رواية أسي.رة عائلة القناوي الفصل السادس والثلاثون حتى الفصل الأخير بقلم الكاتبه يوستينا سامي حصريه وجديده

مراد / وانا اقدر برده يلا بينا يا عم الوحش بس خدي بقى شغلي اللوكيشن على التليفون عشان انا ميح

ومسكت ملك تليفون مراد ويا ريتها ما مسكته اتفاجئت برساله جاياله من ساندي مكتوب فيها وحشتيني قوي يا مراد انت مش متخيل المعرض ازاي وحش من غيرك يا ريت ترجع بقى

مراد كان واقف قدامها وحاط ايده في جيبه بملل / ما تخلصي بقى يا ملك شغلتي اللوكيشن ولا لا

ملك رفعت عينيها لعينه وكانت حبسه دموعها بالعافيه ورمت التليفون في وشه بغيظ / لا شغلت دماغي لاني كنت عارفه ان ما فيش راجل في الدنيا دي كلها هيستحمل انه يعيش لوحده من غير واحده وانك خاين زيك زي ابوك وزي اخواتك

مراد بصدمة/ اي العبط ده . خيانة اي و هبل اي
و متتكلميش كدة معايا سامعة

ملك / لا مش هسمع .. سيب ايدي

مراد بحده قاسية ملك مشفتهاش قبل كدة / لا هتسمعي و مش هتقولي الكلام ده تاني لان اللي بيني وبينك ما ينفعش يداس عليه بالرجلين ردي عليا فاهمه ولا لا

ملك مسحت دموعها و حركت راسها بمعني اه

مراد بحده / لا اسمع صووتك

ملك اتفزعت من صوته و قالت بصوت ضعيف / خلاص فاهمة يا مراد بس متزعقش

مراد حط ايده علي شعره و هو بيشده بغيظ و خنقى مش بس من الكلام اللي هي قالتله و جرحها ليه و معايرته بابوه لكن علشان خلاها تترعش و تخاف منه
و في وهلة مد ايده و شدها لحضنه و قالها بصوت حنون و هادي/ يلا بينا نطلع نتغدي و انا هحكيلك علي كل حاجة

واخدها مراد مطعم وحكالها كل حاجه تخص ساندي وانها بتحاول تقربله بس هو عمره ما اداها ريق واحد حلو و هي صدقته و واقف انهم يكتبوا الكتاب تاني يوم و ينزلوا مصر

________________________________________________

في الجامعة

نور كانت خلصت المحاضرات وخارجه اتفاجات بحسن واقف قدامها و مش عايز يتحرك

نور / في ايه يا حسن مالك واقف كده ليه قدامي بعد اذنك عديني

حسن بعصبيه بيمسك ايديها جامد / اعديكي بسهوله كده بعد كل اللي عملتيه فيه ده يا نور ، ايه كنتي مستخدماني كوبري عشان تغيظي جوزك بيا ويرجعلك .. استغليتي اني بحبك وما اقدرش استغنى عنك في انك تجرحيني يا نور

نور بصت حواليها بخوف وقالتله / ما حصلش الكلام ده صدقني ، انا ما كنتش اعرف ان عاصي هيرجع تاني او ردني .. بس الغلط عليا عشان دخلت القصه تاني وانا ما ننهيتش القديمه انا اسفه يا حسن بعد اذنك سيبني امشي

حسن / لا مش هتمشي .. نور انا بحبك أوووي وانا مقتنع انك بتحبيني زي ما بحبك ، بصي انا هساعدك تطلقي من اللي اسمه عاصي ده وتبقي حره بس اسمعها منك يا نور

نور وهي بتحاول تشد ايديها من ايده بس ما كانتش عارفه و لقت نفسها دمعت غصب عنها وردت بضعف / بس انا مش هقدر ابعد عنه ابدا .. يا ريتني كنت اقدر بس انا بحبه يا حسن

