33
جابتني فطنة كي بدا يبكي رفدته وقعدت نسكت فيه حتى سكت لميت رجليا وحطيته وين مايضحك نقول يا ربي طفل كيفه كنت فرحانة بيه بزااف بزااف جا نص نهار عمرلي داك الفراغ لي كنت نحس بيه مزية جات تقعد يامات اوموا نحي ديك سخفة لي في قلبي بدا يبكي كي طاحتله سوسات ناض عادل .. مزالك هنا نتا… درتله سوسات ورفدته عنقته حتى بدا يجبد فتريكو فهمت علاه يبكي يحوس يرضع هذا… نطق داك… وديك بلاصة شا خربك فيها نتا وقدم يديه بعدت… هاتي نرفده شوية من قبيل راه عندك… مانجيبش راه عندي… صحا عطيه ل ليلى ترضعه ونجيبهلك.. عطيته حليب… ريحااان من قبيل راه عندنا سمطنا والله يماه تكون توحشاته … خليهلي غير شوية وانا نديهلها بدا يبكي بصح مشي بكى داك غير بكية تاع تقلااش.. ططب لباب سمعت صوت ليلى حكمت في عادل حاولها تخليه والله نجيبهلها انا … ناض حل عليها .. دخلت .. سمحولي ماغبنكمش ياك… لا والله بزااف حلو ما دار والو زيدي شوية خليه… وين نخليه شوية لا بغيتي بيتيه عندك.قاع بيتيه ديري فيا مزية يا ريحان هاكي جبتلك هذا لما دافي خلوه عندكم حتى نشور غبنتني تربية غبـ,ـنتني كانت قريب تبكي .. جات عندي.. ريحان.. ماتزعفيش ختي من قبيل والله ماعندي حتى نية شينة من جيهتك تعرفيني نبغيك وولدي هو ولدك… تبسمت معاها مدتلي سوالحه وخرجت داك نهار في زوج تقول عمرنا شفنا طفل لبيت ماخرجناش منها والله ماحرت في حتى حاجة هو كي اذن لمغرب باسه وناض لبس خرج جات عندي ليلى ومروى تقولو انا لي جاية ضيفة وين ما يبغي يروح عند يماه تحاوزه خلااته يبات عندي رقدناه فلوسط وسهرنا معاه لزوج تاع ليل هو رقد لول وزدت انا موراه
صباح كي نوضت لقيته حاطه فوقه ويلعب معاه نوضت بزاااف مضرارة من تحت حسيت روحي مزيرة بزااف لوقفة ما نجمتش نوقف … شاف فيا.. مالكي.. منعرت.. كيفاه منعرت… حطه وجا لجيهتي… وين مضرارة.. من تحت.. بالك درتي فو جاست ولا.. مادرت والو .. صحا رفدي روحك بركي ما مهودة ظهرك… تمشي.. كي تمشيت فلولة نضريت بصح من بعد صاي… قـ,ــ,ـتلك غير فو جاست درتيه .. مارديتش لبست من فوق وروحت غسلت وجهي وجيت بدلت وحكمت بلاصتي درتله قرعة حليب لما كان مزال حامي كي عاد كان فتارمو دايرتها سبيسيال لولدها… بديت نشرب فيه.. ريحان كي تكملي ديه ليماه… علااااااه هي قاتلي خليه عندك بصح… ني نقولك رجعيه متوالفيهش غدوة كي تدي ولدها غادي غير نتي تنضري.. ما ننضر والو خليه ومادخلش روحك… مشي راكي رايحة لداركم ليوم… نسيت قاع كون ماقاليش مانجمش نروح ونخليه عنده صح غير نهار والفته صاي … هيااا قولي.. قعدت ساكتة.. الوووو.. مانروحش ليوم بطلت.. علاه… مزال على العرس… على جاله ياك… مدخلش روحك روح تخدم. هو خرج وانا قعدت معاه كي جات 9ونص خرجت اني وياه