ياسين استغرب جرأتها وقوتها وتحديها ليه . ده انت طلعتى
قطه بتخربش بصرحه هتخلينى هغير نظرتى ليكى وانا
بحب التحدى وكمل بحده اجهزى ياعروسه لكتب الكتاب
ضى ولحظه حست بخوف من تهديده بس حولت تخبيه.
انت بتحلم أنا مستحيل أقبل بيك أو اكون فى يوم مراتك
ياسين بابتسامة خبث . مستحيل وانا بحب التحدى قلتي لي بقى محمود اخوكى فى تلاته ثانوى وحابب يبقى مهندس
ممكن مثلا حد من أصحابه يحط ليه حاجه فى الشنط
بتاعته من غير ما يعرف وبلاغ صغير وانا حبايبى كتير
ومستقبله واحلامه تضيع وانتى السبب اسيبك تجهزى
نفسك لكتب الكتاب سلام
قعدت ضى بصدمه و ………..
الفصل التاسع
روايه عصيان أنثي
(ضى وياسين)
بقلم حنان ماهر
كل انسان بيمر بفتره لا يريد أن يرى أحد يتمنا أن يذهب
بعيداً يختفي عن كل البشر لا يقدر على المواجهة
يمر بالضياع وفى نفس الوقت يريد من يسانده يكون لها
العون والدرع لمواجهه الحياة
جلست ضى من صدمتها ضائعه مش عارفه تصرف ازاى
انهارت من البكاء قربت منها صديقتها ريم بخضه وفزع
عليها
ريم . ضى حبيبتي قوليلي إيه اللى حصل قالك إيه الحيو*ان
ده كل ده وضى منهاره مش قادره تنطق بكلمه مبتعملش
حاجه غير أنها بتعيط ريم كملت كلمها حرام عليكى ياضى
نفسك طيب أهدى وهنلقى حل واخدتها فى حضـ,ـنها
تهون عليها
بعد فتره بدأت ضى تهده راحت ريم وجابت ليها مايه
ريم . ها ياحبيبتي قوليلي إيه اللى قالوا ليكى البنى ادم
ده خالكى منهاره بالشكل ده
بدأت ضى تحكى ليها كل حاجه حصلت وتهديده أنه
هيدمر مستقبل أخوها
ريم بانفعال وغضب على صاحبتها . لا يمكن يكون طبيعي
ده اكيد مجنون انت لازم تحكى لعم محمد سكوتك هيخليه
يتماده
ردت ضى . لا انا مستحيل اخاطر باخويه ياريم هو هديدنى
بنفوذه احنا مش قده ياريم مش قده وبدأت تنهار
وبعد ما خلصت شغلها رجعت البيت وهى تائها عقلها متوقف
عن التفكير مش لقيه حل ازى تتخلص منه طلعت على
شقتها استقبلتها ولدتها بفرحه استغربتها ضى
قربت روقيه منها بابتسامة . مبروك ياحبيبتي عريسك جبلك
فستان كتب الكتاب ادخلى شفيه فى الاوضه عندك
دخلت ضى غرفتها وشافت صندوق كبير قربت منه وفتحته
لقت فستان أقل ما يقال عليه روعه ولكن حست أنه كفنها
حست بالحزن وسألت نفسها ليه بيحصلها كده
عدت الايام وجه يوم كتب الكتاب
دخلت روقيه غرفت ضى وهي بتزغرط . اصحى ياحبيبتي قومي يا يلا على شان تجهزي
ضي قامت مفزوعه. ايه فى ايه البيت بيوقع
روقيه وهي بتقومها من علي السرير . لا في بيت جديد هيتبني يلا يا اختي علي الحمام علشان الكوافيره زمانها جايه على شان تجهزك انهارده كتب كتابك ياعروسه يلا
ضي بضيق. طيب يا ماما براحه مالك في ايه مستعجله ليه كده شكلك عايزه تخلصى منى
روقيه بحب . انا عايزه اخلص منك أنا نفسي اشوفك فرحانه وسعيده مع اللى يستهلك كفاية اللى شفتيه من جوزتك الاولنيه
ضى فى نفسها . مالعن من سيدى إلا ستى
قربت منها روقيه بس ليه انا حاسه انك زعلانه ومش مبسوطه حصلت مشكله بينك وبين ياسين
ضي بارتبك. مشكله ايه يا ماما أنا بس كنت نايمه وانتي خضتيني مش اكتر و جريت علي الحمام واول ما دخلت قالت لنفسها. اهدي كده يا ضي مالك مستقبل اخوكي بين اديكي وخدت دوش تريح أعصابها اللي تعبانه وهي مش مقتنعه أن انهارده هتكون ملك لاكتر حد بتكره
أما روقيه شكت أن في حاجه بس حولت تطمن قلبها
وعند ياسين فى غرفته دخل عليه كريم لقه بيتكلم فى
التليفون
ياسين . تمام ياروحى متتاخريش مع السلامه ياحبيبتى
قرب منه كريم . إيه ياعريس كنت بتكلم سيلا
ياسين . أيوه ياسيدى مصممه تحضر كتب الكتاب
كريم اتفاجئ . هى رجعت من السفر امتى
ياسين . رجعت امبارح بليل
كريم . وهتخليها تحضر كتب الكتاب عادى ماحدش يعرف
انك متجوز
ياسين بضيق . اللى يعرف يعرف مش فارقه معايا حاجه
مش كفايه انى مجبر على الجوازه دى
