اميرة بإبتسامة،: حاضر يا نور عيني بس كدا
نور بإبتسامة: حبيبت قلبي يا خالتو اصلا انتي
ميار طلعت من الاوضه بتاعتها
ميار: ماما انا ماشيه الدرس
نور بصت ليها كانت مستنيه تقول ليها حاجه بس ميار مهتمتش ليها
اميرة: ماشي يا حبيبتي ربنا معاكي
شهد طلعت من الاوضه هي ايضأ
هي و أمال
شهد بدموع: ماما مش عاوزة أمشي انهارده والله
امال بغضب: اخلصي امشي يا شهد
اميرة قامت بهدوء: في اي مالكم اهدو كده
شهد بدموع: مرات عمي مش عاوزه امشي قوليلها بالله
ميار: ليه يا شهد مش عوزه تمشي امشي يا حبيبتي علشان تدخلي كليه اللي نفسك فيها. قالت بسخرية: ولا انتي عاوزه تقعدي في البيت تبقي فاشله زي بعض الناس
نور فهمت ان الكلام عليها زعلت جامد منها
اميرة: اي اللي يخليكي مش تروحي بس روحي علشان امتحانات قربت
شهد بتوتر وخوف.: انا مش عاوزه امشي علشان انا زهقت من المدرسة المشوار طويل اصلا
اميرة بهدوء: معلش يا حبيبتي تحبي اجي معاكي انا ماشيه انا و نور نجيب حاجات دلوقتي من بره وهي راحه الدرس
شهد: ماشي امشي معاكم
نور بإبتسامة: هلبس بسرعه استني مش اكمل عشر دقايق
شهد: تمام
نور دخلت تلبس
اميرة: وانا كمان هداخل البس يا حبيبتي مش هنتأخر عليكي ان شاءلله
شهد: ماشي يا مرات عمي ان شاءلله مستنيه اهو
أمال: مرات عمك و نور يخلصو تمشي معاهم اياك اطلع من الاوضه اشوفك لسه قاعده
شهد بهدوء: حاضر هامشي يا ماما والله كملت بخوف: ماما ابقي خلي بابا يجي يأخذني من المدرسة ويرجع تاني الشغل ماشي
أمال بإبتسامة: حاضر هقوله طالما عاوزه حد يجي و يروح معاكي
شهد بدموع: ربنا يديمكم ليا يا ماما علي طول يارب
أمال: و يديمك لينا يا بنتي…
انا ادخل اروق الاوضه بتاعتك بقا
و مشيت
شهد قعدت لحد لما يخلصو.
ميار كل ده واقفه تبص عليها مستغربه منها جامد
شهد بصت ليها باستغراب: في اي يا ميار؟
ميار قعدت جنبها: مالك يا شهد عمري ما شوفتك متغيره كده و في عيونك الحلوين دول حزن ولا اي حاجه زي اللي شايفه الفتره دي عليكي اوى كدا
شهد اتنهدت بحزن شديد جواها قالت بدموع’: عادي مفيش اي حاجه بس هي فتره جت بقا عليا غصب عني ان يبقي الاكتئاب متملك قلبي
ميار بعصبيه: انتي غريبه اوى بقيتي عامله زي نور كل حاجه تعيطي ليه مش تقولي مالك فيكي اي لينا و تفهميني مالك هتفضلي كدا لحد امتي حاطه جواكي كل حاجه صدقيني هتمـ,ـوتي و انتي كدا شهد بعياط: ياريت والله احسن ليا و الكل
ميار بنفس العصبيه: يبقي مـ,ـوتي مـ,ـوتي روحك مـ,ـوتي نفسك بالبطئ كدة و سيبي احمد و امك و ابوكي كل حاجه علشان خاطر اليأس اللي في قلبك. انا عاوزه اعرف انتي كل اللي فيكي ده من اي علشان خايفه احسن مش يتجوزك صح؟ افتكرت لما نور كانت بتقول احمد هيتجوزك احمد مش بيحبك قالت بغضب اكبر: كل دهههه بسببب ااالست نوررررر قالتلك كداااااا بقااااا شهد بسبب ااالكلام دههه تيأسي كده و تسيبي احمد علشان خاطر بت زيها خليكي كداااا خليكي مـ,ـوتييي نفسك بسبب الكلام يا غبيهههه
قامت مشيت بغضب جواها
شهد بقت تعيط من كلام ميار جامد
شهد بعياط: عمره ما حد هيفهم جوايا اي أبداً
——————————————
ميار كانت ماشيه في الشارع و كل قلبها مالي بالغضب والعصبيه من نور جواها بسبب انها بتفكر فيها وفي كل كلمه كانت بتقولها كل مره
كانت بتفكر لما قالت كانت بتتكلم مع نفسها وهي قاعده علي سجادة الصلاة ولما كانت بتقولها احمد مش بيحبك يا شهد كانت بتفكر
في كل ده
قالت بغضب: هي مالها تدخل نفسها ليه و مين اللي بتحبه ده ياتري قالت بغل.: هعرف يعني هعرف يا غالية
_________________________
علي الجانب الآخر كانو ماشين.
