الفصل السادس والعشرون والسابع والعشرون والثامن والعشرون من رواية شمس تتحدى الغيوم بقلمي عبير سليم حصريه وجديده

عمر:كل الناس دي بتقولها وافقى وافقي اعمل ايه بقى
إيمان :لاء انا اللى حعمل اوعى انت بس

ثم تجلس امامها:ايه يااختى مالك فيكى ايه هاه بت ليكون حد عاملك عمل عشان متوافقيش على عمورة اكيد هى مفيش غيرها اللى الهى يورينى فيها يوم مياده واشوفها كده وهى بتمد ايدها للناس وتقول يامحسنين

ايه ياقلبي مالك ياعمري الواد حيموت عليكى حيجراله حاجه يرضيكى حد يحصله حاجه بسببنا
مااديكى شفتينى اهوه هو انا يعنى كتت موافقه على البنى ادم ده وهى تشير على حسن
حسن :ده
إيمان :ايوه اسكت دلوقتى انت

وبعدين عملت ايه لما لقيته ياعينى حيموت نفسه وحيقدم على الانتحار لانى مش موافقه عليه اشفقت عليه وصعب علية وقلت ياللا اكسب فيه ثواب وخلاص

وانا محبش اخد ثواب من غير اختي حبيبتى هو انا يعنى احسن منك يا شموسه لا والله ابد انتى توافقى عليه وتاخدى الثواب وبعدين نتكلم

حسن:بتقول ايه دى والله ماحصل
ايمان:اسكت انت ياحبيبي انت بس فرحتك انى وافقت بيك نستك لكن انا فاكرة كويس

حسن :فاكرة ايه يخرببيتك

ايمان :اه فاكرة لما ابوك كان قاعد هنا وامك كانت قاعده هنا
وقاللها اجلعي الكردان اللى فصدرك سحر
قالتله:ليه ياوائل راح باجيجها بجيج وانا خفت عليك تبج نفسك وتحصل سحر ووائل فقلت اتجوزك وامري لله

حسن:اه بس انا امي مسمهاش سحر امى اسمها رشا
وبعدين انا موعاش هما اللى حكولى

يضحك الجميع على هذا الكلام :هههههه هههههه مجانين وربنا ملكمش حل ماجمع الا اما وفق

شمس:ههههههههه إيمان الله يخليكى اسكتى مش قادرة وربنا
ايمان:بقولك ايه هو مش الراس الكبيرة قالك اتجوزيه وبعدين ربيه ياللا شيلي يامعلمه

عمر وهو يمسها من قفاها:لا مؤاخذه ياحسن
تربي مين ياهانم

إيمان :يقطعك يالسانى ده انا بهزر وحياتك بهزر
عمر :انا نفسي اعرف انتى بتكلميه كام مرة فى اليوم

حسن :متعدش دى طول قعدتها معايا اصلا وهى بتكلمه وانا محصلتش طبق مخلل

عمر:لا ياعم طبق مخلل ايه بس قول كوز درة

إيمان :ياربي عليكم بتسيبوا راس السمكه وتمسكوا فى ديلها خلينا فى موضوعنا الاول :شمس وافقى ياشمس خديه على ضمانتى

طب اقولك ياعمر بلاها ناديه وخد سوسو وهى تشاور على نفسها
حسن :وانا اخد مين
إيمان :خد فوزيه هههههههههههههه

عمر:طب مابلاها ناديه وبلاها سوسو

عمار:خلاص بقى يخرببيت سنينكم وانتى بابنتى حرام عليكى تعبتينا وتعبتى كل الناس بصي كل دول مستنيين منك توافقى قوليها بقى الله يخليكى

عمر:قوليها ورحمة امك لانتى قابلاها وافقى بقى
شمس وهى تنظر للجميع وتبتسم:موافقه

عمر:ايه قولى تانى كده
شمس :موافقه

عمر:لاء مش ممكن مش معقول اشهدوا ياعالم اشهدوا يافرنجه اشهدوا ياقوم لقد نطقتها لقد قالتها

