الفصل السادس والعشرون والسابع والعشرون والثامن والعشرون من رواية شمس تتحدى الغيوم بقلمي عبير سليم حصريه وجديده

عمر مافرحش ياشمس موت ماما الله يرحمها كسره خلاه ميقدرش يحب تانى بقى يخاف يحب حد او يتعلق بيه يروح ويسيبه زى ماما عاوزة انتى كمان تسيبيه ياشمس

شمس :بشمهندس الله يخليك افهمنى
يزيد :وهو مين عمره فهمك ادي ياشمس ده انتى اختى التانيه بعد مروة وانتى عارفه ان انتى عندى اهم مليون مرة منه
واقسم بالله العظيم وغلاوة مراتى وبنتى عندى لو مكنت متاكد من حب عمر ليكى كنت انا اللى حبعده عنك واقولك لاء متتجوزيهوش ياشمس

يابت الواد بيحبك وبيموت فيكى حتشيللينى
ياعبيطه خديه وربيه ومرمطي بكرامته الأرض بس وانتى معاه حافظى عليه وعلى حبك ياهبله ماتسيبيهوش لواحده غيرك والواد حلو وامور والف مين حطه عينها عليه
عمر محتاجك ياشمس اديله فرصه عشان خاطرى واوعدك انك مش حتندمي

شمس :هو حضرتك عرفت انى بحبه ازاى طب نقول ان عمر هو اللى اتصل بيك وحكالك لكن ده هو نفسه ميعرفش انى بحبه يبقى حضرتك اللى فى اسكندريه عرفت ازاى

يزيد :من العصفورة هههههههههه

شمس :العصفورة اه قلتلي العصفورة اللى راحت تفطر مع خطيبها عشان حضرتك تكلمنى
يزيد :العصفورة اللى بتحبك وتتمنالك السعاده وانتى عارفه كده كويس

تسكت شمس ولاترد
يزيد :انا مش عاوز اسمع منك رد انا حعرف كل حاجه بنفسي لما ترجعوا ان شاء الله

وتاكدى سواء قبلتى او صممتى على رايك انتى مكانتك عندي زى ماهى شموسه اختى وحبيبتى

يغلق معها الهاتف ليتركها فى حيرتها
عاليه :يعنى ماكنتش قادر تستنى لما يرجعوا النهارده وتكلمها وجها لوجه احسن
يزيد :لاء مكنش ينفع يالولو لانهم بمجرد مايرجعوا هى حتلهي نفسها فى الشغل وحتتهرب دى تربيتى وانا حافظها لكن دلوقتى هما لسه هناك وادامهم فرصه يتكلموا تانى لوحدهم

عاليه:وايمان اللى لزقالهم دى
يزيد :لا منا وزعتها تروح تفطر مع خطيبها وتسيبهم على راحتهم

عاليه :عارف يايزيد انت وايمان كابل ملكمش حل سبحان الله برغم انكم ابعد ماتكونوا عن شخصية بعض وفرق السما والأرض بينكم بس دماغكم دايما قريبه من بعض وبتفهموا بعض جدا

يزيد :حبيبتى غيرانه واللا ايه

عاليه :حبيبي طبعا انا بغير عليك واموت اموت لو حسيت ان عينك شافت واحده غيري
لكن انا بجد والله بستغرب علاقتك بايمان اوى

عارف لما بكون جمبك وانت بتبقى أوقات فانح الاسبيكر واسمعها واسمعك وانتوا بتكلموا بعض ده انتوا ولا اتنين بتلعبوا طاوله عالقهوة بحس انكم بتشيلوا التكليف بينكم نهائى بستغرب جدا ازاى تكلم مديرها بالطريقه دى ههههههه

منكرش انها عسل ودمها شربات بس جريئه اوى بس بردو بحبها اوى

يزيد :إيمان دى حاله خاصه بجد شخصيه متتكررش كتير مكسب لأى حد يعرفها تسد فى اى موقف تبقى قده وقدود

جريئه بس على حق تقول للاعور انت اعور فى عينه بس بادب مش ببجاحه
صاحب صاحبه عندها استعداد تولع الدنيا لو حد جاب سيرة شمس بكلمه

جدعه بألف راجل بس طبعا مقدرش اقولها كده يالهوي

تتحول اصلها معتزة بانوثتها اوى دايما متشيكه وعلى سنجة عشرة عمرك ماتشوفيها متبهدله او مش مهتمه بنفسها اطلاقا مضيعه نص فلوسها على هدومها واناقتها

وخدومه جدا عندها استعداد تشيل شغل الشركه كله على دماغها لا بتكل ولا بتمل لكن لو حد جرحها بكلمه او زعلها تلاقيها قلبت قطه سيامى تلزق فى الحيطه وتعيط زى الأطفال وتمسح دموعها بكم ايديها كمان