نور بصت ل شهد بإبتسامة: شهد انتي بتصلي؟؟؟
شهد: الحمدلله بدأت اصلي من امبارح اهو
اميرة بإبتسامة: ربنا يهديكي انتي و ميار يارب و تصلون دائما كدا يا بنتي
شهد بإبتسامة حزن: يارب يارب يا مرات عمي ادعيلي دايما اتنهدت بتعب قالت جواها: يمكن ربنا يبعد عني الشر اللي في حياتي ده و يسبني في حالي بقا…
نور بصه ل شهد شايفه قد اي هي حزينه و ملامح وشها ظاهر عليها الحزن و التعب كانت عاوزه تتكلم تقولها حاجه بس حلفت انها مش هتجيب سيره ليهم تاني علشان بيزعقو ليها مش بيحبوأ انها تدخل في حاجه ليهم قالت بإبتسامة بسيطه علشان تتكلم معاها: شهد
شهد: نعم
نور بإبتسامة: نفسك تبقي اي ان شاءلله
شهد بحزن: اي حاجه و خلاص عادي مش ضامنه حياتي ممكن امـ,ـوت في اي لحظه
اميرة بحزن: ليه بتقولي كدا يا شهد بعد الشر عليكي يا حبيبتي ان شاءلله تحققي كل حاجه نفسك فيها كملت بإبتسامة: و يجي ليكي اللي من نصيبك يحبك و يتجوزك وتبقي انتي وهو لبعض يبقي عندكم عيال و باذن الله تبقي أسعد انسانه في الدنيا دي كلها هيبقي معاكي اللي الحاجه اللي بتحبيها ان شاءلله يا غالية
شهد بإبتسامة بسيطه: يارب باذن الله يا مرات عمي ادعيلي بالله عليكي
اميرة بإبتسامة: بدعيلك دايما والله انتي و ميار و نور و احمد زي بعض يا حبيبتي انتوا غاليين عليا اوى
نور بسرعة بإبتسامة: وليد كمان ادعي لي ربنا يبعت لي بنت الحلال اللي تحبه و تقدر عليه. ضحكت جامد ع اخر كلمه. قالت جواها بحب: اللي هي انا يارب يارب ابقي لي يوم من الأيام
شهد باستغراب؛ كنتي مش بتحبي سيرة وليد خالص اي اللي حصل خلاكي تقولي كدا و تبقي مش خايفه منه يعني. كمان عاوزه تدعي لي كمان مش مصدقه ان نور دي اللي قدامي
نور بتوتر: عادي يعني بقول كدا وخلاص والله علشان الدعاء حلو ل غيرنا والله
شهد بإبتسامة: اوعي تكوني بتحبي اوعي بلاش ده
نور بخجل و توتر: ا ان انا لا لا مفيش كدا
اميرة بهدوء؛ بس انتي وهي كفايه كلام بقا
نور بزعل: حاضر انا ساكته اهو
شهد بهدوء: وانا كمان اهو ساكت يا مرات عمي
اميرة بتتكلم مع نفسها قالت بقلق: دي تبقي مصيبة لو نور حبت وليد وليد الكل عارف انه بيحب ميار مستني تخلص اول سنه ولا سنتين من الكليه و يعملو الخطوبه و ميار بتحب وليد نفس الشئ مستحيل الحب كده هيبقي من طرف واحد اتنهدت بحزن: يارب لا تعلق قلبها فيه نور علشان كدا حبها هيبقي من طرف واحد و قلبها يتكسر
_______________________
بعد وقت كانت شهد راحت المدرسه بتاعتها. و أميره و نور راحو علشان يشتروا هدوم
نور بدأت تجيب هدوم وهي فرحانه من الخطوة الجديده اللي في حياتها جابت كل الهدوم دريسات و اخمرة اميرة انبسطت منها جامد علشان تلبس الدريسات و الخمار
نور شافت بالصدفة فستان كان جميل جداً عجبها عاوزه تجيبه ف نفس الوقت تقول اعمل بيه اي كانت متردده: هعمل بيه اي يارب
قالت بإبتسامة جواها:يمكن يبقي عندنا فرح ولا حاجه البسه قالت بخجل: اه اخليه عندي يمكن يوم يبقي مثلا حاجه ليا حلوه في حياتي البسه وليد يبقي من نصيبي قريب و البسه ان شاءلله يارب
.// الفستان كان عبارة عن فستان أحمر غامض جدا كأن ضيق من فوق خالص نزل ل تحت واسع اوى عليه شغل جامد كان جميل جداً جداً ///
بعد تفكير اخدت الفستان.
