رواية أسي.رة عائلة القناوي الفصل السادس والثلاثون حتى الفصل الأخير بقلم الكاتبه يوستينا سامي حصريه وجديده

معاذ قرب ناحيته و هو بيحاول يتحكم في دموعه و حضن زين و خلاه يقعد علي السرير بسبب الكسور اللي في جمسه و قاله و هو صوته مخنوق من العياط / برغم كل اللي فيك ده بتعافر و بتوجع نفسك ليه .. ليه بتاذي نفسك كدة قولي بس اي عمل فيك كدة هو احنا مش اخوات يا زين

زين عيط جامد و حضن معاذ بايده السليمة و قاله/ كله خدعني اشمعنا انت يعني اللي هتطلع كويس
اشمعناا هااا اذا كان ابويا و اخواتي اللي عشت عمري كله بحترهم طلعوا تجار سلااح و لا البنت الوحيدة اللي حبتها حاولت تموتني و تخليني مدمن ..انت بقي اللي هتبقي طيب

و زق معاذ بعيد عنه و بصله بضعف و وجع / حتي صفصف اللي كنت بعد الدقائق علشان اترمي تحت رجليها و اكل من ايديها ماتت يا معاذ ماتت و سابتني في كل ده لوحدي و ابني اللي من تمارا مات من قبل ما اشوفه هو انا للدرجة دي مغضوب عليا ، للدرجة دي ربنا بيكرهني كدة .. طب ليه عملت اي

معاذ مسح دموعه بصدمة و قرب من زين اخده في حضنه و بيقوله بالم / يااااه بقي كل ده جوا قلبك و انت مخبي
انت اي يا اخي فاكر نفسك جبل …

زين بصله بوجع و مقدرش يرد عليه بس معاذحضنه اكتر
و قاله/ اقولك علي حاجة عيط او لاا صرخ يا زين خرج كل اللي جواك انا هبقي معاك صدقني مش هطلع ندل ابداا

زين عيط جامد و حط ايده علي راسه و هو بيصرخ / اعاااا يااماا اعاااا الدكتور المتخلف ده بيقولي ان ممكن مقدرش احرك ايدي اليمين تاني يا معاذ قالي اني ممكن تبقي مشلولة

معاذ بص لزين بصدمة و مقدرش يرد عليه.. و حاول يهديه
و يخليه ينام .

_____________________________________________

في الصالة عند عاصي
قبل ميعاد الطياره كانوا كلهم متجمعين في الصالة

عاصي بقلق / ما تقلقيش يا تمارا ان شاء الله خير بس انا بكلم معاذ مش بيرد عليا

ملك / خلاص ممكن يكونوا نايمين وبعدين يلا انتوا كمان عشان هتاخروا علي ميعاد الطياره

تمارا وهي بتعيط/ لا انا واثقه انه مش كويس و موجوع ، انا لازم اطمن عليه نفسي انا عايزه اسافر معاكم

عاصي و هو قاعد علي الكرسي و حاطط ايده علي راسه / هنعملها ازاي بس هو احنا مخاوين انتي التانية .. خلاص الطياره معادها كمان ساعتين

مراد / بص انا ممكن احجز في الطياره اللي جاية و خد تمارا انت يا عاصي ..و انا هحصلكم متقلقش

عاصي بصله بتركيز و بدا يعمل مكلماته علشان يقدر يصلح الموضوع و فعلا اخد تمارا معاه و سافروا امريكاااااااا 🤦

_____________________________________________

تاني يوم الصبح
في شركة كريم و اسر

مراد دخل وهو تقريبا كان مستغرب المكان و مش مصدق ان كريم بقى شغال مع اسر في وهو عمره ما دخل شركات و سال علي مكتب كريم

مراد وهو بيتكلم مع السكرتيرة بتاعة كريم / هو انا لسه هستناكي تقوليله يا بنتي انا ابن عمه شقه دخليني يلااا

