رواية عشقت طفلتي الفصل 10🦋11🦋12🦋13 بقلم الكاتبه مريم وليد حصريه وجديده
وقفت متص*نمه في مكانها عندما رأت تميم وريان امامها ومعهم ورد ….. لتفت*ح فم*ها بطريقه مضحكه للغايه……
ليكتم تميم ضحكته بالعافيه علي منظرها وهي مصد*ومه…….
ريان بهمس لتميم: البت جالها شلل رعاش….. يخربيتك قولتلك كنا قولنالهم احسن…..
تميم بنفس الهمس: اسكت انت…. انا كنت قاصد اعمل كدا… بقالي اسبوع بتحايل عليها عشان تفاتح ابوها في الموضوع…. وهي بتتحجج وخايفه…. قولت نطب عليها احسن…. واحطها قدام الامر الواقع…..
ريان: ادي شورتك المهببه…. شوف بقي هتفوقها ازاي دي….
ليقاطعهم صوت نور وهي بتبص…. بشك لداليدا وهي محدقه في الباب كدا…… لتذهب اليها……
نور: في ايه يابت…. يا ديدا هو دراكولا اللي علي الباب ولا اي…….
ليقطع جملتها بصد*مه وهي تنظر اليهم….
نور بنو*اح: يا ليلتك السوداااا يا نور…… يالهوي يالهوي…. احنا هنتطرد من البيت انهارده….. ايه الي جابك هنا…..
ريان بضحك: في ايه يابت المجنونه…. محسساني ان احنا جاينلكم من الشباك…. ده انا حتي داخلين البيت من بابه… وكمان معانا اهلنا…..
لتدخل حنان… عندما راتهم علي هذا الوضع…..
: في ايه يا منيله منك ليه…. مالكم اكلتو سد الحنك ليه مين اللي علي الباب…. يا بنت الجذمه منك ليها…..
نور: ده الزبال يا حنون…… وهيمشي دلوقتي….
ريان بصر*اخ وصد*مه: نعم يا روح امك…. مين ده اللي زبال…..
لينظر لها تميم بنظر*ة لو كادت تق*تل لكانت…. وقعت صر*يعه في الحال…..
ليقاطعهم يوسف الذي جاء…. عندما رأي حالة ابنتيه….
: في ايه يا ولاد مالكم…. ايه ده تميم بيه… وريان بيه خير في حاجه….
ريان: ايه يا عم يوسف مش هتدخلنا…. ولا ايه
يوسف بنفس الصدمه: لا ازاي طبعا اتفضلوا….. البيت بيتكم انا بس من استغرابي…. اتفضلوا…
ليدخل ريان وخلفه تميم وقبل ان يسير خلفهم…. ميل علي ودن داليدا وقالها
: شكلك قمر وانتي مصدومه كدا….
لتستفيق من صد*متها…. وكادت ان تغلق الباب حتي قاطعها تميم:
استني بابا وماما طالعين…..
داليدا بصد*مه: جايين….. جايين ليه….
تميم بضحك علي شكلها: ايه هو اللي ليه….. جايين عشان يطلبوا ايديكي ليا…. وتبقي ملكي… لوحدي…
داليدا: هااا
تميم بضحك: هاا ايه بس… ادخلي كدا غيري هدومك القمر دي… وحسابنا بعدين علي طلوعك علي الباب كدا وسرحي شعرك المنكوش دا وتعالي…..
وقبلها من خدها فجأ*ه…. ودخل وهو بيضحك…..
لتستفيق داليدا من هذه الصد*مه: يا نهار اسود…. ده طلع بجد مش حلم….
لتس*حب نور من يد*ها التي كانت مزالت علي حالتها…. وذهبت بها الي غرفتهم….
داليدا: فوقي يا مصيبه انتي….تعالي غيري هدومك بسرعه…..
لتنتفض علي صرا*خ نور بفرحه…..
: ععععا يا ديدا جايين يطلبوا ادينا…..يلا ودوني علي بيت حبيبي نعيش مع بعض فيه….
داليدا بسخر*يه: متفرحيش اوي كدا……انا حاسه ان بابا مش هيوافق….
نور باستغر*اب: مش هيوافق ليه يعني….
داليدا: اولا عشان احنا ثانويه عامه تمام….ثانيا فرق السن اللي بينا كبير….ثالثا اكيد بابا عارف ان تميم وريان….ان سمعتهم سبقاهم
قالتها بغيرة…..