وفي اللحظه دي حسن لقه حد مسك ايده وشده من القميص بتاعه وقاله / سمعت قالتلك ايه , سمعت مراتي اللي عايزها تطلق مني وتتجوزك يا و*سخ قالتلك ايه

نور خافت قوي و عصبية جوزهااا و قربت منه و مسكت في دراعه جامد وقالت/ بلاش فضايح والنبي يا عاصي احنا في الجامعه عشان خاطري يلا نمشي

عاصي بعد ايديها عنه ومسك ايد حسن وقاله بغل وكره / الايد اللي مسكت مراتي يبقى نصيبها انها تتقطع وانا رافه بيك هعمل كدة بسسسس

مفاجاه نور شافت عاصي وهو بيكسر ايد حسن قدام عينيها وما قدرتش تعمل اي حاجه غير انها تحطي ايديها على بقها وتصرخ بصوت مكتوم .. مفيش ثواني وشافت حسن مرمي على الارض قدامها وهو بيصرخ من وجع ايده وعاصي يمسك ايديها وبيخرجها بره الجامعه

_________________________________________________

عاصي بغيره   وقف عربية و ركبواا هما الاتنين و اول ما روحوا البيت دخلوا الاوضة و كان واضح عليهم الخناق

عاصي يعصبية / كان عايز يسمع كلمة بحبك منك .. اي  ليه يا نور

نور ردت بثبات عكس رعبها من شكله و عصبيته اللي هي كانت اكتر واحدة عرفاهاة/ والله انت كنت موجود و سمعت الكلام اللي اتقال ، ياريت تسيبني في حالي

عاصي / والنبي اي . بس الهانم كانت واقفة بتتناقش المفروض تديله مية قلم علي وشه علشان اتجرا و مسك ايدك بس

نور بصتله بخبث و حبت تخرجه عن شعوره و قالت بثبات عالي جدااا / اوعي تكون فاكر اني قولت كدة علشان بحبك يا عاصي لاااااه فووق انا قولت كدة بس علشان خايفة عليه بجد
حسن ده اكتر بني ادم انا ارتاحت معاه و مستحيل اخليه يتاذي بسبب بني ادم يزيك ميعرفش الرحمة

عاصي اتصدم من كلامها و قرب ناحيتها و هو بيحاول يتملك من اعصابه/ انتي بتهلفطي بتقولي اي لو فاكره انك كدة بتنتقمي مني تبقي غلطانة يا ملك
و بعدين انا عارف انك بتحبيني انااا و كل الكلام ده كدب

نور / كدددب يا عاصي انا سبق و قولتلك بكرهك و طلقني.. عارف لو طلقتني والله لاروح لحسن و اتجوزه لانه الوحيد اللي بجد يستاهلني

عاصي كان حاسس ان نور بتضغط على اعصابه جامد ومسك كل حاجه موجوده على التسريحه ورماها على الارض وزق المرايه برجله كسرها وهو بيزعق / انتي ليه بتعملي فيا كده ، ليه بتيجي عليا قوي كده يا نور ، انا اه غلطت في حقك كتير بس بحبك وراجع عشان تسامحيني ليه بتدوسي على قلبي كده

نور / بس فات وقت السماح يا عاصي خلاص خلصت
وانا بكرهك و صدقني ده مش مجرد كلام من ورا قلبي .. الراجل اللي يستحلي لنفسه انه يضرب مراته و يشوفها بعينيه و هي بتتلوي من الوجع ولا اللي يذلها و يحبسها لانه عارف يا حرام انها ملهاش غيره
يبقي مش راجل و مش عايزاااه

عاصي بصلها بعتاب و وجع جامد / كل الكره والسواد اللي في قلبك دوت عشان ضربتك كام قلم عشان عبرت عن وجع طول عمري حبسه جوايا .. امال لو كنتي شفتي يوم واحد من اللي شفته من ابويا

امال لو كنتي اضربتي بالجرباج واتحبستي في الاسطبل و انتي بتنزفي و انتي عندك ١٠ سنين
اومال لو شوفتي ابوكي قدام عينك و هو بيموت في الناس ومش قادرة تتكلمي او تطلعي صوت .