السكرتيره/ انا اسفة والله يا استاذ مراد بس لازم ابلغه ثانية واحدة بس

مراد سند ايده علي المكتب بثقة / هيدخلني على طول والله بس ماشي علشان اريحك بس

السكرتيره ابتسمت لمراد وكانت معجبه جدا بكريقته ولكن اتكلمت في التليفون مع كريم وقالتله ان هو موجود بره لكن رفض يقابله

مراد بثقة/ هاا ادخل طبعا

السكرتيره بضحك / بصراحة يا مراد بيه هو قالي متدخليهوش و قوليله يمشي و لو رفض اطلبيله الامن يرموه برا .. انا اسفة اووي

مراد اتحرج اوي لكن ابتسملها وهو حاطط ايده في شعره / لا ابدا و انتي ذنبك اي ، علفكره بقي هو ولا ابن عمي ولا نيلة ده اساسا عيل واطي .. طب اقولك سر هو بيغير مني اساسا

السكرتيره ضحكت جامد و مسكت ورقة و كتبت رقمها عليها و قالت / انا اسمي فيروز و ده رقمي ياربت تبقي تكلمني

مراد مسك الورقة و ضحك بصدمة / اهااا هو انتي منهم يا فري ماشي يا عسل هبقي اكلمك

و مسك الورقة و قطعها قدام عينيها و هو بيقول ببرود / ابقي سلمي علي كريم بقي سلام يا فرق

و خرج من الشركة لكن سمع صوت حد بينادي عليه اول ما بص وراه اتفاجاه باسر و هو بيجري ناحيته و لابس بدلة

اسر وهو بيضحك/ ايه يا ابني هو انت داخل سباق بتجري كده ليه و بعدين بتعمل اي هنااا

مراد رفع حاجبه / وانت مالك .. انا كنت جاي لابن عمي اصله كلمني و قالي نفسي اشوفك و نفض بقي الصراعات اللي بينا

اسر ضحك جاامد / امممم ما انا كنت عنده في المكتب و سمعت فعلا كل اللي هو قاله لفيروز

مراد / احم والنبي اي .. طيب يا اخويا وانا مستني اي من ناس ناقصة زيكم

و قبل ما يتحرك اسر مسك ايده و قاله / كدة برضو يا ميمو بقي انا عمري كنت ناقص معاك ، طبده انت اخويا اللي مجبتوش أمي اقسم بالله

مراد / يااه يعني انا اخوك اوي كدة و مع ذلك شكيت فياا اني ممكن اخونك اوعي تكون فاكرني ناسي اللي عملته و لا اني علشان وقفت جنبك ساعة مشكلتك مع رهف ابقي سامحتك انا بس عملت باصلي

اسر / طب تعالي نتكلم في اي مكان . علشان خاطري يا مراد
و قبل ما مراد يعترض قاله / طب ورحمة صفصف ما ترفضلي الطلب ده و خلي ذكرياتنا تشفعلي عندك بقي يا اخي

بصله مراد و طبعا ضعف قدام رحمة امه ووافق و راحوااا كافيه قريب

_____________________________________________

في امريكا

في المستشفى
زين كان نايم بسبب المسكن القوي اللي واخده و تمارا قاعدة جمبه ماسكة ايده بعد ما معاذ حكه كل اللي حصل ليهم

تمارا و دموعها علي خدها كانت بتمشي ايديها علي دقن زين اللي اول مره تشوفه بيها و كانت بتتكلم بهمس جمب ودنه / كدة برضو هونت عليك تعمل فيا كدة ده انا كنت مستعده ابيع كل حاجة علشان افضل في حضنك ، كدة يا زين تبيعني بالرخيص كدة

و فاجاه سمعتك صوت تمتمة زين و انينه / امم كتفي !! مراد لاا بابا مش وحش اوي كدة
تمارا .. تمارا قت*لتني ياما .. اعااا

تمارا مقدرتش تستكمل و انهارت من العياط و هي سانده راسها في حضنه / لا والله ما اقدر …انا بحبك اووي يا زين بحبك صدقني

عاصي حط ايده على كتفها وقالها / كفاياكي عياط يا تمارا كده انتي هتتعبي اكثر ، هو هيفوق وهيبقى كويس وهيسامحك صدقيني ما جتش عليه يعني ما احنا كلنا غلطنا