يسحبها من يديها ويحتصنها ويلف بها امام الجميع والكل يضحك ويصفق لهم وايمان وحسن يطلقون الصفافير

عمر :بحبك بحبك ياشمس بحبببببك
💖💖💖💖💖💖💖💖💖💖💖💖💖
يصعدون الطائرة بعد توديع عمار واشرقت وماسه وحسن لهم
ماسه :انت بتحب ايمان اوى كده ياحسن
حسن :ايمان دى هدية ربنا لية احلى حاجه حصلتلي فى حياتى
ماسه:هههههههههه هى عسوله والله بس خوفتنى شفتها وانا فى المطار وهى بتدينى العصير و بتقولي اشربي ياشابه

حسن :بتهزر ايمان نص حياتها هزار بس مفيش اطيب من قلبها

بينما فى الطائرة تجلس ايمان بجوار الشباك
بينما يجلس عمر وبجواره شمس التى ماكادت ان تقلع الطائرة حتى غفت عيناها فى النوم ودون ان تشعر سقطت راسها على كتفه ولما لا وهى لم تنم بعد
سعر عمر بالسعاده الشديده وهى واضعه رايها على كتفه
💖💖💖💖💖💖💖💖💖💖💖💖
فى الفيلا الكل منتظر وصول عمر وعلى وسيف اللذان ذهبا لاستقباله وقد قاما بتوصيل ايمان وشمس اولا ثم الاتجاه نحو الفيلا

يدخل عمر وبصحبته سيف وعلى فيجد الجميع فى انتظاره يقدم عليهم ليسلم على كل منهم

يزيد وهو يحتضنه :حمد الله على السلامة يا بطل
عمر :الله يسلمك ياحبيبي
يزيد:وحشتنا والله ياعموره
عمر:انت اكتر ياابوعشق ربنا يخليك لينا يارب

ثم يحتضن والده :بابا حبيبي وحشتنى جدا ازيك وازى صحة حضرتك
شاكر:الحمد لله ياحبيبي مادمت شايفكم كويسين ابقى انا أكيد حكون كويس
عمر :ربنا يخليك لينا يارب

ثم يحتضن مروة اخته ويحمل مليكه ويقبلها و يقبل عشق وأنس ويمد يديه للسلام على عاليه وعهد التى كاد قلبها ان يشق صدرها ويخرج منه فرحة بعودته

بينما كانت هاله كالعاده تحاول الابتعاد عنه قدر المستطاع حتى لا تعرض نفسها للاحراج فكم من مرة حاولت ان تبتسم فى وجهه وهو لم يقابل ابتسامتها سوى بالجمود والنفور مما يجعل الجميع يشعرون تجاهها بالشفقه من سوء، معاملة عمر لها وكرهه الواضح للجميع

تحاول ان تتكلم تحاول ان تفتح فمها لتسلم عليه مثل الباقين ولكن تذوب الكلمات على شفتيها قبل النطق بها
لاتتكلم أحد تود الأرض لوتنشق وتبلعها حتى ترتاح من هذا الموقف

ولكن حدث مالم يتوقعه احد حدث مالم يحدث من يوم ان اتت فيه هاله هذا البيت وسكنت فيه معهم

حدث مالم يخطر على خاطر أحد فيهم
عمر يتقدم نحوها فى نفس الوقت الذى كانت هى تخفض عيناها ارضا هيبة من لقائه ثم يمد يده لها بادئا هو بالسلام:ازي حضرتك ايه مش عاوزة تقوليلي حمد الله على السلامة انا جيبتلك معايا حاجات حلوة اوى يارب تعجبك

هاله وهى غير مصدقه مايحدث اهى تحلم ام ستقوم القيامه بعد فتمد له يديها:الف حمد الله على سلامتك ياعمر
المهم انك وصلت بالسلامه