نور وهي بتخب*ط بيد*ها علي را*سها
:اوبس….تصدقي اني نسيت حاجه زي كدا…..،، لتكمل بتوجس،، داليدا انتي بتفكري في فرق السن الي بينا…
داليدا بسر*عه: لا طبعا…. انا مبفكرش في كدا ومستحيل اني افكر بالطريقه دي… فرق السن مش فارق معايا… انا بفكر بصوت عالي معاكي ان بابا اللي ممكن ميوافقش…. وخصوصا لو عارف بعلاقات تميم وريان دي اللي هتبقي مشكله… وانتي عارفه بابا بيخاف علينا قد ايه… وانه مستحيل يعرضنا لاي حاجه زي كدا…..
نور: تصدقي معاكي حق….. بس لو هو شاف اننا موافقين…. وان احنا عايزينهم… اكيد هيوافق…
داليدا بحير*ة: مش عارفه…. طب خلصي لبس يلا انا خلصت…. خلينا نطلع بسرعه نشوف الوضع عامل ازاي برا…..
لتوما لها نور…. وقاموا بتغيير ثيابهم….
لتقوم داليدا بأرتداء فستات يصل الي ما قبل ركبتها بقليل لونه بيبي بلو وحذاء ذوي كعب عالي ابيض وتركت شعرها خلفها للعنان…. ووضعت ملمع شفاه خفيف فهي لا تحتاج الي شيء ورشت من عطرها التي يعشقه تميم…
وارتدت نور فستان لونه احمر يصل ما قبل ركبتها ايضا وحذاء ابيض….وتركت شعرها خلفها ووضعت ملمع شفاه ورشت من عطرها المفضل…..
ليخرجوا فكانوا في قمه الجمال والبرائه….
ليجدو ريان وتميم يجلسون بجانب بعضهم….ومحمد الاسيوطي….وهاله يجلسون علي الجانب الاخر…..
ليتقدموا اليهم….ليسرح تميم…بصغيرته وبجمالها وبرائتها التي…..جعلته يقع صريع لها…..
والوضع لم يختلف كثيرا عند ريان…..فكان ينظر الي نور بعشق خالص…فلولاها لكان يفعل تلك الاشياء..التي بات يبغضها الان…..
لتقوم هاله وهي تنظر اليهم بحب وحنان…..فهم دخلوا قلبها منذ ان راتهم…..
لتحتضن داليدا بحب: بسم الله ماشاءالله…..قمر يا حبيبتي….
وتقوم بالمثل مع نور….
لتجلسهم بجانبها……
لتدخل حنان وهي تضع المشروبات علي الطاوله….وبعض الحلوي….وجلست بجانب زوجها….
ليحم*حم محمد: احمم….شكلكم مكنتوش تعرفوا اننا جايين….
يوسف: الصراحه ايوة….انا اتفاجئت بيكم….يعني لمؤخذه حضراتكم جايين هنا البيت ومش قد المقام
محمد: وماله البيت ده….احنا متولدناش في بقنا معلقه دهب…انا ابويا الله يرحمه كان تاجر قد الدنيا….وواحده واحده قدر ان يكبر المحلات…لحد ما فتح شركه…مع الوقت بقي في بدل الشركه تلاته وعشرة…..يعني احنا كنا عايشين في بيت اقل من ده كمان…..متقولش كلام يزعل ياعم يوسف….
يوسف بسر*عه: والله مقصدش بس….استغرابي هو اللي خلاني اقول كدا….بس واضح انها حاجه كبيره….
ريان بهم*س لتميم: ابوك شكله هينفوخنا….
تميم بنفس الهمس: هينفخك انت بس….انت اللي قولتله ان احنا قايلنهم اننا هنروح….يعني انا برا الموضوع….
ريان وهو بيجز علي سنانه بغضب
: اااه يا ابن ال…..
تميم بتحذ*ير: هااا هتغلط….هقوله….
ريان ضر*به بخ*فه في جم*به: وحيات امك المزه دي…لما اروح…..
ليقاطعهم محمد: في ايه يا ولاد……
تميم: مفيش يا بابا….ممكن حضرتك تدخل في الموضوع اللي جينا عشانه….
محمد: ايوة طبعا….
ليكمل حديثه ليوسف….الذي كان ينظر لهم بغمو*ض
: احنا جينا انهارده عشان طالبين ايد…..بنتك داليدا لتميم….ونور لريان…..هااا قولت ايه…..
لتنظر داليدا ونور الي بعض بخجل….وابتسامه….لاكن تتلاشي ابتسامتهم عندما استمعوا الي والدهم…
يوسف: وانا مش موافق…….
يتبع……
#الفصل الحادي عشر🦋
لينص*دم كل من ريان وتميم….. فهو لما يرفض… لو كان احد اخر لكان وافق ولم يتردد للحظه….
تميم بهد*وء غر*يب: وممكن اعرف حضرتك مش…. موافق ليه… اكيد في سبب مقنع لرفضك ده….
