ليلي بابتسامة: العمر كله ليكى يا جميلتي.
نور بابتسامة: حبيبتي انتي.. قوليلي بقا مالك زعلانه ليه بتعيطي ليه كدا
ليلي ضحكت بسخرية: عادي عادي سيبك انا كدا علي طول
نور بزعل: احنا مش بقينا اصحاب و اخوات ليه مش عاوزه تقولي بصي انا زعلت منك. مش هتكلم معاكي تاني بس. انا هقوم امشي
ليلي بسرعه: لا يروحي وانا مقدرش علي زعلك والله. ضحكت.. وبعدين هو انتي بتتلككي وخلاص.
نور بغيظ: اه يلا قولي بقا علشان ابقي عارفه مالك
ليلي بحزن شديد: عادي انا حالي كدا علي طول في حزن و لوحدي.. و اللي كنت بحبه للاسف بيستغلني عارف اني مقدرش اعيش من غيره بيلعب بيا كل مره
نور بعدم فهم: اي اي انا مش فاهمه حاجه بصي احكي كلام مفهوم علشان افهم و اعرف مالك يا ليلي
ليلي بزهق: خلاص سيبك مش حابه اوجع راس حد بالمشاكل بتاعتي والله
نور بعند وغيظ: بس انا عايزة راسي توجعني والله ملكيش دعوه يا ختي
ليلي ضحكت: اي يا نور
نور اتنهدت وقالت بهدوء: مش يمكن لما تتكلمي معايا. و تقوليلي مالك اعرف اساعدك
ليلي: مستحيل حد يعرف انا عاوزه اي او حد يقدر يساعد قلبي
نور بحزن: ليه بتقولي كدا صدقيني هحاول لحد ما اقدر اشوفك سعيدة يا ليلي
ليلي اتنهدت بحزن بدأت تحكي: بصي انا عارفه انك لما اصلا تعرفي تستحقري تتكلمي معايا وكمان يمكن تقومي تسيبيني وتمشي مستحيل تكلميني ثاني يبقى انتي كده ولا تعرفي تساعديني ولا انا عارفه اساعد نفسي اصلا فبلاش تعرفي الحقيقه بالله
نور باستغراب: ليه ان شاءلله انا عمري ما اعمل كده. وبعدين لو انتي يعني احم بتعملي حاجه غلط.. فا انا هصحيك من الغفله اللي انتي فيها دي وهنصحك انك انتي ما تعمليش كده وهاخذ بايدك لطريق ربنا باذن الله انت قولي ليا مالك بس عشان انا بدات اقلق بصراحه ولا اقوم امشي
ليلي: لا انا هحكيلك اهو.. بدات دموعها تنزل بوجع جواها: بصي انا بحب واحد اوى و انا وهو دايما بنتكلم مع بعض انا وهو بالسر.. كملت بعياط اقوي: انا عمري ما كنت اتوقع من نفسي اني اعمل كدا اناا عارفه انه حرام و ذنب كبير اوى اوى بس غصب عني حبيت الشخص ده. المشكلة انه انا حاسه انه في الاخر بعد ده كله مش هيتجوزني والله وانا مش قادره ابعد عنه نهائي(نقول للمرة المليون مفيش واحد هيجوز واحدة كان ماشي معاها ليه بترخصي نفسك وبتحطي رأس ابوكي في الطين مفكرتيش ف ابوكي ال شرب المر عشانك طب ربنا مفكرتيش في ربنا اصحي من الغفلة يا عيوني كل علاقة لا ترضي الله نهايتها لن ترضيك )
نور بحزن: غلط اللي انتي بتعمليه ده يا ليلي والله. عقاب ربنا هيبقي كبير.. اغمضت عيونها دموع. و فتكرت شهد. و احمد. و الفتنه اللي وقعت فيها.. اتنهدت وقالت: بصي انتي والله العظيم لو ما وقفتيش اللي انتي بتعمليه ده صدقيني ربنا هيبقى عقاب كبير قوي عليك صدقيني ممكن تقعي فتنه واقفلي اللي انت بتعمليه ده قبل ما ربنا يفضحك يا ليلي وحاولي حاولي تطلعي الشخص ده من جواكي هو لو بيحبك ما كانش يكلمك كده كان يحافظ عليك يا حبيبتي
ليلى بعياط: والله العظيم يا نور انا ما كنتش بعمل كده ولا عمري كنت افكر انا كنت ملتزمه وربنا يشهد عليا بس من ساعه ما الشخص ده دخل حياتي واتعلقت فيه نسيت بعدت عن ربنا اوي وبقيت اعمل معصيه وحاجات كبيره اوي انا نفسي ربنا يسامحني ويطلع الشخص ده من قلبي علشان هو قالي مش عايز اتكلم معاكي. لو عايزني. اكلمك و اتجوزك اعملي اللي بقولك عليه