كريم . طيب بنت الناس ذنبها إيه يا ياسين
ياسين . الذنب ذنب بابا وخالتك هما اللى مصممين عليها
كريم . راجع نفسك على شان مترجعش تندم
ياسين . خلاص ياكريم مبقاش ينفع أنا هدخل اخد شاور
والبس على شان منتاخرش عن كده
سابه كريم وخرج يجهز برحته
وبعد فتره كان جهز ونزل لقه ولده ولدته مستانينه
ناديه بفرحه حضـ,ـنت ياسين . إيه الشياكه دى الله أكبر عليك ياحبيبي
ربنا يتمهالك على خير واشيل عيالك وافرح بيهم
ياسين بقتضاب . إن شاء الله ياامى
فايز . مبروك يا ياسين ياله ياحبيبى على شان اتاخرنا على
الناس ماينفعش نتأخر اكتر من كده
وعند ضى جت ريم وفضلت معها وبعد فتره كانت
ضى جهزت ولبست الفستان كان منظرها يخطف الأنفاس
هى نفسها استغربت نفسها لما شافت انكاس صورتها فى المرايا شعرها الأسود الطويل شكل ملامحها مع لون عيونها
العسلى كانت ولا الاميرات
خبط الباب ودخل ولدها على شان يخدها عند عرسها
محمد بفرحه. بسم الله ماشاء الله قمر ياحبيبت ابوكى
واخدها فى حضـ,ـنه ألف مبروك ياحبيبتي هتوحشينى ياضى
ضى بحزن بتحاول تخفيه . الله يبارك فيك يا بابا متقلقش
ياحبيبي أنا مش هخلينى هوحشك هكلمكم كل شويه وكل
أسبوع هكون عندكم يعنى مش هلحق اوحشك
قربت منهم روقيه. طيب ياله على شان عريسك مستنى
باره ومعه المأذون مسكت ضى فى ايد ابوها وكان ياسين وأهله مستنينهم
واول ما ياسين رفع عينه وشاف ضى اتفاجئ بجمالها
اول مره يركز فى ملمحها ويشوف شعرها الطويل اللى
مخلى لجملها سحر خاص
قرب منه محمد وسلم عليه . ياسين يابنى ضى أمانه
عندك أنا هديتك حته من قلبى حافظ عليها بنتى مش
هتلاقي فى اخلاقها وطيبه قلبها هتسونك وهتحافظ
عليك وعلى مالك وعلى بيتك وأولادك
ياسين . ما تقلقش ياعمى ضى فى عنيه الاثنين
وجلسوا جنب المأذون لكتب الكتاب
وفضلت ضى سرحانه نفسها تقوم تهرب ومفاتش غير
على جملت المأذون (بارك الله لكما وبارك عليكما وجمع بينكما في خير)
وعليت المباركات والزغاريط وانتهاء اليوم واخد ياسين
ضى فى سيارته ونطلق على الفيلا الخاص بيه
فضل ساكت طول الطريق محاولش أنه يوجه اى كلام لضى
أما ضى كانت خائفة من المصير المجهول اللى هتوجه
وصل ياسين على الفيلا ووجه كلامه لضى وأمرها تنزل
نزلت وأول ما دخلو لقت وحده بتجرى على ياسين
وبتحـ,ـضنه……………..
الفصل العاشر
روايه عصيان أنثي
بقلم حنان ماهر
كونى قوية لا تعطى فرصة لأحد إن يكسرك كونى كبيرة فى
أعينهم لا مكان للضعفاء فى الحياة لا تنحنى للبؤساء
ولا تخضعى للاذلاء أظهرى لهم مدى قوتك
اتفاجات ضى بوجود واحده بتجرى على ياسين بتحضـ,ـنه وحست أنها شفتها فى كتب الكتاب سكتت ومداتش اى
رد فعل
سيلا . حبيبي وحشتنى كل ده فى الطريق
ياسين . أسف ياقلبي الطريق كان زحمه انت مشاتى على
طول ليه
سيلا بحزن مصتنع . ماقدرتش اشوفك وأنت بتجوز واحده
غيرى
اتفاجات ضى وشعرت ببرودة تسري في عروقها
الواقع انفجار يهزّ كيانها شعرت بوزن ثقيل يضغط على صدرها حولت تتمالك نفسها
ياسين تجاهل وجود ضى . حبيبتي انت عارفه ظروف الجوازه دى المهم تعالى انت وحشاني اوى
واخدها وطلع بيها غرفته وترك ضى وقفة مصدومه
مش عارفه تعمل أيه
قربت منها سيده فى الاربعين من عمرها إسمها هدى كانت تشاهد ما حصل مع الفتاة المسكينه فى يوم عرسها
هدى نورتي يابنتى انا ابقى هدى مديره المنزل تعالى حضرتك اوصلك على غرفتك
هزت ضى رأسها بالموافقة وطلعت معاها فهى معندهاش
أى إختيار تانى وصلت على الغرفة وبدأت تتاملها فالغرفه
كانت كبيرة وألوانها مريحه خرجت من تأملها عل صوت
هدى . تحبى احضر لك العشا واجيبه لحضرتك هنا
ضى . لا شكراً أنا مش جعانه
خرجت هدى ودخلت ضى على الحمام أخدت شوار دافى
وغيرت هدمها وأدت فرضها وبدأت تدعى و تناجى ربها
وقامت تنام ودخلت فى سوبات عميق
