اطلبلنا عصير برتقال ياسالى وتفضالى انتى
سالى برسميه . تمام يافندم وسبتهم وخرجت
ناديه بغضب . ممكن افهم ايه المناظر اللى مشغلها عندك دى
فايز باستغراب. مناظر إيه ياناديه مش فاهم
ناديه وبتحاول تتحكم فى غضبها. السكرتيرة اللى انت جيبها
انت مش شايف لبسها وكانت مقربه منك ازاى
فايز بضحك. انتي بتغيري عليا ولا ايه يا نونا
ناديه بعصبية. فايز متعصبنيش البنت دي تمشيها من هنا
فايز بضيق وهو بيتجه للمكتبه علشان يقعد . البنت دي بتشتغل معايا بقالها فتره يا ناديه ومريحاني مش هينفع اغيرها من غير سبب
ناديه بغضب . ومريحاك ازاي بقه أن شاء الله علشان بتتلزق فيك ولا علشان لبسها المحزق دى مش لبسه ياراجل ده
مش سبب
فايز بضيق . وانا مالى بلبسها يا ناديه انتى جايه تقولى
شكال للبيع
ناديه بغضب وصدمه . انا بعمل شكل للبيع اني لقيها لزقه في جوزي بص يا فايز علشان نقصر في الكلام يا انا يا البت دي يا تمشيها يا هامشي أنا
فايز بغضب . ايه اللي انتي بتقولي ده لا انتى اتجنينتى على
الاخر انتي بتقرنى نفسك بالسكرتيرة اعقلى وبطلى جنان
احنا كبرنا على الكلام ده
ناديه بغضب. يعني هتختار مين فينا أنا ولا هي
فايز حاول يتحكم في نفسه وراح عندها وقال. يا حبيبتي مايصحش اللي بتعملي ده ده شغل انا كده شغلي هيقف عقبال ما اشوف سكرتيره تانيه استني عليا شويه طيب مش هينفع امشيها
ناديه بغضب . يعني اخترتها هي ماشي يا فايز اوعي كده
وزقته
ومشيت وهو بيحاول يوقفها بس معرفش لقى الموظفين وقفين بيتفرجوا عليه قال بغضب وبصراخ. واقفين بتتفرجوا علي ايه كله علي شغلوا يلا
وراح علي مكتبه أما عن ناديه ف لمت هدومها وراحت علي فيله ياسين
أما عند سيلا ف كانت بتتكلم مع رامى فى شقته . يا حبيبي أنا لسه معرفش حاجه عن اوراق الصفقة الجديدة
رامى بضيق. ايوه أمتي لازم في اسرع وقت انتي عارفه علشان منخصرش البضاعة لزم تتوزع فى اقرب وقت
سيلا بتوتر . خلاص يارامى هشوف هبقى اتصل بسالى
وسألها لو عرفت حاجه جديده تخص الصفقة أنا همش
دلوقتي على شان متأخر على ياسين ويشك وهو من ساعه
اللى حصل والصورة اللى بعتهاله للكائن اللى اتجوزها
وهو مش طايق نفسه
رامى . شكله بيحبها
سيلا بغضب قامت وقفت . انت بتقول ايه لا طبعاً مستحيل
رامى بغيظ . وانتى إيه اللى مضيقك وقرب منها ومسكها
من اديها متنسيش ياحلوه انك بتاعتى أنى مستحمل وجودك مع الباشا على شان المصلحة وبس وفترة وهنخلص منه
ياعنى ياسين بح
بعد شويه كان الكل متجمع ضي بابتسامة. منورانا يا ماما
ناديه بابتسامة. ده بنورك يا حبيبتي معلش هتقل عليكم اليومين دول
ضي . تقل ايه بس يا ماما اللي بتقولي عليه ده بيتك انتي وحشاني جدا والله أنا فرحت انك جيتي نورتينا
ناديه بابتسامة. حبيبتي ده نورك يابنتى
ياسين. بس حضرتك كبرتي الموضوع اوي بابا عمل ايه لكل ده
ناديه بضيق وهي بتوجه الكلام لضي. اهو شوفتي ديما يسمع منه وميسمعش مني انا ويقول إن هو اللي علي حق
ياسين . يا امي بابا اتصل بيه لما عرف انك سيبتى ليه الفيلا واللي حصل مكانش يستهل انك تسيبي له البيت
