الطفل: ماما حلوة، نظرت مياسين لطفلها الذي امتلك لون عينيها و باقي ملامحه كانت تشبه صقر للغاية…
مياسين بحنان: يا قلب ماما انت يا اسر، و بنهاية كلامها قبلت خده و انزلته على الأرض و نظرت لأبنها الذي بين يد تاج و قالت…
مياسين: اياد خد اخوك اسر و وديه لبابا و روح اقعد ما اخواتك تحت يلا.
اياد: حاضر يا ماما، سلام يا خالتو تاج، و قامت تاج بأنزال اياد و راح اخذ اخيه الصغير اسر و خرج لتحت، و بعد خروجه بشوية كانت هناك فتاة تدخل لداخل الغرفة و تتجه ناحية عنان و ترتمي بأحضانها و قد جعلت عنان تشعر بالهلع على صغيرتها ذو السبع سنوات…
عنان بقلق: مالك يا كارما، حد عملك حاجه يا حبيبتي، و هنا نطقت هذه الصغيرة و قالت و هي تمسح دموعها بضهر يدها و قالت…
كارما: رعد يا ماما، رعد خاصمني و قال مش هيكلمني تاني ولا يلعب معايا و كل ده عشان الفستان اللي لبساه قصير شوية، و بعد ان انتهت شعر الجميع بالسكون بالمكان و تشنج وجه عنان بغيظ و غضب و هي تقول…
عنان: و حياة امك، انتي يا بت منحنحه كده ليه مش فاهمة، هو اللي كنت بعمله في الناس زمان هيطلع علينا ولا ايه، ما عن اهله ما كلمك ابن الجزمة ده ااااااه، بنهاية كلامها صرخت عنان بسبب اليد التي هبطت على اسفل رأسها من الخلف (قفاها) و قد كانت الفاعلة هي مياسين التي قالت…
مياسين: طب احترمي امه اللي بتقولي عليها جزمه دي طيب.
عنان بألم و هي تفرك مكان الضربه: ابو شكلك يا شيخه ايدك تقيلة، و كمان ما تلمي عيالك ياختي، ثم اكملت بسخرية: بس هتلميهم ازاي و انتي عامله زي الأرنبة كل شوية تخلفي. و حين انتهت من كلامها ارتسمت ابتسامة مظلمة على وجه مياسين و قد اخافت عنان و كادت ان تقوم مياسين بالهجوم عليها لكن قاطعها فتح الباب بقوة و دخول هذا الصغير الذي يشبه مياسين للغاية و يقترب من كارما ابنت عنان التي حين رأته احتضنته و هي تقول…
كارما: انا اسفه يا رعد. بالله عليك متخاصمنيش…
رعد بتنهيدة: يعني مش هتعملي كده تاني و تلبسي قصير…
كارما بنفي: لا مش هعمل كده تاني اوعدك…
رعد ببتسامة: و انا مسامحك، يلا تعالي معانا ننزل احنا يا كارمتي، و قام رعد بشد كارما تحت نظرات الجميع المدهوشة و تتحرك اعينهم مع ذهاب الأثنان و بعد خروجهم قالت عنان…
عنان بذهول: الواد بلفها بكلمتين بس، بنت الهبلة…
مياسين بسخرية: والله مش هستغرب لو الاتنين دول ضربوا ورقتين عرفي…
تالين بمزاح: التار ولا العار يا ولدي احنا نجوزهم احسن، و هنا انتفضت عنان من مكانها و هي تصرخ بوجه تالين و تقول…
عنان: مش هيحصل، على جثتي مش كفايا مش عارفة ألم ابني التاني و هو لازق لسلطانة هيام بنت چودي لما يظهرلي لي ل المحن التاني، بت يا كارما، انتي يا بنت الجزم تعالي هنا، و كانت عنان تقوم بشتم ابنتها و هي تذهب لها تحت ضحك الكل من وراها…
ميلاد: ياااااه، ايام، اهو اللي هي بتعمله فينا هيطلع عليها دلوقتي…