تمارا ما اهتمتش كثير بكلام عاصي و فضلت قاعده جنب زين ماسكه ايده مش قادره تسيبه وبتحرك ايديها التانية على شعره و وشه وكانها مش مصدقة انها شافته بعد الفتره دي كلها

لحد ما تعبت جدا من الانتظار وسندت راسها على المخده جنبه ونامت

_______________________________________________

في الكافيه

مراد بحده / والنبي ايه وانت بقى جايبني هنا عشان تقولي الكلام العبيط ده اسمع يا اسر انا حاسس جدا باللي جواك وعارف ان انت مش شاكك فيا بس برده مش عارف تقرب مني عشان كده اخدت رهف ورحت وقعدت في اوتيل بس احب اقولك بقى ان رهف دي تبقى بنت عمي ولا انت ولا عشره زيك هيمنعوني اني اشوفها واطمن عليها والكلام خلص

وقبل ما يقوم رد اسر مسك ايده وابتسم وقاله / انا مش قاعد هنا بقول مبررات انا فعلا اخذت رهف ومشيت بس عشان ادي فرصه لنفسي اني ارتب افكاري وارتب كلامي .. مراد انا ما كدبتش لما قلت انك اخويا اللي ما جابتوش امي واكتر واحد وقف معايا في ازمتي ومستحيل اخلي الصداقه دي تبوظ لاي سبب من الاسباب .

وقام وقف وحط ايده على كتفه وقاله / انا عارف اني غلطت في حقك لما سبتك وانت في المستشفى وسافرت بس انت ياما عكيت حاجات كتير وانا وقفت جنبك واخرهم حوار صابر ده هااا هتحط ايدك في ايدي

مراد نزل ايده من على كتفه وحضنه بحبه / كنت عارف انك هترجع ندمان زي الجزمه وتعتذرلي كمان بس قلت اربيك شوية .. عموما انا كنت جاي الشركه علشان ابلغ كريم اني هسافر بكره امريكا وعوصي وتمارا سابقوني على هناك والبنات هيبقى لوحدها

اسر باستغراب / ليه هو حصل حاجه ولا ايه ما تفهمني يا ابني ما تسيبنيش متوتر كده ولو على البنات ما تخافش عليهم انا ابقى موجود وهرجع رهف النهارده البيت

مرات / طب اعزمني على الاكل وانا احكيلك وانت اللي هتحاسب على فكره

اسر ضحك وطلبوا اكل وبدا يحكيله كل اللي حصل وطمنه ان هو هياخد باله من نور وملك في غيابه

_____________________________________________

في التيلفون

عاصي / اطمني والله انا كويس بس زين لسه نايم الدكتور قال ان هو واخد مسكن قوي عشان الوجع اللي في كتفه شديد شويه .. المهم انتي بتعملي اي

نور كانت تنام على السرير وهي لابسه تيشرت من هدوم عاصي وبتقول /كالعاده قاعده مستنياك عادتي يعني ولا هشتريها

عاصي ضحك / واحم لابسه برده هدومي ولا قررتي تبطلي سرقه بقى

نور بهزار / لا لسه ما توبتش بس ممكن اتوب لما ترجعلي تاني .. هستناك يا صاصا اوعي تتاخر و ابقي طمني

عاصي و هو بيحط ايده علي شعره بشتياق / هتوحشيني يا بت .. بس مش هتاخر هاا خلي بالك من نفسك .

وقفل عاصي التليفون وحط ايده على رقبته وهو بيسند ظهره على الكرسي بتعب وارهاق / يعني يوم ما ارجع طلك ابعد عنك كده . امتي بقي ارجع مصر ياربي علي الذل

____________________________________________

في الاوضة عند زين

زين بدا يفتح عينه بصعوبه لكن اتفاجي اول ما شاف تمارا نايمه قدامه و علي نفس المخده بتاعته
زين ملامح وشه اتغيرت في ثانية وكشر جدا لسه هيزعق ولكن يتفاجئ لما لاقاها بتمد ايديها وهي نايمه وبتبطب على راسه بحب

