رواية اوقعتني في عشقها البارت الاول والثاني والثالث والرابع والخامس بقلم فاتن جمال حصريه وجديده
زمرد : يعني اي يا ماما كتب كتابي بكرا
ساميه : زي ما سمعتي بكرا كتب كتابك
زمرد : يا ماما حرام هو في جواز كدا
ساميه : ابوكي قال إن فرحك كتب كتابك بكرا علي ولد عمك كامل
زمرد : بس انا عمري ما شفته وكمان مش بحبه
ساميه : زمرد شكل عيشة مصر خليتك تنسى عوادينا فوقي يا بت بطني احنا صعايده
زمرد : يا ماما احنا بقالنا سنين عايشين في القاهره وبعدين انا نسيت أن لينا أهل في الصعيد
ساميه : وجه الوقت تعرفي اهلك وياله ادخلي جو واعملي حسابك مفيش كليه بكرا
زمرد : لا مستحيل انا بكرا عندي امتحان
ساميه : ابوكي قال مفيش خروج عمك ووالده هنا في القاهره وهيجوا بدري بكرا
زمرد : يا ماما والنبي الامتحان الساعه ٨ اكيد محدش هيجي لحد الساعه ٨
ساميه بتنهيده : ماشي يا بتي بكرا تروحي وتيجي علي طول
زمرد بابتسامه : حاضر يا احسن ام
زمرد في نفسها الحمدالله هعرف اهرب من الجوازه دي
ساميه : زمرد
زمرد : ها بتقولي حاجه يا ماما
ساميه بدموع : اوعي يا زمرد تهربي ساعتها ابوكي هيموتك
زمرد بخوف وقلق : لا يا ماما مستحيل اهرب انا خلاص موافقه علي الجواز من ولد عمي بس المهم اخلص كليتي
ساميه : انا قولت لابوكي وهو قال هيجول لعمك
زمرد : ماشي يا ماما انا هدخل اوضتي
ساميه : ماشي يا بتي
زمرد : يا رب خليك معايا
في جهه آخره
مازن : يا بابا انا عمري ما شفت بنت عمي دانا حتي معرفش اسمها اي
كامل : يا ولدي بت عمك حياتها في خطر
مازن باستغراب : ازاي
كامل : عمك زمان واحد من عائلة الصفونيه غصب عنه وعمك انت خابر عنه معندوش رجاله مفيش غير عروستك
مازن بعصبيه من كلمة عروستك : وبعدين
كامل : عائلة الصفونيه عرفت أن عمك عنده بنتان وقالو لازم ياخدو بالطار من البت الكبيره لما تكبر ومن يومين عمك كان عندنا في البلد وواحد من عائلة الصفونيه قاله خد بالك من الدكتوره بت وعمك كلمني قولت ليه ميخافش انا هجوزها لمازن هو هيعرف يحميها
مازن : دا علي اساس اني رئيس الجمهورية
كامل بحزن : يعني يا ابني مش هتكون قد الامانه
مازن بتنهيده : لا يا ابوي انا عمري ما اكسر كلمتك انا هتجوزها
كامل بفرحه : ربنا يبارك فيك يا ابني
مازن : ويبارك فيك يا ابويا بعد اذنك يا ابويا لازم انزل دلوقتي
كامل : ربنا معاك يا ابني
مازن : الو يا يوسف انت فين
يوسف : مالك يا مازن صوتك متغير
مازن : عايز اتكلم معاك
يوسف : انا في البيت تعال
مازن : عشر دقايق واكون عندك
يوسف : ماشي يا صاحبي سلامبعد وقت وصل مازن لبيت يوسف
يوسف : في اي بق مالك
مازن : واقع في مشكله او تقدر تقول واقع في نصيبه
يوسف : يا ساتر يارب في اي
مازن : ابويا عايز يجوزنى بنت عمي
يوسف : وانت زعلان لي
مازن : يوسف مش وقته هزار
يوسف : مش بهزر والله انت بتحب حد يعني ؟
مازن : مانت عارف اني مش بحب ولا اصلا بصدق بجو الروايات دا
يوسف : يبق خلاص وافق علي قرار والدك وبعد سنه طلقها
مازن : وانا بق هستحمل سنه معاها ازاي
يوسف : مش م متعلمه
مازن بلامبلاه: دكتوره
يوسف بصدمه : بتهزر صح
مازن : لا والله بتكلم جد
يوسف : طب قوم من جانبي يا اهبل بق بترفض دكتوره
مازن بنرفزه : انت اهبل هي تطول اني اتجوزها
يوسف : علي اي يا عم
مازن بكبرياء: انت ناسي انا ابق مين
يوسف بضحكه : مين يعني
مازن : العقيد مازن كامل السويسري
يوسف : تصدق خفت
مازن : دمك سكر
يوسف بضحكه : مانا عارف انت هتقولي
مازن : انا تعبان وعايز انام سلام
يوسف : متنساش بكرا عندنا اجتماع مع اللواء هاشم
مازن : مش جاي
يوسف بضحكه : يا عم انسى بق
مازن : مستحيل دا خلي رقبتي قد السمسمه
يوسف بضحكه : طب والله دمه خفيف
مازن : مانت رايق
يوسف : بس تصدق البيت جامده
مازن : الفاظك بقت في الأرض
يوسف بضحكه : هو إلا يقعد معاك انت وساهر يعرف غير كلام الشوارع
مازن بضحكه : الله يسهل له زمانه قاعد مع العروسه في روقان
يوسف : آخر يوم في شهر العسل بكرا
مازن : هينور المديريه
يوسف : الشغل بعد الاجازه عامل زي الانتحار بالظبط
مازن : عقبالك بق
يوسف بضحكه: انت الاول يا عريس
مازن بعصبيه : تصدق اني غلطان اني جيت لواحد زيك
يوسف : بق كدا بعد ما تاخد غرضك مني تخل بيا
مازن : طب بلاس العصبيه يا حبيبتي علشان إلا ف بطنك
يوسف بعصبيه مصطنعه: غور يا مازن من هنا ويارب تكون بنت عمك من نصيبك يا مازن يا ابن ام مازن
مازن : انا ماشي بدل ما
يوسف : سلام يا صاحبي
تاني يوم
ساميه : زمرد يا بنتي قومي كفايه نوم مش عندك امتحان
زمرد بنوم : ايو يا دكتور هجيب البلطو بكرا بس والنبي دخلني الامتحان
ساميه بضحكه : قومي يا دكتوره انتي اتخرجتي وبقيتي دكتوره خلاص
زمرد : صباح الخير يا ماما
ساميه : صباح النور يا عروسه
زمرد بحزن : لازم اقوم علشان الامتحان
ساميه : اوعي تتاخري
زمرد : متقلقيش يا ماما بس دا اخر امتحان في الدكتوراه بتاعتي
ساميه : ربنا يوفقك يا حبيبتي
زمرد قامت من على السرير
كمال والد زمرد : صباح الخير يا عروسه