يوسف بهد*وء: امممم…. كدا نتفاهم…. بص يابني انا كبير كفايه اني ابقي فاهم كل اللي بيدور حوليا وايه اللي عايزة الشخص اللي قدامي ده… وطبعه ايه انا ياما شوفت كتير في حياتي….. واللي شفته ده يخليني اعيد النظر في كل حاجه ما اعملها… انا شايف الحب في عينكم…. بس متأخذنيش يعني هعمل بيه انا الحب وانت ممكن تعايير بنتي بعد كدا انها مش من مستواك
تميم بمقا*طعه: ياعمي…. افهمني انا مش بفكر لا بفلوس ولا كدا خالص…. انا بحب بنتك عشانها هي…. مش عشان هي مين ولا بنت مين….. ولا فارق معايا فلوس
يوسف بضحك خفيف: يبقي كدا انت مفهمتش قصدي.. اي يابني…. انا اقصد ان لما تيجي في مره.. تفكر ان كان جواك ليها ده مجرد اعجاب مش حب… وتوجع بنتي وتقولها انا بحب حد تاني… وانت ماشاءالله يعني لمؤخذه سمعتكم سبقاكوا …
ليحم*حم تميم هو وريان….. بتو*تر واحر*اج…..
تميم بأحر*اج لاول مره: ياعمي الكلام ده كان قبل ما احب بنت حضرتك…..
يوسف بمقا*طعه: سبني اخلص يابني كلامي بس الاول..
انا كل اللي اقصده من كلامي…. ان بناتي دول اهم حاجه في حياتي…. دول اللي حيلتي مقدرش اشوف دموعهم بتنزل في يوم…. ده لما امهم بتزعق فيهم بس انا بزعل معاها عشان بس زعقتلهم مبالك بقي انا…. اللي هسلمكوا بناتي بإيديا….. وترجعوا تخونوهم…. او تعايروهم بفرق المستوي اللي بينكم… او تتجوزو عليهم وانتوا بحكم عمالكم… وان ماشاء الله ربنا يزيدكم مش هيفرق معاكوا…. انا مستحيل اعرض بناتي لحاجه زي كدا….
تميم كان لسه هيتع*صب…. بس لحقه ريان….. هم*س ليه ريان بخو*فت وتر*جي…..
: وحيات امك يا شيخ…. ما تتعصب احنا بنلزق فيه….
وانت شايفه متمسك بالبنات ازاي…. استني… بس يتكتبوا علي اسمنا وساعتها….. ان شالله تقت*له بس نخلص من ده الاول…. وحيات عيالك ياشيخ…
تميم بن*فس الهم*س: طب اوعي كدا…. ده انت لازقه يا اخي…. يحصل بس اللي انا عايزة وساعتها متلومنيش
لو قومت قت*لته فعلا….!!!
ريان بتر*جي وموافقه: حاضر…. والله بس بهدوووووء..
تميم وهو بيحاول يعيد ضبط انفاسه…. وانه مايقومش يخنقه دلوقتي…. فهو فاهم انه بيحاول يعصبه….وانه بيتلكك علي اي حاجه ليهم عشان يلغي الجوازه دي…
بس علي مين ده انا تميم الاسيوطي…”الملك ” يعني متخلقش لسه اللي يقف قصادي….ويعاند معايا…
:ياعمي انا فاهم كل كلام حضرتك…..وانا بعشق بنتك مش بس بحبها….وكل اللي حضرتك بتقول عليه ده ملوش لازمه….لان انا مبعملش حاجه مش مقتنع بيها من الاول…..يعني انا لو مكنتش بحبها…انا كنت اتسليت معاها يومين بس وريان…اللي معروف عنه انه مش بيسيب بنت الا لو جاب رجلها….كان عمل كدا مع بنتك نور…. ووو….
ريان بصرا*خ ودفا*ع: وااااايييييه تاني….يا جاحد….الجوازه باظت يابن محمد….منك لله….طب انت مش طايقه بتدخلني انا ليه…..
ليضحكوا عليه جميعا……
تميم وهو يضر*به خلف راسه بمز*اح: اسكت بقي….متخفش انت في ايد امينه….
ريان: ااه ااه فعلا ايد امينه…..روح يا شيخ اللهي تتجوز البت دي….وتجوزني معاك…..الله يسترك…
تميم: خلاص انت هتشحت…اخرس بقي خليني اتكلم مع الراجل بقي….
ليقاطعه يوسف: قبل ما تتكلم انا حابب اقول حاجه كمان….
تميم بهم*س لم يسمعه الا ريان وابيه: اقسم بالله اقوم اقت*له…هو عايز مني ايه الراجل ده…انا لولا عايز البت والجوازه تمشي….لكنت قومت قت*لته دلوقتي….