زين غمض عينه جامد بوجع و خنقه ولقى نفسي تلقائي بيقرب منها وبيشم ريحتها اللي بقاله كثير قوي محروم منها و بيحط رقبته في حضنها و بينام

لكن تمارا بتحس ان هو بدا يفوق وصحيت بلهفه وبصيتله ولقيته مفتح عينيه ما قدرتش تقاوم احساسها وحبها ليه و حضنه ، حضنته جامد اووي حتي مدتوش فرصة انه يرفض او يبعد

تمارا بدموع / انا كنت بموت وانا شايفاك بالمنظر ده اوعي تاذي نفسك تاني ، انا ممكن اموت لو جرالك حاجة

زين / بس انا جرالي وبسببك انتي يا تماره … ليه جاية تعملي فيها الحمامة الوديعة دلوقتي..فاكراني هتخدع صح طبعا ما انا المغفل بتاع العيلة. تمارا اطلعي برااا

تمارا/ زين انااااا

زين / انا مش عايز اسمع تبرير ابدااا حقي وهسامح عنه لكن حق ابني اللي موتتيه في بطنك ده مستحيل اسامحك عني .

تمارا 😳😳

استووووووووووب تفتكروا ايه اللي حصل
و بكده خلصت حلقة النهاردة ❤️
للناس اللي بتسالني على القصة هتخلص امتى فاحب اقولهم انها تقريبا خلصت يعني فاضل بارت او اثنين بكثير

و متنسوش تدعوا لاخواتنا في فلس طين ان ربنا يقويهم،
و يرحم شهدا*ئهم 🙏💕 الرسالة دي هتفضل تتكتب و هنفضل ندعي انهم يتحر*روا

#اسيره_عائلة_القناوي
40 قبل الاخير🔥

في الاوضة عند زين 😭

زين / بس انا جرالي وبسببك انتي يا تماره … ليه جاية تعملي فيها الحمامة الوديعة دلوقتي..فاكراني هتخدع صح طبعا ما انا المغفل بتاع العيلة… بقولك اي انا مش طايق اشوفك اطلعي برااا

تمارا بندم/ زين انااااا

زين بحده / انا مش عايز اسمع تبرير ابدااا حقي وهسامح عنه لكن حق ابني اللي مو*تتيه في بطنك ده مستحيل اسامحك عنه .

تمارا بصدمة / انت بتقول ايه انا امو*ت ابني انت اكيد اتجننت ، طب ده انت كنت معايا في المستشفى حتي خبيت عليا اللي حصلي ولا نسيت

زين ابتسم بتريقه وقالها / امم وكنت فاكرك متعرفيش
و يا حرام داخلة في حال صدمة و انهيار
بس لا يا تمارا انا عرفت من ماجدة انك انتي اللي حاولتي تسق*طي نفسك عشان ما بقاش في حاجه ربطانه وبصراحه ما استبعدهاش عنك لانك واطيه عملتي كده في جوزك هيفرق بقى في العيل اللي مني

تمارا دموعها نزلت علي خدها في صمت و هي مش مصدقة اللي هو بيقوله و بدات تتكلم بصوت موجوع متقطع / لا يا زين هي اللي ضر*بتني في بطني برجليها و خلت رجالتها يضر*بوني و كانوا هيع*تدوا عليا كمان ، صدقني انا مش بكدب والله العظيم
انا وقتها كنت بصرخ باسمك جامد علشان تجيلي ازاي قلبك محسش بياااا .. ازاي يا زين محستش ان تمارا اللي كانت امانك وحبك من واحنا عيال بتتوجع و بتمو*ت

زين بدموع/ علشان هي نفس تمارا اللي كنت باخدها في حضني بليل و وقفت قدام كل الناس لدرجة اني كنت همو*ت علشانها هي و في الاخر اترميت في المستشفى بسببها بتعالج من الادمان
انا بسببك كنت بقرف ابص لنفسي اووي في المراية علشان كل حاجة فيا اتغيرت مش بس شكلي ، شخصيتي ادمرت.. انا بقيت مدمن و انا مش ذنبي حاجة و كل ده بسببك انتي