زمرد وهي خارجه من الاوضه بتاعتها
زمرد بحزن : صباح النور يا بابا
كمال : في عروسه تبق مكشره كدا يوم كتب كتابها
زمرد بتنهيده : لا ابدا يا بابا انا بضحك اهو وابتسمت ابتسامه بسيطه
كمال : انا عارف انك زعلانه مني بس صدقيني يا بتي بكرا تعرفي اني كنت خايف عليكي
زمرد بحزن: يا بابا انك تجوزني لحد عمري ما شفته وكمان اتجوزه من يوم وليله يبقى دا اي بابا
كمال : خوف يا بتي وربنا ما يكتبه عليكي يا حبيبتي
زمرد : بابا انا مش فهمه حاجه
كمال : بكرا تفهمي المهم دلوقتي قومي روحي جامعتك وتعالي علي طول
زمرد : هي ماما قالت ليك
كمال بضحكه : امك عمرها ما تعرف تخبئ عليا حاجه وانا واثق فيكي
زمرد بابتسامه وقربت من والدها : عمري يا بابا ما اكسر ثقتك أو اخلي دماغك في الأرض
كمال بابتسامه : ربنا يريح قلبك يا رب
زمرد : ويديمك ليا يارب
ساميه : وانا وقعت من الشجره اياك
زمرد بابتسامه: وانا اقدر يا ست الكل
ساميه بزعل مصطنع : كولي بعقلي حلاوه يا بت بطني
زمرد بضحكه : لا انا بت كمال السويسري
كمال : بت ابوكي صحيح
ساميه : طب ياله يا ختي علي كليتك
زمرد : السلام عليكم ورحمه الله وبركاته
كمال / ساميه : وعليكم السلام ورحمه الله وبركاته
في مقر الداخليه
يوسف : مازن انت فين
مازن بنوم : في اي يا زفت
يوسف: حبيبي والله بقول لحضرتك يعني لو فيها ازعاج اللواء هاشم عايزك
مازن : قوله مات
يوسف : طب العز امته
مازن : عارف يا يوسف لو ما قفلتش هقفل دماغك
يوسف : طب يا عم اهدا دانت حتي عريس
مازن : طب غور بق
يوسف : طب مش هشهد علي عقد الجواز والا اي
مازن : طبعا يا حبيبي دانت اخويا
يوسف ملحقش يرد لأن مازن قفل السكه في وشه
يوسف : دايما كسفني الواد دا
كامل : مازن يا ابني قوم كفايه نوم
مازن في نفسه : هو يوم مش طالع ليه شمس انا عارف
وكمل بصوت مسموع حاضر يا بابا هقوم
كامل : جاهز من بدري
مازن : حاضر يا بابا هقوم اخد دش واصلي واجهز
في الداخليه
يوسف : اسف يا فندم بس مازن النهارده كتب كتابه
اللواء هاشم بعصبيه : يعني اي كتب كتابه هو ناسي انه وعد بنتي بالجواز
بارت 2
اللواء هاشم بعصبيه : يعني اي كتب كتابه هو ناسي انه وعد بنتي بالجواز
يوسف في نفسه دا اهبل دا بنتك الا هتموت عليه وكمل بصوت مسموع : هو بيحب بنت عمه من زمان سيادتك وكمان عندهم في الصعيد بنت العم تاخد ابن العم
اللواء هاشم : علشان الورث
يوسف : ايو يا فندم
اللواء هاشم : ياله خير ربنا يسعده بس كان قال كنا رحنا
يوسف : هو مش عامل حاجه علشان خاطر والدته المتوفيه
هاشم : الله يرحمها المهم يا يوسف مبتفكرش تتجوز
يوسف : هااا لا والله يا فندم انا عندي اختي اكبر مني وابويا وامي قاله مفيش جواز ليا غير بعد جواز اختي
هاشم : هي عندها كام سنه اختك
يوسف : عندها ٤٤ سنه
هاشم بصدمه : انت بتتكلم جد
يوسف وهو كاتم ضحكته :ايو طبعا يارب فندم اصلا هي اختي من ابويا اصلا ابويا كان متجوز قبل امي
هاشم : طب وهتعمل اي
يوسف بزعل مصطنع : هعمل اي يا فندم هستنى اختي تتجوز
هاشم : ماشي اتفضل انت دلوقتي
يوسف : تمام يا فندم وكمل في سره منك الله يا مازن انت السبب
صفا : زمرد يا بنتي سرحانه في اي
زمرد : ولا حاجه ياله نلحق الامتحان
صفا : استني فيكي اي
زمرد بدموع وحضنت صفا : كتب كتابي النهارده
صفا بصدمه : انتي بتهزري صح
زمرد بدموع : لا والله
صفا : طب اهدي يا حبيبتي واحكيلي
بدأت زمرد تحكي ليها كل حاجه
صفا : بصي مفيش غير حل واحد
زمرد : اي هو
صفا : اتجوزيه
زمرد بعصبيه : انتي بتقولي اي
صفا : يا بنتي اسمعي انتي وافقي علي كتب الكتاب والفرح جليه بحجة انك الدكتوراه بتاعتك
زمرد : انتي ناسيه أن النهارده اخر يوم ف الامتحانات
صفا : وانتي ناسيه أن ليس في شغل عملي في المستشفيات
زمرد بتفكير : وبعدين
صفا : في فتره الخطوبه الا هي هتكون بنكم خليه هو إلا يطلب يطلقك
زمرد بتفكير : والله فكرا
صفا : شفتي أفكاري
زمرد بشكر : بجد انا مش عارفه كنت هعمل اي
صفا : كنتي هتيجي ليا وتحكيلي زي دلوقتي كدا
زمرد : طب ياله بينا يا ستي ندخل الامتحان
مازن : بابا انا جاهز
كامل : طب ياله يا حبيبي
بعد وقت
كمال : اهلا يا كامل اتفضل
كامل : ازيك يا خوي
كمال : زين طول مانت بخير
كامل بحب : يارب دايما يا حبيبي
كامل بصوت عالي: يا ام العروسه تعالي الحاج كامل جه
كمال : ادخل يا مازن
كامل كان واقف يشوف عريس بنته الا قرار من يوم وليله أنه يخليها امانه عنده
مازن دخل وهو خافض رأسه في الأرض
كامل حس براحه من شوفت مازن
مازن : السلام عليكم ورحمه الله وبركاته
كامل : وعليكم السلام ورحمه الله وبركاته اتفضل يا ابني
ساميه : أزيك يا حج كمال
كمال : ازيك يا ساميه
ساميه بصت علي مازن الا واقف عيونه في الأرض
ساميه قربت منه : ازيك يا ابني
مازن : ازي حضرتك
ساميه بابتسامه : انت عارف انا ابق مين
مازن باستغراب : مرات عمي كامل
ساميه بابتسامه: وخالتك
مازن باستغراب: ازاي خالتي
كمال : ساميه يا مازن تبق خالتك اخت المرحومه امك بس اخوات من آلام
مازن : ولي مقولتش ليا يا بابا
