كريم :مرام يا مرام تعي شوفي شو جبتلك
مرام عم تركد لعند ابوا :يا الله شو حلوة الله يخليلي ياك يا أحلى أب با العالم
كريم :عجبتك اللعبة
مرام :اي بابا كتير حلوة بس أنا كبرت، هيك ماما بتقلي
كريم :يا عمري انتي اد ما كبرتي بتضل طفلتي المدللة
الهام :شو جايبلا لعبة كمان ،والله حرام خزانتا مليانة ألعاب
بعدين يا كريم البنت صار عمرا تسع سنين
كريم :هلق لاتنزعيلا فرحتا خلص حفظتو ها الموشح
الهام :اي خلص ما عاد احـ,ـكي شي ،كبرلا راسـ,ـا اد ما بدك
كريم :أنا رايح ع الجامع صلي العصر جهزي الغدا
الهام :طيب
مرام :بابا الله يخـ,ـليك لاتروح صلي هون
كريم :حبيبتي ما بطول بصلي وبرجع يلا روحي كملي الرسمة لي رسمتيلي ياها بدي شوفا جاهزة
(كانت مرام كتـ,ـير شاطرة بالرسم واول لوحة رسمتا ل كريم بس ما خلتو يشوفا كانت عاملتلو ياها مفاجئة لعيد ميلادو ،كانت تحب ابوها كتير وهو كمان عندو ياها بالدني كلا )
بعد ماراح كريم ع الجامع سمعنا صوت رصاص ،كان الصوت بعيد وبعد شوي نزلت قذيفة خليت بيتنا يرج رج
مرام :(عم تبكي )يا الله شو قريب الصوت يا ريتو ماطلع بابا والله خايفة عليه كتير
الهام :لاتخافي حبيبتي هلق بيرجع الصوت بعيد مو بمنطقتنا
مر أكتر من ساعة وكريم مارجع وأنا بلشت اتوتر ومرام تبكي وتقلي انو طول كتير ،صرت هديا مع انو النار شعلت بقلبي وحسيت انو كريم صاير معو شي
مرام :امي الله يخليكي قومي نروح نشوفو
الهام :طيب يلا رح البس
فتت ع غرفتي البس عبايتي وبلمح البصر كل شي بلور بالغرفة تكسر من صوت الصاروخ لي نزل ،ركدت متل المجنونة شوف مرام لقيتا مكوعة حالا بالزاوية ومغطية وشا وعم تبكي
ضميتا لصدري وأنا عم ارجف ،خايفة عليها وخايفة على كريم وماعاد عرفت شو اعمل ،ايديي تربطو
مرام :امي الله يخليكي قومي نشوف بابا
الهام :ياربي شو اعمل انتـ,ـي ليش عنيدة مو سمعاني شو عم يصير برا والله خايفة عليكي
مرام :اذا ما بدك تطلعي معي بطلع لحالي
الهام :طيب يـ,ـلا قومي
رحت مع مرام ع الجامع القريب علينا هو كريم متعود يصلي فيه
ابل مانوصل شفنا العالم متجمعة قربت كمان شوي وشفت الدم مغطي الارض وسيارات الاسـ,ـعاف عم تنقل الجرحى
مرام :امي الله يخليكي سألي أي حدا عن بابا
الهام :طولي بالك شوي والله أعصابي تلفت
مرام :بااااااااااابا والله هاد هو شوفي ليكو هونيك ياربي باااااااااابااااااااااا
وركدت مرام ع سيارة الاسعاف وهي عم تبكي وتقلن هاد بابا طلعوني لعندو بدي شوفو
الهام :كررررررريم رد عليـ,ـيييي يا كرررررريـ,ـم
ماعرفت بدي هدي حالي ولا هدي بنتي مسكتلا ايدا وأخدت سيارة ولحقنا سيارة الاسعاف
واول ما وصلنا ع المشفى سئلت ع كريم وقالولي انو مات ابل مايوصلو للمشفى
مرام فقدت وعيا، وصار تصرخ وتنادي لأبوا وكل لي بالمشفى لتمو ع صوتا كانت كتير صغيرة وخبر متل هاد صعب ع طفلة تتحملو وخاصة انو كانت كتير متعلقة بأبوا
قويت حالي من شان بنتي و بلشت هديا