ناديه بغيظ . طب أشهدك انتي يا ضي لو اللي حصل معايا حصل معاكي هتقبلي انك تشوفي واحده غريبه بتتلزق في جوزك كده
ضي وهي بتبص علي ياسين . لا طبعاً ياماما دانا كنت نتفت لها شعرها وخزقت لها عينيها اللي تبص على واحد متجوز
وبعدين يعني انا اعرف واحد بيحكم من غير ما يسمع
ياسين بغيظ . اكيد يعني بيبقى في دليل ما حدش بيحكم
على حد من غير ما يتاكد
ضى بحده . مش كل اللي بتشوفه بيبقى حقيقه يا استاذ ياسين
ياسين . ولحد ما يتأكد هتكون فى وضع الاتهام
ضى بغيظ بغضب مكتوم . ولو طلع ظلمها هى مستحيل هتسمحه
ناديه حست أن فى حاجه ما بينهم . اهدو ياولاد هو فى حاجة مزعلاكم أنتم كويسن
ضى بتوتر . ابدا ياماما احنا بس بتلقينا بناكش فى بعض
على طول أنا هقوم أشوف الداد جهزت العشا ولا لسه
عن أذنك ياماما وقامت وسبتها
وعند محمود كان واقف فى بلكونه الاوضه بتاعته وبيتكلم
مع دينا فى التليفون دخلت عليه روقيه وسمعته بتكلم
معاها الغضب اتملك منها
روقيه بغضب . انت بتكلم مع مين يا محمود احنا مش قولنا
متتكلمش مع البنت دى تانى
حس محمود بالاحراج وقفل مع دينا ووجه كلامه لامه بضيق . ينفع يعنى تحرجينى وانا بكلامها
روقيه بغضب وبزعيق . أيوه ينفع على شان نبهت عليك
انك تقطع علاقتك بيها وانت برده بتكلمها مش كفايا اللى
حصلك بسببها
محمود بضيق . لو سمحتى يا أمى أنا مش صغير على شان
تقوليلي اكلم مع مين
روقيه محستش غير لما نزلت بالقلم على وجه محمود بسبب
رده وفى نفس الوقت كان داخل محمد من باب الشقه وسمع
خنقهم دخل غرفة محمود وشاف روقيه بتضـ,ـربه بالقلم
محمد 😳 بصدمه . روقيه
بصت ورقيه ليهم واخد بعضها وخرجت من الاوضه
قرب محمد من محمود . ايه اللى وصل امك تمد أيديها عليك
يا محمود
محمود بحزن . أنا مش عارف هى سمعتنى بتكلم مع دينا واحرجتنى وانا بتكلم مع دينا وبتقولى اقطق علاقتى بيها
محمد . طيب يا محمود ادخل ذاكر وانا هتكلم مع امك
وهيبقى لينا كلام تانى مع بعض وسابه وراح عند زوجته
لقها قاعده على السرير ومدياله ضهرها
قرب منها محمد وقاعد جنبها. ينفع اللى عملتيه ده ياروقيه
تمدى ايدك على محمود هو ما بقاش صغير على شان تضـ,ـربيه
روقيه بعياط. انا خايفه علي ابني يا محمود هو مش من حقي اخاف عليه ده انا ام يا محمود البنت دي هضيع ابني مره كان في المستشفى والمره التانيه اتخطف ودورنا عليه في الأقسام بسببها أنا كل اللي عايزه أنها تبعد عننا وبس
محمد وهو متفهم حالتها. انا فاهمك يا حبيبتي بس مهما كان محمود كبر يعني مش صغير وبعدين اللي حصل مع ابننا ده قضاء وقدر يعني مش هنعترض عليه احنا ماينفعش نعترض علي حكمه ربنا ولا ايه
روقيه. ونعمه بالله بس برضو لازم ناخد حذرنا ربنا مقالش نرمي نفسنا في النار يعني ونقول ده قضاء وقدر
محمد بتنهيده . انا فاهمك يا روقيه بس ده برضو ماكنش ذنب البنت واكيد يعني ماينفعش يقطع علاقتها بيها ويقول اصل امي خايفه عليا
روقيه. انت بتتيرق عليا يا محمد
محمد. يا حبيبتي مقدرش أنا بتكلم في فكره تانيه طب اقولك سيبك من الموضوع ده كله نتكلم في بعدين انا جاي من شغل تعبان وجعان يا ام محمود