تمارا وطت راسها في الارض لانها مكنتش قادرة تبص في عينيه كانت حساهم سكا*كين بتقطع في قلبها و قالتله بندم و وجع / طيب قولي اقدر اعملك اي علشان تسامحني

زين بقسوة / تبعدي عني … انا مش عايز اشوفك تاني ارجوكي انا كل ما ببص في وشك بفتكر ضعفي و عجزي. اطلعي برااا

تمارا ماقدرتش ان هي ترفضله طلبه وبتخرج بس بتتفاجئ بعاصي واقف على الباب اللي تقريبا سمع كل الحوار بس مرضيش يتدخل لانه كان فاكر انهم هيتصافوا وما كانش متخيل ان زين هيطلع قاسي كده .. وسابها تخرج ودخل
هو الاوضه .

_______________________________________________

في شقة كريم 🔥

كريم كان لابس تيشرت اسود و كان قاعد قدام التليفزيون متعصب اوي بس جميلة جات با.سته من خده
و قالته بهزار / متجوزة قمر يا ناس .. التيشرت الاسود ده حلو اوي اوي عليك

كريم و هو لسه قالب وشه / بعدي عني يا جميلة اني مخنوج و مش طايج نفسي

جميلة / يا ساتر للدرجة دي . طب قولي اي حصل في الشغل عكنن عليك كدة

كريم بص لجميله وكانها طوق النجاه لانه كان نفسه يحكي لحد وفضل يحكيلها ان مراد جيه الشركه وده كان موضوع معصبه جدا

كريم / بس يا ستي ومن بجاحته جاي برجليه الشركه انا لولا اسر كان زماني خليت الامن يرموه بره انا مش عايز اشوف خلجته ولا هو ولا اخوه

جميله كانت قاعده مربعه ايديها قدامه وساكته مش بترد عليه وده عصب كريم جدا وقالها بحده / مالك جاعدة اكده وكانك واكلة سد الحنك ما بتتحدثي ويايا

جميله /ما هو انا لو فتحت بقي واتكلمت انت هتزعل يا كريم انا لحد دلوقتي مش شايفه سبب واحد يخليك تعمل كل ده

كريم بعصبيه/ وااه انتي مع مراد ضدي ولا ايه لي .. متركزي اكده في حديتك معايا شكلك اتخبتي ايااك

جميله قامت من مكانها ووقفت قصاده و هي مستغربه اسلوبه جدا معاها و خصوصا انه اول مره يزعقلها كدة و قالته / اتخبلت عشان بقول كلمه الحق وعشان بقولك انك ملكش حق تعمل كدة .. جرى ايه يا كريم انت عايز اللي يطبلك وخلاص .. وبعدين عاصي كان غلط و صلح من نفسه و مراد ده انا عاشرته وعارفه انه طيب جدا و

لكن قبل ما تكمل كلامها كريم كان شدها من البلوزه اللي كانت لابساها بغشومية جدا وقالها بحده/ اياكي تجيبي سيرته جدامي مره ثانيه . ولا تكوني حنتيله ما اني عارف ان انتي كان عينك منه قبل ما تتجوزيني و اكيد منستيهوش

جميله اتصدمت من اتهام كريم المباشر ليها وزقت ايده / انت بتقول اي ، ازاي تكلمني كدة اساسا و بعدين ده جزاتي اني في يوم من الايام فتحتلك قلبي وحكيتلك .. شكلي كنت غبية اوي

كريم بصوت عالي لدرجه ان والده جميله خرجت من اوضتها / ايوه غبيه عشان مش عارفه انا ليه لحد دلوجت مش عايز اجرب من مراد لاني مش هتجبل فكره انك تبقي جنبه و هو وسخ والله اعلم باللي في جلبه من ناحيتك

والدة جميلة / في اي يا ولاد استهدوا بالله صوتكم عالي قوي

جميله كانت بصه في عيون كريم بصدمه وغصب عنها دموعها خانتها على الرغم انها ما كانتش عايزه تبان ضعيفه كده وقالتله/ ولو هو وسخ زي ما انت بتقول انا ايه .. يبقي انا زيه صح علشان كدة مش واثق فيا