كمال بتنهيده : علشان الطار يا ولديمازن بعصبيه : انا لازم اشوف طريقة علشان موضوع الطار دا
ساميه بحب : تعال في حضن خالتك
مازن قربت حضنها حس بالدفء والحنان الا اتحرم منهم بدري
ساميه : تعرف انك شبه المرحومه
مازن بابتسامه : يعني أنا حلو زيها
ساميه بضحكه : انت احلي منها كمان
مازن وكامل وكمال ضحكوا وفضلوا يضحكوا ويتكلمه
كامل : بعد اذنك يا كمال عايز مازن في كلمتين
كمال : اتفضل يا خوي دا ابنك
كامل : تعال معايا يا مازن
صفا : اخيرا خلصنا
زمرد بضحكه : ليس في سنه عملي
صفا بزعل : طب لي الغم بق
زمرد : نكمل كلامنا بعدين علشان ماما رنت فوق الميت مره
صفا : مبروك يا عروسه
زمرد بخبث : الله يبارك فيكي يا روحي
صفا : عندي احساس انك هتخلي الواد يتمني الموت
زمرد : هو باين والا اي
صفا : يبق الله يرحمه
زمرد : سلااااام
ساميه : اي يا زمرد مش بتردي لي قلقتيني
زمرد : اسفه يا ماما بس ليس خارجه من الامتحان
ساميه : طيب يا حببتي
زمرد : انا في الطريق
ساميه : تيجي بالسلامه
كمال بقلق : ساميه اوعي تقولي لمازن حاجه
ساميه : عارفه يا ولد عمي متقلقش
كمال : ربنا يستر
كامل ومازن طلعوا من الاوضه
كامل : زمرد فين يا ساميه
ساميه : في الطريق
كمال : يكون المأذون جه
نورا : ماما انتي فين
ساميه : تعالي يا نورا
نورا : السلام عليكم ورحمه الله وبركاته
كمال وكامل سامية ومازن : وعليكم السلام ورحمه الله وبركاته
كامل : تعالي يا نورا سلمي علي عمك وابن عمك
نورا : ازيك يا عمو
كمال : بسم الله ماشاء الله تعالي يا بتي جانبي
نورا قاعدة جانب كمال
كمال : انتي في التعليم
نورا : انا في ثانويه عامه
كمال : ربنا معاك يا بتي
زمرد : ماما يا ماما
سامية : اهي العروسه جت
مازن فضلت عيونه مركزه علي باب الاوضه لحد ما ساميه قالت : تعالي يا زمرد
مازن فضل مستني فتحت الباب
لحد ما ( دخلت هي عيونها الخضراء و حجابها الطويل وشها المنور الصافي من كل مستحضرات التجميل ابتسامتها الصافيه المرسومه علي وشها صدق من سمها زمرد فهي مثله تماماً )
كامل : تعالي يا زمرد
زمرد وعيونها في الأرض : السلام عليكم ورحمه الله وبركاته
مازن في نفسه مش بس جميله لا صوتك يهبل
كمال قرب من مازن : اي رايك يا بني
مازن بتوهان : هااا دي حوريه صح
كمال اضحك : يا ابني انت مركز
مازن بحمحمه : ها انا بقول يعني أنه كويسه
كمال بخبث : ماشي يا مازن
ساميه : قومي يا نورا نجيب الشربات
كامل : زوزو دا عمك كمال
زمرد بعصبيه مكتوبه وبصوت هادي : بابا انت عارف مش بحب اسم زوزو دا
كامل ضحك : ماشي يا دكتوره زمرد
زمرد بعصبيه: بابا
كمال : تعالي جانبي يا حبيبتي
زمرد قامت من مكانها وهي لحد الان متجاهله وجود مازن الا حتي ما شفتش ملامحه
زمرد : ازيك يا عمو
كمال : الحمدالله يا بتي وكمل دا مازن عريسك
زمرد بابتسامه صفرا : اهلا بيه
كامل : الماذون قرب يجي
زمرد بدأ قلبها يدق بخوف من خطوه غريبه عليها من يوم وليله هتكون مكتوبه علي اسم حد تاني ام مازن فكان فرحان بس ميعرفش لي
كمال : قوليلي بق يا ست العرايس اي طلباتك
زمرد بهدوء: انا كنت عايزه اطلب من حضرتك وبابا طلب
كامل : نعم يا حببتي
زمرد بقلق : كنت عايزه بعد كتب الكتاب يبق في سنه خطوبه
مازن بعصبيه لكن فضل ساكت
كمال : ازاي يا بتي
زمرد : انا يا عمو عندي سنه شغل في مستشفيات حكوميه علشان دراستي وكل شويه هكون في مكان مينفعش افضل كل يوم من مكان لمكان ف مش هعرف أوفق بين البيت والشغل
مازن في نفسه اقوم اضربها علشان تبطل كلام صوتها الا يجنن
كمال : السنه دي يا حبيبتي هتكون زي الخطوبه بس وانتي في بيت جوزك
زمرد في نفسها يا رب اعمل اي بس
ساميه : المأذون جه
كامل وكمال ومازن قاموا يرحبه بيه
ام زمرد فكانت هنفسها مازن بد م بارد
المأذون : السلام عليكم ورحمه الله وبركاته
الكل : وعليكم السلام ورحمه الله وبركاته
وبعد وقت مع نطق كلمة المأذون المشهورة في كل كتب كتاب
بارك الله لكم وبارك عليكم وجمع بينهما في خير
كامل بدموع وقرب حضن زمرد : مبروك يا بنتي
زمرد بدموع : والنبي يا بابا مش عايزه امشي
ساميه بدموع : يا حببتي هنا بيتك وهناك بيتك
نورا بدموع : لا يا زمرد خليكي معانا
كمال : اي يا جماعه احنا قلبنها زعل لي دا المسافه بين بيت مازن وبينكم ساعه
نورا : يعني زمرد هتفضل في القاهره
كمال : ايو يا بتي
زمرد بفرحه : بجد يعني يعني أنا مش هروح الصعيد
كامل : لا يا حبيبتي
كمال : طب ياله يا حببتي جهزي نفسك
ساميه : مش قبل الاكل
بعد وقت كانت بدأت السلامات بين كامل وسامية ونورا
ساميه برجاء : مازن زمرد بنت عمك وخالتك خد بالك منها
مازن بحب : هي في عيني دي مراتي قبل كل دا
سامية بابتسامه : ربنا يريح قلبك يارب
مازن في نفسه بعد ما شاف القمر دا معتقدش يعرف يرتاح
كمال : زمرد يا حببتي ياله بينا
زمرد برجاء : طب خلينا شويه كمان
ساميه بدموع: يا حبيتي لازم تروحي بيت جوزك وبعدين مازن مش بس جوزك دا ابن خالتك
زمرد باستغراب : خالتو مين ؟
سامية : ناديه الله يرحمها…..
