الحلقات51_56_الأخييييييييييييييييييييييييرة حصريه وجديده وكامله جميع الفصول
غدوة من داك روحنا نجيبوه انا ما خلااانيش ننزل قعدت فلوطو وهو دخل طول باه جا حتى كرهت تاج دهمته لماما يقعد قعدت نستنى حتى شفته خارج مع خوه نعرفه كي عاد نشوفه كي يهدر معاه فلكام كنا نهدرو معاه .. جا عادل وهو قعد يستنى كي ركب عادل وجهه ما يتفسرش… شفته ينوض فلوطو.. مالك… بغيت نقدم لوطو… عادل راك مليح…. سكتي برك سكتي. واش كاين… راجل راه جايب معاه مرا و ولااده . حوووجي كيفاه مرا وولااده.. ما على بالش ماعلى باليش حنا هاك حتى نشوف في وحدة خارجة وومعاها زوج ولااد طفل وطفلة وبزيادة راهي اونسانت جات بين عينيا غير مروة مين تسمع بهذا الخبر هي مسكينة شا راه مقعدها في ديك دار غير على جاله ياا ربي قريب نبكي والله .. قدم لوطو شفته جاي انا حشمت عيب نقعد راكبة من لقدام كي بغيت ننزل حكمني عادل. قعدي ما تتحركيش… عيب بصح… حشمت والله. دخل فاليز تاوعه وجا ركب هو ومرته وولااده سقساني كي راني وقاع حسبتها ڨاورية مرته حتى جاب ربي مروكية وعايشة تماك من صغرها عادل يسوق وكل شوية يستغفر خوه ماقالش كلمة كي شغل عارف روحه راه مزبلها قعد ساكت غير مرته لي تهدر وولااده حشمت نهدر معاهم مكااانش عربية قاع غير فرونسي يضـ,ـرب وصلنا لدارهم مانيش منجمة نشوف مروى حالتها كيفاه حاتكون والله ربي معاها عواام بزاف وهي خدامة هنا تستنى فيه مع تالي جابلها مرا وولااد قلبي قسماتهلي والله نطقت رزيقة سميتها هاك.. وصلنا… نطق هو راجلها…. وشحااال توحشت لحومة وريحتها ايه وصلنا خلاااص نزلو هي وياه وولاادهم وانا وعادل قعدنا فلوطو….. عادل ما ننزلش انا… بلعي حمبوك رجليا فشلو مروى نعزها موقف لي غادي تنحط فيه ربي عالم بيه سنين وهي تستنى فيه وزاد مطمعها ويقولها ني جاي صبريلي هيا هيا نزلي وماكان لاه دخلي روحك نتي لا كاش ما صرا شفت فيه سكت ونزلنا دخلنا لقينا عجوز هاابلة بلبكى وشيخي دمعة طاحت وندى واقفة بعيدة عليهم شوية مع ولاادها على حساب شوفة ماهيش هنا مروى شفت خولة جاية كي شـ,ـفتها ضـ,ـربني جن نهار بغا يطلقها لعجوز وقفتله وقاتله حرام غير طاح طفل صاي بغيت ترميها وخليها حتى تفوت لعام وطلقها بصح هي كانت فصح دايرة حساب وحدخرة ومعمرة لخولة راسها بلي راك يكره منها ويبغي يبدل ويجيك نتي كي شافو ندى صح تاع ربي مكانش لي بغا بصح كي شافت عجوزتي لولاد نسات قاع حاجة سموها مروى دارتهم فحجرها وكلااتهم بلبوس غير شيخي لي مابغاش وباين في وجهه راح محمد عند ليلى خته يسقسي على مروى مرته قالهم وين راهي هي وبنته حتى نسمع فيها تقوله خرجت وبزيادة شنف كي ما قاتلهش قعدت نهدر مع ليلى من تحت لتحت حتى هي غايضتها مروى حتى نسمعو في لباب يططب نطقت لعجوز هااي مروى جات كي شغل فرحانة ولا منعرف ناسية الخير لي دارته فيها وبلي هي لي رفدتها
52