روقيه انتفضت. يا نهار ابيض نسيت يا ابو محمود حقك عليا حالا العشاء هيكون جاهز وراحت تجهز العشاه وهو ابتسم عليها اد ايه حبهم قوي حتي بعد ماخلفوا وعاشوا السنين دي كلها
في فيلا السيوفي رجعت سيلا الفيلا ودخلت لقت ناديه وضى قاعدين مع بعض استغربت وقربت منهم
سيلا . مساء الخير ازيك يا طنط عمله ايه وعمو فايز عامل
ايه
ناديه بضيق. كويسين وبصت علي ضي لقتيها قاعده ومش مهتمه
دخل ياسين عليهم قربت منه سيلا وحـ,ـضنته . حبيبي عامل ايه وحشتني
ياسين بابتسامة بدلها الحـ,ـضن . وانت كمان يا حبي
كل ده وناديه قاعده متغاظه من سيلا ولكن اللي غيظها اكتر هو سكوت ضي قربت منها وهمستلها وقالت. ايه يا بت البرود اللي انتي فيه ده سيبها بتتدلع عليه وانتي قاعده عادى
ضي باستغراب. يعني عايزاني اعمل ايه يا ماما ما هى مراته
برده
ناديه بغيظ . متعمليش حاجه أنا اللي هعمل ووجهت نظرها لياسين وسيلا وقالت بصوت عالي . صحيح انتى كنتى فين للوقت ده ياسيلا مش شايفه ان الوقت اتاخر
ورجعت وجهت كلامها لي ياسين . ولا انت بتسمح لمراتك ترجع البيت الوقت المتاخر ده عادى
بصى ياسين لسيلا و ……..
الفصل الثاني والعشرين
روايه عصيان أنثي
( ضي وياسين )
بقلم حنان ماهر
ياسين وجه نظره لسيلا وستنى منها رد
سيلا بتوتر . ابدا ياطنط أنا كنت فى النادى مع اصحابى
وبعدين لفينا فى المحلات والوقت سرقنى
ناديه بتريقه . يعنى مش شايفاكى اشتريتى حاجه
سيلا بتوتر وحست انها اتحسرت فى الكلام . ها يعنى اصل
ملقتش حاجه مناسبة
ناديه بستخفاف. غريبه يعنى مش طبعك انتى بتشترى مجرد
انك تشترى
كل ده تحت أنظار ضي و ياسين اللى ماكلمش
ياسين . خلاص ياسيلا اتفضلي انتى اسبقينى على اوضيتنا
طلعت سيلا واستأذن ياسين من ولدته وطلع على غرفته
اما ناديه بصت لضي وكانت متغاظه أنها معرفتش تتسبب
لمشكله لسيلا أما ضي سألت نفسها هو للدرجه دى واثق
فيها انها ترجع البيت متأخر عادى لكن أنا يعملى محكمه
ويحكم عليه من غير ما يسمعنى حتى ما هو عنده خيار وفقوس
استأذنت ضى من ناديه وطلعت على غرفتها
وعند ياسين وسيلا اول ما ياسين دخل الاوضه قال. كنتي فين يا سيلا
سيلا بتوتر. ما أنا قولت تحت يا حبيبي انت مش مصدقني ولا ايه
ياسين بهدوء. سؤالي واضح كنتي فين
سيلا بتوتر ويتقرب منه ومسكت باقه قميصه بدلع وتمثيل الحزن . انت بتشك فيا يا ياسين معقول يعني طنط نجحت في أنها تتسبب فى مشكله ما بينا
صح أنا
مكملتش جملتها ولقت ياسين بيبعد اديها عنه وبيزعق. انا قولت سؤالي واضح كنتي فين جاوبي عليااا قال اخر جملته بزعيق
سيلا خافت منه لأنه ولأول مرة يتعصب عليها بطريقه دي قالت وهى بتمثل العياط . انا زي ما قولت تحت كنت في النادي مع صحابي وانا مبكدبش
ياسين قرب عليها بطريقه تخوف وقال بهدوء . تمام ياسيلا
اول وأخر مره ترجعى متأخر أظن كلامى واضح وسبها وخرج
سيلا حولت توقفه وبتنادى عليه
بس ياسين ولا كأنه سماعها قفل الباب وبيلف علشان يروح
على غرفة ضي لقه مامته في وشه ابتسمت ناديه وقالت.