و ضحك عاصي بوجع وقعد على السرير وهو بيبصلها بتامل / هو انتي فاكره انك عنيتي في حياتك انتم كلكم ولا حاجه قدام اللي انا شوفته .. بس انتي صح انا مش عايز ابقي معاكم

نور بوجع / علفكره بقي كل ده ميدكش مبرر انك تعمل فيا كدة .. انا ذنبي اي ادفع مشاريبك و تعبك انت . ليييه

عاصي رفع صباعه قدام وشها / لا يا نور انا كدبتش عليكي لانك من اول لحظه دخلتي فيها حياتي وبقيتي مراتي قدام ربنا وانتي عارفه انك معاكي بني ادم مش سوي .. و قبلتي و مع اول خبطة بعدتي يا نور . يا خساره حقيقي يا خساره

و خرج عاصي من الاوضه ولكن اتفاجئ بتماره وملك ومراد واقفين قدامه و سامعين تقريبا اغلب الخناقه جوه

عاصي وهو بيبصلهم بوجع ما قدرش يخفيه / اي واقفين كدة ليه ، عايزين تشوفوني وانا مكسور صح اطمنه انا فعلا اتكسر خلاص
لو عايزين تشمتوا فيااا انا اهو قدامكم

وبص لتمارا اللي كانت بتعيط علي حاله و هو كمان مقدرش يستحمل و فرت دمعة من عينيه وقالها/ انا ما كنتش اقصد اخرب حياتك يا تماره انا اه اللي قلت لزين انك انتي السبب في ادمانه بس والله غصب عني . انا كنت مغيب والله كنت مغيب

و سابهم عاصي و خرج من البيت لكن مراد جري ورااه

مراد و هو بيزعق جامد و بيجري وراااه / عاصي استني بالله عليك …عاصي استني

و فااااجاه

مراد بخضة / عااااااصي 😳😳

استووووووووووب تفتكروا ايه اللي حصل
و بكده خلصت حلقة النهاردة ❤️

و متنسوش تدعوا لاخواتنا في فلس طين ان ربنا يقويهم،
و يرحم شهدا*ئهم 🙏💕 الرسالة دي هتفضل تتكتب و هنفضل ندعي انهم يتحر*روا

#اسيره_عائلة_القناوي
38
#يوستينا_سامي

في شقة كريم و جميلة

كريم    / بقالك كتير بعيد عني و بصراحة انا مش متعودة علي كدة

كريم ابتسم / في ده بجي ، ما اني طول الوجت جدامك .. و بعدين تعالي هنا بجي انتي ازاي بتحلوي اكده كل شوية

جميلة و هي بتحرك ايديها علي دقنه / يمكن علشان انت بتحبني اوي اوي علشان كدة شايفني قمر .

و قربت من ودنه و قالت بخبث / بقولك اي انا عملالك مفاجاه هتعجبك اوي في الاوضة دي

كريم اتهند بصعوبه / بجولك اي يا بنت الناس اني عندي شغل مهم جوي ، اجليها بالله عليكي

جميلة قامت من علي رجله ببرائة / براحتك خالص .. عموما انا هدخل انام احسن تعبانة اووي

و قلعت روب اللي كانت لابساه اللي كانت لابسااه و دخلت الاوضة بهددوء

_______________________________________________

في الشارع

مراد كان نازل يجري ورا عاصي بلهفه وكان خايف جدا عليه ولكن فجاه لقه عاصي نزل على ركبته في الشارع بضعف و حاطط ايده علي راسه

مراد بخضة / عااااااصي 😳😳
مالك!! انت قعدت كدة ليه في الشارع .. قوم معايا قووم اسند علياا

