رواية حب المراهقه بقلم الكاتبه نور ربيع البارت السابع عشر حصريه وجديده
سبحان الله وبحمده سبحان الله العظيم🩵
اميرة كانت بترن ع نور.
_________________________
دخلو الاوضه
امينه بابتسامة: اي رايك يا نوري في الاوضه
نور قعدت على السرير: جميل يا. و ساكتت.
امينه ضحكت: انا اسمي امينه يا نور عيني. شوفي بقي انتي عاوزه تقوليلي اي زي ما انتي عاوزه امينه طنط. كملت بهدوء: ماما
نور بدهشة: انا مفيش عندي غير ام واحده بس وهي مامتي منال.. وانا هقولك يا طنط..
امينه بابتسامة غيظ؛ طيب يا نور عيني يلا بدلي هدومك و صلي. و تعالي علشان ناكل سوا
طلعت من الاوضه
نور بصت حواليها بدموع و ضيق شديد جواها: ااه ازاي هفضل لوحدي هنا يارب
الفون رن مسكت بسرعه كانت اميرة
نور بدموع: خالتو وحشتني والله
اميرة بحزن: مش انتي اللي مشيتي يا نور ليه تمشي و تسيبي البيت انا زعلانه منك اوي والله
نور بقا تزيد في العياط: كان لازم امشي كان لازم مش هينفع افضل والله غصب عني اعمل ايه بس. بقت تعيط اقوي
اميرة بدموع: اهدي يا نور بلاش تزعلي نفسك علشان هتتعبي والله انا معاكي دايما حتى لو بعيدة عني و عن حـ,ـضني انا ع طول هكلمك و مش هسيبك لوحدك يا حبيبت قلبي ان شاء الله
نور كانت بتعيط وبس بشده
اميرة بدموع و حزن عليها: نورر علشان خاطري كفايه عياط عارفه انك حاسه انك لوحدك بس انتي مش لوحدك صدقيني احنا كلنا معاكي انا دايما هتكلم معاكي و ميار. هتكلمك. و ابوكي موجود معاكي حتى امينه.
نور ___
اميرة اتنهدت: طيب ردي عليا يا حبيبتي
نور بعياط: ن ن نع نعم يا يا خالتو
اميرة مسحت دموعها بحزن: كفايه عياط علشان خاطري انا يروحي
نور بعياط شديد: مخنوقه مخنوقه اوى اوى يا خالتو حاسه بالوحدة اوى
اميرة: صدقيني مش لوحدك والله يا حبيبت قلبي كفايه بلاش تعملي في نفسك كدا امسحي دموعك علشاني انا
نور بدأت تمسح دموعها بحزن: مش تزعلي مني بقا اسفه علشان مش سمعت الكلام و قعدت بس والله غصب عني. بدات تعيط تانى.
اميرة: اهدي اهدي بلاش عياط انا. اه زعلانه منك جامد بس انا عارفه انك غصب عنك عملتي كدا بس لو كنتي فضلتي كانت كل حاجه تتحل والله
نور بدموع: اللي حصل حصل خلاص ان شاءلله هيجي يوم كل حاجه تنكشف ع حقيقتها ربنا عدل والله
اميرة بحزن: صح يا حبيبتي والله ان شاءلله خير و بكره الحق يظهر يجي حقك انتي و شهد باذن الله
نور: باذن الله يا خالتو
اميرة: بلاش تزعلي نفسك بقا هوني ع نفسك كدا وانسئ اللي راح يروحي ماشي
نور اتنهدت بحزن: حاضر ان شاءلله خير يا حبيبت قلبي
اميرة: ان شاءلله المهم قولي بتعملي ايه دلوقتي؟
نور: لسه جايه اهو حتى مش غيرت هدومي
اميرة: طيب غيري و صلي و كلي كويس و خدي بالك من نفسك. كملت بتحذير: و نامى نامى بلاش سهر و تفكير
نور: حاضر با خالتو
اميرة: يلا عاوزه حاجه يا حبيبتي
نور: سلامتك ياقلبي. في رعاية الله
اميرة،: في رعاية. وقفلت
________________________
نور اتنهدت بحزن. و قامت تغير
♡♡♡♡♡♡♡♡♡♡♡♡♡♡♡♡
في غرفة امينه
امينه حـ,ـضنت هاني بابتسامة: انت وحشتني يروحي
هاني بابتسامة: سبتك كام ساعه بس لحقت اوحشك
امينه ضحكت: انت حتي وانت معايا بتوحشني اصلا
هاني ضحك وقال: اصلا المهم خدي بالك من نور كويس يا حبيبتي بلاش تزعلو بعض حبيها خليها تحبك وتتعود عليكي كدا
امينه بابتسامة: حاضر دي في عيوني يا حبيبي. بس لو بقيت غيرانه شويه بلاش تزعلني ولا تزهق مني
هاني بهدوء: انتي غريبه اوى ازاي واثقه من نفسك انك هتبقي غيرانه كده انتي لو تطلعي كل حاجه من دماغك ولا الغيرة و غيرو يدخل قلبك يا امينه اهدي بالله عليك بلاش تخلي نور تكره انها جت هنا يا امينه انا ما صدقت بقا
امينه بغيرة وغيظ: انت بتحبها اكتر مني يا هاني علشان كدا بتقولي كدا
هاني بزهق: هو ده اللي لسه بقول عليه. اتنهد: احم بصي يا روح قلبي هي اول حاجه بنتي نور عيني روحي وانتي بقا مراتي. و حبيبت قلبي اللي هي ليا يعني انتوا الاتنين. حبايب قلبي حته مني
امينه بحب. بابتسامة حـ,ـضنتها: وانت عمري يا عمري انت
هاني بابتسامة: وانتي اميرتي يا أميرتي.
________________________
في منزل السيوفي. في المساء
امال باستغراب: اومال فين نور يا اميرة؟؟
اميرة اتنهدت قالت: نور مشيت عند ابوها
اومال بدهشة: اي مشيت
اميرة بحزن: ايوه
سميرة ب قسوة: وانا اقول البيت هدي كدا ليه باسلامه بلا رجعه