نطقت ندى.. مروى هاذي شكون ختك وشافت في محمد.. نضت حتى جات داخلة مروى كي شافته نصدمت وقعدت حالة عينيها هو وقف بخلعة راحت تجري عنقاته… محمد وينتا جيت علاه ماقـ,ــ,ـتليش حرام عليك والله…. مسكينة تهدر وتبكي تعنق وتبوس فيه وحاكمتله يديه … هي ماكملتش هدرتها وتنوض ندى… سمحيلي لزي شوية…… شافت فيها مروى… شكون دي وزاد كملت شابة كي نطق داك طفل وقال بابا بنتها ماعرفاتهش باسكو خلااها صغيرة وتهدر معاه لاكام بصح ما عقلاتهش هنا مروى صاي داخت بدات تشوف فينا قاع من بعد في ندى وداك لي يقول بابا كي شغل فهمت ولعبتها مافهمتش…. محمد حمبووك ماتقولهاش… نطقت ندى… واش يقول بعدي عليه … عندي فيك ثيقة محمد ماتقوليش درتها حمبووووك ماتقولهاش قولي مكانش منها….. شا يقول واش راهي تقول دي محمد مرته انا. مين قالتها والله لا انا وحكمتني رجفة عينيا ديجا بداو يدمعو ليلى تبكي وانا نبكي جربت هذا شعور بصح مشي نفس موقف هي ستناته وضيعت نص حياتها وتقولنا لا محمد مايديرهاش نعرفه مليح كي قالت انا مرته مروى هبلت هنا دار قلبتها بلعياط وهو يقولها صبري نفهمك ندى من جيهة ومروى من جيهة على حساب هدرة ندى على بالها بلي متزوج مروى بيضة تالمو لي هبلت بلبكى ولعياط رجعت حمرة راحت للعجوز… راكي فرحانة بولدك قتيلي قعدي في دارك حتى يجي راجللك درت قاع لي قوتيلي صحتي طاحت على دي دار هادي هي مكافئة تاعي او قولي مانغيضكش لعبت بيها دوخة وبغات طيح كي بغا يحكمها دمراته وناضت بغات تخرج راح حكمها … بعد علياااااا هيااا قولها قولهاااا دروك دروك بغيت نسمعها طلقني دروك هيااا قتـ,ــ,ـلك دروك قولها وهنيني بغيت حتى انا ندي حرية تاعي نستاهل نديها هياااا قتـ,ــ,ـلـ,ـك وناضت تعيط مانجمتش نوقف نواسيها مسكينة فشلت غير نبكي وقف شيخي… راح حكمها شافت فيه وبدات غير تبكي… بويا قوله يطلقني… راكي باغية نيشان طـ,ـلاق بنتي. واه.. نطق محمد… بااابا واش راك دير نتا ماراك فاهم والو. بلع فمممممك نتاااا بلع… قولي بنتي خصك تطلـ,ـقي… واه قوله عييييت بويا مانجمتش خصني نريح قوله يطلقني…..هي رمي كلمتك عليها ماهيش باغية تقعد عندك هياااا قتـ,ــ,ـلك… ماااانطلقش…. طلق بسيف علييك يا لكلب هياااا قـ,ــ,ـتلك… ناض لعياط كل واحد يعـ,ـيط من جيهة لولاد يبكو هنا محمد تقلق وقالها راكي مطلقة وقعد حكم راسه هي جمعت وغير تبكي حتى نشوفو فلمهبول ناض وبدا غير يخبط دخل عادل ما قاله حبس ماقال حتى كلمة جا نوضني ونوض مروى وبنتها وخرجنا من بعد دار عند يماه…. يما نتي حسابك عند ربي كبير بزاااف كل شي من تحت راسك واذا نخلاات دي خيمة نتي سبابها ودار لخولة… نتي من عندي راكي مطلقة وماتسالي والو عندي دي شحال حكمتك وفهمتك ومن قبل لا نتزوج بيك شا قـ,ــ,ـتلك راكي عاقلة ياك وباه ديري على كلامي قاعدة تضيعي فحياتك وتبعي في كلامها والله ينعل لي يزيد يدخل دي لخيمة اصلن مابقات دار صاي فركتيها يا يماا وربي يسمحلك دا ما نقولك من بعد باه عرفت بلي كان على بالها من قبل وما هدرتش
53