ميرال بضحك: ههههههههههههههه، حرام عليكي يا ميلاد دي يا عيني مش عارفة تلاحق على مين ولا مين…
ميلاد: تستاهل، انا الحمد لله مخلفة تلاتة زي القردة. الكبير ماسك في فيروز بنت برق و مجنن اهله، و التانية ست ملك لازقة في حمزة ابن حازم، و ادم الصغير اللي لسه خمس سنين لازق في بنت ايان، العيال هيتجوزوا بدري يا جدعان…
سديم بضحك: ههههههههههههههه، طب بالله عليكي اسكتي على الأقل احنا اخرنا تلاته اتنين. يعني انتي مخلفة مازن و ملك و ادم، و انا مخلفة فيروز و نور و عاصم. و عنان مخلفة اكرم و كارما التؤام. و چودي خلاص قفلت على التلاته التؤام شمس و قمر و مالك، و حازم مراته مليكة مخلفة حمزة و لؤي. و تالين خلفت عدي و شادي، و ميرال جابت ميرا و ليان و مروان، لكن يا عين امها اللي ضربت تنظيم الأسرة و بوظته هي مياسين، الوحيدة اللي في العيلة كلها اللي خلفت خمسة ورا بعض و حامل في السادس دلوقتي، مخلفة كتيبة، ههههههههههههههه…
چودي بضحك: ههههههههههههههه، قال انا اللي كانوا بيتريقوا عليا عشان مخلفة تلاتة تؤام مرة واحدة، اهو معانا اخت مياسين ارنبة كل سنة تنزلنا بعيل كأنها بتجيبهم من المول. جيبالنا خمس صبيان ما شاء الله معجونين بماية عفاريت و على طول بتشتكي منهم…
تالين: اه يا حبيبتي يا متبهدلة يا مياسين معاكي شياطين متجسدين في اطفال، دول عيال حلال فيهم القتل كفايا المقالب اللي بهدلونا بيها…
مياسين بغيظ: ابو اشكالكم كلكم محدش ليه دعوة بعيالي…
ميلاد برفع حاجب: الله يرحم لما كنتي بتجري وراهم بالشبشب و نفسك تخلصي منهم…
مياسين بعبوس: ادعي على ابني و اكره اللي يقول امين، و كمان حبايب ماما مؤدبين…
سديم بعدم تصديق: مؤدبين ايه بس تفي من بوقك يا شيخه، ده انتي معاكي خمسة عيال ماية من تحت تبن، الكبير رعد عامل زي التلاجة توارث البرود من عيلتكم. الواد واخد صفات عمي غيث و صقر و عمتو رعد كأنه كوكتيل انتج منهم، و التاني استاذ اياد باشا االلي كله قوم و ابنك ده بذات قوم تاني. الواد ده بذات انا بخاف منه و ربنا ده عليه نظرة بتخليني حاسه انه هيقوم و يموتني. اللي شغال استفزاز في الكل و تحسي انه بيرتاح لما يعصب حد، نيجي بقى لراس الكبيرة عم احمد ابو عين زايغة و مركز مع البنات و هو لسه خمس سنين ونص، و التالت البيه خالد اللي فاكر نفسه رامز جلال و مش فالح غير انه يقلب حياتنا بمقالبه، و الوحيد اللي فيهم هو اسر حتت السكرة والله اللي خايفة يبقى نبتة فاسدة زي اخواته، ما شاء الله عليكي يا مياسين بجد شوية مشروع سفاحين و ليهم مستقبل باهر في المجال ده، كادت ان ترد عليا و لكن سمعوا جميعهم الباب الذي يفتح بقوة و يدخل منه ادهم و هو ينهج و يبحث بعينه عن تاج الذي بغبائه قد صدق كلام مازز الصغير و هنا توقف الزمن بأدهم حين رأى هذه الحورية الفاتنة الخاصة به بفستانها الذي زادها انوثة و اظهر برأتها و جمالها الذي لا يزال يسحره دوما…
فستان تاج.
