كيما قتـ,ــ,ـلكم بولحية دخل صحابه لدار وانا قعدت فلبيت عـ,ـيطتلي مروى عيطتلي… الو.. ايه مروى واش راكي ختي صفا.. منيتك تسقسي فياا ياكلبة واش هذا لي درتيه .. واش درت… دروك لحقت ورقة طلاق دخلها شيخي نخلعنا كي قال ورقة جاية لعادل هاا كون تشوفي وجهه كي ولاا قلعها مع لعجوز دروك ملي خرج وهي تدعي علييك ما خلتش حاجة ماقالتهاش فيك… الله يسهل عليها دعوتها ماتوصلش حتى لل بلاافو علاه ديك عندها وجه قاع ترفد يديها وتطلب ربي.. ريحان ختي كبرتيها والله كون غير تفاهمتو وما وصلتيهاش لهنا…. خليني منه ياك قال ما تشرفينيش هيااا خلاااص تسمى حتى هو ما يشرفنيش يلتهى بمرته.وولده دروك… والله وبراس بنتي يا ريحان شوفة ما يشوفهاش فيها … مروة حمبووك ختي حمبووووك .. عيطت غير باه نقولك بلي لا ما كذبنيش ربي راه جاي عندكم .. يجي على روحه ني هنا وخلي نشوف شا باغي يدير هي مروى ختي نخليك دروك .. صحا هااا باردة لقلب صحا .. كوبيت عليها نوضت ستيكيت روحي لبست وعدلت وماكييت وقاعدة نستنى صونا لباب حسبته هو كيي طليت لقاها ماما حلت عليها… واه واه دي لطحة علاه… غادي تصراا دبزة دروك… شكون… عادل راه جاااي.. علااه ثاني شا بغاا… وصلاته لورقة… مزية عدلتي روحك لا ضربك عوقك نديك لسبيطار شابة … جابتلي ضحك وانا من داخل نرجف رجيف الخوف تسلط عليااا صحاب داك كانو خرجو قعدت عند تاقة نطل حتى شفت لوطوته كي ڨارت جا طاير كي ڨارا نقزت سبق دخلت لدوش بلعت على روحي طاح فلباب يخبط حلت عليه ماما حتى نسمع فيه… وين راهي بنتك وييين…. وين راك داخل زادم وييين داااري هادي يا سي محمد … صحا قوليله تجي باغي نهدر معاها ريحااااااان… هو قال اسمي وانا حكمتني رجفة درت كوراج كبير وخرجت زعما درت روحي ماعلى باليش بلي راه هنا … مالكي ماما علاه دا لعياط كي شافني جا.. رواحي نتي هنا .. شفت في ماما ونهدر شا جابه هناا هذا وصلااته ورقته صاي مابقى حتى هدرة بيناتنا …. ضرب خزنة دايرينها تاع صبابيط وجا لجيهتي.. كي شفته هربت للكوزينة لحقتنا ماما روحت ديراكت رفدت خدمي… جا … زعم تخوفيني كي رفدتيه قبل لا دخليه في روحك انا غادي ندخله … ندخله في روحيييي عاود عاوود شا قلت وعلى جالك نتااا تقربني اقسم بالله نضربك بيه… نطقت ماما… خرج علياا من داري هيااا ماخصنيش مشاكل لا ضرباتك انا نعاونها فدفينة حوجي قليل ما درتو في بنتي جهلتو بربي عيب والله لا عيب .. بيني بين مرتي مادخليش روحك وخلي لقدر بيناتنا… تزايد هو وياها فلهدرة دخل بولحية حتى هو بداني ولي مع راجلك ووو وداك يقوله غير نهدر معاها تالية قاع خلونا وحدنا وفتنا لصالة وطبعا مانسيتش ندي معايا لموس للحماية .. دخلت ونلعب بداك لموس .. شاف فيه وسكت .. شا راني نبان قدامك وليتي تدخلي لدار شرع وتخرجيلي وتجري على وراقي وترسليلي ورقة طلاق وتبدلي نميروو بزيادة… علاه غاضتك بفمك قلت ما نشرفكش هاذي خطوة كون نهار سمعت بيك تزوجت عليا درتهالك صاي لهنا وصاي كل واحد يحكم طريقه اووو بغيتو تهبلوني ولا من يماك ليك نتااا وصلت بيك تخرجني من نص لعرس وتكشفني ودير فياا لي درته على وااالو شا كنت خاسر لا سقسيتني بشوية نوريلك حتى شكون طفل ومشي خالي لي يخل رجال يدخلو لعرس بنته عند نساااا كشفتني قدام فاميلتي رايح تسقسي على طفل بردت كي عرفت بلي داك ولد خالتي رديت شعري مورا وذني… علاه ني نكثر فلهدرة صااي والله لا بزااف اقسم بالله هادي تاليتنا بغيت نهنى فراسي بزف علياا… سمااااح هاا سيدي سمااااح حتى نتي قودتي فيها بزااف وين ما دوري راجل راجل وكل شي تخلط ديك دقيقة لميتلك لميتلك وصاي طردقتيني نتي غلطتي وانا غلطت كي وصلتي ترسلي لورقة صاي ماعندك وين تزيدي هيااا معايااا