فاتت عشرين يوم على داك نهار ومروى راهي عندي مسكينة كيما درت باه نخرجها من حالتها ما نجمتش ماعندها وين تروح دروك والديها ربي يرحمهم وخوتها تزوجو ونهار حرق محمد قالولها طلقي وهي قاتلهم لا نستناه حتي يجي من مورا ديك مشكلة لي صرات بسيمانة قاتلنا نروح لدارنا عند خوتي شااابة قالولها ولي لدارك وتصبري نتي قبلتي تقعدي تماك تخدميهم هي فلهم وزادو عليها كي ماصرا فيها والو راهي بزااف مليحة وعادل حلفلها تعيش معانا حتى انا عجبتني فكرته صح تاع ربي راجلها كل يوم يقوله خليني نهدر معاها وهي حلفت قالت والله ويدخل هنا نخرج وماتزيدوش تشوفو وجهي ماتهدرش قاع وكي تهدر تقولك حاجة وحدة برك حسبيا الله ونعم الوكيل وتبكي ودي ليلة صاي مانجمتش طردقت ساعة وهي تبكي فرحت لي خرجت ديك لبكية وبدات تفرغ في قلبها شفتو ختي شا صرا فيها بسباب ماترد لقلبها كي هدرت وفرغت كل شيء قاتلي ريحت وحلفت ماتزيد طيح دمعة عليه غاضتها غير لي خان لعشرة فرحتلها وصح صباح صبحت حاجة وحدخرة تقولو رفدو مروى وحطو وحدخرة تقعد كي القط والفار هي وعادل هما من قبل كيما هاك هو نيته يخفف عليها برك صعيب لي جاز عليها شيخي كل خطرة يجي يطل عليها ويقولها انا بوك ونقعد بوك ويمدلها دراهم كي ماتحكمش يقولها عطاهملك بوك تحكميهم بسيف حتى والفت صاي ولينا كي لخوتات فرحت بزاااف بيها في داري تونسنا في زوج جابت قااع ذهبها مداته لعادل قاتله يجيب قريب 98مليون قاتله بيعه وخدملي دراهمه وعطيني لفايدة وهذا لي صرا من موراها دخلت لشهري تاسع ولخوف بدا مزية لي هي معايا مصبرتني وتوريلي وحد ليلة حكمني وجع وانا قاعدة معاها نهدرو حتى حكمني لوجع راحت تجري ضـ,ـربت لعادل يجي لبستني كي جا عادل داوني ولقاوني تاع ولاادة انا دخلت نولد ما جا يخرج داك طفل حتى زادو فيا غير خرج انا فقدت لوعي داك لعياط ولبكى راح فدقيقة لي خرج فيها طفل
فتحت عينيا لقيت فرملية كي شافتني قاتلي بلبااركة عليك وخرجت جات طبيبة شافتني شوية ونشوف قبيلة قااع دخلت ماما خوتاتي ليلى مروى عادل شيخي خلعوني وفرحت فنفس لوقت ديك ليلة ما عطاونيش ولدي حتى لغدوة باه شفته و رجعتلي روح واخيرا طفل مني ومنه فرحتتتت بزااااف سميته محمد هو قالي اول طفل لينا يتسمى محمد وداك لي صرا من موراها ب يومين خرجوني ديك ليلة باتت معايا ماما وختي وليلى جات معايا مزية لي دار واسعة في نفاسي رفدوني غير هما حاجة مانرفدهاش ولا ندور بيها عجوزتي نهار 5مورا نفاسي جات كيفاها كي لبرانية سلمت عليه حطتله دراهم ما قاتليش حتى بلباركة عليك ناضت خرجت ماقعدتش حتى خمس دقايق دخلت وخرجت بلخف الله يسهل شا دخلني فيها من مورا لي راحو قاع لقيت غير مروى 40 يوم كاملين وهي حالفتلي ماندير والو لقيتها كثر من ختي لي ولدتها يما. غير ريحت خلفتلها كل شي
54