البارت 3
ملحوظه علشان اسماء الابطال
زمرد كمال السويسري
مازن كامل السويسري
زمرد باستغراب: خالتوا مين ؟
ساميه : ناديه الله يرحمها
مازن وكامل وكمال: الله يرحمها
زمرد بدموع: الله يرحمها بس بردو دا ماله بالجواز
مازن بعصبية مكتوبه وبصوت هادي: قسمنا بالله فاضل شويه وافرغ الطبنجه في دماغها
كامل : بتقول حاجه يا ولدي
مازن : ها لا ولا حاجه يا بابا انا بقول ياله علشان اتاخرنا
زمرد بصوت واطي : يارب صبرني عليه
سامية بابتسامه: يا حبيبتي روحي مع جوزك
بعد وقت كان مازن بيسوق العربيه وجانبه والده وفي الكنبه الا وراء زمرد قاعده دموعها مغرقه عيونها مازن كان واخد منها في المرايا
مازن في نفسه: ياربي بق انا هقدر اعيش مع القمر دا في بيت واحد (سبحان من خلق فأبدع حتي وهي بتعيط عيونها تجنن ملامح وشها الا كلها براءه الاطفال)
كامل : نزلني علي جانب يا حبيبي
مازن : رايح فين يا بابا
كامل : لازم ارجع البلد يا ابني علشان محدش يسأل انا كنت فين
مازن : طب سافر الصبح يا بابا الساعه دلوقتي بقت ١٠
كامل : لا يا ولدي انا هركب قطر الساعه ١١
زمرد بقلق وبدأت تكلم نفسها ينهار ابيض يعني انا هقعد مع دا لوحدنا يا تري شكله اي وكملت في نفسها ازاي مشفتهوش لحد دلوقتي وبعدين اي يعني اكيد شكله بني ادم عادي قطع شرودها صوت مازن وهو بيقول
مازن : ماشي يا بابا زي ما تحب بس هوصلك المحطه
كامل : ماشي يا حبيبي
بعد وقت كان مازن وصل المحطه
كامل نزل من العربيه وزمرد نزلت سلمت عليه
كامل : خدي بالك من نفسك يا حبيبتي ولو في حاجه كلميني
زمرد بحب : حاضر يا عمو وانا كمان خد بالك من نفسك
مازن كان واقف مستني علشان يسلم علي والده
مازن : خد بالك من نفسك يا بابا وطمني عليك لما توصل
كامل : حاضر يا حبيبي وكمل بصوت واطي خد بالك من بنت عمك دي بقت مراتك وشد حيلك انا عايز اكون جد
مازن في نفسه : كان نفسي احقق ليك أمنيتك بس وكمل بصوت مسموع أن شاء الله يابابا
عند يوسف
والدة يوسف : يا ابني عايزه افرح بيك
يوسف : بقولك اي يا حاجه متعملي لينا شوية مهلبيه
والدة يوسف: انت يا ابني بقولك اي وانت بتقول اي
يوسف : يا امي مش هتجوز بالطريقة دي مش كل شويه عروسه شكل انا عايز اتجوز بنت احبها وتحبني مش علشان شغلي
والدة يوسف : طب اختار انت يا ابني انا عايزه افرح بيك
والد يوسف : يا ام يوسف هو مش صغير لما النصيب يجي هيجي يقول أنا عايز اتجوز
والدة يوسف : بق كدا يا حج
والد يوسف : قومي بق اعملي بايدك دول طبق مهلبيه
يوسف : ياله يا قمر
والدة يوسف بابتسامه: حاضر
في الصعيد وتحديداً في دورا الصفونيه
عرفان : يا ابوي انا عرفت بت كمال شغاله فين
حمدان : اصبر يا ولدي نخلص بس شحنة الآثار
عرفان : انا كلمت الرجاله وهما عم يجهزو الجبل
حمدان : خد بالك يا ولدي الحكومه اليومين دول شدين حيالهم علينا
عرفان : متخفش يا ابوي ابنك عارف زين بيعمل اي
حمدان : يا روحيه
روحيه : نعم يا ابوي
حمدان : فين بيتك
روحيه : عم تذاكر مع صحبتها بت
حمدان : طيب يا روحيه جهزي الوكل علشان في ضيوف جين وبتك تفضل فوق
روحيه : حاضر يا ابوي
حمدان قام من علي الكرسي بتاعه ومسك العجاز بتاعه وشاور لي عرفان وقال : تعال معايا
عرفان مشي وراء حمدان لحد ما وصله لنفق مدخله من دولاب حمدان
عرفان : احنا نازلين المتحف لي
حمدان : هوريك حاجه
نزل حمدان وعرفان نفق كبير لحد ما وصله لمكان أشبه من الخيال مكان كله دهب محدش يقدر يتخيل أن تحت البيت الكبير متحف بالجمال دا ملينا اثار ورجاله تسد عين الشمس
حمدان مسك تمثال دهبي
حمدان : امسك يا عرفان
عرفان : اي دا يا ابوي دا التمثال الا كان مع ابن عائله الرحيم
حمدان بضحك : الله يرحمه كان غلبان
عرفان بضحك : طول عمرك قوي يا ابوي
حمدان : محدش يجدر ياخد حاجه ملك والد الصفونيه
جه صوت من وراهم
زياد : بس متنساش يا جدي أن دا بفضلي انا
حمدان : فهد من ضهر فهد
عرفان : تعالي يا ولدي
زياد : كيفك يا خال
عرفان : زين يا حبيبي
زياد : انا جاهز يا جدي
حمدان : ماشي يا ولدي عرفان زياد طالع معاك الجبل
عرفان : ماشي يا ابوي
حمدان : ياله يا ولدي اطلع سلم علي امك واختك زمانها عودت من برا
زياد بعصبيه : مها كانت بتعمل اي برا
عرفان : كانت بتذاكر مع صحبتها
زياد : انا قولت مش عايزها تخرج
حمدان : معاها الحرس يا ولدي
زياد : بعد اذنكم
طلع من النفق وفضل ينادي علي أمه
زياد : يا اما يا اما انتي فين
روحيه : خير يا ولدي
زياد : بتك فين يا امه
روحيه : جت فوق
زياد بصوت عالي : مها مها
مها : نعم يا خوي
زياد : انا جولت كان مره مفيش خروج
مها بخوف : انا جولت لامي
روحيه : جالت ليا يا ابني
زياد : يا اما جولت بلاش خروج انا خايف عليها
مها : انا مش صغيره
زياد : مفيش خروج تاني وكفايه اني سايبك تكملي تعليمك
مها : اش معنا انت معاك كليه وانا لا
زياد : كلمة كمان وهقطع رجلك من البيت ومن الكليه
