رواية النصيب بقلم جني هاني حصريه وجديده وكامله جميع الفصول
-انا هخطب
-هتخطب؟؟؟؟ انت بتهزر صح
-يابت ههزر معاكي ليه لا هخطب بجد
-ومين ان شاء الله وبعدين مره واحده كده مااحنا مع بعض ليل ونهار اي اللي جرا
-بصي هو احنا عرفنا بعض من فتره وبصراحه كنت مكتم علي الموضوع عشان يعني لما يتم حاجه رسمي اقول
-ومن امتي واحنا كده مع بعض يا علي مااحنا بنقول لبعض كل حاجه
-ياستي اديني بقولك علي فكره انا قولتلك انتي اول واحده يامريم لسه مقولتش لخالتو ولا لماما
-مريم عينيها دمعت
احممم طيب بص أنا هروح اشوف ماما وخالتو بيعملو اي في المطبخ اعمله معاهم
مريم دخلت أوضتها قعدت تعيط مامتها فتحت الباب عليها
-اي ياماما مش نخبط
-معلش ياحببتي فكرتك لسه قاعده مع علي في البلكونه
مريم انهارت من العياط
– علي هيخطب ياماما علي هيخطب ليه طب هو مش شايفني خالص كده
-هيخطب؟
-اه هو قالي.. هو أنا وحشه ياماما
-مريم ياحببتي انتو ولاد.خاله وهو شايفك أخته أنا قولتلك كتير
-لا ياماما انا مش أخته خلاص ياماما
-حببتي بدام قالك هخطب يبقي لازم تنسيه خالص انتي سامعه
-اه ياماما سامعه
_______________________________
بعد مرور شهرين
مريم:مبروك ياعلي مبروك يا سلمي
علي:الله يبارك فيكي ياحببتي عقبالك
مريم:يلا بقي ياسلمي بدري بدري عايزين نفرح بيكو بدري
سلمي:حببتي ربنا يخليكي بصي بجد علي بيحبك اوي وانا حبيتك علي حبه
مريم: حببتي وانا كمان بحبكو يلا بقي هسيبكو واروح اشوف ماما وخالتو
خالة مريم: زي القمر ياحببتي ماشاء الله
مريم: حببتي ياخالتو
مامت مريم: انتي كويسه
مريم:اه ياماما أنا تمام
مر اليوم والخطوبه خلصت
ـــــــــــــــــــــــــــــــــــــــــــــــــــــــــــــــ
في صالة البيت مريم وخالتها ومامتها وعلي قاعدين
مريم: هو انتو هتسكنو بعيد عننا ليه كده
علي:عادي ياحببتي هي عايزه تقعد في زايد
مريم: اه ربنا يهنيكو ببعض
علي: طيب ياجماعه بما انكو متجمعين عايز اقولكو حاجه مهمه
مامت مريم: اي يابني قول
علي: مريم جايلها عريس بس انا بصراحه مش موافق
مريم: ده مين ومش موافق ليه انت مالك اصلا……
علي: مريم جايلها عريس بس انا بصراحه مش موافق
مريم:نعم هو مين وانت مش موافق ليه اصلا
علي: يوسف صاحبي انتِ عرفاه اكيد
مامت مريم:وده عايز اي ده يابني
علي:يعني ياخالتو عايز يقعد مع مريم ويتعرف عليها هو شافها كذا مره معايا وفي خطوبتي يعني بس لا طبعا أنا شايف انها لسه صغيره
مريم:لسه صغيره حبيبي أنا فاضلي سنه وهخلص الجامعه أنت دماغك فين وبعدين انت مش ولي امري ياعلي تمام أنا اللي أقرر
علي: والله دلوقت انا اللي أقرر وافكر ومن امتي مش كل حاجه كانت علي تعالي علي اعمل اي علي اعمل ده ولا معملش
مريم:لا ياحبيبي ده كان خلاص زمان قبل متخطب أنا دلوقت مش عايزاك يكون ليك اي علاقه بيا انت فاهم
خالة مريم: اي ده في اي ياولاد مالك يا مريم مالك ياعلي اهدو مش كده
علي:واضح انها اتجنن*ت ياماما علي الاخر
مامت مريم: اهدو ياولاد تعالي يامريم ننزل شقتنا وتهدي شويه عشان انتي بتقولي كلام غريب يلا
علي: واعملي حسابك أنا هقفل الموضوع مع يوسف ده خالص أنتِ لسه صغيره
مريم: هو حلال ليك وحرام ليا ولا اي فهمني
مامت مريم: طيب ياولاد اتكلموا في وقت تاني افضل يلا يامريم
—————————————————-
في صباح يوم جديد
مريم: صباح الخير ياماما أنا هروح علي الجامعه
مامت مريم: أنا مكلمتكيش امبارح في حاجه بس اللي عملتيه غلط انتي بتتكلمي مع الولد كده ليه وهو معملش معاكي حاجه
مريم: ماما أنا عايزه ابعد عن علي أنا مش قادره اتعامل زي الاول واعلق نفسي بيه اكتر لو سمحتي سيبيني
مامت مريم: واحده واحده ياحببتي مش اللي انتي بتعمليه ده والمفروض تعتذريله
مريم: ماشي ياماما لما ارجع
__________________________________
بعد جامعة مريم خارجه مع زميلها لقت علي مستنيها برا
كريم زميل مريم: هتخرجي معانا بكره ولا صعب
مريم: بص هقول لماما بس وهقولكو بكره ان شاء الله
كريم: هي ان شاء الله توافق وبعدين احنا كلنا رايحين وبقية صحابك
مريم: ان شاء الله
كريم: طيب تعالي اوصلك انا معايا عربيتي
قاطع كلامهم علي بغضب
علي: مريم أنا جيت اخدك يلا