فاتت 3 شهر مافيها حتى جديد من غير خولة لي جات وطلبت سماح وعلى قوالها لعجوز قاتلها صبري وهادي لهدرة كان على بالي بيها وسماح لي طلباته غير قدام عادل هو خرج حتى دور عندي.. حسبيا الله ونعم الوكيل ومزال ربي يخلص فيك وعيني تشوف حسيتها مريضة والله كثرت عليها كلمة وحدة.. خرجي عليا من داري قلقتني داك نهار نرجعو لوين كنا داك نهار كان تاع جمعة وكنا كاااارهين حدنا نهار كامل وحنا نمعنو لعادل باه يخرجنا ومافهمش روحه كان في بيت لولااد لي رجع ساكن فيها روحتله قعدت حداهم… عادل شمس راهي … واه صح كون تشوفي برااا ناار… واه برد الحال راه … اممممم… والله دا نهار غير تاع خرجة باينة لغابة ليوم تكون معمرة….جمعة ليوم باينة دي تكون معمرة… امممم انا زعم قلت زعما قلنا زعما قلنا تخرجنا.. شاف فياا. والله يا عادل كرهنا فدار خرجنا… شوية… عندي سوالح دروك… وين سوالح كنت غادي ترقد كي قتـ,ــ,ـلك نخرجو لعبتها سوالح وما على باليش…. صحا من بعد ونخرجو…. وين من بعد من بعد ليل.. واه جوايه 6ونص هاك نروحو حنا دروك نلقو غير صحاب هاك وهاك فليل نقعدو غير حنا صحاب لبلاد وتكون دعوة خفيفة مشي كي دروك دعوة مخلطة… هااا صحا راك نشوف لا خرجتنا راك تقولي نتعشو تماك ايا راك نشوفو خليته وروحت خبرت مروى فرحت قعدنا نتفرجو من بعد رقدنا شوية كي نوضنا تقهوينا وبدينا نوجدو شا ندو معانا تقول رايحين للحرب تالمو دينا ماكلة بزاف انا دي تاع ندي معايا ماكلة بزاف كي نروحو لكاش تاع بلاصة علمهالي عادل يقولك مدي لي حداك ياكلو سيرتو لولااد كان يجيبهم ويقعدهم معانا حنا قاعدين نوجدو حتى دخل هو وبنت مروى جات تجري عند يماها راهي تقعد سيمانة بسيمانة مرة هنا مرة عند جدها …خليتها مع بنتها وروحت عنده كان خارج… عدولتي…. قولي من تالي شا خصك… والله والو قولي برك شا نطيبو.. نتوما قلو غير بطاطا انا راك نشري من برا لجاج ولباقي راكي تعرفيه هنااااني والله … هو خرج وحنا كملنا لي بدينا واخيرا كل شيء راه واجد بقي حنا وجدنا رواحنا وقعدنا نستنو فيه لبست سروال وليكات تحت ركبة وفي رجليا صبردينة ومروى نفس الشي لبست من عندي سروال ووحد ليكات طويلة في رجليها صندالة كي دخل لقانا متستفين عند لباب خلعناه ضحك وخرج سوالح كي خرجت انا وياها داك الجار لي مقابلنا كان داخل لدار حبس شاف فينا وحط راسه وروماريكيته وين ما نلقوه يقعد يشوف في مروى من بعد يحط راسه يحشم هودنا تحت ركبنا هو كان هود سوالح انا كنت رافدة محمد وتاج يظل معاه ركبنا وقلعنا
55
فوتناها هباااال كيما قال هو كنا غير حنا صحاب لبلاد مكانش خالوطة كي موالف هو دا لولااد يلعبهم وانا درت محمد حدايا داك لهوا لي يضـ,ـرب صوت لولاد ضحك لعب روعة روعة كي بغينا نتعشو حطينا فطابلة وبدينا نحطو وكيما يقول هو بالك لي حدانا مايكونوش جايبين داير حسابه لكل شي وكل شي مزيد منه لي حدانا كانو حاطين قهوة وقاطو ومعاهم ولااد مل حطينا وهما يشوفو فينا ناض عادل وقف رفد ديك لجاجة كيما كانت كان جايب 3وبطاطا لي قليناها حنا عطاهم طبسي قاااع وحطنا ملي شراها وعطاها الخبز وقرعة كوكا وسلاطة لي كان شاريها هما يحلفو وهو يحلف داك شيباني لي معاهم قعد غير يطلبله فربي ولولااد لي معاهم قعدو يضحكو كلينا حتى شبعنا وبقى لمينا فواش كلينا نقينا حالة كان خص غير نمشو شوية تهود ماكلة كي قـ,ــ,ـتله قالنا تروحو عند ديك شجرة وتعاودو تولو ني عاسكم تقول بونا جايبنا كي وصلنا عند شجرة