صبحت عليهم نطقت لعجوز.. ليلى مديلي مديلي طفل ملي جا ما شفته عطيني نشبع من ولد بنتي عطيني… سكت ومديت ل ليلى طفل خزرت في يماه وعطاتهلها باسته ومداته لخولة… حكميه عندك مادرتش عليها شربت لقهوة كنت دايرة مانروحش بصح من جاست تاعها بطلت اللهم نروح خير من تزيد تسممني بهدرتها لا يامس دارتلي داك جاست وصباح داته مني وعطاته لخولة من بعد منعرت شا دير وانا ماوليتش نجم صاي عيطت لعادل يجي يديني قالي نلقاك واجدة عندي خدمة نحطك ونفوت وداك لي صراا لبست وستنيته وداك طفل هاكااا قاعد يلعب قدامي تالمو خفت تنشعني ونروح مقنوطة ما رفدتهش وهو في قلبي عيطلي وجا يدي فاليزة حكمته.. عادل.. واه.. جيبهلي نبوسه.. شكون.. وائل.. ها دخلي سلمي عليه… لا جيبهلي نتا وما تقولش لياا.. دخلي تشو قدامي سلمي عليه… صاي بطلت هيااا نروحو .. جبدني ودمرني دخل معايا بدا يهدر مع خته ورفده مدهلي سلمت عليه ورجعتهلها … كي جينا خارجين وتالمو فاليزة كبيرة .. نطقت خولة.. ريحان ختي سماح بيناتنا والله ما بغيت توصل لهذا لموصل ماذا بيا تقعدي فدارك بصح مكتوب ربي ربي يفرجها عليك ان شاء الله ويفتح عليك بيبان الخير قعدت غير نشوف فيها مالها دي.. نطقت ليلى… علاه وين راهي رايحة… شافت في عجوزتي خولة… مشي راهي خارجة من دار… نطق عزبة تاعي… ودارها علاه تخرج منها راهي رايحة تعرس و يامات وتجي لدارها هذا دعاء لي طولتيه قاع عليه .. نطقت عجوزتي… ماقالت والو علاه كليتوها طفلة راهي مريضة.. كي قالت هاك خرجت قبله ركبت صاي بدات في راهي مريضة وصلني لدار باه خلاااني ننزل بلكشفة
وكيما كان الحال جاو خوتاتي لدار بولحية يدخل يسب ويخرج يسب وحنا مشي سامعين بيه قاع سيرتو حس لولااد كي قرب العرس وبقاله يومين ما خليت صباغة ماخليت ركبت شفار أ ظافار💅 تبدلت 180 درجة كنت حا نلبس قشي كيما قفطان وبلوزة ووو بصح كي شفت روحي حلفت ديت قفطان لي نخرك بيه وغوب هـ,ـبلت هـ,ـبلت عليها ديك لااغوب وماحبش يبيعهالي قالي جديدة وللكرية برك ونتي لولة راهي تجي فوقك جاية تهبل ديتها قبل يومين روحنا عند خالي لداره هو قال تلمو قاااع فلولة مابغاش بصح كي فوتله ماما سكت نسيت همه ويماه وطاسيلته قاااع مايفوتش نهار كون مايحرقش فيه تلفون ونهار لي لحق العرس عادل بلعاني هو لي جاب مروى وبنتها دار سبة بيها كنت عاطية بظهري كي دخلو هو كي شاف مرا زعم لعبها حشم خرج مروى ما عرفتنيش كي شافتني بدات تعيط غير راكي شابة راكي شابة
34