مها بعصبيه : ماشي يا زياد
طلعت فوق ومسكت فونها
مها : الو يا حازم
حازم بخبث : لحقت وحشك
مها : انت علي طول وحشني بس انا كنت عايزه اقولك أن مش هينفع اشوفك بكرا
حازم : لي
مها : زياد اتخانق معايا
حازم : يعني مش هعرف اشوف مراتي حببتي بكرا
مها بحب : ما كفايه النهارده وبعدين باقي يومين وانزل مصر
حازم : ماشي يا حبيبتي علي فكرا انا جاي عندكم النهارده
مها : لي
حازم : جاي لجدك بيني وبينه شغل
مها باستغراب: شغل اي
حازم : تجارة البيوت والعقارات
مها : ماشي يا روحي
في مصر
مازن : وصلنا انزلي
زمرد نزلت ووقفت على باب العماره
مازن : انتي هتفضلي واقفه ياله تعالي
وقف مازن ينادي علي البواب
مازن : عمي فتحي
فتحي البواب : نعم يا باشا
مازن : امسك مفتاح العربيه وطلع الشنط علي فوق
فتحي : حاضر يا بيه
مازن طلع وفتح باب الاسانسير
مازن : اتفضلي ادخلي
زمرد وهي منزله عيونها للأرض : لا
مازن : لي بق
زمرد بصوت هادئ : اصلا اصلا بخاف منه
مازن : نعم انتي عارفه انا في الدور الكام
زمرد بعصبيه مكتوبه: اطلع انت وانا هطلع علي السلم
مازن : هتطلعي الدور العاشر علي رجلك
زمرد بصدمه وهي بترفع عيونها ليه : نعم انت بتقول اي
مازن سرح في جمال عيونها ( اخيرا تلك العيون التقت بي سبحان من أبدع في خلقه ) فاق مع شروده علي صوتها
زمرد : انت يااا
مازن بتوهان: ها بتقولي حاجه
زمرد : انت ازاي قاعد في العاشر
مازن بضحك : معلشي اصلا مكنتش اعرف اني هتجوز واحده بتخاف من الاسانسير
زمرد بعصبيه: انا مش بخاف منه انا مش بحبه
مازن : واي كمان يا عسل
زمرد : انا مش عسل
مازن في نفسه يا بنتي يعني اعمل اي دلوقتي اقت لك علشان ارتاح
زمرد : انت بتسكت لي
مازن بعصبية : بصي بق انا مش فاضي ليكي لو عايزه تطلعي علي السلم ادي مفتاح الشقه علشان اكيد انا هطلع وانا وانتي ليس علي السلم
زمرد بتفكير عنده حق طب اعمل اي لا خلاص هحاول واغمض عيوني وكملت بصوت مسموع : لا خلاص هطلع معاك بس انت متاكد انه مش هيعطل
مازن : شكل الأفلام مقصره عليكي
زمرد : خفه
مازن : لمي نفسك
مازن فتح باب الاسانسير ودخل زمرد بقلق ودخلت الاسانسير
مازن وهو ماسك الفون بس مركز معاها وهي واقفه مغمضه عيونها وبتقول يارب والنبي مش عايزه اموت في الاسانسير
مازن : انتي ازاي دكتوره
زمرد : انا مش هرد عليك دلوقتي
مازن بعصبية: لي أن شاء الله
زمرد بطفوله: علشان لو بطلت ادعي ربنا اكيد الاسانسير هيعطل
مازن ضحك بصوت عالي: والله انتي طفله
زمرد سرحت فيه ( ضحكته حلوه اوي اي الا بقوله دا )
مازن : سرحتي في جمالي صح
زمرد بحمحمه : لا طبعا انا كنت بدعي ربنا
زمرد بخوف : هو الاسانسير وقف لي
مازن ببردو : مش عارف يمكن عطل
زمرد بقلق وخوف : انت بتهزر صح
مازن ببردو : مبحبش الهزار
زمرد قربت مسك أيده : طب والنبي اتصرف انا بخاف
مازن حب قربها منه بس هو ميعرفش لي
مازن : غمضي عيونك ومتخافيش
زمرد غمضت عيونها وفجاء الاسانسير اشتغل
مازن : اشتغل
زمرد بفرح : الحمدالله ولما اردكت انها مسكه فيه بعدت عنه
زمرد بكسوف : انا اسفه
مازن : عادي
الاسانسير وقف
زمرد : هو عطل تاني
مازن : لا احنا وصلنا
مازن فتح باب الاسانسير وبعدين دخلو الشقه
مازن : اتفضلي
زمرد دخلت الشقه وهي حاسه براحه حلوه اوي فضلت تبص علي اساس الشقه أساس جميل الشقه كلها الوانها هاديه وبلكونه واسعه فيها كرسي وتربيزه الرسيبش فيه صوره كبيره لطفل صغير وسط أبوه وأمه خدت بالها أن الصوره فيها عمها فعرفت أنه عمه ومازن ومرات عمه
مازن: هتفضلي واقفه تتفرجي كتير علي فكرا الشقه انتي هتفضلي دايما فيها يعني اتفرجي عليها بعدين
زمرد بصوت هادئ : بارد
زمان: لمي لسانك
زمرد باستغراب : ااانت سمعتني
مازن : من حظك
زمرد : فين اوضتي
مازن : قصدك اوضتنا
زمرد بقلق : اي لا مستحيل
مازن : لي مش احنا متجوزين
زمرد : بس احنا قولنا هنقعد سنه خطوبه
مازن : طب ودا ينفع
زمرد : لو سمحت لم نفسك
مازن قرب منها بحد وقعت علي الكنبه الا وراها
زمرد : انت عايز اي
مازن : عايز اكل قومي اعملي اكل
زمرد بعصبيه: انا مش الخدامه بتاعتك
مازن : خلاص اخلي جوزنا رسمي وكدا تبقي مراتي مش خدامه
زمرد بعصبيه ونفخت : اوف خلاص هعمل فين المطبخ
مازن قعد علي الكنبه وحط رجله علي التانيه وفرد دراعه علي الكنبه وقال : معرفش انتي دوري عليه وليس هيكمل كلامه الباب خبط
مازن : افتحي الباب
زمرد بعصبيه مكتوبه: يارب صبرني
فتحت الباب لقت البواب
فتحي البواب : الشنط يا هانم
مازن من جوا : ادخل يا عمي فتحي حط الشنط عندك
فتحي : حاجه تانيه يا باشا
مازن : لا يا عمي فتحي وكمل اه الهانم تبق المدام ف اعمل حسابك اي حاجه هي تطلبها مراتك تطلعها ليها
فتحي : حاضر يا باشا
البواب نزل و زمرد قالت : قوم شيل معايا الشنط
مازن : سبيها وانا هحطهم وروحي اعملي الاكل