دورت عنده كان يشوف فينا… عادل نزيدو شجرة وصاي زدنا شجرة وهي رايحة شجرة تدمر شجرة من ولينا كي كانو رجال من لهيه كي ولينا ناضو دوك لي كانو حدانا جات عندنا مرا عطاتنا طبسي فيه قاطو حلفتنا ندوه حق ماعطيناهم زعم قاتلي ذوقتونا ملحكم وحنا نذوقوكم حلوتنا.. ضحكت وشديتها عليها… ربي يحفظها خالتي راحو شورو ومن موراها نوضنا حتى حنا كي جينا خارجين ونشوفو في محمد ومرته وعجوزتي داخلين مروى حطت رأسها جات عجوزتي سلمت على لولاد وعادل حنا تقول ماراناش معاه حتى انا لعبتها نخرب فتلفون مروى دورت وجها قاع ومسحت دمعتها ومحمد يهدر معاه خوه. يشوف فيها كي شفتها هاك غاضتني… عادل حنا نسبقوك هزلي براسه كي ديت عليه مفتاح وركبنا طردقت بلبكى عيييت نسكت فيها بنتها قعدت مخلوعة فيها .. شفتي ريحان شفتي دارتني خدامة عندها سنين وسنين مع تالي شوفي شوفة ما شافتهاش فيااا علاه انا شكون هاديك هيا صح ديك هي كنتها مسحت عينيها كي جا عادل عرفها كانت تبكي…. شوفي مروى تحبسي عليا لبكى خير من نحطك هنا ومانديكش تاكلي لاكريم معاهم هيا خيري نطقت منها كي عاد صغيرة وما عارفة والو… ها سكتي ماما راك يحطك وما يشريلكش .. قعدت تضحك مسكينة… وهو قلع شرالنا لاكريم وفتنا لدار كي جينا داخلين داك تاع قبيل كان تحت قال لعادل يهود عنده كي يطلعنا زعم غير دخلنا ودخلنا سوالحنا قالي نهود نشوف ماله قلعنا قشنا وحطيت محمد بلاصته كان رقد وتاج مايرقدش كون مايرقدش عادل عنده . دخلت عندها لقيتها تفرش في بلاصتها.. فرشت وجمعت معاها هااا دخل عادل لحقته للبيت نبغي نعرف اخبار لقيته باغي يقلع…. اممم ماله داك راجل لي عيطلك.. شاف فيا وقلع تريكوه.. بغا يخطب… هااا قولي بركا ماتزعق… والله كيما نقولك خطبني في مروى حسبها ختي عايشة معايا… منيتك ونتا شا قتـ,ــ,ـله… قـ,ــ,ـتله ختي بصح مطلقة انا ديك قاع مانشوفهاش مرت خويا نشوفها غير ختي كيما ليلى و سكت ماقالش نسمة ديك اصلن نقطعو خبارها راهي في حبس شباب عند جدها … وشا قالك هو… قالي حتى انا مرتي ميتة وعايش وحدي ماعنديش لولااد معاها وكي شفتها ريحلها قلبي… نسقسوها… لا ماتقوليلهاش هبلتي … نقولهالها بزعاقة برك ونشوف بالك ربي رسلهلها هااا سكت نتا شكون كيفي تتزوج وتولي جارتي اوووووي حالة.. بديتي تحلمي من دروك… هيا هيا بدل بدل ني رايحة عندها…. قـ,ــ,ـتلها بزعاقة خطبو عادل فيك وعادل ماحبش قالهم ختي تقعد هنا… شكون خطبني. داك لي حبسه تحت… سكتت من بعد نطقت… وعلاه حتى ماحبش يمدني شكون قال مانيش حابة نتزوج… شفت فيها.. تحكي صح.. والله لي ستنيته خان لعشرة وكمل حياته وانا نقعد ميتة عليه حتى انا نعاود حياتي واصلن عيب نقعد عايشة معاكم حنا نتوما درتو داركم باش تلقو راحتكم… دي قاع ماتعاوديهاش ناكلك واالله نتي راكي كثر من ختي ديريها غاية في بالك دي لهدرة…على بالي عمري كون تشوفي نتي بلاصتك عندي وعادل عمري ننسى خيره بصح قوله يسقسيلي على دا سيد ومن جيهتي انا راني قابلة…. عادل كي قـ,ــ,ـتله ما امنيش فلولة سقساها قبل وداك لي صرا راجل شكروه قاع الله يبارك قالها حتى اذا تحبي بنتك وتربيها عندك عااادي قابل فهمه عادل بلي هي مرت خوه ووووو وحكاله قصة ماعلينا من موراها ب شهر درنا خطبة عندنا فدار قيس 2 جاو ركبلها خاتم وقاع لعرس قاله على سبع شهر