كان ادهم يتحرك كالمنوم و هو يتجه لها و اول شيئ فعله هو انه قام بحتضانها بقوة فقامت تاج بلف يدها حول رقبته و هي تبتسم بخجل و لكن ما جعلها تنصدم هو انها شعرت بماء دافئ ينزل على رقبتها و قد علمت ان ادهم يبكي هذا غير رعشت جسده فأبعدته عنها و هي تحتضن وجه بين يديها و قد دمعت عينيها و هي تقول و هي تمسح دموع ادهم بحب…
تاج: ليه يا ادهم الدموع دي، متبكيش يا ادهم انا عارفاك قوي…
ادهم بعشق لا يخرج إلا لها هي: مش مصدق يا تاج، مش مصدق انك خلاص هتبقي ملكي، مش مصدق انك خلاص هتبقي ليا للأبد، مش مصدق ان حلم اللي حلمت بيه بيتحقق دلوقتي، بحبك يا تاج والله العظيم بحبك و مقدرش اعيش او اكمل حياتي من غيرك، بعشقك يا تاجي.
تاج بدموع: و انا بعشقك ادهم يا حب طفولتي و مراهقتي و شبابي كلها، و بنهاية كلامها قبل ادهم يدها و كاد ان يقبل شفتيها و لكن شعر بضربة اتت له من الخلف و صوت احد يقول.
بسخرية: استاذ سوما العاشق مش وقت محن في فرح تحت لازم يكمل و معازيم قربت تخلل و بوفيه محتاجينه يفتح بقى. وفر قلة ادبك دي بعدين يا اخ مش وقته…
ادهم بغضب مكبوت: تعرفي يا عنان اقسم بالله لو ما خفيتي من قدامي الساعة دي لأكون معلقك لحاد ما يبان ليكي صاحب، كادت ان تقوم عنان بشتمه لكن حين ألتفت لها و نظر بشكل ارعبها فقالت ببتسامه متوترة و هي تستعد للهرب…
عنان بغباء: ولا يهمك يا سيد الناس براحتك ياكش تخلفوا دلوقتي. يا غياث، و بأخر كلامها كانت تصرخ بأسم غياث و هي تجري من امام ادهم الذي كاد ان ينقض عليها و انفجر الكل في الضحك و هم يخرجون و هنا تكلمت مياسين و قالت قبل خروجها…
مياسين بتحذير: دقيقتين و تنزل ورانا سامع و إلا هطلعلك بابا و غياث و برق و ياخدوا منك العروسة يا حلو و بلاها جوازة بقى ايه رأيك…
ادهم بلهفة: بلاها ايه بس ده انا هنزل قبل الدقيقتين ما يخلصوا اصلا انتهي هتهزري، اومئت له مياسين و ابتسمت و بعدها خرجت برا الاوضة لتفسح لهم مساحه خاصة بهم و هي تدعي بسرها ان يهدي حال اختها و زوجها المجنون بها…
في الأسفل عند الشباب بعد ان ذهب ادهم يجري و ذهب برق بأبنته لكي يعطيها لوالدته و كان صقر يتكلم مع البقية و هم يتناقشون في امور عديدة، و لكن قاطع حديثهم هو اصتدام شيئ بغياث من الخلف و بقوة و عندما ألتفت وجدها عنان التي تمسك برأسها بوجع خفيف…
غياث بستغراب: في ايه يا عنان…
عنان بألم: عنان ايه بس، ايه متجوزة خرسانة حرام عليك يا غياث مش حاسة براسي يا اخي…
صقر بستفزاز: لا متتقوليش انك اتوجعتي و بقيتي بتحسي زينا اومال صارعة دماغنا ليه بأنك ملاكمه، شكلك كبرتي يا عنان و راحت عليكي، و هنا كانت هذه الجملة التي اشعلت فتيل عنان و اوصلتها لمراحل الغضب و كادت ان تنقض على صقر بالضرب و لكن قام غياث بأمساكها من خصرها يتحكم بها و هو يحتضنها من الخلف و هو يكتم ضحكته عليها و قد كانت تقوم بشتم صقر و تقول…