مفيش حد فى الدنيا اتعامل معاها ومحبهاش ده حتى عمر اللى مكنش بيطيقها تعالي شوفيهم دلوقتى بقوا صحاب ازاى

طب تعرفي ان شمس غلاوتها عندى ملهاش وصف بس عمرها مااتكلمت معايا زى ايمان ايمان دى حاله استثنائيه

عاليه :ماشي ياعم الاستثنائي اطلع انا منها بقى
يزيد :تطلعي من ايه ياقلبي ده انتى معشسه جوة قلبي ياباشا
عاليه :باشا مش دى كلمة ايمان هههههههههه اتعديت منها ياقلبي
يزيد :ههههههههه فقريه بتنشر عدوتها فى اى مكان

عاليه :تفتكر شمس تكون اقتنعت بكلامك
يزيد :اه وبنسبه كبيرة كمان وان شاء الله عمر حيكمل الباقى
💞💞💞💞💞💞💞💞💞
بينما كانت شمس جالسه تفكر فى كلام يزيد لها تشعر بصداع من كثرة التفكير ولأنها لم تذق طعم النوم الا قليلا

تبحث فى كل الحقائب عن دواء للصداع فلا تجد ياربي اجيب مسكن منين دلوقتى والصيدليات اكيد لسه مفتحتش حاسه ان راسي حتنفجر
اه مش قادرة راسي اااه

ياترى ممكن شمس تكون اقتنعت بكلام يزيد واللا لاء
وايه اللى حيحصل بعد كده ده اللى حنعرفه ان شاء الله

انا حاولت متاخرش عنكم عشان متزعلوش
ياريت متزعلونيش انتوا كمان وتقدر ونى زى مابقدركم
وبحبكم من كل قلبي

وانا بصراحه اخدت قرار انى حوقف نشر الروايه فى اى جروب او مكان مفيهوش تفاعل والقراء فيه مش بيقدروا تعبي ومجهودى

وبوجه شكر خاص لصاحبتى وحبيبة قلبي نجلاء عامر على تعيقاتها وتحليلاتها الرائعه على كل بارت ومناقشتها معايا فى التحداق
بجد انسانه رائعه ربنا يفرح قلبك زى مابتفرحينى يانوجه يارب

وكمان بدعى من قلبي لهبه محمد حبيبة قلبي وصاحبة جروب كوكب الروايات ان ربنا يصبرها ويلهمها الصبر فى وفاة اختها وترجعلنا تانى تنورنا قريب ان شاء الله

مع الف سلامه واشوفكم البارت الجاى ان شاء الله وربنا ميحرمنى منكم ولا يحرمكم منى ان شاء الله
💞💞💞💞💞💞💞💞💞💞💞💞💞
💞💞💞💞💞💞💞💞💞💞💞💞💞

الفصل الثامن والعشرون من رواية شمس تتحدى الغيوم
بقلمي :عبير سليم
💖💖💖💖💖💖💖💖
صداع شديد لم تشعر به من قبل الام شديده تجعل رؤيتها مشوشه ولا ترى بوضوح ماامامها

ولما لا يتمكن ذلك الصداع منها ويفرض سيطرته عليها وهى لم تنعم بالراحه طيلة حياتها.
لم لاتشعر بهذه الالام وقد كتب عليها القدر واقسم عليها ان تظل هائمه فى بحور الذكريات تلك الذكريات التى لا تحمل معها سوى الغدر من البشر.

لم لا تشعر بالتعب وهى فى صراع شديد مابين قلبها الذى يعشق ويحب وبين عقلها الذى يسيطر عليه الاحساس بالظلم والقهرة.

لم لا تشعر بالتعب وهى لم تنعم بالراحه طوال الليل الا قليلا ولم تنم فيه ثانيه واحده.

تدور فى الغرفه لا تستطع الجلوس ولا تستطع فعل أى شئ

ماذا أفعل الآن تكاد راسي ان تنفجر من شدة الآلام :ااه اعمل ايه بس ياربي معقوله مفيش ولا حباية صداع هنا
مفيش قدامى غيره وأمري لله.

كان عمر جالسا فى غرفته يفكر فيم سيفعل وقد عزم أمره الا يتخللى عنها او يتركها مهما كلفه الأمر.

