شقه بره بعيد عن بيت العائله
ضى . بضيق وانا مستحيل ارجع له تانى ولو كان آخر
راجل فى الدنيا بلغه عرضه مرفوض
محمد . تمام يابنتى طيب بالنسبه لإبن عمى رجع طلب
إيدك تانى بصى يا بنتى فكرى انت هيجى يوم عليكى
وتجوزى مش هتعيش كده وأنا عايز اطمن عليكي
ودول اهلى وانا عرفهم وكمان مستريحين ماديا انت فكرى كويس وتصلى استخاره
ضى . بس إحنا عمرنا ماشفناهم ولا نعرفهم يابابا
محمد . الدنيا تلاهى يابنتى هما عارفين اخلاقى واكيد اولادى زى ولما عرفه أنى عندى بنت حبه ينسبونى
وانا مش هلقى احسن منهم
ضى . تمام يابابا هستخير وهبلغ حضرتك وربنا يعمل اللى
فيه الخير
محمد بلغ حسين بالرفض حاول حسين يستعطفه لكن كان
قرار نهائي وسط ريم صاحبه ضى أنها تكلمها جايز قلبها
يحن عليه وبالفعل راحت ريم على بيت ضى ورنت
جرز البيت فتحت ليها ضى وسلمت عليها
ريم . عمله إيه يابنتى مش هتنزلى الشغل بقى هتفضلى
قاعده فى البيت لامتى
فى الوقت ده كانت خارجه روقيه من المطبخ وسمعتها
روقيه . قولها يابنتى بتحايل عليها وقربت منها وسلمت
عليها ازيك ياريم ليكى وحشه وأمك عمله إيه دلوقت
ريم . بابتسامة الحمد لله ياطنط حضرتك اللى وحشانى
كتر ولوله تعب ماما كان زمانى بابت عندكم زى زمان
روقيه. ألف سلامة عليها يابنتى انت هتتغدى معنا
ريم . سؤال معليش ياطنط هى الرائحه اللى شماها من ساعت مادخلت هى صح
روقيه . ضحكت هى ياحبيبتي محشي كرنب وورق عنب
ريم . أيوه بقى هو ده الكلام دانا هتغدى وهتعش كمان
سبتهم روقيه ودخلت تكمل الغداء فى المطبخ
ضى حسين كلمنى هيتجنن عليكى وعايزك ترجعيله
أنا شايفه أنه أتغير انت لو تشوفى شكله هيصعب عليكى
حولى تدي له فرصة
ضى . ارجوكى ياريم بلاش نتكلم فى موضوعه انا مستحيل
ارجع له وسلبيته قدام أمه واللى أمه عملته معايا من اول
يوم ده لو كان آخر راجل فى الدنيا
وبعدين أنا هتجوز
اتفاجئت ريم بجد مين ده
ضى حاكت ليها التفصيل اللى ولدها قلها عليها وهى وان العريس إسمه ياسين وأنها استخارت وحست بالراحة
وولدها بلغهم بالقبول وهيجى الخميس اللى جى
ريم . انت متاكده ياضى يعني لسه خرجه من تجربه ومحتاجه تخدى وقتك
ضى . انا صفحتي مع حسين اتقفلت ومش هقف عند
الصفحه دى وده أكيد مش هيبقى زيه ده قربنا اكيد هيحافظ
عليه وهيعمل حساب أنى قربته قبل ما هبقى مراته
واديه جى وهشوفه وسعتها هقرر بس انت متتاخريش عليه
وتجيلى من بدرى
ريم . لا ياستى متخافيش هعمل حسابى ربنا يعوضك ويقدرلك كل خير ياحبيبتي
تعالى نشوف طنط تكون محتاجه مساعده
عدت الايام وجه يوم الخميس وبالفعل ريم كانت مع صحبتها
بتساعدها وعلى المغرب رن باب الشقه وفتح محمد استقبال
الضيوف
دخل محمود غرفة أخته ضى حسين وقف قدام البيت
عندنا
اتفاجئ ضى ………………
الفصل الخامس
روايه عصيان انثى
بقلم حنان ماهر
(ضى وياسين)
دخل محمود غرفة ضى وهو مضايق ومتعصب
بصتله ضى مالك يامحمود حصل حاجه مالك مضايق
كده ليه
محمود . بضيق بسبب حسين باشا طليقك عامل فى العاشق
الولهان واقف من العصر للمغرب بعربيته تحت البيت مش اول مره اشوفه يقف
سرحت ضى فى كلام اخوها وحست بوجع فى قلبها هو اللى عمل كده فيهم بعد إيه جى ندمان ماانا كنت ملك ايديه
فوقتها ريم من سرحنها هتعملى إيه ياضى
ضى . بحده هعمل إيه فى إيه ياريم حسين صفحه وتقفلت
ولو فعلاً بيحبني وندمان زى ما بيقول يبعد عنى أنا مستحيل ارجع له أنا مبقاش عندى ثقه فيه
دخلت عليهم روقيه ياله ياضى الجماعة مستنياك بره
تعالى وقدمى ليهم العصير
وبالفعل أخذت صنيه العصير وراحت قدمت ليهم لقت راجل
فى عمر ولدها واسمه الحاج فايز السيوفى كان راجل
مريح وباشوش قادمت ليه العصير وشكرها الحاج فايز
فايز . بسم الله ماشاء الله بنتك زى الاقمر يامحمد
ابتسمت ضى وراحت قدمت العصير لولدت العريس واسمها
ناديه
ناديه . بابتسامه تسلم ايدك يا حبيبتي
ابتسمت ضى وراحت تقدم العصير للعريس لقت شاب
وسيم كلمه قليله عليه وليه هيبه طول بعرض وكرزما يخطف الأنفاس اول مره تشوفها على حد قلبها اتخطف حست احساس ماحستهوش حتى مع طليقها
وبصوت محشرج ضى اتفضل العصير