عنان بغضب: هي مين دي اللي راحت عليها يا عجوز يا شايب يا عايب انت هاااااا، ده انا واخدة الميدالية الذهبية في بطولة العالم للملاكمة، ده انا مشرفة مصر ياخويا، قولي انت عملت ايه بقى يا بن نجيب سويرس يا معفن…
صقر ببرود: يمكن مكونش بحمي البلد مثلا…
عنان: ده عند ا، اممممممم، امممم، كادت عنان ان تقوم بشتمه و لكن وضع غياث يدها على فمها و هو ينظر لصقر الذي اصبحت عيناه سوداء و قد برزت عروقه من الغضب فقال ببتسامه متوترة…
غياث: معلش يا صقر امسحها فيا هي واحدة غلبانه وبتجري على عيالها و اتهبلت في عقلها. و اقسم بالله مفلساني هي و عيالها بسبب عصبيتهم و هبلهم…
فراس بسخرية: عنان هتفضل عنان و لو اتقلبت الدنيا و بما فيها، اقولك يا غياث اخلص منها احسن…
غياث بتذمر: بس ياض يا اهبل انت. ادعي على ابني و اكره اللي يقول امين كتك البلا في شكلك، و انتي تعالي معايا بفستانك ده اللي محسسني اننا من العصر الفرعوني…
فستان عنان.
و بعدها قام غياث بشد عنان ولا يزال يكتم فمها و هي تنظر لصقر بغضب و حقد طفولي و هو ينظر لها ببرود فقامت بأبعاد يد غياث سريعا و قالت بصوت عالي ليسمعه صقر…
عنان: حطيتك في دماغي ياض يا صقر و مش هعتقك و هتشوف يا ابن احمد، مش هتعقك انت ولا عيالك اللي بيشلوني، مميس راجع يا بشر، مميس راجع يا شوية حوش، و بعد ذهابها انفجر الشباب في الضحك على ما قالته معادا صقر الذي كان ينظر لها ببرود فهنا تكلم حازم و قال…
حازم بضحك: ههههههههههههههه، الله يرحمك يا صقر يا اخويا على اللي هتشوفه طلما حطيتك عنان في دماغها مش هتعتقك زي ما قالت بظبط، ههههههههههههههه…
حسام بضحك هستيري: ههههههههههههههه، مش قادر والله. ههههههههههههههه، انا مش فاهم كلنا بنقول امتى تبدأ تكبر و هتعقل. انا شايف انها بتبقى اسوء عن الأول…
فارس: والله قلت ليكم ان عنان دي فيروس متحرك ما بينا و لازم نقضي عليه مصدقتونيش، اهي بقت فيروس قاتل و تكاثرت ببلوتين زيها بظبط…
صقر: انا ماشي، و ذهب صقر لداخل القصر فقال فراس بصوت عالي نسبيا…
فراس بمزاح: ايوة يا عم روح لحبيبة القلب محدش قدك مش قادر تستغنى عنها ساعة كمان، ابتسم صقر و هو يدخل ففراس معه حق فهو لم يعد يستطيع العيش بدونها هي هوائه و راحة قلبه معها هي، و بعد ذهاب صقر تكلم فراس بدرامية…
فراس بتمثيل: و امتى احب زيه كده بس يا ناس، نفسي اتحب و احب. اه لو النفس بس. و فجأة شعر بضربة تأتي في ظهره من احد و هو يقول…
: يا حبيبي نفسك تتحب و تحب. ليه متجوز رجل كرسي ولا كنبه يا خويا. لفلي كده، ايوة انا وراك لفلي، كان فراس ينظر للشباب بغيظ على انهم مقلوش انها وراه و هم اكتفوا بنظر له و هم يكتمون ضحكهم فألتفت فراس ببطئ و هو ينظر لها و يرسم ابتسامه عابثة و هو يغمز لها و يقوم بشدها ناحيته و هو يحتضن خصرها و ينظر لعينيها و هو يقول…