يوسف بش*ك: انت بتقول حاجه يا تميم بيه….
تميم: احمم….لا اتفضل كنت عايز تقول ايه….
يوسف بم*كر: طب حبك ليها والماديات دي حليناها….فرق السن اللي بينكم ده اكيد حاجه….ولا ايه
انت عارف ان الفرق بينكم يجي خمستاشر سنه…..
لينصد*م ريان وتميم فهم….كان يعرفوا ان في فارق سن كبير بينهم بس مش للدرجه….وليكن هي اصبحت ملكي حتي لو تلاتين سنه….لن اسمح لاي احد بأخذها…
فهي كتبت لي فخلاص…
وكان ريان يفكر نفس تفكير تميم….ولم يسمح لاي احد ان ياخذ معشوقته منه….بعد ان جت ونورت له كل حياته….بعد ان كانت مظلمه…فهي نورتها له بضحكتها
ورقتها وخجلها…وقوتها وشراستها….ولن تصبح لاحد غير له…..
تميم بهدوء وهو ينظر لداليدا التي كانت تنظر له بنظرات يفهمها هو…كإنها تقوله انا معك وملكك…ولا يفرق معي هذا السن…فأنا احببتك….وانا اعلم هذا فارق السن….ولا يفرق طالما بيننا هذا العشق….
: طب مبدأيا كدا انا بالنسبالي فرق السن….انا مش شايف في حاجه….طالما انا بحب بنتك….ومش هزعلها في يوم يبقي كل حاجه تمام….ولو عايز تسألهم بعد ما نمشي…عشان تبقي متأكد اننا مش هنضغط عليهم
معنديش مانع…..
ليقاطعه محمد وهي ينظر لهاله بحب : علي فكره انا مش شايف ان فرق السن ده حاجه….ده مجرد رقم مكتوب وبس…اهم حاجه الحب التفاهم والمعامله تبقي عامله ازاي….اديني انا الفرق بيني وبين مراتي يجي حداشر سنه…وطول فتره جوازنا احنا متافهمين الحمدلله….وهي كانت حب عمري…..وعمرنا ما اتكلمنا عن فرق السن خالص…..
ريان بمر*ح: يسلام علي الحب يا حاج محمد….كنت فين من زمان….تحياتي لك يا رجل…..
محمد بغر*ور مص*طنع: بس يا ولد…انت هتقر عليا ولا ايه……
ليضحكوا جميعا….
ليقول يوسف: طب انا عن نفسي موافق….نشوف راي البنات بقي….
ريان بسر*عه واند*فاع: هما موافقين والله….
يوسف بش*ك ور*فعه حا*جب: نعااام….وانت عرفت منين…انتو مش قولتوا انكم شوفتوهم صدفه معايا….ولا انتوا بتضحكوا عليا….
لتنظر كل من داليدا….ونور الي بعضهم بتو*تر….
ليلح*قه تميم سر*يعا: لا هو مش قصده كدا…..ده لما احنا شايفينهم ساكتين….وانتوا دايما بتقولوا ان السكوت علامة الرضا…فهو عرف من كدا….مش كدا ولا ايه يا حيوان انت…الله يخربيتك….
ريان سر*يعا: ايوة….ايوة طبعا كنت اقصد كدا…..نقراء الفاتحه بقي….. ووو…
يوسف بضحكه عليه وفرحه….فهو راي في اعينهم عشقهم لبناته….
: يابني اصبر مستعجل علي ايه…..مش ناخد رأي البنات الاول…..
ريان وهو موجهه كلامه لداليدا ونور….
: وافقوا يلا….بدل ما يغير رأيوا تاني….انا مصدقت وافق…..
ليضحكوا عليه جميعا…..
ليقرأو الفاتحه…..وكل عاشق ينظر الي معشوقته بفرحه…. ليتفا*جئو بخبط علي الباب…..
وكان يدلف حارس تميم ومعه الماذون….لينصدم الجميع بما فيهم داليدا ونور…..
يوسف بصد*مه: المأذون بيعمل ايه هنا….احنا قولنا قراية فاتحه بس….
تميم بسما*جه: لا ياعمي وكتب كتاب كمان….انا عايز اخد راحتي مع بنتك….
يوسف بش*ك وعص*بيه: تاخد راحتك ازاي يعني….
تميم بنفس السماجه: قصدي في الطلوع والدخول يعني وخروج مع بعض….ولا انت عايز الناس تقول حاجه علي بنتك…..
يفكر يوسف قليلا….لعلم انه معه كل الحق…..
ليقول علي مض*ض: موافق….
