عبير: يعني مش شايف يا عمي بتقول عن ابني ايه…
يونس: خلاص يا عبير، و كمان متنسيش ان معتصم استفزها، و الكل عارفين رعد لما بتتعصب بتكون ازاي، كل واحد فيكم ذات نفسه بيقلق من عصبيتها…
منصور: و ليه هي عملت ايه في معتصم…
يونس: ألي حصل هو ان…
Flash back…
في يوم من الايام و كانت شادية و عبير قعدين مع بعض و ميلاد قعدة بتلعب مع مريم و هنا معاهم، اما يونس كان بيتكلم مع عاصف في شغل، و في نفس الوقت، دخل عليهم، شخص في قمة العصبيه، فقال…
الشخص بص.راخ: ميلااااااااااد، انتفض الكل من الص.راخ ده…
مريم: ايه يا معتصم خضتنا، و مالك بميلاد…
معتصم بغضب: مريم متدخليش، تعالي هنا يا ميلاد، قولت تعالي هنا، اما ميلاد اقتربت منه و هي بتترع.ش من صوته، و قالت و الد.موع في عنيها.
ميلاد: نعم يا ابيه، هو في حاجه…
معتصم: ايوه في، ورق الصفقه بتاعي مش لاقيه، و محدش بيدخل اوضتي غيرك لانك بتدخلي من غير ما تستأذني، و دلوقتي فين الورق…
ميلاد: معرفش يا ابيه، معرفش. و كمان انا مدخلتش اوضتك…
معتصم و هو بيم.سك اديها جامد: لا ده انتي مش قليلة ادب، لا و كدابه كمان…
هنا بغضب: معتصم، ابعد عن ميلاد، بنتي مش بتكدب…
شادية: اسكتي انتي يا هنا، سيبي اخوها يربيها بنت كدابه…
عاصف: ايوه يا هنا. بتنك غلطانه. ازاي تدخل اوضة حد من غير ما تستأذن.
معتصم: و دلوقتي يلا انطقي فين الورق…
ميلاد بخوف: معرفش. معرفش، واللهي مش بكدب…
مريم: سيبها يا معتصم، قوله حاجه يا بابا…
يونس: معتصم مينفع.ش كده، البنت صغيرة…
معتصم: عمي لو سمحت متدخلش، و انتي واضح ان الطريقه دي مش هتنفع معاكي، و كان لسه هيض.ربها بالقلم، لكن لقى ايد بتم.سكه جامد و بتلويها ورا ضهر معتصم، و كان الشخص ده بيقول…
: تعرف لو كنت فعلا عملتها و ض.ربتها بأيدك دي، كنت هحسر امك دي عليك يا ابن امك، و راحت زقاه…
عبير بغضب: رعد، ازاي تمدي ايدك على ابني، ده بدل ما تأدبي اختك…
رعد: طب طلما الاخ هيربي اخته الصغير. يبقى الاخت الكبيرة تربي اخوها الصغير…
ميلاد: رعد، و راحت ج.ريت عليها و ح.ضنتها…
معتصم بغضب: طبعا هستنى ايه من بنت مكروها من العيلة، و انا ذات نفسي بكرهك. و بكره ان ليا اخت زيك، كان لازم بابا يرميكي في الشارع انتي و امك و اختك، ع.شان ان، و لم يكمل كلامه بسبب الض.ربه ألي خدها في وشه من رعد…
رعد بغضب مرعب: ازاي تتج.رأ و تقول كده، انا متربيه احسن منك. و ألي المفروض يترمي في الشارع ده انت مش انا، ع.شان انت وسخ، عايش حياتك في شرب و سهر و مقضي حياتك مع بنات من نوعك و شبهك يا زبالة…
عاصف: رعد، انتي بتقولي ايه…
رعد بغضب اسكته: عاصف بيه، واضح انك معرفتش تربي كويس، البيه ألي بيتهم اختي انها خدت ورق مهم و ضيعته، هو نفس الورق ألي البيه رميه في الزباله مع ازازة الخمرة ألي بيشربها كل يوم، و راحت مشيت من قدامهم و جت بعديها بوقت. و معاها صندوق زبالة. و راحت حدفته على معتصم…
عبير: ابنييي. و راحت رايحه ناحيته، و بدأت تنضفه من الزبالة، اما رعد فهي قربت منهم و راحت ماسكه ورقه بطرف اديها، و قربتا من وشه معتصم و قالت…
رعد: مش هي دي الورقه، و لكن لم تتلقى رد منه. فقالت بص.راخ انتفض منه معتصم، : رد علياااااا، مش ديييي الورقه…
معتصم بخوف: ايوه هي الورقه.
رعد: حلو اوي، بعد كده لما تح.ب تشرب الزبالة دي تشربها برا البيت سااامع، لأني و اقسم بربي. لو لمحت انك شربت القرف بتاعك ده هنا لأكون مورياك غضبي على وضوح، و راحت بعدت عنه و م.سكت ايد اختها. و جت تمشي سمعت عبير بتبرطم بالكلام و بتقول…
عبير: معلش يا ابني ربنا على المفتري، هي بنت ناقصه تربايا…
رعد: على فكرة يا مرات ابويا، مش انا ألي ناقصه تربيه، لا، ده ابنك ألي ناقص تربيه، على الاقل انا امي علمتني مغضبش ربنا لأني في يوم هقابله و هتحاسب، لكن الدور و الباقي على ألي ناسي ربنا من اصله و مقضيها لعب و هزار، امي علمتني م.ستقواش على الضعيف، لأني هيجي يوم و يترد فيا، و كما تدين تدان، فهماني يا مرات ابويا…