#الحلقة56
هي بغات هاك خاتم دارتها قيس 2فليل طاح علينا محمد وصل هو وخوه للضـ,ـرب كي صرات ديك دبزة لعرس كان على 7شهر قاتله نتزوج على 4شهر انتقاما في محمد وبغات تبينله بلي قادرة تعيش بلا بيه وهو قبل تفاهمو يديرو عشا بيناتنا في خطبتها ماعيطتش لخوتها دارت عليهم خط احمر عادل عطاها دراهمها وزادها من عنده قالها تدخلي لداره كيفك كي لعروسة جديدة درت سبة بيها ولينا نخرجو صباح وحشية نشرو حتى كملنا كل شي كي هدرت معاه قالها نجيب معايا يما وختي وحدة وزوج خالاتي وعمتي وبنتها وكنتنا هذو لي قالها يحضرو وكيما كان لحال كي نتفكر بلي مروى خلااص تزوجت عندها سيمانة تغيضني والفتها بزااف فدار معايا كانت مونستني بصح كي نتفكر بلي اخيرا لقات لي يستاهلها نفرح من قلبي كي جات لدارها 10 ايام لولة غير انا نرسللها ماكلة ونقولها راكي عروسة جديدة وانا في قلبي خيرها ووققتها معايا قاع ما ننساهاش وفي اخير قاااع لي ظلمونا ربي خلص فيهم واحد واحد عجوزتي قعدت وحدها في ديك دار لكبيرة بعد ما شيخي الله يرحمه توفى مرت محمد قاتله مانرفدش يماك انا وعاودو طلعو لسبانيا جات نسيمة قعدت معاها وعجوزتي ولت مشتاڨة ديك قعدة ولمة تاع دار محمد قطعها ضـ,ـربة وحدة من غير بنتها ليلى لي خطرة على خطرة تجي طل عليها وعادل من داك يجيبلها اولاد تشوفهم ويعاود يولي وكيما قالها عادل نتي فركتي دار ولمتنا ومزال تقعدي وحدك ومع تالي قعدة وحدها انا حلفت عليها لعيد غير هو كي يقولي عيب ندخل ما نفوتش دقيقة ونخرج مروى من مورا لي تزوجت جابت ولد و زوج شيرات وانا من محمد مازدتش رفدت عيييت نجري بصح وااالو حتى فاتت 6سنين باه ربي رزقني بطفلة ومن تماك ولي يومنا هذا مازدتش عندي تاج ومحمد وقمر ربي يخليهملي ان شاء الله تاج صح مشي مني ومنه بصح هو مفضل عندنا والله يمهل ولا يهمل ناس لي ظلمتني راهي تخلص وحنا ربي فتح علينا ورزقنا من خيره درنا عمرة وانا من عندي سماااح لكل واحد بصح عند ربي لا لي داروه فيااا مشي قليل كلاام لي سمعته ضرني بزاااف بصح ربي كبير وجابلي حقي وهنا تكمل قصتنا وماكنتش قصتي وحدي كانو زوج قصص قصة ريحان وقصة مروى لي هي حبت تحكيهالكم وحاليا رانا حمد الله عايشين لابسين ناكلو نخرجو. صحة مليحة ودي هي لفايدة نروحو ونولو الحمدلله قانعين ونتمنى تعجبكم قصتي وديتو يا لوكان عبرة صغيرة منها كانت قصة قصيرة ماحبيتش نطولها عليكم حكيتلكم لي لااازم تعرفوه وختاصرت قصتي معاكم بغيت نبينلكم حاجة وحدة برك بلي مهما صبرتي ومهما صرا مشاكل ومعاناة شكي غير لربي ابتلاء من عند ربي مرحبا بيه على بالي مورا هذا ابتلاء كاين فرج وراحة وهادي كانت حكايتي وربي يرزق كل محرومة من ذرية ان شاء الله ويعمر حجوركم وربي يفرج على كل مغبونة
النهاااية