تانى يوم بدأت تفتح عينيها لقت قدمها ياسين قامت مفزوعه
ضى حتط اديها على قلبها من الخضه. ايه فى إيه واقف كده ليه
ياسين ببرود . إيه شفتى عفريت
ضى بغيظ. . لا أبدا بس ما فيش حد بيقف فوق رأس حد وهو نائم كده وكمان أنا لسه متعوتش عليك وعلى المكان
ياسين مدهاش اهتمام . اجهزى على شان أهلك جاين فى الطريق ومش عايز حد يعرف أنى متجوز واحده تانيه اظن
كلامى مفهوم
وبعد ما خلص كلامه سبها وجى يخرج وقفته
ضى . هو انت اتجوزتنى ليه ما انت متجوز وشكلك بتحبها
ألتفت ليها ياسين وبكل برود الأرض . انا فعلا بعـ,ـشق مراتى
وهى تسواكى وتسوى عشرة من اشكالك
بصتله ضى بزهول وصدمه . طيب ليه اتجوزت عليها مدام بتحبها الحب ده كله
ياسين . انا اتجوزتك على شأن خاطر امى هى مش بتحب
سيلا وعايزانى اتجوز واحده تجيب ليها الحفيد
اتصدمت ضى من كلامه . طيب ليه انا انت اجبرتنى من الجواز منك
ياسين . ليه انت على شان مش ياسين السيوفى اللى يترفض
انا اتجوزتك اكسر غرورك وعزت نفسك الزيده اللى مش عارف على ايه
استغربته ضى هى ما كنتش تتصور اد ايه هو سطحى وتافه
على شان رفضته أول مره طلب يتجوزها تانى مره على
شان يرد كرمته هى كده استوعبت كل تصرفاته معاها
اتكلمت ضى بستهزاء . بصراحة يا ياسين أنا ما كنتش اتوقع
شخصيتك كده مشكلتك انك مش واثق من نفسك على شان
كده مش عجبك الرفض
انا لما رفضتك أول مرة ما كنش العيب فيك أنا اللى ما كنتش
حابه ارتبطت واتجوز تانى لانى كنت خارجه من تجربه صعبه عليه أنا حتى عمرى ما شوفتك قبل كده
ياستاذ ياسين الزواج بيتبنى على الحب والاحترام المتبادل
سابته وذهبت إلى الحمام أغلقت باب الحمام خلفها دموعها بدأت تسيل كان الالم يخنقها والدموع كانت الطريقة الوحيده
للتعبير لما تشعر به
ضى بدأت تهدى وبتحدى . انا لازم أكون أقوى من كده يا انا
يا انت يا ياسين
بعد فترة خبتط هدى على غرفة ضى بلغتها أن ياسين بيه بيبلغها أن أهلها وصلو تحت لبست ضى فستان لبنى 👗 وحطت لمسات ميكب خفيفه وسابت شعرها الطويل وكانت فى غايه الجمال
نزلت ضى وجريت على والدتها اخدتها روقيه بالحـ,ـضن
روقيه . عمله إيه ياحبيبتي البيت وحش من غيرك اوى
ياضى
ضى . الحمد لله ياامى وانتي كمان وحشتيني اوي
قرب عليها محمد ومحمود وسلموا عليها بعدين محمد قال. اوعي يكون ياسين زعلك في حاجه يا بنتي
ضي بصت عليه وهو اتقدم عليهم وهو بيبص لها باستفزاز وقال. وانا اقدر يا عمي برضو بنتك في الحفظ والصون
محمد حضـ,ـنه وضحك وقال. وانا عارف انك هتحافظ علي الامانه يا بني
في الوقت ده دخل فايز وناديه
فايز بضحك . وهو ابني يقدر يزعلها ده لو عملها اطلع عينه دي بنتي مش هو
ضحكوا وفايز وناديه راحوا سلموا عليهم بعدين ناديه قربت علي ضي وقالت. عامله ايه يا حبيبتي اوعي يكون زعلك لو عملها هزعلوا بجد مش كلام
ضي ابتسمت لهذه المرأة الحنونه اللي لحد دلوقتي مشفتش منها حاجه وقالت. ابدا يا امي محصلش حاجه وانا اصلا مبزعلش بالسهولة حتي اسألي ماما كده
روقيه بضحك. حصل علي يديي
كلهم ضحكوا وياسين بص لضي بغضب لأنها بتحاول تفهمه أنه مش فارق معاها ولا هيفرق
عده اليوم مابين الهزار والمرح و بعدين كل واحد روح علي بيته وضي طلعت الاوضه بتاعتها من غير ما تقول حاجه
ام ياسين من غيظه منها طلع وراها لسه هتقفل الباب راح دخل وقفله وهي اتخضت ورجعت لورا وقالت. ايه اللي انت بتعملوا ده في حد يدخل علي حد كده
ياسين وهو بيقرب منها. اه في أنا عندك مانع
ضي بقت ترجع لورا وقلبها بدق يدق وقالت. في ايه انت بتقرب كده ليه
ياسين وهو لسه بيقرب عليها لحد ما لذقت في الحيطه قام وطه عليها وقال. انا ياسين السويفي مش اي حد مش واحده زيك تفهمني أن اللي حصل امبارح ولا يهمك أنا حبيت أتأكد وعرفت دلوقتي
ضي بلعت ريقها بارتباك من قربه وقالت. عرفت ايه