عاصي كان بياخد نفسه بصعوبه بصله بعتاب / انا تمام .. انا بس دوخت و حسيت ان رجلي خلاص مبقتش شايلاني ، انا عاذرها ياما شافت
و زقه بايده بارهاق/ سيبني و امشي يا مراد انا عايز ابقي لوحدي

مراد بلهفة و خوف / لا مش همشي .. قوم اسند عليا انت شكلك ميطمنش ابداا قوم

عاصي ابتسم بتريقة / كنت عايز خوفك و لهفتك ديت ساعة لما خرجت من المستشفى شفتني قاعد في قبر أمك بعيط … كنت محتاج ايدك تسندني و تقولي متخفش هنعدي اللي فات ، كنت محتاجك من ست شهور يا مراد

مراد اتوجع قوي اول لما افتكر بوفاه والدته اللي اتخطفت من وسطهم فجاه من غير اي سبب وكان ربنا عايز يرحمها قبل ما تشوف عيالها الثلاثه وهم بيتدمروا وبياكلوا في بعض ..

مراد بص لمراد بوجع / كان صعب عليا صدقني كان صعب اخدك في حضني و اقويك وانا مكسور
انا كنت بموت يا عاصي في المستشفى لوحدي و لما رجعت قولت هدفي في حضن امي لقيتها ماتت وحتى ما عرفتش ادفنها
لا و لقيت البني ادمه الوحيده اللي بحبها سابتني و سافرت حتى اقرب صاحب ليا عايرني بالابويا عمله زمان وبعد عني
انا كمان تعبت اقسم بالله تعبت و لا انا اكمني بضحك يعني قدامكم ومش باين عليا

عاصي بوجع / ياااه كل ده جواك .. ده انا قولت انك معندكش دم يا ابني

مراد ضحك / ساعات برضو يا ابني انا متنوع يلا هات ايدك يا عاصي و قوووم .. يلااا

حط ايده في ايد مراد وقام معاه بس مراد اصر ان هما يروحوا المستشفى يطمنوا عليه وخصوصا ان وشه كان اصفر قوي ويخض
_____________________________________________

اوضه نور

كانت قاعده بتعيط وملك جمبها

ملك و هي بترميها بالمخده / طالما بتحبيه قوي كده ليه عملتي كده يا نور ليه قلتيله انك بتحبي حسن وكسرتيه بكلامك ده

نور بعياط / هتصدقيني لو قلتلك ان ما كانش في دماغي اعمل كل ده وكنت هاجري على حضنه واقوله بحبك بس ما قدرتش لقيت نفسي بستفزه وعشان اشوفه هيمد ايده عليا زي ما عمل فيا ولا لاء

عارفه يا ملك اصعب احساس في الدنيا لما تكوني مديه الامان لشخص والشخص دوت هو اللي يدوس عليكي و يحسسك بعجزك .. و عاصي عمل فيا كدة و انا مش عارفة اتعافي والله ما عارفه

ملك اخدتها في حضنها / والله هتروح و تحلي و بكره تقولي ملك قالت

______________________________________________

في الصالة عند كريم

كريم حاول يتمالك اعصابه و يكمل شغل بس سمع صوت اغاني اشتغل في الاوضة في اللحظة دي مقدرش يتمالك اعصابه اكتر من كدة

كريم و هو بيكلم نفسه / يا اخي ابو الشغل علي اللي عايز يشتغله بجي .. اني اجوم تلاجيها عايزاني في حوار كبير جوي

و قام و فتح باب الاوضة بس اتصدم اول ما لقاها لابسة بدلة رقص شرقي لونها احمر و هو بيعشق اللون الاحمر عليها لدرجة انه يرفض يخليها تلبسه برا البيت

كريم دخل بسرعة و قفل الباب / يخرب عجلك يا چميلة ايه اللي انتي عملاه ده

جميلة بخبث / اي هو انت ايه اللي جابك .. انا كنت لابساها ليا انا بصراحة كنت حابة ادلع نفسي و خصوصا ان جوزي خلاص نسيتني

