نفت تلك الأفكار من رأسها عندما سمعت
هاتفها يرن لتجدها إحدى صديقاتها مروى….
يارا بهدوء:”أهلا ياميرو….
مروى بصراخ :” فينك يابنتي كلنا مستنينك…
يارا بتعجب :”مستنيني فين؟؟؟
وضعت مروى يدها على أذنها الأخرى
لتسمعها بسبب صوت الاغاني المرتفع :” البارتي
إبتدت من زمان…عيد ميلاد فيري إنت نسيتي؟؟
تأففت يارا بضيق لنسيانها أمر عيد ميلادها
صديقتهم فريدة:”اووف انا نسيت خالص
و مش حقدر آجي دلوقتي…
مروى :” مش ممكن يا يويو الشلة كلها هنا
مستنيينك داه حتى حازم هنا و مش مبطل
سؤال عليكي ”
يارا بضيق :”تمام نصاية و اكون جنبك..”.
إستقامت يارا و هي تنظر لشاشة هاتفها لتجدها
الساعة التاسعة و النصف ليلا لم تهتم كثيرا
فهي معتادة على السهر خارجا كل ليلية و الرجوع
متأخرة و ذلك بتشجيع من والدتها اللتي لم
تكن ترفض خروجها خاصة و انها تعرف صديقاتها
جميعا و هذا ما كان يطمئنها حسب رأيها….
إتجهت نحو خزانتها لتغير ملابسها و ترتدي
فستانا فخما باللون الأسود المطرز بخطوط ذهبية
قصير و ضيق يلتصق على جسدها كجلد
ثان
إرتدته على عجالة ثم فردت شعرها المموج
ليغطي كتفيها و ظهرها و وضعت بعض مساحيق
التجميل الخفيفة مما زادها جمالا ثم أخذت
حقيبتها التابعة للفستان و حذاء باللون الأسود
و نزلت الدرج بسرعة…..
من حسن حظها لم تجد أحدا في الأسفل
رغم أنها لم تكن تهتم… ركبت سيارتها ثم
إنطلقت نحو احد الملاهي الليلة الفخمة
حيث يقام عيد الميلاد…
دخلت تتهادى بخطوات رشيقة جعلت
جميع الرؤوس تلتفت لها و تناظرها باعجاب
إحتضنتها مروى قائلة :”واو إيه الجمال داه
كله يايويو…قمر آخر حاجة….
أجابتها يارا بغرور و هي تجلس بجانبها
واضعة ساقها على الأخرى بأناقة :” طول عمري
قمر و ميرو و إلا إنت رأيك إيه….
حازم بابتسامة :”طبعا برنسيسة الجامعة
و النادي و كل حتة…
إحتضنها مقبلا وجنتها لتجيبه يارا :”دي
اقل حاجة عندي…امال فين جوجو مش شايفاها
هي ماجاتش؟؟؟
مروى بضحك :” لا جات بس فوق مع أسامة…
يارا و هي تلوي شفتيها باشمئزاز :” البنت دي
مش حتبطل قرف…
مروى :”ما إنت عارفة أسامة مفيش بنت بتاخذ
معاه يومين… اليوم الثالث تلاقيها في سريره…
يارا :”اللي عاوزة تحافظ على نفسها حتقدر
حتى لو قدامها براد بيت ذات نفسه… صحيح
إننا بنسهر و نخرج زي و نلبس بحرية… بس
كل حاجة و ليها حدود..و هي عارفة إن واحد
زي أسامة حيتسلى بيها يومين وبعدها حيرميها
و يدور على واحدة جديدة غيرها…
مروى بلامبالاة:” ما احنا ياما غنينالها الاسطوانة
دي بس مش نافع… بنت غاوية قرف… أقطع
ذراعي من هنا لو مكانتش هي اللي طلبت
منه…..
يارا بقهقهة :” لا في دي معاكي حق..يلا
سيبينا منهم يتحرقوا هما الاثنين… قوليلي
بقى فين البارتي اللي جايباني عشانها
نص الليل دي “.
مروى بضحك :”ماهو حازم هو اللي قالي كدة
اصل حفلة فريدة بكرة مش الليلة”.
يارا بغضب :”اه ياكلبة…خليتيتي ألبس
الفستان اللي كنت مقررة البسه في البارتي……
أتى حازم و في يده كاسين من عصير البرتقال
الفرش كما تحبه يارا… مد لها الكأس الأول ثم. إحتفظ بالثاني لنفسه…
يارا بابتسامة ساحرة :”ميرسي يا حازم….
مروى باندفاع :”و انا مجبتليش عصير معاك
و إلا الدلع بس ليارا….
حازم و هو يقترب قليلا ليجلس بجانب يارا
يرمقها بنظرات إعجاب :”طبعا..الدلع يليق
بس للقمر اللي قدامي…
ضحكت يارا بينما أجابته مروى بسخرية
:” يا سوسو… طب إثقل شوية على طول كدة
جابتك على بوزك..
حازم بغيظ:”و إنت مالك…و بعدين إيه اللي
مقعدك بينا ماتروحي ترقصي و إلا تشربي
و إلا تغوري في داهية…. لاصقة هنا ليه…
يارا بضحك :”بالراحة ياحازم… اصل مروى
مرهفة الاحاسيس…و شوية كمان و حتعيط….
مروى و هي تصطنع البكاء:”شفتي يايوو
هزقني إزاي… ناكر جميل داه انا اللي خليت
يارا تيجي الليلة….
يارا و هي تضع الكوب على الطاولة :”أنا بصراحة
مش قادرة أتابع الحوار الشيق بتاعكم و مضطرة
اروح عشان مقلتش لماما إني طالعة….
حازم بلهفة :”طب خليكي شوية كمان إنت
جيتي دلوقتي بس….
يارا معتذرة:”مقدرش ياحازم لو سمحت انا لازم
اروح..اوعدك بكرة حبقى وقت أطول…
ودعتهم يارا رغم إعتراض حازم الذي كان
يريد قضاء أطول وقت معها فهو معجب بها
و بشدة… لكزته مروى على ذراعه عندما وجدته
مازال ينظر في أثر يارا بشرود :” إيه ياعم… خلاص
وقعت إنت كمان….
حازم بتنهيدة تخفي آلامه :” من زمان يامروي
من زمان واقع…
أخذت مروى سيجارة من علبته الفاخرة
لتشعلها و تنفث دخانها في الهواء قائلة :”بس
إنت عارف…. الكل عارف إلا هي….
حازم بنبرة متكسرة :” للأسف عارف انا
أكثر واحد عارف إيه اللي بيحصل..حاولت
أقف في وشه بس للاسف مقدرتش.. انا
مش خايف على نفسي بالعكس انا مستعد
اموت عشانها بس هو عرف يلعبها صح…
هددني بعيلتي لو قربت منها ثاني….