اخد منها ياسين كاست العصير وهو بيبصلها وكانه بيقيمها
اتكسف ضى وراحت قاعدت جمب ولدتها ونزلت عيونها
فى الأرض
فايز . بص يا محمد يا خويا احنا النهارده جاين نطلب
أيد بنتك ضى لياسين ابنى
فى اللحظه دى بصت ضى لياسين وهو كمان كانت عنيه
عليها كانت نظره عنيه حاده معرفتش معناها ايه
اتكسفت ضى ونزلت عنيها على طول
كمل كلامه الحاج فايز ها ياحاج محمد قولت إيه
محمد . والله ياحاج فايز أنا يسعدنى نسابكم مش هتلاقي
أحسن من إبنك لبنتى
فايز . يبقى على بركه الله ونقراء الفتحه
قراءه الفاتحه وتعالت زغريط روقيه فى المكان
كمل كلامه الحاج فايز احنا هنجيب الشبكه اللى تختارها
عروستنا وابنى عنده جناح كامل فى الفيلا كمله من كل
حاجه
ردت ضى مسرعة انا اسفه ياعمى بس انا حبه يكون ليه
مكان لوحدى حتى لو كانت شقه
فى الوقت ده رد ياسين بحده معنديش مانع عندى فيلا
تانيه هتعيشى فيها ووجه كلامه لمحمد لو سمحت
ياعمى أنا عايز الجواز يتم خلال شهر
محمد . باستغراب بس انت مش شايف أنه بسرعه يعنى
خده وقت تعرفه بعض فيه
ياسين . اعتقد ياعمى الجواز قبول ولو القبول مش موجود
ماكنتش أنا هنا النهارده وكمان أنا لازم اسافر على شان
عندى شغل بره وهاخد ضى معايا
استغربت ضى طلبه هو لسه ميعرفش حاجه عنها ولا هى
كمان متكلموش مع بعض ومعرفوش اطباع بعض
ازى يطلب أنهم يتجوز بالسرعة دى ورجعت تفكر نفسها
إن جوزها من حسين كان فيه وقت تعرفه فيه
بس للاسف طلعت مخدوعه في الاخر
خرجها من سرحنها صوت ياسين ها ياعمى قولت ايه
محمد وهو مش عارف يقول إيه لأنه مكانش متوقع طلبه
والله يابنى مش عارف اقولك ايه يعنى أنت فاجأتني
بطلبك
ادخل فايز بالكلام وافق يامحمد وصدقنى بنتك هى بنتى
والكل هيشلها فى عينه
بص محمد فى عيون ضى على شأن يعرف ردها إذا كانت موفقة ولا رفضه
غمضت ضى عنيها معناها أنها معندهاش مانع
محمد . تمام ياحاج فايز على بكره الله
تعالت الزغاريط والمبركات وكل ده ياسين جالس ببرود
ونظر لضى وبتسم ابتسامه فوز
استغربته ضى ومهمتش معنى نظرته وابتسامته ليها بس تجاهلت الموقف
أما عند حسين اتنفض فى سيارته اول ما سمع صوت
الزغريط جيه من عند بيت ضى قلبه اتخلع من مكانه
حاس فى الوقت ده أن حب عمره راح من أيده
فضل يانب نفسه ازى محفظ عليها كانت معه وفى حـ,ـضنه
كانت ما بين اديه وهو بغبائه ضيعها منه كان فاكر لما
يريح أمه هيقلل المشاكل معاها وهى هتستسلم وهتعيش
زى كل الستات بس طلع غلطان جه عليها وهو عارف
إن هى عندها حق بس بعد إيه نزلت دمعه من عنيه
محولش يمسحها لأنه لو فضل يبكى العمر كله على ضيعها
منه مش هتغسل هموم قلبه
استاذن فايز ومراته وابنه وتفق أنهم هيجيبه شبكه ضى
يوم الخميس إن شاء الله وأخذوا بعضهم ومشيو
أما ضى دخلت غرفتها وكانت مستنياها صاحبتها ريم
ريم . بحماس إيه الموز الأرض جو ده ينهار حلاوه
ضى . بضيق احترمى نفسك ياريم انت عارفه انى مش بحب
كده
ريم . بضحك يابت عليه أنا الكلام ده شكلك غيرانه
ضى . بتنهيده لا وانت الصدقه انا خايفه وقلقانه
ريم . خايفه من إيه بقى أن شاء الله الراجل مفهوش حاجه
تتعيب ده حلم الملايين يابنتى كرزمه وطول وعرض
وكل ده هيعيشك فى مستوى مستريح عايزه ايه تانى
يابوظ الاخس انت
ضى . هتصدقى رغم كل اللى قولتيه هو فعلا صح
بس نظرت عينه تخوف بارد مش قادره أفهمها
ريم . بطلى تحليلى كل حاجه كده وافرحى اللى انت
فيه ده طبيعي بسبب تجربتك الاوله الراجل مفهوش
غلطه حرام عليكى افرحى بقى بطلى نكد
ضى . حولت تقتنع بكلام صحبتها وتشيل الأفكار دى
من دمغها
استأذنت ريم أنها تروح على شأن اتاخرت جداً على ولدتها
نزلت ريم وخرجت من باب العماره شفها حسين جرى
عليها
ريم . اتفجأت بيه حسين خير فى إيه اقصدى إيه اللى
جابك
حسين . سألها وكان خايف من إجابتها وكأنه عارفها
هو الزغريط اللى جيه من بيت عم محمد دى ايه
ريم. . اشفقت عليه كل شىء قسمه ونصيب وربنا
يعوضك خير
حسين . بكسره يعنى خلاص مافيش أمل ضى هتكون
لغيرى
ريم. . بحزن على حالته ربنا يعوضك باحسن منها عيش
حياتك الدنيا مبتقافش على حد
حسين . أعيش حياتى بالسهل كده طيب هى حياتي