و مسحت جميلة دموعها بكم البلوزة و قالتله و هي متجهة لاوضة والدتها / بس انا ما يخلصنيش انك تخسر عيلتك بسببي انت سبق وخسرت مامتك واختك و دلوقتي عايز تخسر ولاد عمك بس لااا انا هريحك خالص مني لان انا عملاك ازمة كبيره اوي …

و بصتله و هي عند باب الاوضة بوجع / طلقني يا كريم

ودخلت اوضه والدتها ووالدتها حصلتها وكريم كان واقف مذهول من اللي هو قاله هو ما كانش يقصد يقول كده

كريم حط ايده على راسه بمخنقه / ايه اللي انت هببته ده بس يا كريم انا لو شكيت في الدنيا دي كلها عمري ما اشك في جميله دي مرتي استغفر الله العظيم يا رب ..منك لله يا مراد
________________________________________________

في اوضة زين 😭

زين وهو بيبص لعاصي بلوم / لو جاي تشفعلها عندي او تحاول تصلح فانسي يا عاصم لان كل حاجه خلاص ماتت

عاصي وهو بيبتسم / لا خالص انت مش صغير علشان اوجهك .. بس انا عايزه اسالك سؤال واحد ليه بتعمل كده في نفسك ، اصلي اللي بتعمله في نفسك ده مش معناه الا حاجه واحده بس

زين بخنقة / يا ترا اي بقي اللي بعمله .. انا بحاول ابقي زيكم ، يعني ادخل في سباقات و مصارعة و مو*ت و ضر*ب علشان ابقي زيكم مش الاستاذ برضو تاجر سلا*ح و بلط*جي

عاصي وهو بيضغط على ايده بغيظ وبيحاول يتحكم في اعصابه عشان ما ينفجر*ش في زين وقاله بثبات / طريق اتجبرت امشي فيه و مش بايدي .. واول ما اخذت الفرصه بعدت وبعدت عن البلد كلها واستقريت في مصر وكل يوم بيجيلي تهد*يد شكل بس صابر …اعمل اي تاني يا زين

زين / تطلع وتسيبني انام لان انا مش عايز اعاتب حد ولا حد يعاتبني

وغطى نفسه كويس بالبطانيه ولف وشه عن عاصي وغمض عليه عشان ينام بس عاصي اتنهد بتعب وقاله / ماشي يا زين اللي يريحك بس يكون في معلومك تمارا دي بتعشقك مش بس بتحبك اما اتهامك ليها انها السبب في مو*ت ابنكم ده محصلش علشان تماره وقفت قدام اختها وقدام ماجدة عشان تخلي ابنها منك . والله بتحبك اوي

و قام عاصي و سابه و خرج من الاوضة و راح يطمن علي تمارا اللي كانت قاعدة لوحدها بتعيط في صمت

زين و هو علي السرير ابتسم بوجع و حط ايده علي كتفه / ما انا كمان بحبها اووي .. بس مش قادر انسي

و غمض عينه علشان ينام لكن غصب عنه مغبتش تمارا عن باله لحظة واحدة من اول ما كانوا اطفال لحد اللحظة دي ..
و عدي اليوم بصعوووبة اوي عليهم

_______________________________________________

تاني يوم الصبح

مراد كان ماسك الشنطه بتاعته ونازل على المطار بس ملك مسكت ايده وقالتله بحزن / على فكره عاصي قال ان زين كويس وانت ممكن ما تسافرش كفايه هو هناك

مراد ابتسم / ايه يا وليه ده عايزاني ابقى واطي مع اخويا وبعدين اللي حصل لزين مش قليل ومحتاجنا كلنا حواليه

ملك /صح كلامك مظبوط طالما عايزنا كلنا حواليه يبقى خدني معاكي يا مراد

مراد ضحك جامد بعلو صوت وقال / انتي بالذات زين مينفعش يشوفك دلوقتي خالص هو بيكرهك قوي فوق ما تتخيلي يا ملك