كريم: اهلا ياعلي أنا كنت هوصلها والله
علي: لا تسلم ياحبيبي أنا معاها اتفضل
مريم:طيب ياكريم اشوفك بكره بقي
علي خد مريم وركبيها العربيه
علي: من امتي
مريم:نعم
علي: من امتي وانتي بتقفي مع كريم ده
مريم: يابني ياحبيبي انت هتحجر عليا محدش غيرك يعرفني محدش غيرك يكلمني علي لو سمحت سيبني اعيش وأشوف حياتي زي ماانت كمان شوفت حياتك
علي: كلامك بقي غريب اوي الفتره دي
مريم: مش موضوعك ياعلي
مريم وعلي وصلوا البيت وكل واحد طلع شقته
_______________________________
في المساء
مريم طلعت شقة خالتها
علي: اهلا جايه تديني كلمتين تاني ولا اي مش كفايه الصبح
مريم: لا ياخفيف ماما نزلت تجيب حاجات وانا طالعه اقعد مع خالتو شويه
مريم زقته ودخلت
علي: طيب خالتك نايمه اقعدي معايا بقي
مريم: لا خلاص انا نازله
علي: اقعدي يامريم انا عايزك بجد تعالي نقعد شوية في البلكونه مش دي كانت قعدتنا المفضله من واحنا قد كده
مريم: علي انا ورايا حاجات هنزل اعملها
علي : تعالي بس نص ساعه لحد لما ماما تصحي تعالي
دخلوا قعدوا
علي: ها بقي مالك متغيره عليا
مريم دموعها نزلت وقالت:
علي حبيبي انت خطبت وانا محتاجه احط حدود بيني أنا وأنت شويه
علي حط ايده علي ايد مريم
مريم أنا عايز اقولك حاجه مهمه
علي حط ايده علي ايد مريم
مريم أنا عايز اقولك حاجه مهمه أنا مش عايزك تبقي من ناحية سلمي حاسه انها هتزعل لما اكون معاكي أو كده هي عارفه اننا ملناش غير بعض واننا اخوات بجد
قاطعهم تليفون علي اللي رن
علي رد علي التليفون وكانت سلمي علي قعد يتكلم معاها ونسي حواره مع مريم اللي بصتله بأسف ونزلت شقتها
______________________________
في اليوم التالي مريم خرجت مع صحابها وكريم وصلها
تحت البيت كريم ومريم نزلوا من العربيه
مريم: شكرا بجد ياكريم انك وصلتني أنا كنت هرجع لوحدي بجد
كريم: لا ازاي مينفعش يلا حمد الله على سلامتك
مريم: طيب اشوفك في الجامعه بقي
كريم: مريم
مريم: نعم ياكريم
كريم: فكري في اللي قولتلك عليه انا محتاج فرصه بس عارف اني لسه مخلصتش بس خلاص هي كلها السنه دي وانا شقتي وكل حاجه عندي جاهزه وهتخرج وهشتغل علاطول
مريم: احم احم خير ياكريم
كريم: أنا مش عايز اضغط عليكي بس احنا صحاب بقالنا كتير واظن اننا عارفين بعض كويسه ولو محصلش نصيب ف برضه هنفضل صحاب بس اتمني انك تفكري
مريم بصتله وبصت في الأرض
كريم:طيب اطلعي بقي عشان طنط متقلقش عليكي يلا اشوفك في الجامعه
مريم طلعت الشقه لقت خالتها و علي عندهم
مريم: يامساء النور علي الحلوين
مامت مريم: جايه وشك منور خير شكل الخروجه وشها حلو عليكي
خالة مريم: الله الله ده شكلها كده مش الخروجه شكل في حاجه
علي: اي ياجماعه شغل الالغاز دي هو فيه حاجه أنا مش فاهمها ولا حاجه
مريم: شكلها كده فيييه
علي: نعم
مريم:نعم ياحبيبي بقولك شكلها كده فيه بصوا ياجماعه أنا شكلي كده هتخطب قريب اوي
مامت مريم: والله ودي قراراتك كده فجأه واحده هو انتِ في الدنيا لوحدك
علي: ده بجد ولا انتِ بتعملي فينا مقلب
مريم: في اي ياجماعه هو أنا بقولكوا أنا اتجوزت من وراكوا بقولكو شكلي هتخطب يعني حبيت حد أو بمعني اصح ارتاحتله وهو محترم وعايزني
خالة مريم: وماله ياحببتي بس مش تعرفينا هو مين أصله وفصله وكده
مريم: كريم ياجماعه زميلي في الجامعه
علي: نعم ياختي
مريم: اي الصدمه في كده انت شايفه صا*يع ولا حاجه
علي: ده حبيتيه امتي ولا فين ده وبعدين انتوا لسه مخلصتوش الجامعه
مريم: اولا كتير من الناس بيتخطبوا وهما لسه في الجامعه ثانيا بقي الولد جاهز وعنده شقته وهيتخرج ويشتغل مهندس في شركة والده ف خلاص فين المشكله وقولتلك ياعلي مليون مره بطل تكلمني علي اساس انك ابويا دي ياحبيبي
مامت مريم: أنتِ متأكده انك بتحبيه وبعدين ده فجأه كده ظهر امتي ده
مريم: هو اي اللي ظهر امتي ياماما كريم ده زميلي من زمان في الجامعه وقولتلك ارتاحنا لبعض فين المشكله أنا تعبانه وداخله اغير وانام ياجماعه تصبحوا علي خير
_______________________________
علي وخالة مريم طلعوا شقتهم
مامت مريم دخلتلها الأوضه
مريم: اي ياماما في حاجه أنا هنام
مامت مريم: أنا مكنتش عارفه اتكلم قدامهم بس اي موضوع كريم ده
مريم: زي ماسمعتي ياماما