اعشها ازى دلوقت وسبها وركب عربيته وتحرك ومشى
روح على البيت وقابل ولدته
زينب . كنت فين ياحسين اتاخرت ياابنى قلقتينى
عليك
حسين . بنكسار خلاص ياامى ضى راحت من ايدى
هتجوز يارب تكونى مبسوطه
زينب . وبتحاول تبرء نفسها أنا ياحسين هفرح لخراب
بيتك هى اللى محفظتش على بيتها
حسين . بغضب هى ولا انت اللى بتدخلى فى حياتها
وكانه فرض تنفيذ كل اومرك اهنتيها وغلطى فيها
وانا بدل ما أحفظ عليها وعلى بيتى خربته الله يسامحك
ياامى الله ياسمحك وسبها وطلع على شقته
حست زينب بالحزن على أبنها وعرفت غلطها بس بعد فوات الاوان ………………
هل يشفع لنا الندم بعد فوات الاوان
الفصل السادس
روايه عصيان أنثي
بقلم حنان ماهر
( ضى وياسين )
لا تتعلق بأحد كثيراً فمهما كانت علاقتك به قوية
سيأتى يوماً ويجد بديلاً
عده يومين على ابطلنا وجه يوم الخميس استيقظت بطىتنا
على صوت المنبه خرجت من غرفتها لقت ولدتها تنظف المنزل
ضى . صباح الخير يا ست الكل بتعملى إيه من بدرى
روقيه . صباح الورد ياقلب أمك بجهز البيت على شان
نستقبل عريسك وأهله قلت ابداء بالتروقيق وبعد كده
أدخل على المطبخ أعمل الأكل
ضى . تمام ياأمى أنا هدخل اتوضى واصلى الضحى واجى
اساعدك
روقيه. .لا ياحبيبتي أنت تروحى تلبيس زى الشطره وتكلمى
صحبتك ريم وتقبليها وتروحى تشترى طقم جديد على
شأن تقبلى بيه عريسك
ضى. . مش لازم ياامى اقبلهم باى طقم من عندى وخلاص
روقيه . بضيق من بنتها ازى ياعنى هتروحى معاهم على
شأن تختاري الشبكه بأى حاجه اسمعى الكلام ياضى
وبطلى منهده
ضى . حاضر ياامى هعمل اللى يريحك بس مستغربه حماسك
وفرحتك الصراحه انت فى جوزتى من حسين ماكنتيش
فرحانه كده ولا كنتى بتهتمى بالتفصيل ذى دلوقتي
روقيه . انا كنت قلقانه من الأول فى جوزتك الاولانيه
ماكنتش عجباني أمه وتصرفاتها وقلت لابوكى بس هو قالى أنه شاب محترم وهيصونك
وطلع احساسى صح بس الحمد لله ربنا عوضك باحسن منه
عمك فايز وناديه مراته ناس محترامه هيعملكى زى بنتهم
وعريسك ياسين الله اكبر عليه شاب زى الورد محترم وابن ناس حسه أن ده عوضك يابنتى
ياله بقى اتحركى على شان تلحقى تشترى الفستان وتروحى
للكوافير
ضى . وايه لزمته كوافير أنا شايفه أنه ملهوش لزمه
وبضحك وكمان إسمه بيوتى سنتر مش كوافير ياحاجه
روقيه. . بت انتى اتحركى اخلاصى وبطلى رغى
وروحى ياله اعملى اللى قولتلك عليه
سبتها ضى وراحت اتوضت وقدت فرضها وتصلت بريم
فى الوقت ده ريم كانت نايمه وضى اتصلت بيها اكتر
من مره واخيرا ردت بنعاس
ريم . الو مين
ضى . ريم إنت لسه نيمه انت يا بنتى
ريم. ومش قادرة تفتح عنيها ومش مركزه أنها بتكلم ضى
إن الرقم الذى تحاول الاتصال بيه ربما يكون مغلقا
تيت تيت تيت
ضى . بضيق من صحبتها اكلمت بصوت عالى
ريم إنت يابنتى اصحى بقى فوقى
اتنفضت ريم على السرير
ريم . بخضه ايه فى ايه سمعت صوت ضى من التليفون اللى
جنبيها على السرير مسكته بسرعه الو ايوه ياضى انت معايا
ضى . ايوه ياكسلانه هانم أنا معاكى انت بقى معايا
ريم . وهى بتهرش فى شعرها أيوه ياستى معاكى اهو خلاص
صحيت
ضى. بهزار الله يكون فى عونه اللى هيتجوزك هياخد واحده
لو دخل عليها حرامى مش هتحس بيه
ريم . ده يابخته اللى هيتجوزنى هو هيلقى فى طعمتى
وحلاوتى دانا قمر
ضى . ربع ثقتك فى نفسك المهم قومى اللبسى وهعدى
عليكى على شأن نروح نشترى فستان وبعد كده هنطلع
على البيوتى سنتر لزوم التظبيط
ريم . بضيق ماشى ياضى اصلك معندكيش غيري
ضى . بحب انا فعلا مليش غيرك يا ريم أنت مش صاحبتي
وانتمتى بس أنت اختى اللى ربنا عوضنى بيكى
ريم . ربنا أعلم ياضى انت كمان اختى مش صاحبيتى بس
المهم ألف مبروك ياستي أنا هقوم هجهز وهستناكى
قفلت ريم مع ضى وقامت تجهز نفسها
بعد مده وصلت ضى تحت بيت ريم وتصلت بيها وبلغتها
إنها مستنيها تحت نزلت ليها ريم وتاجهت للمول
دخلو محل فساتين وكل واحده اختارت فستان
واتجهوا إلى البيوتى سنتر أتصلت روقيه بضى
روقيه . انت فين يابنتى بقينا بعد العصر وانت لسه ماجتيش
ضى . انا فى بيوتى سنتر ياماما خلاص قربت اخلاص
وهاجى أنا وريم على طول