زمرد : عايزه اغير هدومي الفستان مش هعرف اعمل منه الاكل
مازن : اوضتي الا في اخر الطرقه جانبها اوضتين اختاري واحده منهم
زمرد قربت من الاوضتين واختارت إلا علي اليمين
مازن دخل ليها الشنط
زمرد : بعد اذنك علشان اغير هدومي
مازن خرج من الاوضه
بعد وقت خرجت زمرد وهي مبدله هدومها ل ترنج اسمر في مسترده وحطه طرحها علي شعرها بس من غير حاجه ولابسه حلق صغير
مازن كان قاعد بعد ما غير هدومه لاتيشرت ابيض وشروال اسمر وماسك الفون سابه لما شم عبير عطرها وطلتها الا تخطف القلب وهي
وووو يتااااابع
مستنيا كومنتات جميله شبهكم 🌝🫶❤️
ومننساش الصلاة على خير الخل
البارت 4
بعد وقت خرجت زمرد وهي مبدله هدومها ل ترنج اسمر في مسترده وحطه طرحها علي شعرها بس غير دبوس ولابسه حلق صغير مازن كان قاعد بعد ما غير هدومه لاتيشرت ابيض وشروال اسمر وماسك الفون سابه لما شم عبير عطرها وطلتها الا تخطف القلب وهي بتقرب منه
زمرد: فين المطبخ
مازن بتهوهان: انتي جميله اوي
زمرد بكسوف : انت قليل الادب
مازن بصدمه : نعم انا قليل الادب
زمرد بعصبيه: ايو ازاي تعاكسني
مازن بضحكه : معلشي اصلا نسيت انك مراتي
زمرد رفعت صوبعها في وشه وقالت بشكل طفولي : لا يا سكر الكلام ده علي الورق بس انت فاهم
مازن بضحك : والله ضحكتيني علي فكرا والدي عايز حفيد
زمرد بقلق وتوتر : هااا انت بتقول اي اكيد لا مستحيل
مازن : طب نزلي صوبعك بس الاول
مازن مسك ايديها ونزلها وقال : شاطره ياله بق روحي اعملي الأكل
زمرد بعصبية وصوت هادي : جت القرف
مازن كان قاعد علي الكنبه سمعاها قال بصوت عالي: سمعتك علي فكرا والمره الجايه هضربك
زمرد بعصبيه مكتوبه وبصوت هادي: يعني وارتاح
مازن : هتروحي السجن
زمرد : ياربي بيسمع دبت النمله وكملت بعصبيه فين المطبخ في الشقه الغربيه العجيبه دي كل دي شقه
مازن : بطلي قر شويه
زمرد بعصبيه: اسكت بق اخير لقيت المطبخ
زمرد دخلت المطبخ لقت كل حاجه مترتبه كويس جدا وكل حاجه مكتوب عليها نوع البهارات اي والسكر والشاي
مازن وهو في الرسيبشن : لقيتي المطبخ
زمرد : ايو لقيته اخر الشقه
وكملت بصوت هادئ كل دي شقه قاعد فيها لوحده وبدأت تحضر الاكل
بعد وقت طلعت وهي عامله
بانيه ومكرونه
مازن شم رائحة الاكل وهي بتحطه علي السفر فضل مركز فيها وقع منها الحلق من غير ما تاخد بالها منه
مازن اول ما دخلت المطبخ قام خد الحلق وحطه في جيبه
زمرد بعصبيه مكتوبه: اتفضل العشا
مازن ببردو : حاولي تتحكمي في عصبيتك وحشه علشانك
زمرد : ملكش دعوه بيا
مازن بعصبية : بت اعدلي كلامك معايا
زمرد ببردو : براحه علي اعصابك
مازن : برده
زمرد : رخم
وفضلوا ساكتين لحد ما خلصوا اكل وقامت زمرد حطت الاكل في المطبخ
مازن كان قاعد في البلكونه
زمرد قربت منه : تشرب حاجه
مازن بهدوء : ممكن كوباية قهوه سكر خفيف
زمرد : قهوه بالليل وحشه
مازن : وانتي مهتمه لي ؟
زمرد : علشان انا دكتوره
مازن : وانا عايز اقهوه هتعملي ليا ماشي مشهتعمل فيريت توفري نصائحك
زمرد : انا غلطانه ودخلت وهي متنرفزه عملت لنفسها نسكافيه بلبن وقهوه باللبن لمازن
طلعت من المطبخ لقت صوت اغنيه لام كلثوم شغاله بدأت تغني
إبتديت دلوقتي بس أحب عمري إبتديت دلوقتي بس اخاف للعمر يجري
مازن لاحظ صوتها وهي ماسكه القهوه ومغمضه عيونها وبتغني قام قرب منها وبدأ يحط أيده علي وشها لمن فجاء فتحت عيونها وهي بتقول
زمرد : انت سافل
مازن : حد قالك قبل كدا أن لسانك عايز قطعه
زمرد : لا محدش قالي
مازن : يبق انا الا هقطعه ليكي
زمرد : ها عشم ابليس في الجنه
مازن بص علي الكوباية وقال : اي دا
زمرد : قهوه باللبن كنت عاملها ليك بس تصدق خساره فيك
مازن بعصبية مكتوبه: انا احسن حاجه اروح انام لاني لو فضلت شويه كمان احتمال ارتكب
زمرد : تصدق خفت
مازن : اوعي دانتي مستفزه
تاني يوم
سامية : كمال انا خايفه علي بنتي
كمال : هي مع مازن دلوقتي متخافيش عليها
ساميه : بس بنتي مش مرتاحه معا
كمال : انتي عارفه انا عملت كدا لي
ساميه : طب افرض مازن فرض عليها حاجه هي مش عايزها
كمال : متقلقيش انا واثق في ابن اخويا
كمال سرح في كلامه مع مازن
فلاش
كمال : بعد اذنك عايز مازن في كلمتين
كامل : اتفضل يا خوي دا ابنك
كمال : تعال يا مازن
كمال خد مازن ودخلوا اوضة زمرد
مازن : خير يا عمي
كمال : اسمعني يا ابني كويس زمرد بنتي مفيش اطيب منها ولا ارق منها ولولا الظروف واني خايف عليها من الموت والغدر كنت سبتها تختار حياتها بنفسها بس النصيب يا ابني
مازن في نفسه اسمها غريب اوي في بنت اسمها زمرد
كمال قطع شروده وهو بيقول : عارف انا سمتها زمرد لي
مازن : لي
كمال : علشان مفيش زيها يوم ما جت الدنيا نورت في وشي حافظ عليها يا ابني دي امانه عندك باختصار يا ابني انا مش عايزك تقرب لبنتي الامانه يا ابني محدش بيجي جانبها انت فهمني صح
مازن بهدوء : فهمك يا عمي انت عايزني اخلي زمرد معايا لكن في حكم الإخوات
