الفصل الثانى والثلاثون والثالث والثلاثون من رواية شمس تتحدى بقلمي عبير سليم حصريه وجديده 

ياخذون منه المفتاح ويرمونه خارج البيت
عمر:حنعمل إيه دلوقتي
منعم :الجماعه دول مينفعش يعيشوا هنا لازم يمشوا من هنا
عمر :ازاي الكلام ده يعنى يسيبوا بيتهم
ماهر:منعم بيتكلم صح فتحي لسانه طويل ومش حيسكت وحيلسن على ام زياد فى كل مكان وممكن يقول كلام وحش عليها وده يخللي الناس تطمع فيها وكمان انا خايف يتهم ام زياد ومراته باى تهمه.

عمر:البلد فيها قانون
منعم :قانون ايه صللي عالنبي ده مصاحب امناء شرطه ليهم كلمه اكتر من الظباط نفسهم بص يااستاذ انا اختى قادر احميها منه ومن شره لكن الغلبانه دى هى وجوزها مين حيحميهم منه

عمر :انا اللى عاوز افهمه انت ازاي عارف ده كله وجوزته لاختك
منعم:مكناش نعرفه ولما جه واتقدم رحت سالت عنه الحيران قالوا كويس قلنا خلاص تمام نتوكل على الله وبعد مااتجوزوا وهى بقت تشتكى منه حنقول ايه اتكلمنا معاه مفيش فايده قلنالها نعيش عشان خاطر البنت لكن لحد كده وخلاص مكنش ينفع نصبر عليه

امل وهى تبكي:طب وبعدين حروح فين انا وجوزي وابنى وحقول لجوزي نمشي ليه ده الدكتور قال ممنوع عليه الزعل والا ممكن يحصلله حاجه

منعم :وعشان السبب ده كمان لازم تاخدي جوزك وتمشي والا حتلاقى سيرتك على كل لسان والكلام حيوصل لجوزك
لازم تبعدوا وتروحوا اى مكان بعيد عنه وهو شويه وبتلهي فى اى حاجه وينسى

عمر :ايوة بس احنامحتاجين ندبر مكان الأول
شمس :المكان موجود
امل :فين ده
شمس :الشقه اللى جمبنا
عمر :اللى جمب خالتك قصدك

شمس :ايوة الشقه دى كانت بتاعة شاب الله يرحمه ابوه اشترهاله ووضبهاله وكان خاطب وقبل فرحه بيوم واحد مات فجأة
العروسه جت اخدت حاجتها والشقه اتقفلت الكلام ده من ييجي سنه كده وابوه اتقهر عليه المهم يعنى هو زعل اوى لما لقى خطيبة ابنه اتجوزت بعديها على طول الراجل جتله جلطه وبقى بيتكلم بالعافيه

من اسبوعين كده سالنى لو اعرف حد معندوش مكان يعيش فيه عشان يديله الشقه وتبقى صدقه على روح ابنه وانا طبعا مكنتش اعرف حد قلتله حشوف الظاهر كده انها حتبقى من نصيبكم انتم وتبقوا جمب خالتى وتاخدى بالك منها بعد مااتجوز

وعلى فكرة بعد عمارتنا بعمارتين فى مركز علاج طبيعى كويس يعني كده حتبقى كل حاجه تمام

أمل :ايوة بس انا حقول لوليد ايه حنسيب بيتنا ليه
عمر :حنقولله ان الشقه عندكم مفيهاش هوا ومش صحيه ودى هدية ماربنا قومك بالسلامه

بصي ملكيش دعوة انا حتصرف المهم اتاكديلنا ياشمس ان الشقه موجوده وحتى لو ماكنش ليهم نصيب فيها من بكرة تكون الشقه الجديده جاهزة

امل :بس كده كتيرعلينا اوى
عمر :اللى عند ربنا مبيروحش ياام زياد

منعم:ربنا يبارك فى امثالكم يارب انا حقوم اجيب عربيه وننقل العفش بتاع اختى

الله يخليكم تفضلوا بس هنا معاهم لحد ماننقل حاجتنا
حبيبه :حتوحشينى ياامل منه لله اللى فرقنا عن بعض
شمس :ليه ياحبيبتى احنا عمارتنا متوهش تعاليلها واقعدوا سوا

حبيله:اكيد طبعا دى امل غاليه علية اوى وزياد حبيبي حيوحشنى
أمل :ربنا يجازي اللى كان السبب
💖💖💖💖💖💖💖💖💖💖💖
تمر أيام وأيام سعيده على البعض وحزينه على البعض الآخر
يحاول كل قلب ان يجمع شتات قلبه يحاول كل حبيب ان ينعم باحضان احبابه يحاول كل قلب خال ان ينعش قلبه بحب يملؤه ويجعله يدق بكل حب

يخرج وليد من المستشفى ويبدأ فى تلقي جلسات العلاج الطبيعى وتتحسن حالته ويطيب لهم العيش فى السكن الجديد الذى جعلهم مقربين من شمس وخالتها

