. ليان ليان ليااااااااااان
فتحت عيوني بصعوبة وتطلعت حواليي كان موجود عماد وسارة ,, شـ,ـو جابو هـ,ـاد لهـ,ـون , معقول سارة خبرتو يجي بس ليش ليييش ..
– لك ليان ردي
حكيت بتعب :
= اي شو في ?!
عماد : كيف حاسة حالك كيف صـ,ـرتي??
جيت لرد بس مرق ببالي شو عمل , وانو هو السبب بيلي عم بصير فيي , قلت بعصبية :
= ما إلك , شو جابك لهون إنت اه , جاي لتدمر حياتي أكتر ??
– ما تتعبي حالك ليان جيت اطمن عليكي واذا زاعجك وجودي رح فل
= اي زاعجني كتير , يا ريت بتعمل معروف
لف وجهو بدو يطلع من الباب وقت صرخت فيه سارة :
– وين رايح انت كمان , بتقلك فل بتفل , حاج بقى خلينا نتطمن عليها وبعدين تخانقو
– لا ليكها منيحة .
ووقت اجا بدو يطلع دخل الدكتور ..
– السلام عليكم
= وعليكم السلام
اجا لعندي وغير المحلول وبعدا سألني :
– كيف صرتي ??
= منيحة
– هيك بتعملي بحالك قلقتي الكل عليكي , حتى خطيبك كان رح يكسرلنا المشفى .
ابتسمت ابتسامة باهتة اكيد قصدو ع عماد , هه ما بيعرف انو مجرد حدا بيغدر وبس ..
= منو خطيبي صديق بس
– أه بعتزر , المهم ما ترهقي حالك هلأ لتتعافي وبعد بكرة إن شاء الله فينا نطالعك من هون ..
= تمام
طلع عماد لبرا مع الدكتور وضلت سارة عندي .
سارة : ليش هيك حكيتي , ما تقنعيني انو ما بتحبيه يعني
أنا : شو صرلك انتي من ايمتى بتحبيه وبتدافعي عنو .!!
سارة : لو شفتي شو صار فيه وقت عرف شو صـ,ـرلك , لو شفتي كيف كان خايف وقلقان عليكي , بيستاهل فرصة تانية ليان
أنا : لا ما بيستاهل وما بقى بدي أسمع سيرتو .
بهاللحظة اجا عماد , قرب لعندي وحكا بصوت موجوع :
– ليان
سكت شوي كإنو عم بجمع كلامو وبعدا تابع :
– ليان أنا غلطت بحقك بس إنتي أكتر حدا بيعرف إنو منو بايدي , ما كان فيي اترك امي تغضب غليي او سمعة عيلتنا تصير بالارض وقتا ما كنتي إنتي رح تقبلي تتزوجي واحد سمعة عيلتو متل الزفت , وخبرتك هاد وضع مؤقت فترة قصيرة بس وبيخلص, كان نفسي توقفي حدي وما تتركيني كنت كتير بحاجتك ليان , كنت موت بالليلة ألف مرة , منو سهل عليي اتزوج غيرك , منو سهل بعد ما حلمت تكوني مرتي تجي وحدة تانية بعتبرها متل أختي وتصير مرتي , بعرف انو ما كان فيـ,ـكي بس هلأ كل شي انتهى , هلأ ما في شي بيمنعنا نكون سوا , ما تضيعي الفرصة ليان من ايدينا , ما باقي في العمر كتير لنضيعو , انا موجوع كتير ع موت امي ويلي واجعني انو فرحت في لحظة لان رح اقدر صـ,ـير حر وصـ,ـير الك ..
كان فيه دموع متمردة عم تنزل ع خدو , دموع قدرت تغادر السجن يلي حابسها فيه عماد , يا الله شو بتوجعني دموعو وبتقتلني
– ليان أناةبحبك كتير ما تتهلي عني وتتركني ..
بقيت ساكتة ما عرفانة شو قول
= تركني استوعب يلي صابني وانسى وبعدا بفكر بالموضوع
– ليان طاوعي قلبك لمرة وحدة بس ..