كمال : انا عارف يا ابني أنه مينفعش بس غصب عني
مازن : انا موافق يا عمي
كمال : ربنا يريح قلبك يا بني
مازن قام من النوم علي صوت رنت فونه
مازن بنوم : اي يا يوسف
يوسف : بصباح الخير يا عريس
مازن بعصبية مكتوبه: مش عايز هزار علي الصبح اخلص عايز اي
يوسف : مش هتيجي الشغل
مازن : جاي
يوسف: ساهر جاي النهارده
مازن : خلاص اعمل حسابك انت وهو نتغداء برا
يوسف بضحك : هي العروسه مبتعرفش تطبخ والا اي
مازن : تصدق بالله انا غلطان اني رديت عليك
ليس يوسف هيرد لكن مازن كام سبق وقفل في وشه
يوسف : حبيبي والله دايما كدا كسفني بذوقه
مازن قام من السرير ودخل يحد دوش بعد وقت كان لابس بدله سمرا تحتها قميص ابيض وفاتح اول زراير القميص وخرج من الاوضه
لق زمرد فتحه باب الشقه واقعده جانب قطه بتاكلها جبنه رومي
مازن : انتي بتعملي اي
زمرد : سمعت صوت القطه بتعيط علشان جعانه قومت جبت ليها اكل
مازن : فتقومي فاتحه باب الشقه وانتي لابسه ترنج وكمان حطه الطرحه علي شعرك من غير دبوس
زمرد : انا مختش بالي من لابسي وبعدين الترنج مقفول يعني عادي
مازن بعصبية: اسمعي بق انا واحد دمي حامي واصلي صعيدي فانعدلي معايا سمعتي
زمرد ببردو : تشرب حاجه
مازن بعصبية مكتوبه: انا ماشي احسن
زمرد بهدوء : طب ثواني بس
مازن : خير
زمرد بصوت طفولي : ينفع اروح لبابا وماما وحشوني
مازن بتنهيده وكمل في سره يعني كان لازم اوعد عمي انها تكون زي اختي
زمرد : سرحت في اي
مازن : ها ولا حاجه ادخلي البسي وهوصلك
زمرد بفرح : انت بتتكلم جد يعني انت موافق
مازن باستغراب: وارفض لي
زمرد بتوتر : اصلا يعني المفروض أن النهارده قطع كلامها مازن وهو بيقول
مازن : المفروض انك عروسه ومينفعش تنزلي بس دا كلام فاضي انا اصلا متجوز علي الورق وبس سيبك من كلام الناس
زمرد : انت قليل الذوق
مازن ببردو : متنسيش وقليل الادب
زمرد : بااااارد
مازن : لو هتفضلي كتير واقفه هامشي
زمرد بسرعه : لا خلاص هدخل البس
بعد وقت خرجت زمرد من الاوضه وهي لابسه درس بيج عليه طرحها اوڤ وايت طويله ظهرها لون عيونها وجمال ابتسامتها الصافيه المرسومه علي وشها من الفرحه أنها هتشوف عائلتها الاي لاول مره تبات برا من غيرهم
مازن شرد في جمالها وقال بصوت مسموع
( سبحان من جعلك مثلا الحوريات سبحان من خلق فأبدع تشبهين حور العين )
زمرد بكسوف من كلامه : اااانت مازن قطع كلامها
مازن : انا قليل الادب مش دا الا عايزه تقوليه
زمرد بابتسامه وهزت رأسه بمعني ايو ومازن ضحك عليها وخرجوا من الشقه
زمرد : احنا بردو هنركب الاسانسير
مازن افتكر امبارح لما اتكأ علي زرار التوقف
زمرد : انت بتسرح كتير لي
مازن في نفسه من ساعة ما شفتك وكما بصوت مسموع: اه هننزل فيه بس متقلقيش انا كلمة البواب
زمرد بهدوء : تمام
مازن وزمرد ركبه الاسانسير
الاسانسير وقف فجاء
زمرد : هو الا حصل
مازن : حد واقفه
فادي : مازن بااشا ازيك
مازن ببردو : اهلا
فادي بص علي زمرد الا واقفه بصه في الأرض وصفر مره واحدها
مازن بص عليه بعصبيه وبص علي زمرد لقاها واقفه مش سامعه حاجه
فادي : مين القمر
زمرد بصوت عليه باحتقار وسكتت
فادي : طب نتعرف
زمرد بصت علي مازن وفضلت ساكته
فادي مسك تليفونه وقال : طب ممكن الرقم علشان نتعرف احنا جيران بردو
زمرد بعصبيه: انت قليل الادب
كل دا كان تحت أنظار مازن الا واقف علي نار بس عايز يشوف زمرد هتعمل اي
فادي : الله علي صوتك
زمرد : وليس في احلي من صوتي
مازن بص علي فادي وسكت
فادي بضحكه : اي يا حلوه
زمرد ضربته بالقلم بقوه رهيبه
مازن كتم ضحكته وفي نفس الوقت كان جو منه بركان من فادي الا واقف يعاكس مراته لكن سكت علشان كان يعودها علي انها تعتمد علي نفسها
فادي بغضب : انتي مجنونه وليس هيضربها مازن مسك أيده وقال بصوت كله قوه
مازن : اياك ايدك تتمد علي مراتي وألزم حدودك
فادي بخوف : مرااات
مازن : امال انت فاكر اي مرات مازن السويسري هتكون جبانه والا ضعيفه كل دا وزمرد كانت واقفه وراء مازن بعد ما شدها وراء
زمرد بصوت طفولي ممزوج بقوه : المره الجايه هكسرلك ايدك
مازن حاول يكتم ضحكته وقال : خلاص يا حبيتي كفايه القلم بتاعك وعلشان خاطرك قام ضربه بقوه في وشه وقع في الاسانسير
البارت 5
فادي محسش بحاجه غير وهو مارمي علي الارض
زمرد : وكدا بق هنعدي ازاي
مازن بابتسامه : بس كدا وقرب منها شالها و عده علي فادي الا واقع في الأرض
زمرد بكسوف : نزلني
مازن : هنزلك متخافيش بس قدام باب العربيه
زمرد : اش معنا
مازن بغرور : علشان الكل يعرف انك مراتي و ملكي
زمرد بعصبيه طفوليه : بس انا مش مراتك
مازن ببردو : بس يا شاطره علشان مخليش جوزنا رسمي
زمرد بسرعه : انت دائما كدا بتاخد كلامي جد يا ابني انا بهزر معاك
مازن بصدمه وهو بيحطها جانب باب العربيه والعماره كلها واقفه تشوف مين مرات مازن السويسري
مازن : ااابنك !!!