خالتها التى سعدت بهم كثيرا واعتبرتهم مثل ابنائها فكثيرا ماكانت تجلس معها امل وكانت سناء تلعب مع صغيرها الذى احبته وتعلق قلبها به

احست امل تجاهها بالعاطفه والحب الذي حرمت منهم شعرت وكانها امها التى حرمت منها منذ صغرها
ولم يتحدث احد امام وليد فيما حدث حتى لا تتاثر حالته الصحيه

بينما حبيبه قد استقرت فى بيت امهاولقد غمرها الكل هى وابنتها بالحب والحنان فكفاها ماتحملته من العيش مع ذاك الذي انعدمت منه المشاعر
ولكنها لم تنس صديقتها فكثيرا ماكانت تتصل بها لتعرف اخبارها وتطمئن عليها

اما عمر وشمس فلقد اصبحاعاشقين جمع بينهما القدر كل يوم يكبر حبهما اكثر واكثر تزداد ثقة شمس فيرتاح قلبها وتشعر بالرضا ترفع يديها للسماء لتشكر ربها على تلك النعمه التى انعم بها عليها

يجلس عمر وشمس يتحدثان سويا:شموستى
شمس :ياروح شموستك
عمر:يالهوي ياناس بكرة ان شاء الله حننزل نشتري الموبيليا
شمس :تمام ياقلبي
عمر:موني
ايمان :عاوز ايه من زفته
عمر:ياما مالها دى بقولك حتجي معانا واحنابنختار الموبيليا
ايمان :……………..
عمر :مالك يابتى
شمس :مونتى مالك ياقلبي فى ايه
ايمان وهى تهب واقفه :انا بقى اللى لازم افهم فى ايه بالظبط
وتخرج من المكتب
عمر:انتى فاهمه حاجه
شمس :لاء بس ايمان مبتعملش كده الا اذا كانت ناويه على مصيبه
عمر:ربنا يقويك يا يزيد يااخويا على المصيبه اللى داخله عليك
تفتح الباب :انا عاوزة افهم فى ايه بالظبط اه مانامش مركبه اريال
يزيد :سلام قول من رب رحيم فى ايه يابنتى مالك
إيمان :انا عاوزة اعرف انا وظيفتي ايه هنا بالظبط
يزيد :ست الكل طبعا
إيمان :قصدك خدامة الكل يابشمهندس
يزيد:لا ده احنا زعلانين بجد بقى مالك يامونتى فى ايه
إيمان :فى انى تعبت حرام عليكم انتوا ليه بتعملوا فية كده هو انا لقيطه مليش أهل
فينك ياحسن يا حبيبي تيجى تشوف اللي بيحصللي

يزيد :ياسلام بقى سي حسن ده حيخاف عليكى اكتر مننا
إيمان :انا المفروض بشتغل حاجه بقيت بشتغل عشر حاجات هو فى ايه الرحمه ياناس ده انا ناقص امسح بلاط الشركة والسلالم حرام عليكم ده انا خسيت النص

يزيد :خسيتى ايه بس ده انتى بطه اهوه
إيمان :بطه مكسحه

يزيد :طب اقعدي بس وروقى كده يابطتى وفهمينى بالراحه مالك فى ايه يخرببيتك
ايمان :استغفر الله العظيم ياربي اطلبلي كابتشينو يروق دمي

يزيد :هو مش المفروض الليمون هو اللي بيروق الدم
إيمان :انا عاوزة كابتشينو واللا خسارة فية

يزيد :منى الحقينى والنبي احسن البت ايمان مهيبرة عالاخر وحاسس انها جايبه مصيبه وجايالى

منى:ههههههههه انا اول مرة اسمع صوتها ومسمعش صوتك ههههههههه وربنا انتوا شركه ملهاش حل

يزيد :شركه وهى دى بقت شركه الله يخليكى الهانم عاوزة كابتشينو خللى الساعي يجيبه بسرعه

منى:ههههههه حاضر واحنا لينا بركه غير موني ههههههه
يزيد :روقتي

إيمان :وهو اللي يشتغل معاكم يشوف روقان طب عمر وشمس كل شويه رميين لية شغلهم وبقول معلش عرسان حقهم بيخلصوا حاجتهم كلها كام يوم ونخلص منهم

لكن البنى ادم اللى اسمه سيف ده واللى طلعلي فى البخت ذنبي ايه انا كل يوم والتانى يرميلي شغله ويمشي هو انا خدامة اهله

يزيد :يعنى ايه يرميلك شغله ويمشي ليه ان شاء الله
ايمان :قال ايه بيروح الجيم جيم ايه ابو جيم ده أن شاء الله هاه

انا عاوزة افهم شركه دى واللا طابونه جيم ياحلاوته ليه فاكر نفسه محمد كلاي ده انا لو نفخت فيه حطيره

وبعدين هو الزفت الجيم ده مش بيفتح بالليل ليه كل يوم والتانى يجيلي بعد الضهر ومعلش ياايمان معاد الجيم
ياايمان جيم فى عينه بص انا مستحملاه وساكته بس ودينى لو مااتلم واتلقح وشاف شغله ماحيحصلله كويس كنت ناقصاه ده كمان

