الحلقه الاولى حتى الحلقه العاشره حصريه وجديده وكامله جميع الفصول 

#الحلقات2_4
#الحلقة2
كيما درت لخطبة وما جاش هو يماه ركبتلي لخاتم ومن بعد راحو موراها ب 20 يوم ولا كثر كنت نغسل فلكيسان تاع قهوة كانت عندنا ختي احلام دخلت ماما .. هي ريحان خفي روحك لعبي خفيف….دورت شفت فيها.. علاه واش كاين غير لخير…. تخرجي معايا عندنا سوالح .. واش من سوالح.. حطي من يديك ورحي لبسي كثرتي عليا هدرة بلا والو… نشفت يديا وروحت فت لبيتي كنا نرقدو فيها انا وختي احلام وسطانية قبل لا تتزوج من بعد ولت تاعي جبدت قشي لي نلبسه حطيته فوق سرير وبديت نلبس من بعد قابلت مرايا سقمت شعري طلعته قاع ودرت غيسيل لعينيا وشوية ماجيك رفدت صاكي درت فيه تلفوني وروحت عند ماما كي جيت داخلة لصالة سمعت لعياط بينها وبين ختي بردت في وذني كلمة لحزامة حبست وبديت نسمع … راكي عارفة واش راكي تحكي ماما. كيفاه دي تبيعي حزامتك راكي عارفة ديك شحال دير… وكي بغيتيني نزوج ختكم علاه نتي مابعتش ذهبي فيك كي زوجتك وزاد داك ذهب كان يشريه بوكم الله يرحمه ويقولي خليه للقدام لشيرات.. بصح ماما ديك لحزامة غااالية تاع لويز فهمي علياااا وشفتيني نلبسها نخرج بيها للعروسات عجوزتي حاسبتها تاعي… احلام دي لهدرة قااااع ماتعاوديهاش ختكم كبيرة دات حقها ونتي ديتي حقك وحتى ريحان تدي حقها نتي فمك تبلعيها ماتهدريش قاع مشي عرس درتهلك ومشي لبسة شريتهالك كيما تبغي لروحك بغي لختك فلحق نتي لي تقوليلي واه مشي واقفتلي كي رايحة نبيعها ماجيتش ندي اذنك غير . لي فهمته بلي ماما بغات تبيع حزامة تاعها دخلت عليهم شافت فيا ماما هيااا نتي عليا تمشي قدامي… خزرت فيااا احلام.. هادي غير نتي قتيله تبيع لحزامة … انا بيعي حزامة زوجيني ياك نتي كليتيلها راسها قبلو قبلو هيااا بلعي تسمى كيما ديتو حقكم حتى انا عندي حق. كون مشي ماما فكت بيناتنا كنا نقلعوها لبست صباطها وخرجنا خرجت نطبخ.. واش قصة حزامة نتي.. مادخليش روحك تسالي دراهمك صاي.. واش من دراهم ماما وعلاه راكي مزروبة هاك. ماراني لا مزروبة لا والو يامس كي جا عندي بوك قالي تفاهمت معاه وقاله لعرس على 7 شهر.. مراااهاش بويااااا ماما بويا مات.. بلعي ناس راهي تسمع… ماتزيديش تقولي عليه بويا وانا وين راني من دا شي قاع كيفاه دي 7 شهر…. نرجعو لدار ونهدرو.. زادت طبختني حكمت فمي وسكت على حساب شوفة كانت هادرة ودايرة حساب تبيعها من قبل غير دخلت عند بيجوتري قالها امانتك راهي واجدة ديك حزامة تاع بكري وغااالية كي جبدتهااله دخل داخل شوية وعاود ولا مدلها دراهم وعطاها ورقة قالها نص نعطيهلك كيما تفاهمنا وهادي ورقة ضمانة بلي مزال تساليني. حكمتهم عليه وخرجنا. .. شفت فيها… تسمى راكي هادرة معاه قبل.. واه كنت باغية نبيعها في ختك وبطلت وهو قالي كي تبغي تبيعيها رواحيلي انا نديها عليك… سكت كملنا نمشو راحعين لدار حتى تلاقينا بصحبتي وفاء
3