سكريبت شوقي_يؤ.لمني بقلم سحر_رضا الجزء_الآۆلْ_والاخير حصريه وجديده 

لارا :لاء ما بسدء اذا ميس هيك عم تحكي أنا شو قول
ميس :يلا فوتي ع القاعة بلا ما نتأخر
لارا :حبيبتي اهدي ولا تتوتري
ميس:ان شاء الله

أول ما مسكت الورقة حسيت حالي لح غيب عن الوعي كل شي معلومات بعقلي تبخرو ،هديت حالي وبلشت بأول سؤال وصرت اتذكر ع مهلي خلصت وسلمت الورقة
لارا سلمت الورقة قبلي وعم تستناني نحل الأسئلة لتتأكد من اجاباتا بس أنا ما قدرت كنت كتير متدايقة، لأول مرة ما بكون متأكدة من كل الأسئلة
رجعت ع البيت مزعوجة كتير ،اتصل غسان بس مارديت عليه نمت ساعة…. وبلشت دراسة مارتحت ابدا كان لازم عوض عن الأيام لي قصرت فيها ،كنت مفكرة حالي ذكية كتير وحتى لو قصرت بلحق ادرس قبل الامتحان .
مرو أيام الامتحان بصعوبة ستهلكت فيهن كل طاقتي وبأخر يوم أنا وطالعة من القاعة حسيت الدنيا عم تدور فيي ومن بعدا ما عاد شفت شي
لارا :ميس حبيبتي قومي يا بنات عطوني مي …. ميس اصحي ..

(فتحت عيوني وشفت البنات متجمعين عليي وحسيت الدنيا عم تلف فيي )
ميس:لارا مافيني روح مشي وقفيلي تكسي
لارا:يلا بس عطيني ايدك

وصلتني لارا ع البيت دقت الباب طلع أخي مازن
مازن : أختي شو في ليش هيك وشك أصفر شو صاير معك
لارا :خليني فوتا ما فيها شي بس تعبت من قلة النوم والدراسة
مازن :هاتي ايدك اختي فوتي
شكرا لارا
لارا :العفو ميس متل أختي

ضليت نايمة لتاني يوم بدون ما حس على شي يعني نمت اكتر من 12ساعة
ولما صحيت كنت متنشطة… اول حدا خطر ع بالي “غسان”
دقيتلو …
مرحبا غسان
غسان:أهلا ميس
ميس:أنا أسفة ما قدرت احكي معك الفترة الماضية كنت كتير مضغوطة
غسان :ولايهمك
بس أنا كتير شتئتلك
ميس:وانا كمان
غسان :اي يلا لكان جهزيلي حالك بكرا ومابقبل ولا عذر
ميس :انت بتؤمر ابن عمي 😂
غسان :دخيل روحك الحلوة شو بحبك

تاني يوم اجا غسان وامو واخواتو التنتين
طلبوني من امي واخي

بعد ما سئلو أخواتي عنو وعن عيلتو وافقو بس اخي ماجد مو كتير رضيان لانو كان بدو يزوجني لرفيقو حسام ووافق منشاني .

تمت الخطبة بعد اسبوع
كان هاليوم من أحلى ايام عمري
غسان : يا الله شو ستنيت هاد اليوم انتي أحلى شي بحياتي
ميس بخجل :وانت عمري
غسان :بحبك
ميس:وانا كمان
غسان :يعني ما فهمت عليكي شو انت كمان
ميس:هههه انت عنجد غليظ

تعلقت بغسان كتير وحبيتو لوصلت لمرحلة الادمان صار هو كل شي بحياتي ،كان يهتم فيي وبكل تفاصيل حياتي وكان يعرف شو بحب وشو بكره حتى حركات وشي وطريقة حكيي حفظا
كنت شوفو كل يوم واذا شي يوم غاب عني دقلو من شان يجي
بعد ما مر شهر ع خطبتنا حسيت غسان بلش يتغير معي بالاول خفف حكي ع الجوال وبعدين صار يخفف زيارتو لعنا و كلو بحجة انو عم يجهز البيت ومشغول ومن هالحكي
ما كتير دققت مع انو كنت عم اشتقلو كتير بس كان فكري مشغول بنتائج البكالويا