فراس بغمزة: طب بذمتك انا يبقى معايا العسل ده كله و افكر انا اتحبيت ولا لا. ده انا حتى لو فكرت احب حد تاني مش هقدر لأن قلبي مبقاش ملكي انا بقى ملك لتالين و بس يا قلب فراس، حاولت تالين اخفاء ابتسامتها بصعوبة فقالت…
تالين بزعل مصطنع: اه كل بعقلي حلاوة بقى و اضحك عليا بكلمتين…
فراس بضحك: ههههههههههههههه، حلاوة ايه بس قولي عسل نحل، شكولاتة و عاوزة اللي ياكلها يا شكولاتة انتي بالفستان اللي زادك جمال عن جمالك يا تاليني و بمناسبة الفستان ده اللي بيفكرني بفرحنا ما تيجي نعيد الفرح من اول و جديد و نروح شهر عسل حلو كده، و انهى كلامه بغمزة بها و هو يقبل خدها تحت خجلها و لكن انتفضت حين سمعت صوت يقول…
فستان تالين.
حازم بتهكم: خف يا نحنوح هااا، خف شوية احنا واقفين. دا انت ناقص تبوسها من بوقها قدامنا يا بجح…
حسام بسخرية: قال بتعيبوا على ابني انا، اتاري يا حبت عيني الواد مازن مظلوم ماهو اللي بيشوفه من عمه يعني هيجيبه من برا، طلعت سفاله بتتوراث يا جدعان…
فارس بغمزة: اسد يلا في ايه، كان الشباب يتكلمون و لم تتحمل تالين هذا الكم من الأخراج و الخجل فأخفت وجهها بحضن فراس و هي تضربه بقبضتها على ظهره تحت ضحكه و هو يشد في احتضانها و هو يقول…
فراس: بس ياض انت و هو بطلوا رخامة، و على رأي استاذة شرين عبد الوهاب، كل اللي يغير مننا يجي و يعمل زينا، تعالي يا تولا لما احكيلك حدوته هتعجبك اوي و سيبك من شوية الهمج دول، شوية جرابيع خسيس منك له خسيس، و بعدها ذهب فراس و لم يتحمل فارس و انفجر بالضحك على كلمات اخيه و هو يقول…
فارس: ههههههههههههههه، خسيس، و ربنا قلت ليه يقلل من المسلسلات التركي عشان بدأت تخرط عليه اهي…
حسام بسخرية: اراهنك ان الكلمة دي اتعملها من الفنان يسرا في سرايا عابدين…
حازم بضحك: ههههههههههههههه، قال بتقولوا على اختي انا المجنونة الوحيدة، طلع في حد انيل منها اهو، ههههههههههههههه، انا رايح لمراتي يا عم، فينك يا كوكي تشوفي اللي بيحصل قدام جوزك…
في الداخل كانت مياسين بتتكلم مع سديم و قد انتهت و هي تقول…
مياسين: خلاص تمام روحوا انتم و انا هستنى تاج و ادهم لما ينزلوا تمام، اومئت لها البنات و بعدها خرجوا و كادت مياسين ان تلتفت لكن شهقت بخضه عندما شعرت بشخص يلف يديه حول خصرها و يقوم بشدها له و لم يكن الفاعل سوا باردنا اقصد بطلنا صقر الذي ارتسمت على محياه ابتسامه جعلت هذه الفاتنة ان تنسى كل من حولها و تكتفي بنظر له و لكن لم تفق سوا على قبلة صقر السطحية لها و هو يهمس امام وجهها…
صقر بمكر: مكنتش اعرف اني حلو اوي كده عشان تفضلي سرحانه فيا، و هل تظنوا ماذا سيكون ردة فعل مياسين…
