رواية أسي.رة عائلة القناوي الفصل السادس عشر حتى الفصل العشرون بقلم الكاتبه يوستينا سامي حصريه وجديده

و قاله/ متعيش دور مش دورك يا زين .. و متجبرش تمارا تعيش معاك ، انت مش هتعرف تضيع كره عشر سنين في يوم و ليلة و اديها الفرصة انها تختار حتي لو اختارت انها تسيبك

و ركب عاصي العربية و مشي هو و ملك و معاهم مراد .. زين حط ايده في شعره بعصبيه ما كانش عارف يفكر ومش فاهم اللي بيحصله ده ومعقول الدوار اللي العيله كلها كانت بيتخانق عليه فجاه كلهم سابوه ومشيوا ..

ولكن حاول يهدي نفسه واخذ القرار وطلع اوضه تمارا ولقاها قاعده على السرير وماسكه تليفونها وبتحاول تكلم ملك

تمارا بحده / ما اهو انا مش ههدي غير لما الاقيها

زين بصلها بوجع و قالها / انا اسف علي كل حاجة عملتهااا اسف اني في يوم مديت ايدي عليكي او اهنتك و اسف اني اتجوزتك غصب .. انتي

و اخد نفس بقوة و قالها بضعف / انتي طالق يا تمارا و اطمني ملك محدش من الغفر لقاها

و خرج زين و سابها … و فاجاااااه سمعواا صوت صريخ جااامد و صوت ضرب نااار

طب استووووووووووووب بقي
تفتكروا مين اللي اقتحم الدوار وليه عاصي استسلم كده واخذ نور ومشي ؟ وطالما زين ما لقاش ملك امال راحت فين وليه مش بترد على تليفونها ؟

اسئله كتير لسه هنعرفها بعدين ولكن احنا وصلنا لمعلومه مهمه ان اللي حبس اسماعيل والد نور مش طاهر القناوي وعاصي ما لوش يد في حاجه لحد الان ..

اما ماجدة دي بقي ربنا يستر منهاااا حقيقي 🤦😂

مستنية رايكم اووووووي و محدش يكتبلي تم علشان خاطري بقي انا بحب اقرا كومنتاتكم اووووي و صحيح قيموني بليييييز ككاتبة 😂❤️

#اسيره_عائلة_القناوي
19

زين اخد نفس بقوة و قالها بضعف / انتي طالق يا تمارا واطمني ملك محدش من الغفر لقاها

و خرج زين و سابها … و فاجااه سمعواا صوت صريخ جااامد و صوت ضرب نااار

تمارا جريت علي حضن زين وهي متوتره وبتتكلم بصوت مهزوز/ ايه ضرب النار ده يا زين هو في ايه بالظبط

زين وهو واخدها في حضنه بخوف وحاطط ايده على بطنها وكانه بيحاول يطمن ان الاثنين بخير وقالها/ ما تقلقيش
ما فيش حاجه ان شاء الله بس انت خليكي هنا واوعي تنزلي سامعة يا تمارا اوعي تنزلي

وراح زين وسحب المسدس بتاعه من الدرج ونزل على السلالم واتفاجئ بامه انصاف وام كريم بيجروا عليه وهما خايفين من ضرب النار وصوت الصريخ اللي بره

انصاف بقلق / جرا ايه يا ولدي هو في ايه بيحصل بره وفين اخواتك

زين بصلها بقلق وقالها/ اهدي ياما ما فيش حاجه ان شاء الله خليكوا هنا ما حدش يخرج هو فين كريم

ام كريم بخوف/ جالي ان هو رايح المزرعه وعنده شغل اهنيك وممكن يرجع علي بكره اكده ، واني عمالة انادي على الغفر بره ما حدش بيرد عليا

زين القلق بدا يدخل قلبه وبصلهم بخوف و قال/ ما تقلقيش

ولسه هيبدا يخرج من الدوار لكن اتفاجئ بيه مجموعه كبيره من الملثمين داخلين وهم معاهم اسلحه و بيتفرقوا في الدوار و كانهم داخلين يحتلوه زين لقى نفسه تلقائي
بيوجه المسدس قدامهم وهو واقف قدام مامته ومرات عمه

زين بحده / انتم مين وعايزين ايه بالظبط ، انطقوا مين اللي باعتكم

فجاه دخل واحد تاني وهو ماسك فاطمه من شعرها وموجه المسدس في راسها وقال / احنا عندنا مهمه سلم واستلم هناخذ اللي احنا عايزينه .. و هنمشي

ام كريم بصت لبنتها بخوف و بصريخ / بنتي . فاطمة والنبي لاااه هي مالهاش صالح بايتها حاجة

فاطمة كانت بتعيط بخوف و لكن مكنتش قادرة تتكلم خوفا من المسدس اللي في رقبتها ..