لارا:ميس جهزي حالك النتائج بعد نص ساعة
ميس: يا الله شو خايفة والله من مبارح مانمت كتير متوترة
لارا :اي طولي بالك لاتبالغي أنا متأكدة من نجاحك مية بالمية بس الخوف عليي أنا
ميس:انا مو مشكلتي النجاح أو الرسوب اذا ما كان مجموعي عالي بروح كل تعبي ع الفاضي
لارا :ان شاء الله بتنجحي وبتصيري أحلى دكتورة
ميس :يارب
اجت امي ع البيت وشافتني عم روح واجي بالغرفة ومتوترة
أم ماجد :حبيبتي هدي حالك بلا ما تمرضي
ميس:امي ربع ساعة وبتطلع النتائج يعني مستقبلي موقف ع النتيجة
أم ماجد :ان شاء الله بتحققي حلمك
امي راحت ع المطبخ وانا فتحت النت لشوف النتيجة
وبلشت اكتب رقم الاكتتاب كانو ايدي عم يرجفو بس لما شفت النتيجة……

صرت ابكي بصوت عالي
وامي لما سمعت صوتي ركدت لعندي
أم ماجد :ميس اهدي قليلي شو النتيجة لك امي احكي نشفتيلي دمي
ميس :علاماتي مابيجيبو طب…..مابيجيبو يا الله يا أمي والله درست منيح اااااخ ياربي ليش هيك
أم ماجد :أمي الله يخليكي اهدي شوي
ميس(تبكي)كيف بدي اهدى مجموعي بالزور بجيب صيدلة كل تعبي راح ع الفاضي
أم ماجد : يا عمري مابصير تعملي هيك بحالك

ضمتني امي وصارت تبكي معي وتهديني عطتني حبة مهدئ وتركني نام
ولما صحيت كان راسي عم يجعني وامي كانت نايمة ع الكرسي

ميس:امي يا امي قومي نامي ع السرير
أم ماجد :طمنيني حبيبتي كيف صرتي
ميس:انا منيحة ….

كنت بدي اسألك غسان تصل شي
أم ماجد :لا والله يا أمي ما تصل
انتو متخانقين شي
ميس:لاء بس هو الو فترة متغير
أم ماجد :كلو خير
المهم انتي ريحي حالك ولاتفكري بشي هلق كل شي الو حل
ميس:الله يخليلي ياكي يا امي

باستني امي وتركتني ارتاح
المسا اجو أخواتي
ماجد :طمنيني ميس نجحتي سمعت من رفقاتي انو اليوم طلعت النتائج
مازن :يعني هاد سؤال أكيد نجحت ميس ما بينخاف عليها
ميس :والله يا مازن ميس تدمرت
ماجد :يعني ما نجحتي
ميس :مجموعي ما بفوتني طب
مازن :سقطي قلبي فكرتك رسبتي 😅
ميس:مو كتير فارقة لانو ما بدي كفي .. طب او بلا
أم ماجد :حبيبتي أنا معك وحلمك ان شاء الله بيتحقق بس خلي أملك بالله كبير
ميس:كيف بدو يتحقق كل شي نتهى
أم ماجد :بتعيدي البكالوريا بمعهد خاص
ميس :مستحيل المعهد بدو مصاري وانا ما بدي حملك فوق طاقتك بكفي عم تشتغلي طول النهار منشان تأمنيلنا مصروفنا
أم ماجد :ما تفكري بشي انا مستعدة اعمل أي شي لترتاحو
مازن :وانا بساعدك بالأقساط
ماجد :وانا بشتغل بعد الدوام
ميس:الله لايحرمني منكن انتو سندي وكل حياتي