يزيد :يعنى هو ده الموضوع اللى معصبك
ايمان :انت شايف انه ميعصبش
. يزيد :معليش يا مونتى اخواتك وبيدلعوا عليكى
إيمان :اه قول كده بقى
تدخل منى:خدي ياموني روقي ياقلبي
إيمان :انا كان قلبي حاسس ان موضوع الجيم ده انت على علم بيه ومقرطسني
يزيد :يابنتى اهدي بس

إيمان :لا وربنا ماحهدى غير لما افهم والا ودينى علية وعلى اعدائي ويبقى يورينى ازاي حيروح الجيم ابو جيم ده

يزيد :طب اهدي كده وانا حفهمك بس بينى وبينك يامونتى شمس :انا قلقانه ياعمر على ايمان مش عارفه مالها
عمر :متقلقيش مادامت عند يزيد يبقى حترجع وهى مبتسمه وحتشوفي

بالداخل ايمان:ههههههه ههههههه
يزيد :شفتي بقى انتى كنتى ظالماه ازاى

إيمان :شفت ايه ونيلت ايه شركه دى واللا مدرسة الحب لا وربنا انتوا عاوزين تشيللونى اه حرام عليكم انا داخله دنيا وانتوا حتطلعونى منها بدري بدري

يزيد :ليه بس يامونى
ايمان :ليه يعنى مش عارف الاول موال عمر وشمس والحمد لله ربنا كرمنا وعدت على خير دلوقتى بقى جه دور سيف وعهد ياحلاوة شوف ازاي وكل ده على دماغك ياايمان وايمان زى الهبله مش كده

ده انت بتنشف ريقي لما اطلب اجازة يومين

لكن لما سي سيف كل شويه يسيب شغله عشان يروح يحب يبقى حلو وتمام مش كده لا بقى اللى بيحصل ده مينفعش وكتير اوى بس تصدق بالله انا اللى استاهل واستاهل اكتر من كده كمان عشان فضلت اقول حاضر حاضر لحد ماالكل ركب ودلدل رجليه

يزيد :ايمان مالك ياايمان انا بجد مكنتش اعرف انه مزود الحمل عليكى اوى كده حقك علية انا انا والله كنت فاكره بيروح بعد مايخلص شغله وانه لو سابلك حاجه يبقى بطيب خاطر منك لكن لو الموضوع كده خلاص ياحبيبتى من بكرة يقعد يخلص شغله ويمشي فى المواعيد الرسميه كمان لكن انتى لاء الا زعلك

ايمان :ماهو لما يبقى مرة اقول ماشي معلش نعديها لكن لما يبقى كل شويه يبقى حرام انا بنى ادمه بردو بتعب والله بتعب انا مبرضاش اتكلم عشان مزعلكش منى لكن فى الاول والاخر انا انسانه

يزيد :طب اهدي عشان خاطري انا
إيمان :خاطرك غالي علية اوى وانت عارف

يزيد :خلاص من بكرة سيف مش حيتحرك من مكانه ويروح مكان مايروح بعد شغله المهم مونتى متزعلش ابدا ولا اشوف دموعك دى انتى فاهمه
💖💖💖💖💖💖💖💖💖💖💖

يجلسون جميعهم فى احد الكافيهات والضحكات تنبعث من قلوبهم
البهجه والسعاده ترتسم على وجوههم وخاصة حنين تلك الفتاه التى لم تعرف طعم الاحتواء من قبل لم يشعر أحد بها سوى جدتها وصديقتها الوحيده تدفن نفسها فى ممارسة الرياضة للتخلص من اية افكار قد تخطر ببالها
تقوم حنين من مكانها
سامر :رايحه فين ياحنين
حنين :حروح التويلت بس وجايه
سامر :ماشي
سيف :ايه رايكم بقى نعمل الخروجه دى بعد كل جيم
عهد :اه بس كده اللى بنعمله فى الجيم حيروح هنا ده انا لسه اكله بيتزايه لوحدي
سيف :بقولك ايه انتى فكل حالاتك قمر وبعدين احنا بنروح الجيم ترفيه مش اكتر
عهد:ميرسي ياسيف
بينما كانت اعين سامر على حنين حيث لاحظ احد الشباب يمشي وراءها
تخرج حنين من التويلت فتجد شخص ما امامها:بقولك ايه يامزه ايه رايك تسيبك من اللى انتى قاعده معاهم وتيجي معايا

حنين :انت مجنون واللا ايه
ينتفض سامر من مكانه لاحساسه بان هناك خطب ما يقترب منهم فيسمعها تقول :احترم نفسك وابعد عنى بدل وربي مانادي خطيبي ييجى يقت*لك
الشاب :خطيبك علية انا بردو

سامر وهو يلكمه فى وجهه:اه خطيبها مش عاجبك واللا ايه
ويكيل له الضربات يجري عليه سيف ويتجمع كل من بالمكان ويسبونه بالشتائم ويفكون الاشتباك

يسحبها من يديها ويخرج خارج المكان نهائيا يتبعه سبف وعهد
سيف :فى ايه يابنى ادم انت متستنى
حنين :ايدي ياسامر بالراحه