روقيه . طيب ياحبيبتي متتاخروش على شان الناس
زمنهم جاين
ضى . حاضر يامامى وبعدين حضرتك السبب يعنى كان
لازم أنزل النهارده كنتى قوليلي أنزل امبارح مثلاً
روقيه. . اللى حصل بقى ياله خلصى وتعالى على طول
وقفلت معاها وبعد فترة وصلت ضى وريم المنزل
دخلت شقتهم لقت محمود أخوها
محمود . إيه الحلاوه دى انت بقيتي ليدي ليدي يعني
ريم. . وانا ياض يا محمود إيه رأيك فيه شكلى حلو
محمود . بهزار اعتقد لون الفستان مش ليق عليكى
ريم . بضيق أسكت يالا هو انت بتفهم فى الزوق أنا
اللى غلطانه انى سألتك
فى الوقت دخل محمد من بابا الشقه وكان شايل علب
جاتو وشوكلاته
محمد . السلام عليكم ورحمه الله
الكل رد السلام
خد من ايدى الحاجه يامحمود يابنى وبص على ضى وريم
بسم الله مشاء الله إيه الجمال ده
ريم . بجد ياعمى شكلى حلو الفستان ليق عليه
محمد . زى القمر عقبال منفرح بيكى ونطمن عليكى وانت
فى بيت جوزك
ريم . ربنا يخليك ياعمى
ووجهت كلامها لمحمود شفت ياللى مبتفهمش
محمود . وحب يغظها خلاص ياستى انت مكنه وقمر
ريم . بغضب ياقليل الادب طيب والله مانا سيباك يامحمود
الكل*ب وتجرى وراه بتحاول تمسكها وهو بيجري منها ويستخبى ورا والده ورا ضي والكل بيضحك عليهم في الوقت ده خرجت رقيه من المطبخ
روقيه. . ايه الدوشه دى وبصت على ضى واخدتها فى حضـ,ـنها ذى الاقمر ربنا يسعدك يا بنتى ويفرحنى بيكى ويطمنى عليكى رن جرس الباب
محمد . ادخلوا جوه على شان افتح الباب شكل الجماعة
وصلت وانت يا محمود تعالى استقبالهم معايا
فتح محمد الباب ورحب بفايز ومراته وياسين
خرجت روقيه ترحب بيهم
روقيه . أهلاً اهلا منورينا والله وراحت أخذت ناديه بالحـ,ـضن
وسلامت على ياسين والحاج فايز
ناديه . اهلا بيك ياست روقيه البيت منور بصحابه ياحبيبتي
امال فين عروستنا
رقيه داخله استعجلها دخلت رقيه يلا يا ضى حبيبتي الناس بره تعالي يلا شيلي صينيه العصير ده وقدميها ليهم
اخذت ضى الصينيه وقدمت لهم العصير واول ما وصلت عند ياسين لقيته باصص عليها حست بخجل شديد استغربت
نفسها محستش الاحساس ده مع حسين يمكن على شان
متعرفهوش
بس استغربت نظراته حستها برده وحاده
ياسين . لو ممكن ياعمى ننزل دلوقتي على شان نلحق
المحل قبل ما يقفل
روقيه . لحقته مش هينفع هناكل مع بعض الاول أنا هجهز
السفره بسرعه ياله ياضى
ناديه . طيب خليها بعد ما نشترى الشبكه على شان الوقت
محمد . خلاص ياجماعه احنا ننزل دلوقتي ولما نرجع
هتعشا مع بعض ادخلى ياضى اجهزى ونادى صاحبتك
نزل الجميع ركب محمد وروقيه مع فايز وضى وريم
ومحمود مع ياسين
طول الطريق وياسين ساكت محولش حتى يتكلم مع
ضى
استغربته ضى معقول دى شخصيته حست
انها استعجلت هتحاول تتكلم مع ولدها بس الوقت
مش مناسب لما ترجع البيت هتكلم معه
وصله عند جوهرى اللى بتتعامل معه ناديه نزل الكل
قربت ريم من ضى إيه ده شكلهم اغنيه أوى
معندهوش اخ ابن عم اى حد قريبه
نغزتها ضى فى كتفها ودخله
أما ياسين فضل ماسك التليفون وعمل نفسه مشغول
ناديه. . ياسين ياحبيبى قرب على شان تنقى الشبكه مع
عرستك
ياسين . معليش ياامى اختارى معاها بس أخلص حاجه
مهمه وهاجى
قربت ناديه وحولت تدارى على أبنها وكان اللى عمله حاجه
طبعيه
مساء الخير يافواد ( ملحوظه فوائد ده الجوهرجى ) أنا عايزه احسن تشكيله عندك على شان خطيبت ابنى
فوائد . بجد ياسين بيه خطب الف مبروك ربنا يتمله على
خير
أما ضى كانت مضيقه وحسه أنه مش مبصوت بالجوازه دى
اختارت ضى شبكتها وكانت امها وأبوها والكل سعيد
وياسين جالس فى السيارة بيتكلم فى التليفون وكان
بيضحك وفرحان
استغربته ضى وقربت وركبت جمبه فى وهى مضيقه
وركبوا معاهم محمود وريم
قفل ياسين المكالمه وتحرك بالسيارة ووصل على منزل
عم محمد نزل محمود وريم وضى فضلت قاعده
أستغرب ياسين هى منزلتش ليه
ياسين . انت كويسه عايزه تقولى حاجه
ضى . بغضب وجهت وجهها ليه هسالك سؤال وياريت تجوبنى بصراحه
ياسين . استغرب قوتها وغضبها وطريقة كلامها معه
اتفضلى اكيد هجوبك بصراحه
ضى . انت مغصوب على الجواز منى
ياسين. . بغضب ياسين السيوفى متخلقش اللى يغصبه
على حاجه …………….
