35
كنت قاعدة في دارنا متكسلة ونتفرج دخل بولحية عندي… ريحان خرجي من صالة… علاه نخرج تسالني…. راك نهدملك فمك خرجي عليااا صحابي راهم عند لباب يستنو خزرت فيه رفدت سوالحي لي كانو تماك ونوضت فت لبيت زاوجة ما بلوكيتهش مزاله أمي ماخليت ليسطاتي ماخليت سطوريات لي يشوفوهم يقول هاذي راهي هاااانية في حياتها وماخصها والو هو لول دخل لسطوري شاف خلى vu على بالي راكم دايخين نرجعو لنهار عرس عيطلي مارديتش
عليه رسلي طفل قالي راجلك راه راه هنا يستنى فيك قالهالي قدام جماعة حشمت عاودت روحتله قالي زوج كلاامي… تجي معاياااا دروكك ولا نكشفك ونقلب عليك العرس.. عرفت بلي كاينة حاجة غير قبيل كان نورمال شفت نسا داخلين حشمت منهم وخفت كاش. مايدير روحت معاه .. حبست.. صاي بزااف ني نسمع فيك شا بغيت .. كي شاف مكان حد جرني من يدي لباب كانت خاااوية صالة من برا مكان حد ولوطوته كانت عند فم لباب …. وين وين دايني.. اقسم بالله لعرس نقلبه عليك يا ******* وغير ما تهدريش غير ماتهدريش وركبي. شفت من بعيد خالي ورجال ركبت معاه مين خرجنا من صالة ويعطيني وحدة ضربة على غفلة جاتني فلجنب وليت ناكل في روحي وهو تقولو حيط شعل دخانه… قلعي لي راكي لاابستهاا .. شفت فيه… رودني وين لقيتني رودنيييييي درووووك… قلعيي شااااا راااكي لااابسة… مانقلعش وقـ,ــ,ـتلك رودني وين لقيتني وبديت ناكل في روحي شعل علياا بصفعة …. ماتقلعيش تسمى … مد يده يقلع فلـ,ـملااية ويد يصوق بيها لوطو لعبت بينا لعب مانكدبش عليكم خفت سيرتو شا كنت لاابسة اخر حاجة خممت فيها نمـ,ـوت هاك … صاي شوف فطريق راك نقلعها … قلعتها … شكون راجل لي كنتي تهدري معاه وكنتي واقفة هاااك قدامه كل شي على براا لغوب جاية من فوق قااع مبلعة بصح فصدر شوية مكشوفة بصح تحت محلولة مين كان على بالي غير نسااا لبسـ,ـتها .. انا جيت نهدر ونقوله شكون وهو يطفي داك لڨارو فلغوب تسمى دارت تقبة ونحرقت ونحرقت معاها بلاصة لي حـ,ـرقها لصقـ,ـتلي مع لحمي انا نعيط ونقوله حبس زاد طفاه وين ما جاية محلولة شوية عند صدر وقطعها هنا صاي انا لي بديت نبعدله في يديه على لوطو وديك لوطو تلعب تالية قاع حبسها كانت بلاصة خاوية فيها دار وحدة حسبتها مهجورة…. شا كنتي ديري مع راجل وعلاه كنتي واقفة وحدك معاه شكووووووون هوو. يهدر ويضرب على راسي.. واش من راااجل وااااش من راجل وقفت معاه انااا. راجل مااادخلش لصالة… راني عمى بغيتي تعميني واقفة وتهدري معاه (من بعد فهمت بلي عيط عند مروى وردت عليه بنتها هي لي ورتله في لااكام وانا حاسبتها راهي تصور) كي شفته هبل.وبدا يخلط فلهدرة حليت لباب ونزلت ديك دقيقة هو نزل ضرب لباب وجا لجيهتي… كي بدا يوصف ويسب عرفته ولد خالتي بصح ماخلاانيش نهدر داك لا طفل غير مين جاي بصحته وطويل حسبه كبير كي بدا يعيط شعل ضو من ديك دار خرجتلنا وحدة كبيرة حسبتني من دوك لبنات وهو حنوني سيرتو بديك لغوب …. ايااا روحوووو منااا تقودووو
مخنزين مالقيتو وين تطلقو وسخكم جيتو عند داري هياااا خير من نعيط لبوليس . نطق هوو. دخلي حاجة شربي دواك وروقدي دخلي . بدات تعاير انا ركبت ملي ركب وهو يعاير…. مين بقات فرجال يشوفوك هاك انا شاندير بيك طيحي بيااا قاع هاك دروك فروخة يتفرجو في عرضي هذا لي بغيتيه تذليني هاك نزيدك حاجة قعدي قودي فداركم انا ما نتشرفش بيك مرتي صبغتي شعر وعريتي وخرجتيلها طاي طاي.. كلمة ماقلتهاش حطني عند باب دارنا. شفت فيه . نزلي قودي وتقعدي فداركم راك نرسلك قشك نوريلك لعب لي راكي تلعبي فيه معايا نزلي علياااا راك ندير فيك حاجة ونباصي… لبست ملايتي ونزلت…….
#الحلقات36_40
#الحلقة36
نزلت ططبت حتى حل عليا بولحية كان راقد كي شافني داك دخلت قلع خليت بو لحية ياكل في روحه فت بدلت قشي شفت ديك لغوب مولاااها خارجة ويوصي فياا عليها لبست بيجامتي لقيت ماما حارقة تلفون رسلت لختي ميساج بلي ني فدار وقعدت نخمم انا لي وليت دروك مانشرفهش نكون مرته تجي عليه يقول هاك وانا لي ضربني بمرا ومادرت حتى حاجة نخليه يعرف قيمتي زاد طغى عليا كثر يدير فيا رايه وينوض مرات يجرح ومرات يداوي كل مرة بشخصية وصبري يا ريحان راك نوريلك شكون ما يشرفش خوه صباح نوضت حاجة لولة لي درتها روحت لدار شرع رفعتله وخرجت وراقي اول مره ندير حاجة كيما دي وكي مانعرفش بداو يورولي ويفهمو فيااا فطلااق وشا ندير وشا نخرج وحدة مسكينة مابغاتليش بصح كي زيرت روحي معاها قاتلي حشية قيس 3 وليلي وكيما كان الحال رجعتلها ووجبتلها شا قاتلي جيبي ومن موراها ومن زهري وصلااته لورقة نفس نهااار لي تزوجت فيه صدفة واحلى صدفة غادي يتشوكا في روحه كي توصله ويقراها دروك بدا لعب تاع صح قلت لماما قاتلي كون خليتي غير نرد دار خافت لا يقبل يطلق وبولحية يذلني عنده بصح كانت تجري جري تاع صح على دار
37.نرجعو لوين حبسنا بعد يومين على نهار لي خرجتله فيه بعد ما عرف بلي داك غير ولد خالتي صغير لي كنت معاه واقفة تلفون ماحبسش حتى بدلت نميرو تاعي ❌❌❌❌❌