نور بعصبيه: هو يعني اي ده هو واحد زبالة اقسم بالله دا لو كان اخويا عمل كدا قدامي كنت قـ,ـتلته انتي يا بت انتي طلعي الشخص ده من حياتك خالص علشان لو بيحبك مكنش عمل كدا الزبالة ده
ليلي بعياط: بس انا بحبه اوي يا نور مش قادره ابعد والله
نور قالت وحزن: صدقيني ده لو بيحبك ما كانش طلب منك حاجه كبيره زي كده او كان يتكلم معاكي بالطريقه ده كان يحافظ عليكي يا ليلى صدقيني ما فيش حد في الدنيا دي مش بيحب بس اللي بيحب بيخلي حبه في قلبه لحد ما يبقى حلاله انا عن نفسي بحب وبدعي ليل نهار ان كان الانسان بيبقى من نصيبي بس للاسف ما فيش نصيب انه يبقى ليا انا دلوقتي بدعي ان هو يطلع من قلبي علشان هو مش ليا انتي كمان اعملي كده بلاش توافقي علي كل ده عشان ربنا غضب ربنا هيبقى كبير اوي عليكي صدقيني
ليلي مسحت دموعها بحزن شديد: نور طيب انتي ممكن تفضلي معايا و تقوليلي اعمل اي لحد لما احاول انسي علشان انا مش قادره انا خايفه غصب عني ابقي ضعيفه و اسمع اللي بيقول عليه بالله بلاش تسبيني
نور بحزن عليها: حبيبتي انا قولتلك اني انا مش هسيبك غير لما اساعدك وانا اهو وعد مني مش هسيبك أبداً غير لما يكون غصب عني. و كمان انا والله ان شاءلله هكون صاحبه ليكي علي طول و اخد بايدك ل طريق ربنا زي ما انتي كنتي زمان المهم دلوقتي اعملي بلوك لي و المكان اللي هو بيكون فيه بلاش تبقي فيه ابدا.
ليلي بتوتر: دا هو جيران في نفس الشارع بتاعنا. وانا مش هيهون عليا اعمل بلوك والله.
نور بزهق قامت: يبقي سلام انا قاعده معاكي هنا مش عاوزه اسيبك ولا قادره اشوفك في الحاله دي.(مش هيهون عليكي طب وربنا فين ) عاوزه اخليكي تقربي من ربنا. وانتي تقولي اي. كملت بغضب: بصي انتي روحي اعملي اللي قالك عليه اغلطي معاه علشان يتجوزك زي ما انتي بتقولي كدا. وهو اصلا في دماغه حاجه تانيه ولا جواز ولا حاجه يضحك عليكي بس. انا شغله راسي بيكي ليه انا ماشيه.
ليلي شدت ايدها بسرعه: خلاص خلاص اقعدي علشان نعرف نتكلم بهدوء انتي بتتعصبي كده ليه بس صلي علي النبي في قلبك كدا
نور اتنهدت: عليه افضل الصلاة والسلام.
ليلي بحزن: اقعدي طيب
نور قعدت. قالت: قعدت اهو. هتعملي اللي بقولك عليه ولا لا يا بت انتي
ليلي بدموع: اه. طلعت. مسكت الفون من علي الطربيزه اللي قدامها بدموع. مليئه وشها.
دخلت علي الشات كتبت رساله لي
“شوف يا خالد انت لو فعلاً بتحبني زي ما انت بتقول كدا كنت جيت طلبت ايدي من عمي زي ما انت بتقولي كدا بس انا عاوزه اقولك حاجه واحده بس انت كذاب وكل الوعود بتاعتك دي كلها كذبه. وانا عارفة الحقيقه بتاعتك من ساعه لما طلبت مني اللي انت طلبته ده انت لو فعلاً بتحبني مكنتش تعمل كده. حقيقي انا بحبك اه بس لحد هنا و كفايه مفيش ما بينا كلام اكتر من كدا روح شوف لك واحده غيري تلعب بيها براحتك. سلام.. و عملت بلوك
نور كانت بص ل الشات قالت: جدعه يا بت ي ليلي. اوعي تسمعي منه. وانا هخليكي تنسي خالص علشان ده مش اسمه حب.
ليلي بدموع: انا اه فعلاً زعلانه دلوقتي. بس كدا ارتاح شويه من الذنب ده علشان خايفه من ربنا انتي جيتي ليا من عند ربنا والله
نور بابتسامة: والله يا لالوشتي. قولتلك مش هسيبك.. المهم انتي مش بتقولي هو جيران ليكم