ياترى رد ضى هيكون ايه
الفصل السابع
روايه عصيان أنثي
بقلم حنان ماهر
(ضى وياسين)
ضى . بغضب وجهت وجهها ليه هسالك سؤال وياريت تجوبنى بصراحه
ياسين . استغرب قوتها وغضبها وطريقة كلامها معه
اتفضلى اكيد هجوبك بصراحه
ضى . انت مغصوب على الجواز منى
ياسين. . بغضب ياسين السيوفى متخلقش اللى يغصبه
على حاجه
ضى . بغيظ حست أنه إنسان مغرور
طيب ليه عايز تجوازنى انت حتى متعرفنيش وأسلوبك
وبرودك انت حتى محولتش تكلم معايه ونحول نتعرف
على بعض انت طلبت أن جوزنا هيكون خلال الشهر ده
طيب ازى هنتجوز ومحدش يعرف حاجه عن التانى
المفروض تعرفنى طباعك إيه بتحب إيه بتكره ايه
ياسين . بيتكلم ببرود بالنسبة لسؤالك أنا عايز اتجوزك
ليه ده هتعرفيه لما تبقى مراتى أما بالنسبة لطباعى
فده برده هتعرفيها مع الوقت متستعجليش كل حاجه
هتيجى فى وقتها
ضى . اتغاظت من بروده بصتله بضيق شكلنا مش متفقين
انا بقول نفضها أحسن من أولها
وجت تنزل من العربيه لقت ياسين ماسكها من درعها
جامد
ياسين . انت قصدق ايه
ضى . لو سمحت سيب ايدى
ياسين . بغضب بقولك قصدك ايه
ضى . خافت منه بس دراته وتكلمت بشجاعة
قصدى أنى مش مرتاحة ومش هكمل
وكل واحد يروح لحاله
ياسين . بغضب وضغت على درعها اكتر وقربها منه ده فى أحلامك وجوزنا هيتم فى معاده
ضى . بالم وحولت تبعد أيده عنها بس هو مسكها بأحكام
انت انسان مريض انت ازى عايز تجوز واحده مش عايزاك
انا مستحيل أبقى مراتك
ياسين . بحده قبولك أو رفضك ميهمنيش لو خايفه على اخوكى ومستقبله يبقى تعقلى كده وتسمعى الكلام
واللى حصل ده تنسيه
ضى . بخوف أنت بتهددني باخويا
ياسين. . ساب ايديها وبص قدامه أنا معرفش اهدد انا بنفذ وبس ودلوقتي انزلى على شان اتاخرتى عليهم ولو حكايتى ليهم اى حاجه من اللى حصلت متزعلش من رد فعلى
ضى . نزلت وكانت حسه أن رجليها مش شيلها فداخت
واغمى عليها
شفها ياسين ونزل بسرعه من العربيه وشلها وطلع بيها
على شقتها
فتحت الباب روقيه وتخضت لما لقت ياسين شايل ضى
الكل جرى عليهم
روقيه . بخضه بنتى مالها حصل ليها ايه
ياسين . لو سمحتى ياطنط فين الاوضه بتعتها
شورت له على غرفتها دخل ياسين ونزلها على السرير
وروقيه جلست جنبها تحاول تفوقها هى وريم
اتصل ياسين بدكتور صديقه وطلب منه أنه يجيله على العنوان ده قرب منه محمد بقلق
محمد . ايه اللى حصل ياابنى طمنى
ياسين . مش عارفه ياعمى هى نزلت من العربيه أغمى عليها
على العموم الدكتور هيجى ويطمنا
وصل الدكتور وكشف عليها و خرج يطمنهم قرب محمد منه ها يادكتور بنتى عمله إيه وايه سبب ألاغماء ده اول مره
تحصل ليها
الدكتور . متقلقش ياحاج هى كويسه دلوقتي هو بس ضغطها
وطى مره واحد بس هى دلوقتي بقت كويسه
محمد . بستفسار وايه اللى خلى ضغطها يوطى دى أول مره يحصل ليها كده
الدكتور . اكيد فى حاجه زعلتها جامد وهو ده اللى سبب
ليها كده
محمد بص على ياسين وحس أنه هو السبب بس محبش يسأله وقال لما يفهم من بنته الاول
أما ياسين كان واقف وحاطط ايديه في جيبه ومش فارق معه حاجه
استأذن الدكتور طلبت ناديه أنها تدخل تطمن على ضى
سمح ليها محمد ودخلت لضى
ناديه . قربت من ضى ومسكت اديها ألف سلامة عليكي ياحبيبتي
ضى . الله يسلمك ياطنط الحمد لله
ناديه . هو ايه السبب اللى خلاكى تتعبى ويغمى عليكى كده انت كنت كويسه
ضى . افتكرت تهديد ياسين وحولت تدارى حزنها ابدا ياطنط ممكن على شان ماكلتش طول اليوم
ناديه . مينفعش ياحبيبتي اهتمى بنفسك عن كده
ضى . ابتسمت وحست انها انسانه طيبه حاضر ياطنط شكرا
لحضرتك
ناديه . طيب ياحبيبتي إحنا هنستاذن وهبقى اتصل بيكى
اطمن عليكى خلى بالك على نفسك