ايه ياحبيبى رايح فين انت كويس
ياسين قرب من أمه ومسك اديها وباسها وقال. اطمنى ياحبيبتي أنا بخير أنا هبات مع ضي النهارده يلا انتي كمان روحي علشان ترتاحي اكيد انهارده كان يوم متعب بالنسبة لك
ناديه ابسمت له وقالت. ادخل انت علي اوضتك ولما اطمن عليك هدخل انام وطبطبت على كتفه
ياسين باس ايدها مره تاني ورفع رأسه باس جبينها واتجه ناحيه غرفته هو ضي فتح الباب وقبل ما يغلقه قال. تصبحي علي خير يا امي عن اذنك
ناديه قالت بابتسامة. وانت من اهل الخير يا حبيبي دخل
ياسين الاوضه وقفل الباب
بصت ناديه علي الباب وقالت. ربنا يسعدك ويريح قلبك يارب ياحبيبي ويبعد عنك العقربه التانيه ويزحها من حياتك يا قادر يا كريم واتجهت ناحيه غرفتها علشان ترتاح من اللي عانته في يومها
أما في غرفه ضي كانت لسه خرجه من الحمام ولفه المنشفة
حولين جسمها شافت ياسين داخل عليها شهقت من الخضه
ماكنتش متوقعة وجوده فى الوقت ده
شفها ياسين اتسمر مكانه كان جملها يسحر بلع ريقه بصعوبة
ضي بتوتر وغضب . انت إيه اللى جابك هنا
ياسين بيقرب منها وبيحاول يمسكها. نعم هو ممنوع ادخل الاوضه بتاعتى
ضي وهى بتاخد هدومها من على السرير بسرعه وبتحاول تهرب منه وبتجرى على الحمام . لا يا باشا كل الغرف متاحه تتدخل فيها برحمتك 😂 ودخلت الحمام وقفلت عليها
وقفت وراء الباب
وحتط أيديها على قلبها وقالت لنفسها
ايه أهدى كده هو انتى طبيتى ولا ايه وبعدين مش ده اللى
تحبيه ده واحد مغرور واهانك من اول يوم وذلك
فى الخارج ضحك عليها ياسين بداء فى تغير هدومه
شويه وخرجت ضي وهى فى قمة توترها
بص عليها ياسين وحاسس بانجذاب نحيتها . إيه مش هتنامى
ضي بحده . اكيد طبعا وراحت تاخد مخده من على السرير
ولحاف ورايحه اتجاه الكنبه
ياسين بغيظ . وده ايه إن شاء الله انتى هتنامى على الكنبة
ضي وهى بتربع اديها . لا ياحبيبي انت اللى هتنام على الكنبه
مش انا
ياسين . ومين قالك انى هعمل كده
ضي بغضب . تمام أنا اللى هنام عليها يا رب تكون مبسوط
قرب عليها ياسين ومسكها من اديها . اعقالى ياضي وتعالى
نامى على السرير
ضي بعصبيه وغضب زقت اديها. ابعد عنى لو سمحت ايه
مش أنه انسانه مش كويسه وانتى مش واثق فيه
ياسين بغضب مماثل . عايزانى اعمل ايه لما ألقى مراتى