مامت مريم: ياحببتي أنتِ عايزه تجنن.يني أنتِ مبقالكيش فتره صغيره كنتي قيلالي انك بتحبي علي معقول في يوم وليله نسيته
مريم: ماما انتي متعرفيش أنا اتوجعت قد اي وانا شايفه حب عمري ضاع مني بس خلاص انا قررت اني هنساه ياماما مش هعيش علي ذكري واحد حتي مفكرش في مشاعري وكل ده مش حاسس ب اي حاجه وكريم ولد محترم وانا فعلا ارتاحتله وعايزه اديله فرصه
مامت مريم: أنا مش عايزاكي تظلمي نفسك وتظلمي حد تاني معاكي يابنتي وتتخطبي وانتِ لسه بتفكري في حد تاني
مريم: متقلقيش ياماما
______________________________
بعد مرور شهر
مريم طلعت شقة خالتها
مريم: عامله اي ياخالتو
خالة مريم: حبيبت خالتك تعالي خشي يا عروسه أنا الحمد لله كويسه
مريم: بس وطي صوتك اوعي تكوني قولتي لعلي حاجه قولتلك عايزه اعملهاله مفاجأة
خالة مريم: لا متقلقيش مقولتش تعالي خشي هو جوا قاعد في البلكونه شكله كده بيكلم سلمي
مريم دخلت ل علي كان بيكلم سلمي في التليفون قفل معاها
مريم: اهلا عامل اي مش ظاهر ليه بقالك كم يوم
علي: لا مفيش الشغل وكده
مريم: عملالك مفاجأه
علي: خير
مريم: كريم هيجي يتقدملي الاسبوع اللي جاي
مريم بصت لعين علي اللي كان باين ان كلها غيره مش مفهومه واستنت رده عليا…..
مريم بصت لعين علي اللي كان باين ان كلها غيره مش مفهومه
علي: مبروك
مريم: الله يبارك فيك
علي: مبسوطه ؟
مريم: هو ده سؤال يتسأل!!
علي: يعني مبسوطه ؟؟
مريم: اه ياعلي ماانت مجرب الاحساس من قبلي اكيد مبسوطه
علي: صح
مريم: هو ينفع يعني تجيب خطيبتك ونخرج احنا الاربعه وكريم معانا حاسه يعني عايزه اعرفك عليه اكتر وكده اعرفه علي اخويا الكبير
علي: بصي بقي من الاخر انا مبحبش الواد ده
مريم: علي متنساش أن كلها فتره بسيطه وده هيبقي خطيبي يعني أنا اجي اقولك مبحبش سلمي
علي: هو انتِ طريقتك بقت مستفزه ليه حاسس انك قاصده تعملي حاجه معينه
مريم: نعم أنا لي أنا عملت اي كل ده عشان بقولك اني عايزه نخرج كلنا خلاص يا سيدي انت حر أنا نازله
علي: براحتك يامريم براحتك
مريم: ماشي ياعلي
علي: استني يامريم
مريم: نعم؟
علي قرب منها وخبطها في كتفها
متزعليش أنا بس اتخانقت مع سلمي ف يعني متدايق شويه
مريم: اممم واتخانقتوا ليه بقي
علي: هقولك بعدين المهم انتِ وراكي حاجه بكره
مريم: اه انا رايحه الجامعه
علي: خلاص هوديكي بكره وانا رايح الشغل
مريم: لا طبعا ازاي يعني توديني وكريم يشوفنا كده
علي: اللي هو يشوفنا ازاي يعني مش فاهمك ؟؟
مريم: لا ياعلي أنا برضه لازم كده احط حدود عشان يعني برضه شعور كريم وهو شايفك رايح جاي بيا كده مينفعش ياحبيبي لو سلمي تقبل كريم ميقلبش
علي: مش بقولك أنتِ مبقتيش فعلا طبيعيه
مريم: مش طبيعيه عشان بقول الحقايق تصدق أنا غلطانه عشان قاعده معاك دلوقت أنا هنزل انام احسن بكتير
علي: اه انتِ لو نزلتي تتخمدي هتبقي احسن فعلا اتفضلي يامريم
______________________________
بعد مرور شهر وكريم ومريم اتخطبوا
كريم ومريم وعلي وسلمي خارجين مع بعض
مريم: اه وأنتِ بقي ياسلمي عايزه الفرح امتي
سلمي: لا لسه سنتين كده عشان نكون خدنا وقتنا
كريم: لا ده احنا كده هنسبقكوا بقي
علي: مستعجلين انتوا !
كريم: لا خالص كده حلو اوي بالنسبالنا مش كده يامريم
مريم: اه ياحبيبي معاك حق المهم احنا لازم نروح بقي عشان أنا قولت لماما اننا مش هنتأخر وبعدين لسه ياكريم أنا وأنت هنروح نجيب اللبس اللي انت كنت عايزه ف يادوب عشان نخلص واروح
كريم: طيب يلا ياحبيبتي
كريم ومريم سلموا علي علي وسلمي ومشيوا
______________________________
مريم خلصت مع كريم ووصلها عند البيت
مريم نزلت من العربيه وكانت هتطلع البيت لقت علي جاي بعربيته
علي: مريم اي لسه جايه ؟
مريم: اه. وانت اتأخرت ليه؟
علي: قعدت أنا وسلمي شويه
مريم: طيب أنا طالعه
علي مسك مريم من ايديها
علي: حاسس ان كل ده عك
مريم: نعم
علي: زي ماسمعتي كده
مريم: بمعني اي كل ده
علي: يعني حاسس اننا زي منكون في كابوس مش احنا كده مش علي ومريم بتوع زمان
مريم ضحكت بسخريه
اظن من حق كل واحد يشوف حياته ياعلي احنا مش هنفضل قاعدين جنب بعض طول العمر
علي: أنا حاسس اني كل اللي عملته ده غلط
مريم: اللي هو اي اللي عملته؟!