ابتسمت ضى وهزت رأسها سلمت ناديه على روقيه وريم
وخرجت وطلبت من فايز أنهم يستاذنه
وبعد ما نزلوا مسكت ناديه ايد ياسين
ناديه . انت عملت ايه فى البنت خلتها يغمى عليها
ياسين . اتكلم بعدم مبلاه هعملها ايه يا عنى لو سمحتىي باامى أنا عايز ارجع البيت لانى تعبان جداً
بصت عليه ناديه بعدم تصديق تمام يا يايسن بس يكون
فى علمك لو الجوازه دى ماتمتش يبقى تنسى أن ليك
أم وسبته وراحت تركب السيارة مع فايز
وعند ضى دخل محمد غرفتها يطمن عليها جلس جنبها
محمد . عمله إيه دلوقتي ياحبيبتي بقيتى احسن دلوقتى
ضى . بابتسامه الحمدلله يابابا أنا كويسه متقلقش
محمد . بقلق هو إيه السبب اللى خلى ضغطك يوطى
ويغمى عليكى
ضى . حولت تكون طبيعية أبدا يابابا أنا بس ماكلتش
حاجه من الصبح هو ده السبب
محمد . بشك يعنى هو ده السبب
ضى . ايوه يابابا صدقنى مافيش حاجه تانيه
محمد . تمام يابنتى ياريت تهتمى بنفسك عن كده
وخرج من عندها قربت منها ريم
ريم . ايه اللى حصل ياضى حوار الاكل ده مش داخل دماغى
ضى . وبدأت دمعها تنزل أنا خايفه ياريم البنى ادم ده
مش طبيعي
ريم . قلقت على صاحبتها طيب أهدى وحكيلى ايه اللى
حصل
بدأت ضى تحكلها كل حاجه قامت ريم بعصبية
هو اتجنن أنا لزم احكى كل حاجه لعم محمد
ضى . بلهفة استنى ياريم ارجوكى أهدى أنا لازم افكر
فى طريقه اخلص منه هو هديدنى بمحمود شكله
مش سهل
ريم. . صدقيني ياضى انت لزم تحكى لعم محمد
هى دى الطريقة الوحيده اللى هتخلصى بيها منه
ضى . انت لو كنتى شفتى الثقه اللى بيكلم بيها تخافى
انا معنديش استعداد اخاطر باخويه
قربت منها ريم طيب والعمل يعنى هتجوزيه انت كده
بترمى نفسك فى النار
ضى . مش عارفه ياريم أنا مش قادره افكر فى اى حاجه
دلوقتي
ريم . خلاص ياضى أهدى وارتاحى على شان متتعبيش
تانى أنا همشى دلوقتي على شان اتاخرت على ماما
وبكر بإذن الله هكون عندك
ضي. طيب يا حبيبتي ابقي طمنيني عليكي وبليغها سلامي
ريم بابتسامة. حاضر يا قلبي وحضـ,ـنتها وقالت خلي بالك من نفسك وماتتعبيش نفسك فى التفكير وخليها على ربنا
ضي اتنهدت. ان شاء الله خير هتوكل علي الله وربنا ميجبش حاجه وحشه ابدا
ريم . إن شاء الله يا حبيبتي سلام
ريم مشيت وضي اتنهدت وقعدت تفكر هتعمل ايه في المصيبه اللي هي فيها هي مش مستريحه للبني ادم ده خالص وتصرفه انهارده أكد لها أن مش ده اللي مفروض الانسان اللي تكمل مع حياتها بيهددها بأخوها يبقي مستحيل يكون السند والضهر اللى تسند عليه
أما عند ياسين واول ما روح طلع علي اوضته اخد شاور وبعدين مسك التليفون لقه صحبه كريم بيرن ف بيرد
(كريم الصاوى أنتيم ياسين وابن خالته)
كريم . أخبارك إيه يا ياسين فينك يا ابنى ولا خلاص
سيلا وخده كل وقتك ولا اللى لقه أحبابه نسى أصحابه
ياسين . بضيق أخلص ياكريم ماما أتصلت بيك
كريم . ياابنى أهدى شويه خالتى عايزه تطمن عليك نفسها
تشوف ولادك وده حقها
ياسين. . وايه المطلوب منى تانى ما أنا عملت اللى هى عايزه
ورحت خطبت واحده مش بطقها
كريم . وايه اللى غصبك ياابنى سبها وشوف غيرها على
فكره خالتى مش مصممه عليها هى رشحتها ليك على
شان عارفه اخلاقها وكفاية أنكم قرايب
ياسين . بس متقوليش قرايب أنا معرفش عنهم حاجه
وبعدين أنا مش مغصوب عليها أنا هتجوزها عند
كريم . وليه ده كله يا ياسين هى عملتلك إيه بلاش تظلم
بنات الناس معاك
ياسين . بغضب الكلام ده تقوله لناديه هانم وفايز باشا
هما السبب اللى فرضوها عليه يتحمله بقى
كريم . ياريت تراجع نفسك ياصاحبى على شان مترجعش
تندم
قفل ياسين مع كريم و حاول
يهدى أعصابه
عده يومين على ابطالنا
