زاد مر عام زاوج وربي ما رزقنيش ولااد وليت غير نجري وهو يقولي ماعليش ونورمال ومزالنا صغار ماتتقلقيش راك يكتب ربي كملنا فلعام 3 هنا عجوزتي بدات تمعني ماخليتش طبيب ما روحتلهش ركبني الخوف وهو نورمال غيى يقولي ماعليش راك يكتب ربي من بعد صاي عجوزتي خرجتهالي طاي طاي دي لخطرة طولتي وبزااف ومروى في شهرها زاوج رفدت ونتي مزااال وانا طبيب ماخليتهش غير لي نسمع بيها نروح نجريله وليت نصلي ليل مع نهار نبات قاعدة نطلب فربي وهو تقلق ولا غير نجبدله لولااد يعيط عليا يوصل يضربني ويقولي راكي تكفري بربي ربي كبير ويعرف وكيما رزق غيرنا يرزقنا حتى حنا ولا ماكتبلناش ماعندنا ما نديرو نسكت بصح نبات نبكي سيرتو كي نسمع كلام فاميلته يجرحوني بكلاامهم مرة تالية هنا لي طردقت كانت رايحة عجوزتي عند بنتها ولدت راحو قاع فيا انا قاتلي. ماعندك وين تروحي راك يبدو نتي ما رفدتيش ووووو ويكثرو لهدرة قعدي فدار وصاي كي جا هو وسقساني عيانة شوية بصح غير خرج وليت نبكي ونشهق جاست تاعها ضرني ضرني وحطمني كلامها يجرح بزاااف وليت متمنية طفل نديره بين يديا ونبدله ونلعبه ونغسله ونسهر معاه هو يبكي وانا نوض نسكته ونقول صاااي حكم ولدك مانجمتش تمنيت تمنيت بزاااف