لن يترك ذلك الحب الذى لم يخطر بباله يوما ان ينال من قلبه ويجعله اسيرا له
لن اتركك ياشمسي يامن وجهتى شعاعك نحوى فتحول سهما موجها الى قلبي
فاصابه بالهوى والعشق واذاقه الحب الذى لم يتنعم قط بطعمه من قبل.
فهل لى ان اتركك كلا والذى خلق السموات والأرض بغير عمد لن افرط فى قلبك ذلك القلب الذى يحمل طيبة وحنان لم اشهده منذ رحيل امى

امى التى استقطعت قلبي ونزعته من صدري وكفنته معها حيث دفنت فى قبرها وتركتنى وحيدا ضائعا لا يعرف للهوى دربا ولا يرى للعشق سبيلا

حتى عرفتك ايتها الفتاة تملكتى قلبي وجعلتيه هائما به فمن اين اتيتى الى وكيف تسللتى بداخلى لا اعلم ولا اريد ان اعلم شيئا غير اننى اصبحت عاشقا ولن اجعل السأم يحتل قلبي

وفجاة يسمع طرقا على الباب
يفتح الباب فيتفاجا بها امامه وينتابه القلق من هيئتها:شمس
شمس:الحقنى ياعمر صداع جامد حسه ان راسي حتنفجر مش قادرة
يشعر عمر تجاهها بالخوف الشديد :طب تعالى معايا بس ادخلى اوضتك وانا حنزل اجيبلك حاجه للصداع وارجع بسرعه
شمس :بسرعه والنبي الله يخليك انا مش قادرة ياعمر مش قادرة
يساعدها عمر على دخول الغرفه حيث كانت الرؤيه امامها مشوشه ثم ينزل سريعا بحثا عن اى مسكن لها

بعد مرور فترة قصيرة يطرق عليها الباب ويدخل فيجدها واضعه راسها بين ايديها وتبكى بشده :عمر وهو يمد لها يده المسكن والماء
خدى ياشمس اشربي وان شاء الله حتبقي كويسه

تمد يدها سريعا لاخذ الحبوب منه وتشربها ويكاد الماء ان ينسكب منها من قلة تركيزها
تمد يدها له بالكوب فياخذه منها ويضعه جانبا

عمر:شمس ممكن ترتاحى شويه وتحاولي تغمضي عينيكى واطمنى عشر دقايق بالكتير وحتبقي زى الفل المسكن ده قوي جدا باخده لما بيجيلي صداع دايماً سحر بجد

شمس :انا اسفه باعمر تعبتك معايا بس ايمان راحت لحسن وانا مرضتش اتصل بيها عشان متقلقش علية وتسيب خطيبها فمكنش قدامي غيرك ألجأ له

عمر وهو يرفع يديه للسماء:يارب ياشمس يابنت
الا انتى صحيح انتى مامتك اسمها ايه

شمس :شمس وهى تبتسم بصعوبه: الاه يرحمها سهير
عمر:يارب ياشمس يابت سهير وبت اخت سناء، وصاحبة ايمان المجنونه ماتدورى على حد غيري لما تكونى محتاجه حاجه

شمس وهى تبتسم بصعوبه من الام رأسها:طب متقولش على ايمان مجنونه
عمر:طب والله مجنونه بس احلى مجنونه فى الدنيا

شمس :شكرا ياعمر ربنا يخليك
عمر:انا عاوز لو ربنا حيخلينى يخلينى عشانك انتى ياشمس وانا عمري ماحتخللى عنك وعمرك ماحتكونى محتاجانى ومتلاقينيش انا طول مافية نفس حفضل معاكى وحواليكى دايماً.
فتسكت شمس ولاترد
عمر: طمنينى الصداع اخباره إيه دلوقتي
شمس:الحمد لله والله حسه انى بقيت أحسن
عمر:شفتى عشان لما اقولك حاجه تثقى فية

شمس ممكن استئذنك ننزل تحت وانا حدخل المطبخ واعملك بايدي حتة فنجان قهوة حيخليكى تفوقي وتركزى احلى تركيز
شمس :طب انزل وانا ححصلك

ينزل عمر ويجلس فى انتظارها فتاتى اليه وقد بدأت تستريح من الالام
عمر يقوم ويسحب لها الكرسي لتجلس عليه:اتفضلي
شمس :شكرا ياعمر
عمر:بقى ينفع كده بردو
شمس :مش فاهمه

عمر:يرضيكى ان شاب حلو وامور وعسل ييجى يتقدم للبنت اللى بيعشقها تقوم تسيبه وتطلع تجري

شمس :عمر الله يخليك انا مش عاوزة اتكلم فى الموضوع ده انا رديت عليك وانا والله بتمنالك كل خير

عمر:الخير ده مش حيكون غير معاكى انتى يااما مش عاوزه وحفضل طول عمرى سنجل ويبقى زنبي فى رقبتك