ياسين بابتسامة مستفزه عرفت إذا كان يهمك ولا لا يا قطه لأن ما شاء الله زيك زي اي بنت بتتأثر بيا
وبعد عنها وجه يمشي راحت وقفته وقالت . مستحيل اللي انت بتقوله ده شكلك بتحلم
ياسين ابتسم تاني وبصلها وقال. لا اعتقد مش مستحيل حتي اسألي قلبك اللي دق يا قطه
ومشي بكل برود وخرج بره الغرفه بتاعتها وهي بعد ما هو خرج قالت. مستفز ومغرور وبارد ده ايه قال قلبي دق قال ليكونش بوراك دينيز وانا معرفش ده ايه ده بعدين سكتت وقعدت تفكر لما قربلها كانت عمله ازاي وأنها فعلا كانت مرتبكه قوي وحست بمشاعر مكنتش بتحسها مع حسين حاولت تتجاهل ده وتقول إنه مستحيل وفكرت نفسها باللي عمله معاها وازاي اتجوزاها وتهديده ليها حاولت تفكر بنفسها بده بس في وقت تفكيرها ده باب الاوضه خبط راحت فتحت لقت الخدامه بتقول . في واحدة عايزاكي تحت يا ضي هانم بتقول انها صاحبتك
ضي قالت بفرحه. ريم اخيراا
ونزلت علشان تستقبلها نزلت حضـ,ـنتها وقالت لها تعالي معايا فوق نتكلم
ريم بضحك. طب اكليني الاول طيب
ضي بغيظ. ريم متعصبنيش تعالي نتكلم و لما وقت الغدا يجي نبقي ننزل يلا
وطلعوا مع بعض فوق في غرفه ضي
أما عند ياسين دخل الغرفه قعد علي السرير لقع تليفونه بيرن لقه كريم فرد
كريم بهزار. اي يا عريس عامل ايه حلو الجواز مش كده
ياسين بضيق. متخلنيش اشتمك يا كريم امال لو ما كنتش عارف اللي فيها
كريم. في ايه يا معلم بس انا قولت انك ممكن تحن علي البت وتعرف أن ملهاش ذنب
ياسين . دي لو اخر واحدة في العالم مش هشفق عليها حتي قال احن قال
كريم. ليه بس كده يا معلم في ايه
ياسين. في أنها شايفه نفسها اوي وعامله نفسها مش هممها حاجه دي منزلتش دمعه حته ده ايه البت دي بس انا هعرف ازاي اكسر كبرياءها اللي فرحانه بي ده مش ياسين السيوفي اللي بت زي دي ترفده وكمان مش مهتمه إذا كنت متجوز ولا لا انا هعلما الادب وبعدين انت عارف كويس إن بحب سيلا
كريم اتنهدت. لاخر مره بقولهلك يا صاحبي انت هتندم
ياسين. وانا لاخر مره هقوهالك يا كريم مش ياسين السيوفي اللي يندم
أما عند ضي وريم وبعد ما دخلوا الغرفه ريم قالت . اشجيني يا اختي اشجيني
بدأت ضى تحكى كل اللى حصل وأن ياسين اتجوزها بسبب
رغبه ولدته
ريم بتفكر. بصي اكليني وانا هقولك تعملي ايه
ضي خطبتها بالمخده وقالت. الله يخربت اللي يحكيلك ولا يكلمك في حاجه بعد كده يخربيتك فصيله
ريم بضحك. قولتلك عشرين مره قبل كده مش بعرف افكر غير لما اكل انتي اللي مش مصدقه اعمل ايه الله
ضي بغيظ . تعالي يا اخرت صبري اما نشوف اخرتها اهو ماحدش هيجيب اجلي غيرك تعالي يا اختي و نزلوا علشان ياكلوا وفي وسط هذارهم وضحكهم
كان ياسين قعد بيرقبهم فى الوقت ده دخلت سيلا وجريت
حضـ,ـنت ياسين وسط أنظار ريم وضى و……………
الفصل الحادي عشر
روايه عصيان أنثي
بقلم حنان ماهر
(ضى و ياسين)
كانت زهرة في حديقة الحب تُهمل الجميع بجمود.
عيناها بحرٌ من الغضب قلبها حكاية لا تُروى.
تبتسم بثقة وتقول لن أتأثر
نزلت ريم وضى وسط هذارهم وضحكهم
كان ياسين قعد بيرقبهم فى الوقت ده دخلت سيلا وجريت
حضـ,ـنت ياسين وسط أنظارهم
ريم بصدمه نغزت ضى . مين باربى اللى فى حـ,ـضن جوزك
هى دى سيلا مراته الاولنيه اللى قولتيلى عليها
ضى بتحاول تكتم غيظها. أيوه ياختى هى الزفته مراته
شفتى حضـ,ـنه بكل جرائه ومن غير كسوف
ريم . عايزه الصراحه البت مفهاش غلطه دى بالالوان
ليه حق يحبها أنا نفسي اكرشيت عليها
(سيلا بنت بيضاء البشرة وشعر أشقر قصير وتستخدم العدسات وكانت لبسه فستان أبيض كأنها بنت على غلاف
الفاشون من جملها )
ضى اتغاظت من كلام صاحبتها . طيب ياله ياختى
نزلت ضى بثقة وجلست على السفرة بجانب ريم
أما سيلا كانت تجلس بجانب ياسين، وتضحك بحرية، بينما ضي كانت تنظر إليها بنظرة حانقة. كان الجو ممتلئًا بالتوتر.