عند ضى استيقظ من نومها دخلت الحمام اتوضيت واديت
فرضها ودعات ربها ينجيها من ياسين وقامت غيرت ملابسها
وخرجت من غرفتها لقت والدها جالس
ضى . صباح الخير يابابا
محمد . صباح النور ياحبيبتي ايه رايحه فين من بدرى كده
ضى . رايحه المدراسه يابابا كفاية كده الاجازه طولت
هى ماما فين
محمد . مامتك فى المطبخ بتجهز الفطار
ضى دخلت المطبخ عند روقيه صباح الخير ياروقه ياقمر
روقيه . صباح الفل ياقلب روقيه ايه رايحه فين من بدرى
كده
ضى . رايحه الشغل ياماما كفايه كده
روقيه . طيب ياحبيبتي استنى افطار الاول
ضى . لا ياست الكل أنا اتاخرت وكمان هفطر مع ريم متقلقيش
روقيه . خلاص ياحبيبتى خلى بالك من نفسك وربنا معاكى
نزلت ضى وخرجت من باب العمارة لقت ………………
الفصل الثامن
روايه عصيان أنثي
بقلم حنان ماهر
(ضى وياسين)
نزلت ضى وخرجت من باب العمارة وتفأجات لما لقت قدمها حسين
ضى . بضيق انت إيه اللي جابك هنا
قرب منها حسين برجاء . لو سمحت ياضى ادينى فرصة اتكلم معاكى
ضى بغضب وضيق . ما فيش كلام ما بنا ولو سمحت يا حسين ابعد عنى
حسين. بحب وشتياق. مش قادر ياضى صدقينى بحاول مش قادر
انا غلطان ادينى فرصة واحدة صدقيني هصلح كل حاجه
ضى وحست الصدق فى كلامه . خلاص ياحسين مابقاش
ينفع أنا دلوقتي مخطوبه
حسين .قرب منها ومسك أيديها سبيه وتعالى نرجع وانا
اوعدك مش هزعلك وهعمل كل اللى يريحك
شدت ضى اديها بغضب إيه اللي بتعمله ده مش من
حقك ولو سمحت ياحسين ابعد عني ومتحولش تقرب منى تانى وسبته ومشيت
وصلت ضى المدرسة وكانت مضايقة وماشيه سرحانه قبلتها ريم
ريم . ضى انت يابنتى
ضى . ها …
ريم . لا دانتى حكايتك حكايه انت تيجى وتحكيلى فيكى ايه
واخدتها من اديها ودخلت غرفه المدرسين
ها ياستى مالك فيكى إيه حصل حاجه تانيه من عريس
الغفله
ضى . لا ياسين ملهوش دخل ده حسين
ريم . باستغراب ماله حسين مش صفحه وقفلنها
ضى . حسين كان واقف تحت البيت النهارده
ريم باستغراب. واقف بيعمل ايه عندك مش فاهمه
ضي اتنهدت. عايزنى اديله فرصه ونرجع لبعض
ريم. وانتي قولتي ايه
ضي بصتلها. هقوله ايه يعني يا ريم اكيد لا
ريم. بصي هو معاكي حق بس انا حاسه أنه فعلا عايز يرجعلك وحسه بصدق في كلامه وبما أن احنا عرفنا ياسين علي حقيقته ف ليه لا حاولي تديه فرصه
ضي بضيق وقالت. لا طبعاً مستحيل ارجع له تانى انا مش هدوس علي كرامتي علشان حد أنا مش هغلط نفس الغلطه مره تانيه
ريم . طيب هتعملى ايه مع ياسين
ضى . مش عارفه ياريم خايفه ارفض ينفذ تهديده وياذى محمود انا خلاص مش قادره افكر
ريم. والله ما عارفه اقولك ايه بصي احنا ناكل احسن وبعدين نفكر
ضي بصتلها بغيظ. تصدقي انك بت رخمه ومعندكيش دم شوفي بقول ايه وانتي همك علي بطنك
ريم . في ايه يا ضي الله جعانه ده حتي بيقولوا الاكل بيدي طاقه علشان دمغنا تشتغل ف خلينا ناكل قومى يلا يلا
وشدت ريم ضي وراحوا ياكلوا
عند ياسين وكان بيتكلم في التليفون وبيبتسم وبيقول . ايوه يا حبيبتي اكيد وحشاني
سيلا بضيق. لو كنت وحشاك كنت جيت انت بعيد عني اوي وانا زعلانه منك انت وحشتنى اوى يا ياسين
ياسين. طب اعمل ايه يا حبيبي ما انتي عارفه المشكله اللي حصلت والنصيبه اللي ادبست فيها (كان يقصد بالنصيبه ضي) هخلص موضوع الجوازه دي وهجيليك يا حبيبي علشان وحشاني
سيلا اتنهدت.اهو انت تضحك عليا بكلمتين حلوين وانا زي الهبله بسامحك
ياسين ضحك. بتسمحيني علشان قلبك ابيض يا قلب ياسين
سيلا . تمام ياقلبي حولتلى الفلوس اللى طلبتها منك
ياسين . اه ياحبيبى حولتها على حسابك فى الفيزه بتاعتك
سيلا . مرسى اوى ياحبيبى اسيبك دلوقت واكلامك بعدين على شان اصحابى بيندونى باى وقفلت مع ياسين