علي: مريم أنا عايزه اسألك حاجه ؟
مريم: اتفضل
علي: انتِ بتحبي كريم بجد ؟
مريم: المهم انت بتحب سلمي؟
علي: مريم أنا بسألك سؤال ردي عليا
مريم فضلت ساكته شويه وبصه ل علي
علي: ردي يامريم مش بتردي ليه
مريم دموعها نزلت
انت اللي اخترت ياعلي الاول
علي محسش بنفسه غير وهو بيمسح دموع مريم وبيحضنها
علي محسش بنفسه غير وهو بيمسح دموع مريم وبيحضنها
مريم: علي
علي بعد عن مريم وقالها: أنا اسف بجد
مريم طلعت علي شقتها وعلي وقف ندمان ومش عارف يفكر
مريم دخلت الشقه وباين انها معيطه
مامت مريم: مالك ياحببتي اي اللي معيطك كده حصل حاجه في الخروجه
مريم: مفيش حاجه ياماما أنا تعبانه محتاجه اريح
مامت مريم: في اي ياحببتي احكيلي كريم عملك حاجه؟
مريم عيطت وحضنت مامتها وحكتلها اللي حصل مع علي
مامت مريم: يعني هو عايز اي وبعدين علي بدأ يتعدي حدوده
مريم: علي اناني ياماما وانا مستحيل ارجع افكر فيه تانيه مستحيل اظلم كريم معايا بعد كل ده
مامت مريم: أنتِ صح ياحببتي متفكريش فيه خالص وخليكي مع خطيبك وهو محترم وهيصونك والولد شايلك في عينيه بس اهم حاجه تكوني بتحبيه بجد
مريم عيطت وقالتلها: مش عارفه ياماما مش عارفه حاجه انا مش قادره محتاجه انام
______________________________
في صباح يوم جديد
باب شقة مريم بيخبط
مريم قامت تفتح الباب
مريم: علي خير
علي: مش هتقوليلي اتفضل
مريم: لا مش هقولك اتفضل عشان متنساش اللي حصل امبارح وكلامك الغريب وانا وانت كل واحد مخطوب ياعلي يعني عيب اوي اللي بيحصل عيب عليا وعليك واللي معانا ملهمش ذنب في اي حاجه
علي: طيب يامريم مش هنتكلم علي السلم
مريم: ماما نزلت الشغل ياعلي وانا هنا لوحدي ومش هينفع تخش
علي: والله ومن امتي طب ياحببتي انا هقولك كلمتين وهطلع ولو مش عايزه تعالي عندنا فوق أنا امي موجوده
مريم: اتفضل خش ياعلي ورد الباب وراك متقفلهوش خالص وها اتفضل عايزه تقول اي
علي: بصلها ب استغراب
طيب مبدأيا أنا اسف علي اللي حصل امبارح
مريم: تمام حلو
علي: مريم أنا مش عارف ابطل افكر فيكي وعارف ان مينفعش اللي بقوله بس انا كان لازم اتكلم خلاص كفايه كده سكات
مريم: نعم؟؟
علي: أنا غلطت انا مش مرتاح مع سلمي أنا مش بحبها ومحبتهاش من الاول عارف اني كنت دايما بقولك اختي بس انا لما بقيت مع سلمي مش عارفه احس معاها اللي بحسه وانا معاكي مبقتش قادر اشوفك انتِ وكريم مع بعض يا مريم كنت بحس دايما بشعورك ناحيتي بس كنت بكدب نفسي كنت حاسس اننا اتربينا زي الاخوات ف ازاي؟؟بس كل ده غلط وانا ندمان والله
مريم: انت بتعمل معايا ليه كده انت ليه اناني ياعلي علي أنا بحب كريم ومش هينفع اجرحه
علي: انتِ كدابه يامريم أنتِ مش بتحبيه
مريم مقدرتش تمسك نفسها انهارت من العياط وصوتها بدأ يعلي
مريم: ماتسيبني يااخي بقي هو بالسهولة دي بعد كل اللي عملته وانت شايفني وحاسس ورغم كل ده روحت ودوست عليا وخطبت ووجعتني وعيشت اسوأ ايام ودلوقت جاي تقولي مش قادر اشوفك مع كريم طب وانت كان عادي بالنسبالك شعوري وانا شيفاك مع سلمي وانت عارف كويس اوي انا حاسه ب اي وعامل نفسك عبيط ودلوقت أنا غلط يامريم ويلا انسي اللي حصل ودوسي علي كريم وانا ادوس علي سلمي ويلا كل حاجه ترجع انت طبيعي يابني أنا حاسه اني بتكلم مع حد معرفهوش طب كان ليه كل ده؟؟؟
علي قرب علي مريم ومسك ايديها
أنا آسف انا مقصدش اعمل كل ده كفايه عشان خاطري أنا مش متخيل كل ده كان يحصل أنا بس كنت فاكر متعلق بيكي ك اختي ومكنتش بفكر ف حاجه تانيه
مريم شالت ايديها من علي ومسحت دموعها وقالتله: اخر واول مره تكلمني يا علي خلاص مش عايزه اشوفك تاني سيبني ف حالي بجد سيبني اعيش بقي وبطل انانيه وبطل تفكر في نفسك وبس أنا أول مره اعرف انك اناني اوي كده
علي: أنا اسف علي كل اللي عملته فيكي عمري ماافكر إن لما تتأذي اوي كده يكون مني انا انا بس عايز اقولك اني اكتشفت انك اكتر انسانه أنا حبيتها بس خلاص انا عايزك تكوني كويسه مع الشخص اللي تختاريه بس اعرفي اني بحبك اوي يامريم
مريم زقت علي علي برا
اطلع برا ياعلي مش عايزه اشوف وشك تاني خلاص
مريم وصلت عند الباب وهي بتزق علي ولقت كريم قدامها….
