طب يهون عليكى بقى تسيبي حبك يضيع منك
طب افرضي بقى ان واحده بقى لفت علية وانتهزت فرصة بعدنا عن بعض وانى وحيد ووقعتنى فيها مش حتزعلى
شمس:اكيد حزعل ياعمر بس بردو حتاكد وقتها انى كنت صح لما قلت ان مفيش راجل غير التانى وكلكم زى بعض
عمر:وانا مش زيهم ياشمس والله مازيهم انا عمر حبيبك اللى قلبه محبش غيرك ارجوكى ياشمس ارجوكى
شمس انا عارف القهرة اللى انتى فيها مقدر صدمتك من كل اللى حواليكى باباكى وخطيبك
بس لازم تتاكدى ان زى مافى وحش اكيد فيه حلو
واقرب مثال ليكى عمار واشرقت وإيمان وحسن ويزيد وعاليه وعلى ومروة
فى نماذج كتير حوالينا بيحبوا بجد ولا خدعوا حد ولا ظلموا اللى بيحبوهم واتاكدى انى عمري ماحظلمك ياشمس عمري
شمس :ولو خالفت وعدك معايا فيوم من الأيام
عمر:وقتها حتكون حياتي في الدنيا ملهاش اى لزمه
فتبتسم شمس رغما عنها وتشعر بالراحه من كلامه
عمر:هاه الصداع راح واللا لسه
ولكن قبل ان تجيب شمس يسمعان من يتحدث خلفهما:يعنى ينفع انكم تختفوا كده من غير ماتقولوا
عمر:معلش والله يابشمهمدس بس شمس اصلها كان عندها صداع فاخدتها ورجعنا
أشرقت :الف سلامه عليكى ياشموسه وعامله ايه دلوقتي
شمس :الحمد لله والله احسن كتير
ماسه :امال فين طنط ايمان قصدى ايمان او مونى اى حاجه غير طنط دى
شمس :شكلك كده قلتلها طنط وقلبت عليكى صح
أشرقت :هههههههههه رعبت البنت ياشمس خلت البنت تخاف منها إيمان دى وربنا ملهاش حل
عمر:هى فعلا ملهاش حل متزعليش ياماسه والله ايمان دى مافى اطيب من قلبها بس هى مبتحبش حد يكبرها
ماسه :طب هى مش موجوده يعنى
شمس :لاء ياروحى مع حسن
ماسه :حسن اه طب يبقى الحمد لله بردو انها مش موجوده
يضحك الحميع عليها
عمار:طبعا احنا حنتغدى مع بعض وبعد كده حنروح نوصلكم المطار
عمر:مفيش داعى والله تتعبوا نفسكم
أشرقت :ايه الكلام ده تعب ايه بس هو انتم مش عارفين غلاوتكم عندنا واللا ايه
شمس :والله ربنا اللى يعلم غلاوتكم عندنا اد ايه وبجد حتوحشونا اوى
عمر:طب ايه رايكم تيجوا تقضوا معانا كام يوم فى اسكندريه
عمار :لا ياعمر مينفعش متنساش ان الشغل لسه مخلصش صحيح انتوا خلصتوا شغلكم لكن لسه شويه
عمر:طب ولو كان فى مناسبه حلوة بردو مش حتيجوا
عمار واشرقت :مناسبه حلوة
عمر:قولوا انتوا بس يارب الجميل يحن علينا ويقبل طلبنا ويرحم قلوبنا الولهانه واحلى مناسبه حتكون موجوده
عمار وهو يتحدث لشمس:طب والقمر بتاعنا مش عاوز يحن عالغلبان المتيم ده ليه
شمس :لا ده عمر بيهزر
عمر:لا وربنا مابهزر طب بزمتكم يرضيكم انى اقولها بحبك عاوز اتجوزك ترفض وتكسفنى قدام البحر والنجوم والمراكب
أشرقت :ههههههههه لا ميرضيناش خالص
ايه ياشموسه بس الراجل هيمان حني عليه حرام عليكى ياشموسه
شمس :كده بردو ياعمر
عمار:شمس انتى متضايقه عشان عمر اتكلم قدامنا انتى عارفه غلاوتك عندنا اد ايه واللا لاء
شمس :لا والله مش متضايقه بس يعنى
عمار:بس بس ايه هو سؤال واحد بتحبى الجدع ده واللا لاء
فتسكت شمس ولا ترد
عمار :اهيه سكتت والسكوت علامة الرضا يبقى فين المشكله بقى شمس انتى مش بتثقي فية
شمس :أكيد طبعا يابشمهندس بثق فى حضرتك جدا
عمار :يبقى تتجوزى عمر وتقولي موافقه واسمعها بودانى دلوقتى
شمس :بشنهندس الله يخليك مش حينفع
أشرقت :هو ايه اللى مش حينفع ياشمس يعنى معقوله انتوا اللى ترحعوا الحب اللى بينى انا وعمار تانى وتلموا شملنا واحنا منعرفش نعمل معاكم ده وانتوا اصلا اخواتنا الصغيرين
وبعدين ده انتى ياشمس اللى كلمتينى عن الحب واننا لازم نتمسك بيه ومنفرطش فيه مهما حصل يبقى ازاى انتى مش قادرة تتمسكي لحبك
طب فاكرة لما قلتيلي حتعملى ايه لو عمار ارتبط بواحده غيرك
انا دلوقتى بسألك تفس السؤال حتعمل ايه لو عمر ارتبط بواحده غيرك
ماسه:انا انا يابابي ا رتبط بعمر ده امور اوى
عمار:هههههههههه شفتي بقى ياللا اشربي ياست شمس اهى العفريته دى بتقولك حتاخده منك هاه حتسيبيها واللا تدافعى عن حبك
فتسكت شمس فليس لديها ماتقوله
عمر:شمس انا بقولك ادامهم اهو وهما شاهدين على كلامى ده انا بحبك بحبك ياشمس بحبك اكتر من روحي واوعدك انى حعوضك عن كل اللى فات ومش حتدوقى معايا غير طعم السعاده وبس
وقلبك عمره ماحيتالم ولا حيدوق طعم الغدر تانى ثم ينهض من مجلسه ويركع امامها معلنا تمام الطاعه لقلبه لها
وافقى وافقى بقى الله يخليكى قولولهاتوافق والنبي
ثم يتحدث لكل الموجودين المكان :ياجماعه باللى بتتكلموا عربي وانجليزى وفرنساوي وكل لغات العالم انا بحب البنت دي وهى بتحبنى وبطلب منها نتجوز وهى مش موافقه وحياة ابوكم تقولولها توافق
فيضحك كل من بالمكان ويردون عليه ب كلمة:وافقي وافقي
عمار واشرقت وماسه:هههههههههه وافقى بقى
فتدخل ايمان وحسن فى هذه اللحظه
إيمان :ايه ده خير اللهم اجعله خير لا ده شكل فى حاجات كتير حصلت وانا معاك يااستاذ
خير ياجماعه فى ايه فهمونى