راحت معانا لصالة قـ,ـرتلها روحو في رحبة ركبنا مع ختي مغبونة تاع مروى لوطو قلبتها غمة لي كانت في شحال شادتها خرجتها ليوم وصلنا لصالة حنا دخلنا وخليناهم قالبينها برااا فات لوقت وبعد ما تعشينا روحت لبست ديك لغوب هاااا بغيتك غير نتا يا عادل تجي وتشوف خطابة مروى دارتها بلعاني قعدت بنتها حداها وبدت غير ديك خطباتك ديك خطباتك ديك طفلة كل شيء تعاودهله كي لبست ديك لغوب وليت نهبل بيها انا وحسدت روحي .. ماما لي تجي تقولها عليااا تقولي حكمي نميرو تاع وحدة ولا زوج منهم كي نطلقك من داك نعيطو لهاذو ومنيتها حكمت نوامر نسا ودارتهملي فصاكي كي بدا لعرس وزهو انا سماطلي كل شي كي تفكرت
مروى مسكينة ما أمنت راهي وحدها دارت رايها وتصاحبت مع ختي كبيرة مليح عيطلي بلاكام.. مابغيتش نرفد عليه هدرت معاه ابال عرفته راه تحت بدا غير خرجي عندي خرجي عندي من غيرك قلت نهود نوريله بلي ني زاهية ومانيش نخمم فيه داك هو تخمام لي كنت داك لوقت نخمم فيه لبست ملااية ماما قستها غير من فوق ودرت خيمار قسته على شعري وروحت نتعوج وكي جيت نايضة وحدة لمراا تشوف فياا وتضحك من بعد ناضت ماشفتهاش بلي لحقتني هودت عنده على بالي محااال نلقى راجل هنااا خالي يقطعهم كان وحده تماك.. كي سمع حس طالو دار عندي شفتو واحد كي ينخلع وتهربله لهدرة عادل كان هاك .. شا درتي في روحك نتي… هدر علاه عيطتلي.. شعرك علاه صبغتيه ريحان. .. ني شابة على بالي رايك خليه عندك ماعيطتليش باه تتفلسف علياا . سكت كي شفته سكت … هياا من بعد عيطلي وسكت كي حكملي يدي بلعاني طلقت ملااية باه يشوف لغوب… الله ينعل وجهك يا كلبة علاه معريتلهم روحكككك… كي حكمني خرجت ديك لمرا لي كانت تضحك معايا شفت فينا ماعرفتش راجلي.. كي شافها واقفة تخزر… مرتي هادي لحاجة راجلها انا…. اااااااا سمحيلي بنتي سمحيلي وانا جاية نديلك مرتك ونقول دي پوبية كيفاه ما طاروش بيها الله يهنيكم مين قالت هاك كون لقيت نلحقها ونبوسها من راسها وتشوفو كي ديتها في روحي وليت نطير من داخل بصح ما بينتش قدامه كي راحت بدا زعما يستر فيااا ويطلع فلغوب ويعاير في ديك لمرا تدي مك مشي تديها… خطبوك تسمى… واه وشديت نوامرهم شاف فيا وما هدرش.. غدوة تشوري يهدر ويبلع فلملاية… لا نزيد يومين فدارنا … صاي بزاف عليك قعدتي بزااف .. علاه عيطـ,ـتلي. بغيت نشوفك برك هذا مكان… هياا شفتني ني رايحة… رفدت ملااية وروحت.. عيطلي.. ريحان.. نمشي ونهدر ونتعوج ما دورتش عنده… شابغيت.. ستري روحك جبتلك ربي وبدلي هاذي لغوب راك تجيبي لروحك غير فلعين وما انا راكي عندي وفي داري ماتغيرينيش ما تحاوليش ديري حاجة تضرني ونتي لول لي غادي تأذيك لعين حق لي رانا فيه بزاف… جيت نهدر سمعت صوت رجال خزر فيااا دخلت نجري ملي خرجت عنده وهو تلفون حرقه بلاكام وليميساج. يعيـ,ـط عندي عند مروى ومارديتش تالية قاع جات عندي بنت مروى قاتلي عمي راه فتلفون هاا جا ولد خالي داخل جا عندي صغير يا ربي 20 سنة روحي يااا بنت مروى قوليله راهي تهدر مع وحد راجل وحدهم