و جابت كل حاجه بعدها وقفت قدام خالتها بإبتسامة: اي رايك يا خالتو في الحاجات
اميرة بإبتسامة: مبارك عليكي يا حبيبتي تلبسيهم وانتي مبسوطه يارب كده علي طول يارب
نور بإبتسامة: آمين يا ي حبيب قلبي
اميرة: يلا بقي علشان نروح الحاجات دي عندك درسين انهارده
نور: تمام يا خالتو يلا بينا
$$$$$$$$$$$$$$$$$$$$
بعد وقت طويل من اليوم في المساء
نور حبت انها تجرب الفستان.
بدأت تلبس فيه وهي مبسوطه
لبست فستان كان جميل عليها جداً نور قعدت علي الكرسي بتاع المرايا بدأت تحط ميكب كتير في وشها علشان تجرب اللبس كامل عليها فردت شعرها بإبتسامة بتبص علي نفسها المرايا و علي شعرها الطويل اللي نزل ل تحت شعرها طويل جداً لونه بني اوى وسايح جدا بدأت تتصور بإبتسامة مرسومه علي ملامحها اتصورت صور كتيره ب شعرها بعدها لبست الطرحة ب لوان الفستان بدأت تتصور بيها.
اتصورت برضو بالطرحه و كانت مبسوطه و شايفه نفسها قد اي جميلة جداً ب كل ده
نور قعدت علي السرير بإبتسامة ضحكت و قالت؛ انتي مبسوطه كدا لسه يا نورررر اي ده اهدي يعني انتي هتقومي تتجوزي يعني علي كل ده ولا ايه. قالت بغيظ ل نفسها: علشان مبسوطه شويه صغيرين ب شعور الهدوم الجديده يبقي اعاتب نفسي في اي امـ,ـوت نفسي مثلا. كفايه كلام مش نفسك ي نوررر بقا.”اجعل حياتكَ قصةً تستحقُ أن تروى..)
نور قامت بإبتسامة مسكت الفستان بفرحه قعدت تلف بيه الفستان كأن مالي الاوضه وهي بتلف بيه كده
ميار دخلت علي نور بقت باصه عليها شايفه ملامح وشها كله فرحه و مبسوطه جدا
بعصبيه: نورررررر
نور اتخضت منها وقفت بصت ليا
نور بتوتر: نعم يا ميار
ميار بغل: شايفه انك مبسوطه يعني اي امك رجعت من القبر ولا ايه علشان تبقي ميته من الفرحة كده
نور بزعل: الله يرحمها ويجعل مثواها الجنه يارب بلاش تسخري من الميت علشان تاخدي ذنب كبير
ميار بلا مبالاه: طيب قوليلي مبسوطه من اي بقا
نور بإبتسامة: انا قرارت اني هلبس دريسات و اخمرة باذن الله يا ميار جبت الهدوم انهارده الحمدلله بصي كمان اشتريت الفستان ده بصي جميل ازاي مبسوطه جدا بالحاجات الجميله دي
ميار ببرود: امم يعني هتلبسي الخمار أخيراً و ياتري بقا بتتغيري من نفسك علشان خاطر مين ليكون نور الطفلة بدأت تحب وانا معرفش
نور بتوتر: لا مش بحب وانا اتغيرت علشان خاطر نفسي والله
ميار بغضب: والله بلاش تكدبي عليا يا نورررر دا انا ميار اللي حفظاك كويس اوى
نور بحزن،: انتي ليهه كده يا ميار بتعملي علي فكرة انا بزعل منك اوى مكنتش اعرف انك كدا نهائي والله وانا حبيتك وتعلقت فيكي و بحترمك جداً ايه ليهه تعملي كل ده معايا بقا
ميار بسخرية: حبتيني و تعلقتي ليه هو انا خطيبك