ريم حاولت تخفف الجو . قالت مقولتش لكي يا اختي مش انا كنت في المدرسة من يومين وكان في عيل رزل من اللي بديلهم في المدرسة عمل فيا صنف زي السكر شكلي في المدرسه كان خره
ضي فهمت أنها بتخفف الجو ف ضحكت وقالت. لا مقولتيش مين
ريم بطريقه ضحك. الواد عمر هو فيه غيره كنت داخله الصبح الفصل لقيته كان متفق مع صحابه اني اول ما ادخل وافتح الباب القي دقيق علي لبن علي بيضه اتحدفت معرفش منين علي وشي وهدومي لحد ما تعلمت كيكه كان ناقص ادخل الفرن وحياتك
ضي ضحكت جامد وقالت. طب والله الواد عمر ده عسل بحبه وربنا
ريم يغيظ . حبيه يا اختي حبيه اهو انتي مش بتحبي غير ناس تافهة اصلا
ضي وهي بتضـ,ـربها علي كتفها . بس يا ريم متقوليش علي نفسك كده يا حبيبتى لهزعل
كل ده وسط أنظار سيلا وياسين اللي متغاظ جدا منهم
سيلا . وانت بدراسى ايه ياريم
ريم . انا بدرس ارخم ماده فى الثانوية العامة ؟
ماده الفيزياء على شأن كده العيال بتحبني من قلبها
الكل ضحك عليها
ريم . ضى أنا لازم أمشي وهبقى أكلمك فى التليفون
ضى بضيق . طيب خليكى شويه معايه
ريم . انت عارفه أن ماما لوحدها مقدارش اتاخر عليها اكتر
من كده
ضى . طيب ياحبيبتي طمنينى عليكى اول ما تروحى
استأذنت ريم وخرجت من الفيلا وهى فى طريقها
كانت بتمشى بسرعه ولم تلاحظ السياره وصدمت بها
ريم سقطت على الارض وصرخت بألم. السيارة
وقفت وخرج منها كريم
كريم نظر لها بنظرة قلق وقال أنتِ كويسه حصلك حاجه؟
ريم كانت مسكه رجليها وبتتالم قالت بغضب . مش تاخد بالك انت اعمى مش عارفين تسوقه متركبوبش عربيات
كريم ساعدها على القيام وقال: انا اسف والله انت ظهرتى فاجأه تحبى اوصلك فى مكان
ريم بضيق . لا شكرا وبتبص حوليها على تاكس
كريم بستفسار. هو انت كنت فى فيلا السيوفى
ريم أجابت بنظره متردده : أيوه ليه فى حاجة
كريم قال: لا ابدا أنا أعرف ياسين يبقى إبن خالتى
ريم قالت بضحك .بصره وأنا أعرف ضى أبقى صاحبتها
كريم بابتسامة. بجد يبقى طلعنا معرفة
ريم حست بالم فى رجليها
كريم نظر لها بنظرة قلق وقال . انت بخير
ريم . الحمد لله حاجه بسيطة. شكرًا.
كريم سألها . لو حابه أوصلك إلى البيت
ريم . لا شكرًا أنا هركب تاكسى
كريم بلهفة . لا أنا هوصلك أنا آسف على اللي حصل
وبعدين اعتبرين أنا تاكسي أو أوبر.”
ريم وافقت، وكريم ساعدها تركب العربيه.
كريم سألها عن ياسين وضى !
وعند محمود اخو ضى ،كان فى درس وخارج من السينتر
لقه مجموعة شباب بيضايقوا بنت
محمود رأى البنت تتعرض للمضايقه فقرر التدخل.
وقال لهم: ما يصحش كده يا شباب سيبوها تمشي
أحد الشباب رد عليه: مين أنت؟
خليك في حالك!”
محمود بضيق: أنا مش هسمح ليكم تتعرضلها.
الأحسن ليكم تمشو من هنا، وبلاش مشاكل
الشباب غضبوا وقاموا بالتعرض لمحمود. ضـ,ـربوه على رأسه بشدة، حتى سقط على الأرض. البنت جريت عليه ولقت
دماغه مفتوحه
البنت صرخت من الرعب وقالت: لا لا لا تdie!”
محمود . متقلقيش أنا… أنا بخير.”
البنت اتصلت بالإسعاف، وتم نقل محمود إلى المستشفى.