كريم اتنهد و قرب ناحيتها / لااه مجدرش .. بس اكده امك هتسمع صوتنا و فضيحتنا هتبجي بجلاجل

جميلة اتكسفت ووطت راسها / الله هو هيحصل حاجة اساسا.. انا بس كنت برقص

كريم و هو بيقرب منها بحب / لااه ده هيحصل كتييير جوي .. بس الاول ترجصيلي

و راح جاب شال و لفه حوالين وسطها و شغل الاغاني تاني ، و اتفاجاه بجميلة انها قاومت كسوفها و رقصت قدامه بجرائة كبيره اووي
______________________________________________

في امريكا

في مكان اشبه بصحراا كان متجمع فيه شباب كثير وبنات من الجامعة عند زين .. وفي نفس الوقت في ناس ثانيه مشاركه في التحدي من برا الجامعة منهم مسجلين خطر

و اول ما الساعة جات ٨ المكان بقي مليان بالموتوسيكلات وعربيات واقفين عمالين يشجعوا علشان هتقوم مصارعه بين الشخصين على فلوس لكن اللي هيخرج عايش من المعركة دي هو اللي هيكسبهاا

و في وسط كل العالم ده زين كان واقف بشورت اسود و عاري الصدر بعد نا قلع كل هدومه بيستعد مع صحابه .. و لكن لقه معاذ واقف جمبه
وبيقوله بغيظ / انا قلت اه عليك غبي بس مش لدرجه انك تضحي بعمرك عشان تحدي تافه وممل زي ده

زين بصله بلا مبلاه ووهو ماسك في ايده كاس وبيشربه / الملل والتفاهه دي بقت حياتي وبعدين سبق وقلتلك لو شفتك ثاني انا هزعلك بس شكلك مش خايف على حياتك

معاذ/ زين بطل غباوه انت داخل تلعب مع روكي اللي لسه خارج امبارح من السجن … بقي انت هتقدر تنافسه و تضربه كمان ،ما تفوق يا ابني بقي

زين ابتسم بملل ورمى كاس على الارض وقاله / اه هعرف وعد مني اول ما اخلص التحدي ده واكسب الدور هيبقى عليك انت

وسمع زين صوت ضرب النار اللي بيوحي بالاستعداد وبعد عن معاذ ودخل جوه الدايره اللي هيحصل فيها المعركه وكانت المنافسه غير عادله اطلاقا لان زين صفر على الشمال بالنسبه لروكي

يا ترااا زين هيحصله اي 😭

______________________________________________

في السينيما

كانت رهف و اسر لسه خارجين و كان اسر مغطيها بجاكت بتاعه رهف مكسوفة اوي / ابني ما تشيل ايدك بقى الناس كلها بتتفرج علينا

اسر /طب ما تتفرج واحد وحاضن مراته وخايف عليها من السقعه احسن تبرد هي وابنه ما حدش ليه عندي حاجه

رهف بحب ابتسمت ببرائتها وقالت /هو انت فرحان قوي كده بالبيبي ولا شايف ان احنا كنا نستنى شويه عقبال ما نفرح بشبابنا

اسر رفع حاجبه باستغراب / ايه العقليه دي ما احنا ممكن نفرح في شبابنا ومعانا ابننا عادي

رهف بغيظ/ وليه ما تقولش و بنتنا معانا ..امم دي ذكورية صح

اسر ضحك / لا وربنا ما فارق معايا ومش بفكر في الموضوع دوت اطلاقا انتي لو خلفتي ارنب انا هتبسط بيه اووي

رهف   / ايوه كده هو ده اسوري حبيبي قولي بقى هنرجع البيت امتى

اسر /انسي حوار البيت ده دلوقتي خالص انا مش عايز حوارات وبعدين طب ده انا حتى مدلعك و مهيصك صح يا بنت

و غمزلها اسر بهزار وهي ضحكت وقالتله / ايوه بصراحه وبتفسحني كل يوم بس نور وتماره وملك وحشوني وعايزه اطمن عليهم