شمس :عمر ارجوك انا قلت اللى عندى عن اذنك

تحاول النهوض ولكنها تجده يمسك يديها :شمس من فضلك اقعدى
تجلس شمس وهى تفرك يديها

عمر:شمس انا مش بهون اللى انتى فيه ولا اللى عيشتيه ومريتى ببه لكن انا اوعدك انى مش حكون زيهم ياشمس

شمس ارجوكى ادينى فرصه فرصه واحده بس اثبتلك فيها حبي ليكى وانك اختارتى صح المرة دى،

شمس انا اول مرة احب اول مرة قلبي يدق لواحده بعد امى الله يرحمها اول مرة احس بالقهرة لما قلتيلي لاء

شمس انا عارف انك فقدتى الثقه فى كل اللى حواليكى بس انا بوعدك والله العظيم ورحمة امى انى عمرى ماحخذلك ابدا وحكونلك الاب والاخ والصديق والحبيب والزوج حكون كل دنيتك
ثقي فية ياشمس مش حتندمى والله ماحتندمى

شمس :انا وثقت قبل كده
عمر:انا غيرهم كلهم انا مش بشكر فنفسي والله بس انا عارف كويس اوى انا مين
شمس ادينى فرصه اقرب منك و اثبتلك حبي ليكى

شمس :غريبه اوى انك انت بتطلب منى انا اللى متعرفنيش غير من فترة قصيرة انى اديك فرصه تقرب منى وتثبتلي حبك طب ازاى وانت اصلا مادتش الانسانه اللى دخلت بيتكم وحميتكم وربتكم وكبرتكم الفرصه دى

رفضتها وكرهت وجودها فحياتكم رغم اعترافك بانها انسانه طيبه واديتكم الحب والحنان وربتكم وراعت ربنا فيكم ومع ذلك كرهتها وحملتها ذنب مش ذنبها

يبقى ازاى تطلب منى طلب زى ده ازاى فهمنى ياعمر

عمر:ومين قالك انى مش ندمان على ده انا بعترف انى فعلا عمري مااديتها فرصه تقرب منى او اديت لنفسي فرصه اقرب منها امى دايما كانت حاجز بيننا.

لكن يوم ماقعدنا احنا الاتنين على البحر واتكلمنا سوا وقتها حسيت فعلا بظلمى ليها طول السنين دى كلها وربنا يعلم انى نويت انى افتح صفحه جديده معاها

واقسم بالله ان الموضوع ده ملوش اى علاقه بطلبي ياشمس
يعنى سواء رفضتى او قبلتى قراري مش حيتغير
واوعي تفتكري انى بقولك كده بس عشان اضحك. عليكى بكلمتين اخليكى تقولي علية انى بقيت ملاك فتوافقى لا والله ابدا.

شمس انا مش وحش اوى كده انا بنى ادم بيغلط وبيحاول يصلح غلطه منكرش انى كنت وحش معاها اوى وكنت نافر منها
وكنت كل مااشوف طيبنها وحسن اخلاقها معانا كنت بتضايق اكتر كنت بقول لنفسي ياريتها كانت فعلا سيئه عشان يبقى

كرهى ليها على حق لكن طيبتها كانوا بيخلونى اكرهها اكتر لأنها مش مديانه الفرصه انى الاقى سبب واحد اكرهها عشانه
والغريبه انها عمرها ماحاولت تستفزنى ولا تضايفنى زى مابيعملوا مراتاة الابهات مع ولاد ازواجهم لكن بالعكس هى االى دايما كانت بتتحايل على بابا انه ميعاقبنيش لما كنت اعمل حاجه غلط.

اكان يتحدث والدموع تجري فى عينيه :ايوة ياشمس انا عارف ده ومبنكرش انى رفضت اديها وادي نفسي الفرصه دى لكن انتى انتى ياشمس ووجودك فى حياتى هو اللى وصلنى لطريق النور هو اللى خلانى افتح عينى على كل اللى كان غايب عنى وجودك خلانى احب كل حاجه حواليه

خليكى معايا ياشمس خللى ايدينا فايدبن بعض نواجه كل الغيوم اللى ممكن تقابلنا فحياتنا

شمس انا حسالك سؤال واحد بس واوعدك لو قلتى لأ حخرج من حياتك نهائى حتى الشركه نفسها حسيبها وحاسس لنفسي شركه تانيه

شمس :اسأل ياعمر
عمر:بتحبينى ياشمس؟
فتسكت شمس ولا ترد
عمر:ارجوكى ياشمس ردي عليه بتحبينى؟
تهز شمس رأسها بنعم:ايوة ياعمر ايوه ارتحت

عمر وهو يرجع للوراء:يااه روحى ياشيخه ربنا يريح قلبك زى ماريحتى قلبي