الدكتور خرج من الغرفة وطمنها أنه خيط الجرح ومحمود بخير
البنت تنفست بالارتياح، ودخلت لمحمود، وقالت بلهفةأنت بخير؟
محمود فتح عينيه، وقال أنا بخير… الحمد لله
البنت.أنا بشكرك جدًا أنت إنقذتنى من إيديهم. آسفة جدًا على اللي حصل لك بسببى
محمود بابتسامة. اى حد مكانى كان عمل كده وبعدين
متعرفناش أنا أسمى محمود
البنت بخجل. وانا دينا
محمود بابتسامة. عاشت الاسامي يا دينا و
كان لسه هيكمل كلامه بس قطعه رنت تليفونه رد وكان والده محمد
محمد بقلق . فينك يا محمود اتأخرت كده ليه امك قلقانه عليك اوي
محمود. انا كويس يا بابا متقلقوش جاي في الطريق
روقيه اخدت التليفون من محمد وقالت . يعني انت كويس طمني يا ابني انا قلبي واجعني
محمود بابتسامة. لا يا حبيبتي انا كويس متقلقيش انا جاي خلاص وقفل معاهم
وعند كريم وصل ريم عند بتها جت تنزل
ريم . شكرا جداً ياكريم تعبتك معايا
كريم بابتسامة . أبدا ياستى لا تعب ولا حاجه أنا سعيد انى
اتعرف عليكى
نزلت ريم فجأة وقفها مؤمن
(مؤمن يبقى جار ريم وهو بيحبها وعايز يتجوزها
بس ريم رفضته لانه بلتجى وبتاع مشاكل )
مؤمن وقف قدام ريم . مين ده اللى نزله من عربيته
ريم بغضب . وانت مالك وازى أصلا توقفنى كده ابعد عنى
يامؤمن وما لكش دعوه بيه
شافها كريم نزل يطمن عليها . ريم فى حاجه
ريم بقلق . لا أبدا ما فيش اتفضل انت أمشى
مؤمن بغل . لا دانت مقضيها بقى
كريم وقف قدام ريم ومسك مؤمن من هدومه وبغضب . انت بتقول ايه ياحيو*ان انت 😡
الفصل الثاني عشر
روايه عصيان أنثي
بقلم حنان ماهر
(ضى وياسين)
اذا لم تكن تسكن بقلبى فعلم انك ستكون تائه لا مأوه لك
كريم كان ماسك فى هدوم مؤمن . انت بتقول ايه يا حيو*ان
مؤمن بغل وغضب . عايز لما واحده تنزل من عربيه واحد يبقى ايه غير انها مدورها
كريم بغضب . احترم نفسك يازباله ده تفكيرك العقيم المتخلف زيك وضـ,ـربة فى وشه ومؤمن ردله الضـ,ـربه وسط بكاء ريم
الاتنين ماسكين فى خناق بعض والناس ملمومه بتتفرج وبتكلمه عن سمعتها جريت وطلعت على شقتها وهى منهاره من البكاء شفتها امها نبيله
نبيله بخضه . ريم حبيبتى مالك ياقلب امك فيكى إيه بتعيطى كده ليه
ريم جريت على حـ,ـضن امها تستخبى فيه وبدأت تحكلها كل
حاجه
نبيله طبطبت عليها وبحزن قالت . منك لله يامؤمن يابن
شوقيه ربنا ينتقم منك يابعيد
بعد فاتره الناس سلكت بين مؤمن وكريم…..كريم اخد بعضه وركرب عربيته وتحرك بيها ومشى وهو فى الطريق اتصل بيه
ياسين
ياسين . ايه يابنى مش قلت انك جى مجتش ليه استنيتك
كريم . انا فعلا جتلك وبداء يحكيله لما قابل ريم وخبطها بعربيته والخناقه اللى اتعرض ليها بسبب أنه وصلها
ضحك ياسين . دى اخرت اللى يعمل فيها شهم كان لازم
توصلها يعنى
كريم بضيق من ابن خالته . يعنى عايزنى اخبطها واسيبها
وامشى أقفل يا ياسين مش نقصاق
وعند ضى كانت نزله تتماشى فى الجنينه لقت ياسين وسيلا
وهما مقربين ليبعض
جريت استخبت وارى الشجره على شان ميشفهاش
حست بالغيرة وبالم فى قلبها هى مش بتحبه بس هى فى الاخر بقت مراته هى كمان ليها حق أنها تتحب
فضلت وقفه وشيفه نظره الحب فى عين ياسين ليها وحست بالقهر
شويه طلع ياسين وسيلا وخرجت ضى من وارى الشجره
وراحت عند المكان اللى كانو قاعدين فيه حست بلهفت برد
مهمهاش كانت حسه بالحزن فكت شعرها يدفيها
وقعدت تفكر فى حياتها مع ياسين اللى مستحيل أنها تكمل
معه
هو قال إنه اتجوزها بس على شان يزلها هى عمرها ماكانت ضعيفة ولا هتسمح ليه أنه يكسرها أو يزلها
فجاه وقف ياسين جنبها وهو راكب على ضهر الخيل ونده عليها . إيه انت ايه اللى مقعدك هنا
بصتله ضى ومردتش عليه
ياسين بغيظ نزل من على الحصان ووقف قدمها. انت مش بكلمك
ضى رددت ببرود . انا سمعتك بس معنديش رد انا ليه إسم
اتكت على اسمها أسمى ضى
ياسين . مش مهم عندى أسمك المهم مرخيرك دى أنزلها الأرض
ضى بتتكلم بهدوء . اوووووه هتتعب اوى
وجت تمشى وتتدخل جوه