زمرد : انت تطول
مازن قرب عليها وقال : طب ما نخلي الحلم حقيقه ونجيب ولد
زمرد بتوتر : ااانت علي فكرا
مازن قطع كلامها وقال : عارف قليل الادب
زمرد : طب وسع كدا خليني اركب العربيه
مازن ضحك عليها ودخل العربيه وهي قاعده جانبه
هو سرحان فيها
وهي سرحانه في مستقبلها وحياتها الجايه لحد ما دمعه فرت من عيونها مازن كان مركز معاها
مازن بهدوء : بتعيطي لي
زمرد : علشان مش عارفه حاجه
مازن : مش فاهم
زمرد : انت مش فاهم حاجه اصلا
مازن افتكر انها بتحب حد وان هي خايفه لتخسره بس لي حس بقلبه وجعه
زمرد : لو سمحت اقف هنا
مازن فاق من تفكيره وقال :رايحه فين
زمرد : عايزه اجيب تورته علشان النهارده عيد ميلاد بابا
مازن : خليكي هنا هنزل اجيب واجي
زمرد : تمام
بعد وقت مازن كان جه وجاب معا تورته وكياس كتيره
زمرد : اتاخرت لي
مازن : كنت بجيب هديه لعمي
زمرد بحزن : تمام
بعد وقت كانو وصلوا البيت
زمرد : مش هتنزل
مازن : معلشي عندي شغل اخر اليوم هعدي عليكي
زمرد : تمام
مازن : استني
زمرد : خير
مازن : التورته
زمرد طلعت فلوس علشان تدفع لمازن
زمرد : اتفضل
مازن بعصبية مكتوبه: المره الجايه هكسر ايدك لو عملتيها انا جوزك وقبل منها ابق ابن عمك
زمرد بهدوء : مكنش قصدي حاجه بس
مازن قطع كلامها وقال : انزلي ياله
زمرد نزلت من العربيه ورجعت افتكرتك كلمة هكسرلك ايدك
زمرد : استني انت بتقولي هكسرلك ايدك
مازن ضحك عليها : ايو
زمرد بعصبيه: المره الجايه هتلقي مني رد وحش
مازن : طب وسعي كدا علشان امشي والا هخبطك
زمرد : ماشي يا مازن
مازن : استني خدي دي هديه لعمي
زمرد : ابق اديها ليه
مازن : بس دي منك انا عارف انك ملحقتيش تجيبي حاجه
زمرد بشكر : شكرا
مازن : ياله اطلعي علي فوق علي طول
زمرد : ماشي
زمرد طلعت ووقفت قدام الباب تخبط
ساميه : جايه يالي علي الباب
ساميه فتحت الباب
ساميه بدموع: زمرد بنتي
زمرد : وحشتيني يا ماما
في الصعيد وتحديداً في منطقه في الجبل
عرفان : اجده كل حاجه تمام والآثار بق في الامان
زياد : أجده تمام يا خال
عرفان : خلي الرجاله تكون مركزها
زياد : متقلقش يا خال
عرفان : انا نازل البلد الليله وخلي بالك بقي يومين علي تسليم البضاعه
زياد بخبث : ماشي يا خال
عشري : ازيك يا سي زياد
زياد : زين يا عشري
عشري : خير يا سي زياد
زياد : بجولك اي انا عايز اختك
عشري بفرح : عايز تتجوز اختي
زياد بضحكه : انت اهبل اياك انا زياد الصفوني يتجوز اختك الخدامه
عشري : امال يا سي زياد
زياد : هتجوزها بس في السر وتيجي وقت ما اقولك وليك الحلاوه
عشري بخبث : مواقف يا سي زياد هو احنا نطول
في مصر وتحديدا في مديرية مكافحة الآثار المصرية
يوسف بجديه : ساهر انت فاهم انت بتقول اي
ساهر : زي ما بقولك كدا في اكبر شحنة اثار هتخرج برا مصر يوم الخميس
مازن دخل مكتب يوسف : خير مالكم
يوسف بقلق : مازن عامل اي
مازن لحظ أن يوسف قلق اول ما شافه
مازن : في اي
ساهر بص ليوسف وقال : ولا حاجه
مازن بعصبية: في اي
يوسف : في شحنة تهريب اثار
مازن : ودي فيها أي
ساهر : اصلا اصلا الشحنه دي في الصعيد
مازن : فين في الصعيد
ساهر : في ****
مازن بصدمه : دي بلدي
يوسف : مازن مفيش طلوع المأمورية دي
مازن : لي
ساهر : مازن يوسف خايف عليك
مازن : في اي حد يفهمني خايف عليا من اي
يوسف بعصبيه : تجار الآثار يبق عائلة امك الله يرحمها
مازن بصدمه : انت بتقول اي
يوسف : زي ما سمعت عائله الصفونيه
مازن : اكيد في غلط
ساهر : مازن انت عارف اني كنت بقضي شهر العسل بس بصراحه دي كانت ماموريه من اللواء هاشم علشان نتأكد من المعلومات الا جت عن تهريب الآثار بس بس
مازن بعصبية: بس اي
يوسف : بس فعلا طلعت المعلومات صحيحه وطلع فعلا عائلة الصفونيه هم أكبر عصابه في تهريب الآثار….
يتبع
