نضت قيس 6 تاع صباح انا لولة باه نجمت نوقف بلكشفة كان مزال غارق فرقاده دعيت عليه ونضت حليت خزنة وخبطتها ناض مخطوف خزر فيااا وعاود دور راسه ورقد جبدت واش نلبس وديت سوالحي معايا وخرجت من بيت فت لدوش خايفة غير ينوض شي حد دخلت لدوش انا شفت روحي كي وليت شعري بغيت نطردقه ليطراس باااينين محال يكونو تاع بنادم وفي بلايص ماعنديش كي نخبيهم واش ندير دروك دعيت من قلبي داك نهار خليت لما يدفى شوية ودخلت فت لتولاات يااا ربي وعلى داك الحريق لي حسيت بيه درت يدي في فمي وبديت نعيط بشوية بدا يتنحى حسيت روحي شوية مليحة دخلت فلما كان دافي حسيت عظامي شوية رتخفو غسلت روحي ونوضت لبست داخل فدوش وخرجت تلاقيت بخته لي مشي متزوجة عينيها راحو ديراكت لرقبتي صباح الخير . خزرت فيااا راهم عاجبينك واقيلة ستري روحك كون يما لي شافتك بدي حالة ولا بابا تهدر وتشوف فيا بوحدة طريق وتعيط … شفت فيها من فوق لتحت.. جابلي ربي مك ما رفدتش يدها لسما وطحتي عليهم نتي وراكي فاهمتني على واش نحكي مكانش لي راه نايض ماتجيش نتي توريلي العيب والحشمة وراه صباح ماتوقعتش نرد عليها هاك خليتها وفت دخلت للبيت لقيته مزاله تقول هو لي دخلو عليه مشي انا حرم عليا رقاد روحت قعدت وجبدت مكياجي بديت نغطي فزبل لي دارهلي بصح بقى باين باين مشي غير فرقبتي حتى قريب وجهي دورت شفت فيه… تفوووو عليك. خلعني كي نطق… اقسم بالله ونوض نوريلك… خلعني كي نطق وين شافني دا حتى شفت مرايا لي حاطها فلقنت كان يشوف فيا تسمى عاود دار لجيهتي بعد الغطى و وسقم روحه قعد قابلني وقعد يشوف فياا من بعد مسح على وجهه وناض وقف خرج واقيلة غسل وجا جبد تلفونه قعد يشوف فيه من بعد لبس قشه كي جا خارج دار عندي.. وصلك جوابك صاي شفتي راجل يامس… كي تفكرت ضرتني كرشي…. ماتشبع ماتقنع واقيلة حساب ليك رجولية في داك شي ماتضحكنيش على صباح حمبووك دزاير قاع رجال طول وعرض بصح مشي قاع رجال … كان جايني مزيا مزيا لي ربي سترني وشيخي عيط عليه من برااا…. صبري راني موليلك صبري راح خرج وانت نندب على زهري شا درت فعمري ني معوقة وين بغا يزيدني مالقيت كي نخرج دروك بحالتي هاك.. طولت فلبيت وهو مارجعش حتى ططب لباب لقيتها ليلى دخلي… صباح النور عروستنا. صبحت عليها … سمحيلي والله بصح كي شفتك مابنتيش قلت كاش مابيك .. لا لا حمدالله.. ايييه وماالا علاه ماخرجتيش.. كنت خارجة شفت فيا وضحكت … امممم باينة مكان واالو غيرتيني توحشت راجلي.. علاه وينه.. جدارمي وباقيله 9ايام باه يجي… ماعليش ريحي منه شوية . هااا حي علاه وينتا ني نشوفه هياا معايا تتقهوي هياا… شفت فيها … كي ندير صحا راهم باينين بزااف. شافت فياا. عادي رانا غير حنا ماما داها عادل يماها شوية مرضت ماتجيش دروك وبابا مايدخلش دروك قاع. رانا نسا فنسا قاع هاك وحشمت… بصح خرجت معاها تقهويت مروة مسكينة في وجها تبان نية وناس ملااح غير تضحك فطابلة ناضت ختها نسيمة لي مشي متزوجة باغيا تجبد لهدرة معايا بصح قلعتلها ختها علاه خلعتني كي تهدر فيها نورمال.. قاتلي غير دخلها وسواس تاع زواج والغيرة … بصح مكتوب ربي دا انا نعرف وحدة قريب 46 سنة وتزوجت وربي رزقها ب طفل وطفلة وراجل ماشاء الله عليه يهدر غير بيها ربي كبير ويعرف خير منا ماتجهلش هاك .. خلينا منها ديك من بكري غيارة ومقعدة وقاع يعرفوها مو مشاكل
13