ياسين بتردد. استنى تعالى مش عايزه تركبى خيل ولا انتي مش بتعرفي
اكيد عمرك مركبتى خيل وانتي هتشوفي فين
رجعتله ضى بضيق . على فكره انا بعرف اركب خيل كويس اوى واحب اركب طبعاً شوفته فين فأنا شوفته كتير مش لازم ابقي في قصر علشان اركب خيل يا استاذ ياسين
ياسين .يعني هتعرفي تركبي الحصان ده
ضي بصت علي الحصان وقالت. طبعا اعرف
ياسين . بس انتبهي الحصان ده عنيد وممكن تتأذى
ضى بصتله بثقة . ما تقلقش مش اعند منى أنا هتفاهم معه
ركبت ضى على الحصان واول ما استقرت على ضهره بداء
يرجع لورى مسكت ضى فيه اوى وفى الوقت ده افتكرت
كلام مدرب الخيل ازى تروضه
الحصان حاول أنه ينزلها من على ضهره وضى تحاول
تمسح باديها عليه وتحاول تهديه لغايط ما الحصان
فعلا هدى
ضى اتكلمت بثقة وسعاده . ها ايه رايك قدرت اروضه
وبدأت تجرى بالحصان وشعرها بيطير معها اد ايه كانت سعيدة و فرحانه
كل ده ياسين بيتفرج عليها وبيبتسم كان شكلها يخطف
الأنفاس
سرحت ضى وقالت لنفسها زى ما قدرت اروض الحصان
يبقى اكيد هقدر اكسر غرورك ياسين
شاور ليها ياسين على شان تقف نزلت ضى من على الحصان
وبصت ليه بثقة
قرب منها ياسين بهدوء . عجبنى فيكى الاصرار والتحدى
اتوترت ضى من قرب ياسين واستغربت قربه منها واخدت بعضها وسبته وطلعت على غرفتها
وعند محمود أتصلت دينا بوالدها تطمنه عليها وحكت ليه
على الحصل
بعد مده وصل احمد والد دينا المستشفى ودخل غرفة محمود
أحمد . السلام عليكم ألف حمد الله على سلامتك يا بنى
انا والد دينا
محمود . الله يسلمك ياعمى اتشرفت بحضرتك
احمد . انا بجد بشكرك على وقفتك مع بنتى وانك حمتها
من الشباب اللى اتعرضولها
محمود . ما فيش شكر ولا حاجه ياعمى اى حد مكانى
كان عمل كده
فى الوقت ده دخل الدكتور وبلغ محمود أنه بقى كويس
ويقدر يروح
صمم أحمد أنه يوصله على البيت ودى اقل حاجه يقدر
يقدمها له
وصل محمود البيت سنده احمد وطلع بين على شقته
خبط الباب فتح ليه محمد
روقيه من وراه حتط اديها على صدرها بخضه . أبنى
جريت عليه سنده محمد هو وأحمد وقعده على الكنبه
محمد بقلق . طمنى ياابنى ايه اللى جرالك
بدء أحمد والد دينا يحكى ليه وقفت ابنه وجدعنته مع
بنته
صدقنى يا ابو محمود أنا مش عارفه اقولك ايه بس ونعمه
التربيه والأخلاق ياعالم كان ممكن يحصل ايه لبنتى
لو مكانش محمود أنقذها من الشباب اللى تعرضولها
محمد بفخر . متقولش حاجه ياحاج أحمد موقف محمود
ده طبيعي واى حد مكان ابنى كان هيعمل كده
احمد . لا طبعاً فى الزمن اللى احنا فيه من النادر نلقى
حد فى اخلاق محمود ربنا يباركلك فيه
لمحت روقيه دينا وقفه . تعالى ياحبيبتي اتفضلى وقفه
ليه
اعذروني ياجماعه أنا اتلهيت فى محمود ومقدمتش حاجه
وقف أحمد . متتعبيش نفسك ياست أم محمود إحنا يدوب
نمشي معلش اعذورينا لان سايب ام دينا فى البيت قلقانه
وعايزه تطمن عليها واستاذنه ومشيوا
***********************
كانت خارجه من الحمام بعد ما اخذت شاور قرب منها ياسين
سيلا بغيره . كنت واقف من اللى إسمها ضى ليه
ايه عجبتك
بعد عنها ياسين . ايه اللى بتقوليه ده ياسيلا انت عارفه
ظروف جوزنا
سيلا . وده يخليك تركبها على الحصان بتاعك
ياسين . سيلا ياحبيبتي اعقلى وبسها من دمغها ودخل على
الحمام
قربت سيلا من المرايا وبدأت تحط كريم الترطيب على
بشرتها سمعت رساله على موبيلها
مسكت الموبيل وقرأت الرسالة وحست بالتوتر و ……
الفصل الثالث عشر
روايه عصيان أنثي
بقلم حنان ماهر
سيلا مسكت الموبيل وقرأت الرسالة وحست بالتوتر
فى الوقت ده خرج ياسين من الحمام ولقاها سرحانه ومتوتره قرب منها
ياسين . مالك ياحبيبى فى حاجه
سيلا فاقت من سرحنها على قرب ياسين منها رددت
لا ابدا ياحبيبى مافيش أنا كويسه
ياسين حس أن فيها حاجه بس تجهله واخدها ونامه
أما عند ضى كانت بتكلم ريم وبتحاول تهديها بعد ما حكتلها
كل حاجه حصلت معاها
ضى . أهدى ياريم الناس عارفه كويس أنه صايع وبتاع
مشاكل يعنى مش هتصدقه