زين بغل / اه يا با ولاد الكلب .. الحركة اللي انت عملتها دي مش هيكفيني فيك رقبتك ، اسمع يلا انت سيبها و خد اللي انت عايزه من الدوار

وقبل ما الراجل يرد عليه اتفاجئ بواحده كبيره في السن ولكن شكلها هانم داخله ومعاها ملك

ام كريم / انتي تاني .. انتي عايزة مننا اي يا ولية انتي صحيح حية من يومك بتعرفي تتلوني بمليون لون

ماجدة بصيتلها ببرود وقالتلها / كده برده يا ام كريم بقى ينفع يبقى ده اول لقاء بيننا بعد العمر ده كله اسمعواااا انا مش جايه هنا اعمل مشاكل و لا اموت حد برغم اني اقدر انا جاية هنا اخد بنتي و امشي

زين بعصبيه / عشان تعرفي انك غبيه لان لا انتي ولا بنتك تسوا بصله ، بنتك مرزوعة في اوضتها اطلعي خديها بس الاول خلي الجحش ده يسيب فاطمه

ماجده بصت لزين بغيظ وشاورت للرجاله كانوا معاها اللي راحوا كتفوا زين واخذوا سلاح بتاعه و سابه فاطمة اللي جريت علي حضن انصاف

انصاف بوجع / لو كان ولدي اهني ما كنتيش جدرتي تعملي اكده يا ماجده بس معلش بكره عاصي ولدي يرجع هياخد حجنا

ملك بتريقه بصتلها بتستهزاء وقالتلها / شكلك يا حرام السن عمل مفعوله معاكي ، و بداتي كمان تخرفي .. انتي تفتكري
ان عاثي هيعرف ياخد حقه مننا يا حرام شكلك متعرفيش ان عاصي القناوي هرب من البلد ..

زين عصبيه حاول ان هو يفلت من ايد الراجل و قال بعصبية / مللللك اظبطي كلامك و احترمي نفسك
و اوعي تتكلمي مع امي كدة ، واخويا مش جبان عشان يهرب وانتي عارفه كده كويس ، مش عشان خاطر مراد كان بيحبك ومش عايز حد يمس شعره منك تفتكري نفسك قويه عليا احنا نفعصك

ملك بغل / والله تصدق ما كنتش اعرف وفجاه شاورت للرجاله اللي كانوا موجودين وبداوا يضربوا في زين جامد لدرجة انه مكنش قادر يدافع عن نفسه من كتر عددهم

تمارا و هي نازلة علي السلم و بتعيط و صعبان عليها
زين / كفايه يا ملك والنبي بقى كفايه ضرب فيه

ملك بصيتلها بعصبيه/ انت تخرسي خالص وما لكيش دعوه بيه ده كلب ولا يسوي

ماجده بتوتر /كفايه يا ملك بقى احنا مش عايزين مشاكل
وبصت لتمارا /خدي من جوزك المفتاح واطلعي افتحي الباب لرهف .. وهاتي اي حاجه تخصك عشان نمشي

تمارا بصتلها بضعف وسمعت كل الكلام اللي هي قالته وفعلا فتحت لرهف الباب ودخلت اوضتها ولمت الحاجات المهمه ليها ومن ضمنهم تيشرت لزين اللي هي لبسته اول يوم ليه لما كانوا مع بعض

تحت ..

ماجده وهي ح.اضنه بنتها بلهفه وبتبو.سها/ الحمد لله يلا يا ملك احنا لازم نمشي قبل ما حد فيهم يرجع

تمارا وهي بس على زين المرمي في الارض و قالت
بدموع / هو انتوا عملتوا في اي ، انتوا موتوه يا ملك تيه

ملك خبطتها في كتفها بغل / انتي تخرسي خاالص. و امشي قدامي …امشي

و مسكتها ملك من ايديها و خرجتها برا الدوار و كل الرجالة انسحب مع ماجدة

ولكن ملك كانت واقفة بتبص علي الدوار بوجع و بغل ولقيت نفسها تلقائي بتوجه المسدس على زين و بتضربه اكتر من رصاصة و بتخرج تاني

_______________________________________________

في شقة في مصر

عاصي دخل بنور و هي نايمة علي دراعة و حطها علي السرير و بدا يقلعها الجزمة و يغطيها بهدوء
و كان لسه هينام جمبها لقاها فتحت عينيها ببرائة و خوف

نور و هي بتقوم من علي السرير مفزوعة / انا فين

عاصي قعد جنبها على السرير ومسك ايديها
وقالها/ ماتخافيش انتي معايا ، احنا خلاص بقينا في مصر وبعدنا عن كل حاجه صدقيني

نور بصيتله باستغراب وابتسم / انت سبت كل حاجه عشاني , سبت البلد واهلك عشاني انا يا عاصي

عاصي ابتسم بهدوء ونور اتفاجئت من ابتسامته
وقالها/ اه كان كل اللي هاممني انك تبقي كويسه وترجعي تاني نور القويه اللي تفضل تناغش فيا وانا اديها على دماغها

نور بضعف / و ترجع تضربني تاني صح

عاصي شدها لحضنه / لا مش صح ، صدقيني عمره ماهيحصل تاني . نور احنا خلاص كل واحد فينا عرف حقيقه التاني ، انت عرفتي اني ما اذيتكيش وانا عرفت انتي ليه كنتي بتعملي معايا كده

نور فجاه دموعها نزلت على خدها و بصتله بوجع / اه انا عرفت ان اللي حبس ابويا مش انت ولا ابوك ولكن انا شفتك يا عاصي بعيني في بيت ماجدة وانت بتقولها انك لو عرفت اني عايشه هتموتني

عاصي بصلها بصدمه وسكت تماما

نور وهي بتمسح دموعها / عرفت ليه بقى لما رجعت البلد انت كنت اكثر واحد انا بكرهه ليه كنت عايز تخلص مني وانت حتى ما تعرفنيش

و قبل ما يرد عليها فاجاه جاله تليفون
______________________________________________

في اوضة مراد في الفيلا

مراد كان واقف في نص اوضته و ايده اليمين كلها دم و ازاز لدرجة ان كان في نقط بتقع علي الارض و قطرات العرق علي كل جزء من وشه و فاتح زراير قميصه و بيرفع راسه و بيبص علي صورة كبييييرة اوي بعرض الحيطة تقريبا كله و كل ازازها متكسر