نزل ياسين ولقه ولدته تتحدث فى الهاتف انتبهت ناديه بنزول ياسين وأغلقت الهاتف
ياسين . مساء الخير يا ماما
ناديه . مساء الخير يا حبيبي ايه انت خارج
ياسين . أيوه رايح على الشركه
ناديه . توصل بالسلامه يارب ياحبيبى ياسين ولسه هيمش
وقفته ناديه ياسين كلمت ضى
ياسين وقف مره واحده وكان مديها ضهره وكان حاسس بالضيق . وعايزانى اكلمها فى إيه
ناديه . بغضب ياسين متنساش أن أنا امك اتكلم بطريقة احسن من كده
ياسين . لف ليها وتكلم بضيق أنا عملت كل حاجه حضرتك عايزها على شان ارضيكى فرضتى عاليه واحده مش عايزه
على شان متزعليش لكن اكتر من كده متطلبيش منى
ناديه بتحاول تستعطفه. ياياسين ياحبيبي أنا نفسى اشل
ولادك أنا مقدرتش اجبلك اخوات بسبب انى قلبى ميستحملش حمل وولاده وانا وابوك نفسنا فى عزوه نفسنا
نشوف عيالك بتجرى حولينا
ياسين بيتكلم برجاء وبيمسك اديها . طيب ما أنا متجوز
وبكره إن شاء الله ربنا يكرمنا أنا وسيلا بلاولاد اللى
نفسك فيهم
ناديه . بحده وغضب سيلا اللى اجوزتها غصب عننا ورغم
إن الكل اكدلك أنها مش كويسه وأنها طماعه وكل همها فلوسك وبس برده صممت تجوزها وفرضت
وجدها علينا انسى يا ياسين انى اعتبرها مراتك أو تكون
ام احفادى
ياسين بنفاذ صبر عارف أنه كلامه معاها مش هيجيب نتيجه . تمام ياامى هعمل اللى انت عايزه أنا همشى دلوقت على شان اتاخرت على الشركه سبها ياسين وخرج وهو مش عارف يقنعها ازى أن بيحب
مراته وان دى حياته وهو الوحيد اللى ليه الحق أنه
يقرر يعشها ازى بس هى بتضغط عليه بسبب تعبها
وان الدكتور نبه عليه أن قلبها ميستحملش
خرج ياسين وطلع على الشركه ( ملحوظه شركته إسمها السيوفى جروب ) ودخل مكتبه وكانت فى استقباله السكرتيرة بتاعته واسمها ليله
ليله دخلت وراى . حمد الله على السلامتك يافندم
ياسين بجديه . كريم وصل
ليله . كريم بيه وصل من بدرى وفى مكتبه
ياسين . تمام بلغيه أنى وصلت ومستنيه فى مكتبى
ليله. تمام يا فندم تقمر بحاجة تانيه
ياسين. اه القهوة بتاعتي
ليله . امرك يا فندم عن اذنك
ليله خرجت وتصلت بكريم وبلغته أن ياسين بيه عايزه فى مكتبه خرج كريم من مكتبه وتاجه لمكتب كريم
كريم خبط على الباب وفتحه وقف وبضحك . ادخل
ياسين . ما انت دخلت تعالى ياكريم
كريم . إيه مالك يا ياسين هو انا كل ما ادخل عليك الاقي بوزك شبرين شكلك مضايق فى حاجه حصلت
ياسين . بوزك يا بن الملافظ سعد أنا مش عارف انت بتجيب
الكلام ده منين
كريم . ياسيدى متركزش ها قولى مضايق ليه
ياسين . ما فيش ياسيدى غير موضع الجوازه الهباب اللى فرضها عليه خلتك انا تعبت ياكريم وانا بحاول اقنع فيها ازى عايزينى اتجوز واحده تانيه غير سيلا وتقبلها فى حياتى
كريم . انا مش عارف اقولك ايه يا صاحبي بس خالتى
عندها حق نفسها تفرح بعيالك ومتزعلش منى سيلا
بطريقه حيتها صعب تشيل مسؤوليه ولاد وهي نفسها وافقت عشان عارفه ده
ياسين بضيق من كلام كريم فهو عارف أنه عنده حق . خلاص ياكريم وادينى هعمل اللى هى عايزه
خرج كريم من عند ياسين وياسين مسك تليفونه وتصل
بضى فى الوقت ده ضى كانت بتفطر مع ريم وبيضحكه
مع بعض لقت رقم غريب بيرن عليها
ضى . السلام عليكم ورحمه الله وبركاته مين معايا
ياسين . وعليكم السلام إيه مش مسجله رقمى
ضى انتفضت لما عرفت أنه ياسين وبغضب مقدرتش تخبيه .
وانا اسجل رقمك ليه إن شاء الله
ياسين بغيظ من غرورها وبغضب مماثل . على شان خطيبك
وهبقى جوزك قريب
ضى . بس متقولش خطيبك أنس ده فى أحلامك أنا ابعد
من نجوم السماء أوعى تكون فاكر انى هخاف من تهديدك
انت متقدرش تعمل حاجه