ريم بتعيط وهى منهاره . الناس ما بتصدق تكلم فى حاجه
والحيو*ان ده لقاها فرصة ينتقم منى على شان رفضت اتجوزه
ضى . ريم ياحبيبتى الناس يومين وهتلقى حاجه تانيه
تتكلم فيها متخليش اللى حصل يأثر فيكى
ريم كلام ضى هداها شويه . هحاول ياضى شكرا بجد انك فى حياتى ياله هقفل معاكى انا سهرتك معايا وكمان
على شان ورأى شغل الصبح
ضى . طيب تصبحي على خير بس هستناكي بكره نتغدى مع بعض
ريم . تمام هشوف
قفلت مع ضى وتانى يوم صحيت من النوم دخلت الحمام
اتوضت وخرجت تأدى فرضها وبعد ما خلصت صلاه بدأت
تدعى وتناجى ربها أنه يكفيها الناس ويبدع عنها شر مؤمن
قامت لبست وخرجت لقت والدتها جهزت ليها الفطار
ريم . ليه كده يا ماما تعبتى نفسك أنا كنت خارجه اجهزه
نبيله . ياحبيبتي أنا كويسه وبعدين كفاية تعبك معايا
تيجى من شغلك تشفوفى طلباتى وتجهزى الغداء حتى يوم اجزتك بتقضيه فى تنضفى الشقه
ريم باست اديها . ياست الكل تعبك راحه ولو فضلت عمرى
كله تحت رجلك ربنا يخليكي ليا يا امي
نبيله طبطبت عليها . ربنا يخليكي يابنتى راحتى لما اشوفك فى بيتك ياريم نفسى اشوف عيالك وخدهم فى حضـ,ـنى
ريم . إن شاء الله يا نبيله ياقمر ياله باقى أنا اتاخرت على
شغلى سلام
وعند سيلا صحيت من النوم ملقتش ياسين جنبها نادهت
على هدى
سيلا . دادا … دادا
هدى . ايوه يا مدام سيلا
سيلا . هو ياسين راح على الشركه
هدى . أيوه يامدام
سيلا . تمام اى حد يسأل عليا أنا فى النادى
هدي. تمام يا مدام حاضر
سيلا قامت اخذت دوش ولبست وجهزت وراحت علي الكافيه دخلت لقت واحد لابس نظاره سودا راحت قعدت قدامه بتوتر وبتلتفت يمين وشمال خايفه يكون في حد شيفاها
الراجل بيبتسم بسخريه وبيقول. مالك يا حلوه في ايه بس ما انتي متعوده على كده مش اول مره يعنى
سيلا. احترم نفسك يارامى أنا واحده متجوزه وبحب جوزى وبحترمه ولو كان بنا علاقة زمان فده قبل ما اتجوز
ووجودى معاك دلوقتي على شان انت بتبتزنى
وكملت بغضب عايز ايه يارامى جيب من الاخر
رامى . أهدى بس ياحلوه كده واقعدي اطلب لك عصير يروق اعصابك على شان نعرف نتكلم ونتفق
سيلا بضيق . رامى اخلاص عايز ايه وصور ايه اللى بتتكلم عليها
رامى . بصى ياسيلا الصراحه اخر مره كنتى معايه لما كان
مغمى عليكى أنا اخت لينا كام صوره يعنى استغلت
الموقف كان قصدى أبتزك بيهم على شان ساعتها هددتيني
انك هتسيبيني بس انت اختفيتي وسافرتي واتجوزتي
سيلا قامت وقفت بغضب . ياسا*فل ياحيو*ان بستغلنى
وانا مغمى عليا
رامى ببرود ونبره تهديد . لا انا عايزك تهدى وتقعدى نتكلم
بعقل على شان نتفق
سيلا . نتفق على ايه انا مستحيل اتفاق معاك
رامى ببرود . لا هنتفاق بص ياحلوه 10 مليون وانت فوقيهم
سيلا . بصدمه لا انت اكيد مجنون انت بتقول ايه 10 مليون ايه ودول انا اجيبهم لك منين
رامي . هتمضى جوزك على تنازل عن كل املاكه ورقه تتحط وسط ورق بيمضيه يعني اتصرفي
سيلا . انا مستحيل اعمل كده فيه
رامى رجع بضهره على الكرسي. تمام انا بقى هبعت الصور
اللى معايه والشت اللى كان بنا زمان وهعرفه أن زوجته
المصونه على علاقة بغيره
سيلا بصت ليه بقرف . انا ندمانه أن عرفت واحد زيك
انا كنت فكراك واحد محترم طلعت زباله
رامى قرب منها بغضب ومسك اديها . بصى يا حلوه أنا هسيبك يومين تفكرى برحتك وتردى عليا سلام ياقطه
وسبها ومشى
أما عند ضى نزلت من غرفتها قبلت هدى
هدى . صباح الخير يامدام ضى تحبى اجهزلك الفطار
ضى قربت منها بحب . اولا صباح النور ثانياً أنا أسمى
ضى بس انا زى بنتك
هدى . طبعاً يابتى ربنا اعلم انت دخلتى قلبى من اول
مره شفتك فيها
ضى بابتسامة. ربنا يخليكي ياداد طب أنا دلوقتي زهقانه
ومش عارفه اعمل ايه والصراحة كده بفكر ادخل المطبخ
واعمل الغداء بايدي وعايزاك تساعديني
كمان أنا عزمه صاحبتي على الغداء
بدلتها هدى الابتسامه . من عنيه الاتنين يابنتى
بدأت ضى تجهز الاكل وتعمل كذا صنف وهى فرحانه
وعند ياسين كان فى مكتبه بيراجع بعض الأوراق دخل
عليه كريم