(وقفة أهلي معي خلتني أقوى بس لي كسرني هو غسان مااجى لعندي ولا تصل لبعد ماطلعو النتائج بيومين )

غسان :مرحبا ميس طمنيني نجحتي
ميس:كتير بهمك الموضوع
غسان :اي طبعآ انتي حبيبتي
ميس:النتائج من يومين طلعت منيح لي تذكرت تسأل
غسان :اي كنت مشغول
ميس:بشو
غسان :هلق ايمك من النكد أنا شتئتلك بدي شوفك بس مو بالبيت جهزي حالك لإجي أخدك ع المطعم
ميس:طيب
(ماكنت بدي روح بس كنت مشتئتلو كتييييير وكنت رضيانة بأي عذر المهم يضل معي وما يفكر يتركني )
غسان :ليش حبي زعلان
ميس:لانو حبيبي مطنشني
غسان :شتئتلك
ميس:وانا شتئتلك
(مسكلي ايدي وباسا وبعدين قرب مني وباسني من خدي ،تلبكت كتير وبعدت )
غسان :كتير متشوق لليوم لي بيجمعنا ببيت واحد
ميس………
غسان :دخيلووووو

كنت مفكرة انو غسان رجع متل الاول بس كنت كتير غلطانة لانو رجع لإهمالو الي وبعد فوات الأوان كتشفت انو في وحدة بحياتو تعرف عليها من شهر يعني بنفس الفترة يلي بلش يتغير معي بس ما كنت اقدر أعرف مين هي
كل لي عرفتو انو وحدة من رفقاتي دقتلي وقالتلي شافت غسان بالمطعم مع وحدة
أخدت العنوان ورحت بس ما لقيتو كان رايح

ولما واجهتو ما عترف وقلي انو عم اتوهم
ميس:غسان اذا في حدا غيري بحياتك احكي من شان الله لاتخدعني بكفيني لي فيني
غسان :حاجتك ولوووو
انتي عم تتوهمي أنا بحبك
ميس:قلبي عم يقلي غير هيك
غسان :اي لاتسدقيه عم يكذب عليكي
ميس:ان شاء الله

مابعرف ليش احساسي بغسان بلش يتغير دقيت ل لارا من شان نطلع لأي مكان كنت محتاجة غير جو
طلعنا من البيت الصبح تمشينا وبعدا عزمتا ع الفطور بس في شي غريب كان عم يصير
ميس:لارا شوفي ليش ماعم تاكلي
لارا :اه.. اي عم اكل
ميس:انتي مو ع بعضك
صاير شي معك
لارا :لاء ما في شي شو خيالك واسع
ميس:اي ان شاء الله
كنت عايشة بداومة كبيرة فجأة بيتغيرو الناس لي حواليي كل شي عم يتغير حتى لارا ما عادت متل الأول كنا نحكي كل يوم بس بأخر فترة صارت تتهرب من اتصالاتي وتخلي أما تحاكيني وكل مرة تطالعي حجة
شي نايمة ….وشي مشغولة

وغسان ما بيحكي معي الا اذا تخانقنا بيزبط اكم يوم وبيرجع لإهمالو

ميس:امي الله يخليكي قومي نطلع مشوار والله دايق خلقي
أم ماجد :حبيبتي مافيني بدي روح ع الشغل عنا ضغط كتير في طلبية لازم نسلما
ميس (تبكي)أمي حاسة روحي عم تطلع بدي شم هوا نضيف ….أنا عم اختنق يا أمي
أم ماجد :يا عمري انتي طيب حبيبتي هلق بحاكي المعلم وباخد اذن
ميس:الله يخليلي ياكي يا أمي