اطلع برا ياعلي مش عايزه اشوف وشك تاني خلاص
مريم وصلت عند الباب وهي بتزق علي ولقت كريم قدامها
مريم: ك ك كريم ا انت بتعمل اي هنا
كريم: هو اي اللي بيحصل ده
مريم اتوترت ومش عارفه تتكلم
علي: مفيش حاجه ياكريم ا انا بس
كريم: انت اي؟ مريم هي مامتك مش جوا
مريم: لا
كريم بزعي*ق: وهو قاعد معاكي ليه جوا لوحدكوا؟
مريم: في اي ياكريم اهدي هفهمك كل حاجه
كريم مسك مريم من دراعها جامد سؤال واضح يامريم قاعدين لوحدكوا ليه وامك مش موجوده جوا وبعدين أنا بتصل بيكي من امبارح وتليفونك مقفول عشان اجي الاقيكي قاعده مع البيه بتاعك جوا لوحدكوا
مريم: ياكريم بتوجعني بجد سيب ايدي وبعدين اي اللي انت بتقوله ده انت تقصد اي
علي بيشيل ايد كريم من علي مريم
علي:انت بتمسكها كده ليه واي كلامك ده احنا كنا قاعدين عادي بنتكلم في حاجه لا اكتر ولا اقل ياكريم
كريم: اسكت انت خالص انت فاكرني مش عارف حاجه ولا اي لا يا حبيبي انا عارف كل حاجه
مريم بتعيط وقفت قدام كريم
مريم: كريم أنا هفهمك كل حاجه لو هديت
كريم ز*ق مريم
علي : اي اللي انت بتعمله ده وض*رب كريم بالبوكس وكريم بدأ يض*ربه
مريم دخلت بينهم ينهار اسو*د ومنيل اي اللي بتعملوه ده
كريم وعلي بعدوا عن بعض
علي: اقسم بالله يامريم انا بعدت عنه عشانك انتي بس لكن أنتِ اللي يفكر يمد ايده عليكي اكسرهاله
كريم: لا والله متيجي نشوف
خالة مريم نزلت علي صوت الزعيق
اي ده في اي ياولاد
مريم: خالتو خدي علي ونبي وقوليله كفايه وانت ياكريم لو سمحت امشي دلوقت وحسابنا بعدين
كريم: لو علي حسابنا يامريم ف يا هتختاريني وتقطعي علاقتك بعلي ده تماما حتي السلام ممنوع ياتختاري علي وتسبيني وشوفي أنتِ عايزه اي
مريم بصتله ب استغراب
خالة مريم: اي ده في اي يابني اي اللي بتقوله ده
كريم: أنا اسف ياطنط بس ده اللي عندي
مريم: امشي ياكريم امشي بس اعرف ان كلامنا مخلصش
كريم: ماشي يامريم
كريم نزل ومريم وخالة مريم وعلي واقفين
مريم: بتضربه ليه؟؟؟؟؟
علي: والله يعني ده سؤال؟؟ عايزاني اشوفه بيزقك كده واسيبه يعني
مريم: طيب ملكش دعوه ياعلي تمام عشان انت فعلا بوظتلي كل حاجه وشقلبتلي دنيتي كلها
خالة مريم: في اي اللي بيحصل ياولاد بتعملوا ليه كده حد يفهمني حاجه حرام عليكوا عليتوا عليا الضغط
مريم سندت خالتها
تعالي ياخالتو أنا هفهمك كل حاجه
مريم دخلت خالتها وقفلت الباب في وش علي
علي من برا: ماشي يا محترمه
مريم دخلت قعدت خالتها علي الكنبه
خالة مريم: اي يامريم ده يابنتي في اي انا مش فاهمه حاجه
مريم حكت لخالتها كل اللي حصل
خالة مريم: علي بيحبك وانتي بتحبيه ينهار اسو*د ومنيل وجاين تكشتفوا ده دلوقت بعد لما كل واحد فيكوا شاف حياته
مريم: لا ياخالتو معلش انا قولتلك اني بعدت نفسي عنه واتخطبت وفعلا كنت هشوف حياتي مع كريم وهو اللي جاي عايز يبوظ كل حاجه.. كل اللي بطلبه منك اني مش عايزه علي يكرر اللي قالهولي تاني أنا بحاول أنساه واعيش حياتي انا مش ناقصه لغبطه اكتر من اللي انا فيها أنا تعبت من التفكير كل يوم في كل حاجه بعملها وانا مش هقبل اني اكسر قلب كريم علشانه وحتي لو بحب علي مش هينفع خلاص مبقاش ينفع ياخالتو
خالة مريم: حقك عليا من كل اللي حصل ده انا اللي هشوف حسابي مع علي كويس اوي
(عيطت وحضنت خالتها)
خالتو انا تعبانه اوي من كل حاجه مش عارفه اعمل اي حاسه اني تايهة
خالة مريم حضنتها وطبطت عليها
اهدي ياحببتي كل حاجه هتتحل ومش عايزاكي تبوظي حياتك زي ماعلي ابني أنتِ كمان بنتي ويهمني مصلحتك بس انتِ لو مش بتحبي كريم سيبيه يامريم عشان بعد كده متكتشفيش أن كل حاجه باظت اكتر من كده
_________________________
خالة مريم طلعت شقتها
خالة مريم,: علي ياعلي
علي: ايوه ياماما
خالة مريم: اي اللي انا سمعته من مريم ده واي اللي انت بتعمله ده هه انطق
علي: عملت اي ياماما بحب مريم هو الحب عيب وروحت وقولتلها وقولتلها اني هسيبها تعيش حياتها مع اللي تختاره
