وكوبا عليها مسكينة. قعد يخرب فيه ماخلااش حاجة وما دخلش فيها رسل انفي لروحه وقاااع تصاويري وليفيديو رسلهم عنده من بعد عطاهلي وجا خارج حتى حبس.. عندك دوك… واش.. مشي راكي مريضة… ممممم… عندك ولا نجيبلك. فهمته.. لالا عندي.. هزلي براسه وخرج
فاتت سيمانتين كنت ريحت وصفيت كنت مدوشة وخارجة من دوش مكانش لي كان فدار غير انا ة مروى وبنته و نسيمة هو كان دا يوصل باباه لطبيب ويماه راحت معاهم وهذا طبيب مشي في لولااية لي نسكنو فيها خارج ويوصي ماعلينا دوشت وبدلت على بالي ما يجيش حتى لغدوة لا قلع فليل يوصل بينه بينه 8 تاع صباح خرجت وبدلت وفت للكوزينة انا طيبت حطيت نتعشو من بعد غسلت نسيمة ماعين جمعنا شوية انا ومروى هدرنا مسكينة كي تحكيلي على راجلها متوحشاته كنا نهدرو عليه حتى عيطلها بلاكام وانا داك بنادم جامي ولا عيط عندي فتلفون نشوفه غير كي ندخل كي شفت مكان حد فت لشمبرتي. قلعت قشي وقعدت نتفرج من بعد عيطت لماما هدرت معاها قاتلي توحشتك وووو بالك غدوة ولا نجي نقعد يومين فرحت بزااف شوية وقطعت مجانيش رقاااااد قااع واالو طفيت تيلي وقعدت نكوناكتي سمعت لباب تاع برا ينحل وشوية تاع حس نضت لبست من فوق نمشي بشوية حليت لباب طليت وانا نشوف في نسيمة خته مدخلة وااحد ديرله بيدها في فمه سكت وهو يمس فيها وداخل فيها قاع يديها حاطهم تحت ظهرها ويضرب فيها بشوية حليت فمي دم جمد فياااا كيما كنت بلعت لباب قلعت دخلت بلاصتي وغمضت عينيا نحاول نكدب روحي ونقول تخيلت برك مكانش منها بصح مانجمتش وليت نستغفر وانا لااعبتلي فيها تعرف حلاال من حرام وتقولي ستري روحك شوووف كلبة لي ماتحشمش ولي كانت معاه يبان صغير عليها ولا مين ناقص شوية منعرت قعدت نخمم حتى رقدت غير حليت عينيا لقيتها صباح لبست داخل في بيتي وخرجت غسلت وجهي لقيت مروى مطيبة قهوة حتى دخلت عجوزتي سلمت عليها قاتلي جينا قيس 6 سقسيتها على عادل قاتلي رقد فصالة دخل ولقاك مبلعة لباب على روحك. تفكرت بنتها تاع يامس زعم يكون خرج… شربت من بعد فت عنده لقيته راقد روحت نوض فيه.. فطن.. مالكي .. رقد داخل علاه راقد هنا… مسح وجهه وكيما كان ناض ودخل رقد داخل .. وانا سيقت عجوز دارت فطور ومروى عجنت الخبز لعبتها بلعاني مانعرفش نطيب سوالح لمرقة والخبز وانا داك مانعرف بصح تعلمي مشي كل شي تقولي نعرف نعرف تجيبيها غير فروحك وصحتك كل شي ينطلق عليك من بعد لحق وقت فطور روحت لقيته راقد كون نزيد نوضه يطيحلي عاودت خرجت وطحت فلباب نخبط فيه باه ينوض وفت نجري لدوش لعبتها خارجة منه لقيته يطيح عند لباب … مزياا نوضت فوت تفطر بدا يشوف فياا بشك بصح مع من راك يا سي عادل شاف فيا من بعد نطق.. فوتي وجديلي قشي… دخلت جبدتله قشه حطيتهله وجيت خارجة.. رواحي تشو… دورت وبديت نشوف فيه .. واش… ريحة لي ديريها قبل لا ترقدي كي سموها… علاه تحوس لمن بغيت تشريها لوحدة من حباباتك .. خرجي علياا خرجي.. ني خارجة نتا حكمتني خليته وروحت نفطر من بعد لحق هو فطر معانا جا تالي ناض هو لول نطقت عجوزتي قاتلي تروحو معايا نتي ومروى حشية عند بنت عمهم ولدت قبلت اصلن كرهت ملي جيت ماخرجتش .. كي قوتله ماهدرش جوايه 3 روحنا كي وصلنا مدلي دراهم نعطيها صراحة مانكدبش عليكم متكبرين متكبرين متكبرين تقولو منهم مازاد نخلق حد يمشو ونافخين رواحهم كي شفتهم هاك غير دخلنا وخرجنا اصلن ماقالوناش قعدو ولا غير لعجوزتي حنا تحسب مناش معاهم قاع تقلقنا والله جا دانا وصلنا لدار ندمت لي روحت قاااع خرجنا 3.30جينا 5 شيخي دخل قالنا ني باغي طعام دروك جا في قلبي . قاتله صبر شوية وننصب لمرقة قالها لااا بغيت طعام ب رايب.. دارتله رايه ودارت طعام وتعشينا عادل ماياكلش طعام قليتله وخليتله حقه كي يجي ياكل عيطت ماما عيطت قبيل وما رديتش كي كنا عند خيمة عمهم عاودتلها قاتلي خوتاتك ليوم جاو اذا تجي غدوة صبري نقوله كي يدخل ونعاودلك فوتتلي احلام من بعد ختي كبيرة طولت معاها شوية بلهدرة من بعد نوضت قلعت قابلتني ريحة لي قالي عليها رشيت منها وخزنتها علاه سقسى عليها زعم للحظة تفكرت ليلتي لولة غاضتني عمري والله ها دخل هو لقاني واقفة نشوف فروحي بدل وراح عند تاقة بدا يتكيف من بعد جا دخل لبلاصته… قلت نقوله كي دخلت لبلاصتي دار عطاني بظهره بغيت نسبه … عادل.. ستغفر وما ردش.. عاادل ني نهدر معاك لا… شعال من خطرة ماتعيطيش باسمي وهدري بلا ماتقوليه… سكت .. صحا مهيم غدوة بغيت نروح لدارنا… مكانش مروح.. كيفاه دي مكانش طولت ومارحتش وخوتاتي راهم تماك في زوج وانا بغيت نروح.. شا دخلني فخوتك انا مكانش مروح… كيفاه دي لااا ماروحش لدارنا انا دروك هاهي ختك كل سمانة تجي تقعد ومرات تبات علاه انا لا راكي متزوجة بيا ولا بختي صاااااي وما تكثريش عليااا لهدرة . حي على زواج لي راني متزوجاته حي وهاااا حيي
15
دورت عطيته بظهري حسيت بيه كي ناض وبدا يتحرك شفت فلمرايا لي قدامي شفته يقلع فتريكوه قلبي حبس قبل لا نخمم فيها دورني فهمته شا بغااا جيت نبعد زيرني