طلعت انا وأمي واول ما فتحت الباب أخدت نفس طويل وأنا وعم امشي مسكت ايد أمي بس فجأة وقفت بمكاني …..
كان واقف معها فتحت عيوني ع وسعهن كذبت حالي بس امي معي قلتلا امي أنا عم احلم …..امي احكيلي شو عم يصير
دموعي صارو شلال
وقلبي صار يدق بسرعة
أم ماجد:امي طول بالك امشي نشوف شو في
ميس:كيف بدي حاكيهن
كل شي توقعتو الا لارا
لارا مو رفيئتي لك لارا أختي ….أختي
ااه يا أمي ياريتني مت ولا شفتن سوا
وأنا عم قول ليش غسان متغير
أم ماجد :لازم نواجهن …امشي معي

ميس :ما فيني كتير صعب كيف بدي اطلع بعيونن وشوف الغدر

شدتني امي من ايدي وفتنا ع المطعم واول ما شافني غسان وقف وجمد بأرضو ولارا تغير لون وشا وانا ما قدرت احكي ولا حرف ضليت واقفة متل الصنم ودموعي ع خدي

أم ماجد : الحمد لله لي الله كشف الحقيقة
انتو التنين وسخين وما بتستاهلو تكونو مع بنتي يا عيب الشوم عليكي يا لارا ميس كانت معتبرتك أختا وانت يا أستاذ حسابك بعدين
غسان :مرت عمي انتو فاهمين الموضوع غلط
لارا :ميس والله انا ما كان بدي خرب عليكي فرحتك أنا مالي ذنب
ميس ………
أم ماجد :امشي بنتي
وانتو خليكن…. أساسا لابقين لبعض تنين خاينين
لارا :ميس الله يخليكي وقفي بس خليني احكيلك شو صار
ميس……….
لارا :ميس لاتسكتي احكي أي شي ….بهدليني ….اضربيني
بس لاتسكتي

ماحكيت ولا حرف .
رحت مع امي ع البيت واول ماوصلت فتت ع غرفتي وصرت ابكي ….بكيت قهر ….بكيت ظلم …..بكيت ع حلمي لي ضيعتو بسبب غسان ….بكيت ع رفيقة عمري لي خانتني .

————-
بعد مرور شهرين

غسان :ميس الله يخليكي ردي علي والله أنا ندمان
ميس:نقلع من وشي
غسان :ميس أنا بحبك بس الشيطان لعب براسي والله ما بدي اتزوج غيرك بس ….
ميس:لاتكمل مابدي اسمع شي

كنت عم اشتقلو كتير بس كل ما اتذكرو حس قلبي بيجعني
كان الوجع قاسي كتير كنت بتمنى اكرهو لا ارتاح بس ماقدرت شوقي الو عم يزيد وعم يوجعني

ومع بداية العام الدراسي الجديد
ماجد:يلا يا ميس شدي حيلك هالسنة لازم تجيبي طب
مازن :اي والله أنا عم اتخيل حالي أخوا للدكتورة ميس
أم ماجد :ان شاء الله بتصير أحلى دكتورة

يمكن الحلم ماعاد يخصني لوحدي صار حلم عيلتي من شان هيك قررت ادرس وما خلي أي شي يلهيني

تركت غسان وقطعت علاقتي ب لارا مع انو حاولت كتير تصالحني بس بالوقت الحالي ما عم اقدر سامحن

غيرت رقمي وبلشت حياة جديدة

حطيت كل جهدي بالدراسة تعبت ع حالي كتير ما ضيعت وقت ابدا كان وقتي أغلبو للدراسة وضليت هيك لوصلت للامتحان النهائي
كان شعوري مختلف عن السنة الماضية كنت كتير واثقة من حالي وكل يوم اطلع من الامتحان وانا فرحانة
أم ماجد :يارب تضل هالضحكة منورة وشك ياقلبي
ميس:الله يخليلي ياكي انتي وأخواتي والشي لي عملتو معي بعمري ما بنساه انتو أحلى شي بحياتي

أم ماجد :يلا حبيبتي باقليك مادة قومي درسي