خالة مريم: لا ياحبيبي عيب اي لا مش عيب خالص ولا حرام انك تكون خاطب بكامل إرادتك البنت اللي هوب فجأه بقت في حياتنا مش عارفه منين وتكون مريم مخطوبه لراجل محترم وانت تروح تقولها بكل سهوله معلش بقي يلا كل واحد فينا يفركش حياته وبكل انانيه نبقي مع بعض بعد ماكسر*تِك وحسستِك انك ولا حاجه
علي: أنا مش عارف انتوا ليه مش قادرين تفهموني ياجماعه ليه أنا قولت لمريم أن كل ده كان غباء مني وقولتلها كمان تشوف حياتها خلاص ياماما مش هكلمها تاني لو هي فعلا اختارت كريم وهو مش عايزها تعرفني كل اللي عملته اني اعترفتلها اني بحبها وعارف أن ده غلط بس انا مقدرتش أمسك نفسي ومقولهاش وانا شايفها بتعمل كل حاجه تحاول تخليني اغير بيها إذا كان بقصد ولا من غير قصد وانا شايفها مش بتحب كريم وانا خلاص أنا وسلمي هنسيب بعض احنا الاتنين مش مرتاحين مع بعض
خالة مريم: انت محسسني أن الدنيا كلها انت اللي بتدورها وتمشيها ياعلي انت بتعمل ليه كده
علي لا ياماما أنا مش بعمل ولا هعمل حاجه
علي خد بعضه ونزل
________________________
في المساء
باب شقة مريم بيخبط مامتها فتحت
مامت مريم: اتفضل ياكريم مريم مستنياك جوا
كريم: ماشي ياطنط
مامت مريم دخلت كريم
هسيبكوا تتكلموا مع بعض براحتكوا
مامت مريم دخلت الاوضه
___________________________
مريم: اي
كريم: الوضع اللي شوفته ده كان عادي
مريم: هو انت ادتني فرصه تسمعني ولا بكل هم*جيه بتزقني هو ده طبيعي علي كده اي حاجه بينا تمد ايدك عليا مش كده ولا اي
كريم: مريم أنا آسف انا فعلا مقدرتش أتمالك اعصابي أما شوفتكوا خارجين مع بعض بس معلش خلينا نركن النقطه دي وهنرجعلها بعدين أنا كل اللي عايزه افهمه حالا يامريم علي كان معاكي لوحدكو في الشقه ليه
مريم: كريم انت بتشك فيا ولا اي بطل صيغة الكلام المقر*فه دي هيكون بيعمل اي عندي في الشقه يعني فكرك اي يعني بجد!؟
كريم: مش بشك فيكي يامريم بس ده مش طبيعي يامريم وعايز اجابه. مريم: بس انت عارف ان علي مش غريب انا اه مخطوبه ومينفعش يخش وانا قاعده لوحدي بس انا كنت رديت الباب وخالتو فوق معانا في نفس البيت ف اهدي
كريم: اهدي اه هو طبيعي أن أكون عارف ان انتِ بتحبيه واشوفكوا مع بعض واهدي احمدي ربنا اني اصلا سمحلك تتعاملي معاه
مريم: لا مش فاهمه يعني هو أنا عشان صارحتك عشان عايزه علاقتنا تبقي كلها وضوح من الاول ف تيجي وتقولي كده وبعدين أنا قولتلك اني بطلت أفكر فيه
كريم: مريم حببتي أنتِ كدابه انتِ لسه بتحبيه أنا اللي كنت مغفل وفاكر انك فعلا بطلتي تفكري فيه وانك حبتيني
مريم: انت بتتهمتني ليه كده ليه اديني فرصه اتكلم هو انت بتحاسبني علي حاجه كانت قبل منرتبط حتي كريم أنا مجتش قولتلك اني بحبه واحنا مخطوبين أنا قولتلك قبل ميحصل بينا اي ارتباط عشان أنا عايزه أنا والشخص اللي معايا نكون صرحه مع بعض في كل حاجه بس واضح اني كنت غبيه
كريم: طيب كملي صراحتك للآخر يامريم وقوليلي كان بيعمل اي عندك
مريم سكتت شويه وبصت لكريم
كريم: ها يامريم اتكلمي
مريم: ع ع علي قالي أنه بيحبني بس والله والله انا صديته وانا قولتله مشوفش وشه تاني وطردته وانت حتي شوفتني وانا بزقه علي برا
كريم ضرب ب ايده علي الترابيزه
مريم حطت ايديها علي كتف كريم
مريم: ا اهدي طيب أنا والله بقولك كل الحقيقه انا أنا فعلاا عايزه نبدأ حياه جديده مع بعض
كريم: من الواضح اني قبلت وضع أنا مش هقدر عليه
مريم: وجاي تكتشف ده دلوقت طيب أنا ذنبي اي انا عملت اي
كريم: بصي يامريم انتي قدامك اختيارين ملهمش تالت . انا قررت بعد الجامعه هروح اشتغل مع عمي في الامارات ياتيجي معايا ونتجوز ونبني حياتنا من الاول مع بعض هناك بعيد عن كل العك اللي بيحصل ده يا زي مدخلنا بالمعروف نخرج بالمعروف ها قولتي اي؟
السابع
كريم: ها قولتي اي
مريم: مش هينفع ياكريم انت عارف ان ماما هنا وخالتو أنا مش هينفع اسيبهم أنا مقدرش اسيب اهلي وبعدين اي جد ياكريم ماانت شقتك هنا وكنت هشتغل هنا وكل حياتك كنت مرتبها علي هنا اي حصل فجأه!!!