مياسين ببرود: لا أبدا انا بس لحظت شعرايا بيضة في راسك، شكلك عجزت يا صقر، و بعدها ابتعدت عنه و هي تغمز و تكمل. : معلش يا ابو الصقور بس عندي خمس عفاريت هروح ألمهم بقى لان عنان هتخلص على اتنين منهم، يلا ربنا يجازي اللي كان السبب في البهدلة دي، نظر لها صقر بصدمة و عدم استيعاب فقد ظن ان بكلماته هذه سوفه تخجل و لكنها صدمته من ردة فعلها و من ما تقوله فأخرج صقر تلفوته بسرعة و رفعه يبص على الشعرة البيضة دي و لكنه لم يجد شيئ و هنا استوعب ما فعلته هذه الماكرة به…
صقر بتوعد: يا بنت ال، بتضحكي عليا يا مياسين، ثم اكمل صوت عالي لتسمعه: ماشي يا بنت رعد حسابك معايا في اوضتنا لما يتقفل علينا باب واحد بلبسك ده اللي هقطعهولك بأذن الله…
شكل مياسين.
كانت مياسين تسمع ما يقول صقر و هي تضحك على تصرفاته الطفولية هذه و خرجت بسرعة و هي بتتجه لأولادها و تبحث عنهم…
عند سديم التي حين خرجت كانت تبحث بعينها على برق لكنها لا تجده فأقتربت من مكان الأطفال و لقت بنتها نور التي تبلغ ست سنين و هي تجلس على رجل جدها معتصم و بجانبها كان ابنها الثالث الذي يبلغ من العمر ثلاث سنوات و كانت تحمله نور الكبيرة فقالت سديم و هي تقبل رأس نور و تنظر لوالديها و هي تفتح ذراعيها لأبنها عاصم الذي ارتمى في احضانها و هو ينطق بأسم ماما…
سديم و هي تلاعب عاصم: اومال فين برق يا بابا…
معتصم بضحك: ههههههههههههههه، هتلاقيه بيتخانق مع مازن ابن حسام عشان لازق في فيروز…
سديم بضحك: ههههههههههههههه، والله حاسة في يوم انه هيقتل الولد بسبب غيرته الشديدة على فيروز، و هنا شعرت سديم بيد تلتفت حول خصرها و صوت يصدح و هو يقبل خدها و يحتضنها من خلفها و يقول.
برق: طب اعمل ايه و انا شايف نسخة مصغرة من حبيبتي قدامي، دي بقت طبيعتي اني اغير عليكم…
نور ببلاهة: و انا يا بابا…
برق بحنان و هو يبتعد عن سديم و يحمل ابنته نور التي تشبه للغاية: و انتي اكترهم يا روح و قلب بابا، و بنهاية كلامه كان يقبل خدها بقوة تحت ضحكها…
سديم بغيرة مصطنعة: افضل بوسها كده و دلعها، اهو ده اللي ناقص بدل واحدة عليا بقوا اتنين…
عاصم: ماما…
سديم بحب: والله انت اللي فيهم يا حبيب ماما، و بنهاية كلامها كانت تقبل عاصم بكثرة تحت ضحكاته التي صدحت بفرحه و تخت غيرة يطلنا الأخر و هو ينظر لهم بغيرة و لمن لهنا لم يتحمل و اعطى نور لخاله و قام بشد عاصم من يد سديم و هو ينظر له بغضب و يعطيه لنور الكبيرة و شد سديم من خصرها ناحيته و قال و هو ينظر لأبنه بغضب و هو المثل…
برق: واد انا مستحملك بس عشان صغير و مش فاهم حاجه. لكن هتسوق فيها هتبرى منك، و اكمل كلامه و هو ينظر لسديم التي كانت تكتم ضحكها بصعوبة: و انتي تلمي نفسك شوية انا مش عارف ألاحق مين ولا مين بس إذا كانت بنتك او انتي مش فاهم، و كمان ايه الفستان ده هااا، ايه ده…
سديم بستغراب: ماله فستاني…
شكل سديم.