38
ماعندي وين نجي معاك صاي انا ونتا ماعندنا حتى فرصة باه نولو كيف كيف اصلن انا من نهار لول كان لاازم نخطي دي خطوة ماعرفتش كيفاه نجمت نصبر وستحملت نعيش معاك فدار وحدة و بيت وحدة ونخليك تزيد تمسني كون قتـ,ــ,ـلت روحي وماخليتكش تزيد تمسني بالك صح كنت ضعيفة وفي حالة صدمة راجلي لي بغيته وحسدوني عليه قاع ناس دارت دنيا وتزوج عليااا قال خصني ولااد قال كون جيت في بلاصتي تقبل ندير لي درته حتى انا حقي نكون أم انا والله ما نديرها اذا مشي في وجه حبي ليك كنت مانسمحش فيك بسبب العشرة لي بيناتنا نستعرف لقيتك معايا فحلوة ولمرة وكنت راجل معايا بصح لوقت لي كان لااازم تصبر معايا كثر من أي وقت نتا شا درت تزوجت وبدل ما تكون معايا راجل وليت راجل عليااا وصلت نتعاير وقدامك حكمت روحي باه دمعتي ما طيحش كانت لحظة بزاااف واعرة عليااا حرام عليك والله وتزيد تقولي ما تشرفينيش تكوني مرتي قاع لي قلتهلي ماكفاكش قولي اذا مزال باقي كلمات ماقلتهمش بالك ننسى ونسمحلك بلي خدعتني وتزوجت عليااا بصح كلامك ديك ليلة راه محفور هناااا نستعرف بلي جرحتك بهدرتي وهنت رجوليتك بصح كنت مجروحة كثر منك ماعرفتش شاندير من غير نخلفهالك بصح نتا خليتني نندم والله انا تقولي ديك لهدرة انا خمس سنين وهي زوج مرات رفدت والله ماعرفت نضحك على روحي لي كنت لدي درجة غبية ونية ولا نبكي … على بالي كلاامي قاسك بزاف وكون ما درتش عليك وخليتك تخرجي لي قي قلبك بصح ماجاتش هنا نتي هدرتي حرقتيني بيها انا معاك ونتي تقوليلي وحداخر وفي زواجي الله غالب جاتني يما فلوسط ماكنتش غادي نهدر بصح كي وصلت هاك صاي يجيبهالي فصحتي لا كنت غادي نجي نقولك وقبل لا نخمم فزواج روحت ليما وقـ,ــ,ـتلها نربو طفل نربحو فيه اجر ناضت تعيط نربي ولااد ناس ووو عليها خممت فزواج بعد ما أكدولنا قاع طبة بلي محال ترفدي كنت جاي نقولك راني نحلف براسي وصحتي هي وقفتلي فطريق مانقولكش مشي حب فيك لا خافت لا ديري نفس شي لي راكي ديري فيه دروك حلفتني يقعد سر لي كنت نخمم فيه هو نتي برك مهيم تقعدي معايا ريحان انا بلا بيك مشي كامل نتي تكمليني انا راجل قانع بمرته كي شفت حالتك حشمت على شي لي درته ويما نعرفها ماتسكتش وما تبعدش عليك وتسمعك كلام ليل مع نهار على دي قبلت واذا نتي روحتي عليااا نعل بو لولااد مادرتس حساب لهذا نهار ولا تنجمي تقولي دا لي كنت خايف منه على دي خليتك تعرفي ديري حاجة في بالك مشي نتي لي وحدك حتى عرفتي بزواجي انا لي خليتك ريحان مانجمتش نقولها سبب لول حلفت ليما وسبب زاوج مانجمتش نجي نقولهالك وجهي فوجهك على دي خليتك تعرفي كل شي وحدك خليتك تشكي وداك لي صرااا أنبني ضميري نديرها بيك مشي انا لي نحي فوطو مرتي خمس سنين على جال ليلتين وكود تلفوني انا لي بدلته وانا نفسي لي تقصدت نخليك تشوفيه وكي كنت نغيب على دار ماكنتش عندها يجي نهار وتعرفي راني رايح.دروك نخليك تخمي قتهالك ونعاودها نتي لي تكمليني مشي غيرك وانا قانع بيك وبزيادة ديري شروطك وني قابل مهيم ولي وسماح للمرة الف ريحان نهار لربعا نجيب جماعة ونجي رجعي معايا وما تحشمينيش … ماقلتش كلمة بلعت فمي
كي جاا خاارج حبس.. لااغوب ني خلصتها وماتزيديش تكري عنده (نهار لي روحت نرد لغوب كشفني مول لحانوت دخلهالي فجديدة كي شافها نخلع قالي تخلصيها دروك عطيته نميرو تاع عادل وقـ,ــ,ـتله هذا يخلصك مين يعرفني خلااني نروح ماخافش زعم نكون نكدب عليه ولا خليتهاله وخرجت مابقى شا يلتبس فيها اصلن)