كريم:حببتي انا عايز اخدك ونبعد عن اي حاجه تخلينا في قلق
مريم: مااحنا هنا برضه هنكون بعيد عن القلق لما نتجوز انت مش فاهم ليه ان موضوعي مع علي اتقفل ولو متقفلش أنا هتخطبلك ليه؟؟؟
كريم بصلها بخيبة أمل واتكلم: بصي يامريم أنتِ كنتي بتحاولي تتخطي علي بيا ودي حاجه أنا مدركها اوي بس كنت فاكر انك ممكن تحبيني بجد
مريم: كريم انت بتقولي لي كده حاول تفهمني أنا تعبت
مريم حطت راسها بين ايديها وحطت وشها في الأرض
كريم قام وقف وطبطب علي كتفها
كريم: أنا ماشي يامريم وهسيبلك وقتك تفكري
كريم مشي ومامت مريم خرجتلها
مامت مريم: سافري يابنتي
مريم: لا ياماما ده مكنش اتفاقي مع كريم من الاول وانا مش هقدر اسيبك انتِ وخالتو أنا حياتي كلها معاكوا
مامت مريم: هتنزلي اجازات ياحببتي وهنشوف بعض اي المشكله
مريم: ماما أنا كل حاجه متقفله في وشي أنا مش عارفه ليه بيحصل معايا كده
مامت مريم: مكنش المفروض تقوليله علي موضوعك مع علي من الاول ياحببتي ده كان موضوع واتقفل هو دلوقت مش هيقدر يتعايش مع اللي بيحصل خصوصا أن علي ابن خالتك ف هو مجبر طول الوقت يشوفه وده صعب ياحببتي
مريم: أنا تعبت ياماما مش عارفه أنا عايزه اي انا غلط لما اتخطبت وانا لسه متخطتش
مامت مريم: متخطتيش اي
مريم بصتلها وعينها فيها دموع
أنا مسمعتش كلامك من الاول انا غلطانه أنا انانيه زي علي بالظبط
مامت مريم: ليه التسرع ياحببتي من الاول ليه يامريم الناس ذنبها اي
مريم: أنا داخله اوضتي
________________________________________
في صباح يوم جديد
مريم خرجت من اوضتها لابسه
مامت مريم: صباح الخير اي علي فين؟ علي الكليه؟
مريم: لا.
مامت مريم: اومال علي فين كده من غير متقوليلي؟
مريم: احمم لا أنا كلمت كريم وهروح اقابله محتاجه اقوله قراري
مامت مريم: قرارك ؟ اللي هو
مريم: أنا هسيب كريم يا ماما كفايه اوي لحد هنا انا مش عايزه اضحك عليه ولا علي نفسي اكتر
مامت مريم بصتلها وسكتت
مريم: أنا غلطت من الاول انتِ صح ياماما
مامت مريم: روحي يامريم روحي
مريم فتحت باب شقتها عشان تنزل لقت علي في وشها
مريم: بسم الله الرحمن الرحيم في اي؟؟
علي ومريم بصوا لبعض وسكتوا
مريم زقت علي ب ايديها ونزلت وعلي بصلها ب يأس
___________________________________
في الكافيه
كريم: اتفضلي يامريم تعالي اقعدي
مريم: عامل اي
كريم: كويس تمام. قولتيلي انك عايزاني لحقتي تقرري؟
مريم بصتله بتردد!!
كريم: اي؟ اتكلمي متقلقيش
مريم: ا ا أنا اسفه علي كل حاجه
كريم: أنا المفروض مكنتش اعشم نفسي!
مريم: انت احسن شخص أنا شوفته في حياتي بجد ومفيش زي قلبك ياكريم
كريم: افهم من كلامك أن كل حاجه خلصت ؟
مريم بصتله بأسف.
كريم: انا تمام أنا تمام
مريم: حقك عليا والله أنا أنا مش عارفه أنا مش عارفه اتكلم مش عارفه حتي ابرر
كريم: متبرريش يامريم انا كنت حاسس طول الوقت انك محبتنيش بس كدبت الكدبه وقولت يمكن أصدقها احنا اتسرعنا يامريم.
مريم: أنا مش عايزه اخسرك هنفضل صحاب صح؟
كريم: أنا هسافر
مريم عينيها دمعت واتنهدت: احم احم بتمنالك حياة أفضل بجد
كريم: وانا كمان
مريم: سامحني
كريم طبطب علي ايد مريم مسامحك يامريم
مريم: هنفضل صحاب صح ؟
كريم: موعدكيش بس انا عايز اطلب منك حاجه يامريم
مريم: اي
كريم: متظلميش حد تاني معاكي ومتكابريش يامريم قلوب الناس مش لعبه
مريم بصتله بكسوف من نفسها
كريم مد اي ده لمريم : فرصه سعيده يامريم
مريم حطت ايديها في ايده بصمت
كريم: طيب يلا أنا همشي بقي
مريم: سلام ياكريم
______________________________
مريم رجعت علي البيت
مامت مريم: رجعتي حصل اي؟؟
مريم حكت لمامتها اللي حصل
مامت مريم: لو كنتي سمعتي كلامي يابنتي من الاول!