برق بغيرة: مش شايفه انه محليكي زيادة عن اللازم، و كمان لبسالي اخضر ليه هاا، انا قلت ليكي ألبسي اخضر…
سديم بعدم استيعاب: مالك يا برق انت اتجننت…
برق: هو في حد يعرفكم و ميتجننش بس، ليلتك سودا يا سديم…
عند مليكة التي كانت تجلس و تميك ابنها على قدميهة و تمسك بيدها حقنة بدون ابرتها الحادة و بداخلها سائل و هو دواء و هي تتنهد بتعب و هي تنظر لطفلها ذو الخمس سنوات و تقول…
مليكة: هااا هتاخد الدواء ولا…
لؤي بعناد: لا مش هاخد الدوا هااا…
مليكة بتنهدية: يا حبيبي لازم تاخد الدوا عشان تخف بسرعة من البرد اللي عندك ده يا لؤي…
لؤي: لا يا ماما مش هاخد الدوا ده طعمه وحش اوي مش هاخده…
مليكة بمكر: طب خلاص متخدهوش بس متزعلش بقى لما اقول لليان انك مأخدتش الدوا و انك مش قوي، و هنا حين سمع صغيرها بأسم ليان ابنت ايان نظر لها بلهفة و قال…
لؤي: خلاص يا ماما هاخد الدوا بس متقوليش لليان اني ضعيف عشان متزعلش هاتي الدوا يلا، اومئت له مليكة و قامت بأدخال الدوا بفمه و اعطته اياه و قد ارتسمت ابتسامه حانية على وجهها و قبلت رأسه و قالت…
مليكة بحنان: ربنا يشفيك يا قلب ماما بأذن الله، يلا يا حبيبي روح عند جدو نوح و اديله العلبه دي يا قلبي…
لؤي: حاضر يا ماما، و بعدها قبل خدها و ذهب و كادت مليكة ان تلتفت لكن فجأة شعرت بيد تقوم بدغدغتها فنظرت للفاعل وجدته ابنها البكر حمزة ذو الست سنوات و هو يقول لها…
حمزة بغمزة: يا ترى بابا سايب الجميل كده لوحده ليه بس…
مليكة بضحك: يا ابني والله احيانا بشك انك عيل صغير، بعد كده متقعدش مع احمد ابن مياسين كتير عشان بدأ يخرط عليك…
حمزة بضحك و هو يحتضن والدته: يعني انا غلطان يا ماما ماهو انتي حلوة اوي و شكلك زي الاميرة اللي بنتفرج عليها بظبط…
فستان مليكة.
مليكة بمرح: ماشي يا بكاش قولي بقى يا سيدي مشوفتش بابا…
حمزة: كان واقف مع خالو صقر و عمو فراس و فارس و بعدها معرفش راح فين يا ماما…
مليكة: طب قولي كنت فين انت…
حمزة: كنت مع احمد قابلنا صاروخ ارض جو روسي انما ايه يا ماما قمر…
مليكة بتشنج: صاروخ، ده انا ابوك مقلهاليش يا ابن الجزمه…
حمزة: لا انتي بسكوته يا ماما…
مليكة: اه يا سافل والله ما هيعدي اليوم غير و الشبشب بيحضن وشك يا اهبل يا قليل الادب، و بنهاية كلامها كادت مليكة ان تقوم بضربه لكن قام حمزة بالجري سريعا من امامها و هنا شعرت بشخص يلف يديه حول خصرها و لم يكن غير حازم حين قال…