مريم: أنا مش عارفه اعمل اي عشان اسامح نفسي انا مش هعرف اسامح نفسي علي اللي عملته في كريم
مامت مريم: مش عارفه اقولك اي يابنتي
مريم: خلاص ياماما مفيش حاجه تتقال
_____________________________
في المساء
خالة مريم ومامت مريم قاعدين في الصاله
مريم:ماما أنا نازله شويه
مامت مريم: رايحه فين يابنتي؟
مريم: محتاجه اقعد لوحدي شويه
مامت مريم: ماشي ياحببتي متتاخريش .
مريم: ماشي
مريم راحت علي مكان علي النيل
كانت قاعده لوحدها علي كرسي وباصه علي النيل وبتفكر في كل اللي حصل في الفتره الاخيره وقد اي هي بسبب لخطبتها جرحت كريم وظلمته وبتفكر في علي اللي مش عارفه تطلعه من دماغها
مريم لقت حد بيحط ايده علي كتفها اتخضت وبصت وراها ب استغراب
مريم: علي ؟
علي: كنت عارف اني هلاقيكي هنا
مريم: عايز اي انا نازله اقعد لوحدي
علي شد كرسي وقعد جنبها
مريم: انت بارد صح؟ بقولك جايه اقعد لوحدي
علي: لا مش بارد ولا حاجه أنا قاعد عادي ولا ده يعني مكانك انتِ بس؟؟
مريم: بطل طريقتك المتسفزه دي متعملش عبيط ياعلي!!!
علي: مبعملش عبيط. سيبتي كريم؟
مريم: وانت مالك ياعلي؟
علي: أنا وسلمي سيبنا بعض
مريم: ده مكنش صح
علي: أنا وهي مش مرتاحين
مريم: متبررليش ياعلي متبررش
علي: مريم أنا غلطت انا عارف بس احنا بشر بنغلط وبنرجع نتعلم اديني فرصه والله أنا قبل مااخطب مكنتش متخيل انك تكوني بتحبيني يامريم ولا كنت متخيل اني بحبك كنت فاكر تعلقنا ببعض تعلق اخوات
مريم: والله وانت عيل صغير ف مش عارف تميز مشاعرك؟
علي: مريم أنا آسف بجد انا مقصدش كل ده يحصل وانا بحبك مريم أنا مقدرش اعيش من غيرك
مريم: علي انت مش عارف انا حاسه بالذنب قد اي ناحية سلمي وكريم!!!!
علي: وانا كمان يامريم اكيد حاسس بالذنب تجاهم بس المفروض نكمل معاهم واحنا بنحب بعض ف نظلمهم اكتر؟
مريم بصتله وسكتت
علي بصلها بحب وحط ايده علي خدها
علي:مريم ياحبيبت قلبي أنا مقدرش اعيش من غيرك اديني فرصه تعالي ننسي كل حاجه حصلت ونبدأ من الاول انا مش لاقي نفسي من غيرك يامريم عارف اني كنت اناني بس كلنا بنغلط وانا بجد ندمان ولو علي سلمي أنا وهي خلصنا كل حاجه بالتراضي هي كمان مش مرتاحه معايا وأنتِ كمان خلصتي كل حاجه مع كريم اي يمنعنا ليه نكابر ومنكونش مع بعض ياحببتي؟؟؟
مريم بصت في عيون علي
مريم: مكان من بدري قبل كل ده
علي: اديني فرصه وانا هصلح كل حاجه وعد ياحببتي أنا بحبك بجد
مريم: وانا كمان بحبك ياعلي
_______________________________
بعد مرور عام
في مكان علي البحر مريم لابسه فستان ابيض زي القمر وعلي لابس بدله سوده
مريم وعلي قاعدين علي الكوشه
كريم: مبروك ياعلي مبروك يامريم
مريم وعلي: الله يبارك فيك عقبالك
كريم: احب اعرفكوا نيللي خطيبتي
مريم: حببتي عقبالك بجد مبسوطه اني شوفتك كريم حكالنا عنك كتير وبجد حبيتك من قبل ما اشوفك
نيللي: شكرا ياحببتي ده من زوقك الف مبروك ليكوا
نيللي وكريم نزلوا من علي الكوشه
علي غمز ل مريم وخدها في حضنه
اخيرا
مريم: اخيرا ياحبيبي
النصيب السابع والاخير
طيب وبكده تكون الروايه خلصت كنت متعلقه بيها واعتقد انتوا كمان اتعلقتوا بيها وبجد عارفه كل حد كان متابع الروايه من الاول ودايما بيكتب كومنتات تشجيع وبشكركوا جداا ويارب تكون عجبتكوا🩷👋
وعارفه ن النهايه ممكن متكونش مرضيه لناس كتير بس احب اقولكوا أن من وجهة نظري كلنا بنغلط وكلنا نستحق فرصه تانيه مريم وعلي غلطوا بس كان الغلط هيبقي اكبر لو كل واحد كمل وهو بيحب التاني وبس كده وياريت تقولولي رأيكوا في الروايه أنا تعبت فيها اوي ف عايزه تفاعل علي البارت ده وعايزه رأيكوا وقولولي عايزين روايه تانيه ولا لا؟
