39
صاي لربعا إن شاءلله… واقيلة حسبت روحك كي قتـ,ــ,ـلي زوج كلاامي اثرت فيااا انا مانوليش معاك ومكان لاه تجيني لا لربعا لا خميس لا جمعة صاي ودير فياا مزية دوك وراقي توقع عليهم…. ني قتـ,ــ,ـلك لربعا نجي وجدي روحك قالها وحل لباب خرج دخلت ماما… شا كان يقولك كون مشي داك كلب والله ما نخليه يهدر ولا تقعدو وحدكم… مااما صاي حمبوك … شا قالك وعلاه كان يزقي… حكيتلها ماما شفت داك الحقد لي كانت حاقداته على عادل شوية نقص .. خلي يجي لربعا ديجا شريت موس كبيررر للعيد لكبير خلي نعيد عليهم وصاي علاه نضيع دراهم ونشرو كبش غير هما يكفو… عيطلها راجلها جابتلي ضحك كي تفكرت هدرته ختافت ديك ابتسامة مادخلتليش لراسي شكون راجل لي يبين لمرته بلي راه خادعها ويخليها تعرف اذا صح دارها يكون باغيها تخرج من حياته بصح هو العكس ودليل رسلتله وراقي وما وقعش بلعكس جا يطلب فسماح بزاف اسئلة طاحو عليااا بصح شكون يجاوبني صونا تلفوني. لقيته شيخي.. رديت عليه .. الو واه بويا.. جاني صوت لعجوز… الله يبليك بهموم دنيا ويخلي جنابك ويسود سعدك بغيتك ماتشوفيش نهار فيه خير تنوضي تبكي وترقدي تبكي كيما خليتيلي داري لمرا لي توصل تدخل لدار شرع وترفع لراجلها وترسله لورقة لداره ماهيش مراا ديك *******…. اشرف منك ومن طاسيلتك كون عسيتي غير بنتك ومن بعد رواحيي قولي عليااا ***** نرفعلها ليوم وغدوة وندخل مشي غير لدار شرع انا لي يبغي يذلني ويركب فوقي باه نجيب حقي ندخل لنار ولي راكي تقولي عليها ***** رسلت لولدك ورقة طلاق وجبته عند باب داري يحاول ويطلب فسماح ودعا لي دعيتيه عليااا يخرج فيك ان شاء الله وحدة كيفك مانخافش قاع من دعوتها نتي قعدي تدعي وانا نشكي لربي ايا ايا ضيعت وقتي بزااف معاك نتي كون مين سمعت صوتك كوبيت كي جات ترد . كوبيت عليها ووليت ندعي مالغري صافية من جيهة ربي بصح نخاف من واحد يدعي عليااا
دخل بو لحية عندي… سمعي نهار لربعا راه جايب جماعة وترجعي معاه راجل قيمك وبغا يرجعك ويديرلك قيمة ماطيريش بزاف مشي نتي لولة خدعك وتزوج عليك راجلك هاهي مك لعام لول لي مات فيه بوك تزوجت دنيا ماتحبس حتى عند حد دوملك غير دارك انا غادي نبيع دار قريب ان شاء الله ونشري بطيمات فيها زوج بيوت قد راسي وراس مك تسمى فهمي روحك ورجعي مع راجلك… نتا شكون باه تبيع دار بابا روح لرزق بوك وبيعه كون جيت راجل ماتعيش من رزق مرتك خدم على روحك وطردق جيبك دار بونا هادي دخلت ماما تجري كي سمعت عياط هو يحلف ويقولها تخرج عليااا وهي تحلف وتقولي سكتي خبط لباب وخرج… كيفاه دي يبيع دار مشي قتيلي قريب نفريها… والله ما يبيعها خويا لكبير هو شاري لي بغا يشريها وهو ما يعرفهش غادي كي يروحو يتكاتبو يقلب عليه كل شي وتولينا دارنا نتي ماراكي فاهمة والو والله ماتنباع دار بوكم والله… راك نشوفو تاليتها ودروك كيفاه قالي خرجي ومانلقاكش كي نجي واد يحلف… سكتي وماديريش عليه. مهيم حكميلي غير فمك وصاي الله يرضى عليك حتى ختي راجلها جا كون روحت قعدت عندها بففففف كرهتتت والله غير كرهت من دي لعيشة خايفة ضربة من ضربات نضربه بحاجة خرجت وبلعت عليا فصالة خافت يدخل ويسمعني قعدت وتفكيري راح لديك ليلة لي عرفت فيها بزواج عادل وكيفاه بديت نشك فيه كل شي تخلط عليااا وزادني كلب تاع بولحية يطرد فيااا من دارنا نصبر ونشوف تاليتها كيفاه غادي تكون
40 تسريع احداث
غدوة لربعا ديك ليلة مارقدتش قاعدة غير نخمم في غدوة صبح عليااا الحال و انا حالة عينيا ما غمضتهمش 7نضت غسلت وجهي وطيبت قهوة حطيتها دخل بولحية…. جيت خارجة… سمعي نتي راهم من بعد جااين مانضلش نوضي ونهدر… مادخلش روحك فحياتي نتا بذات ماعندك حتى حق علياا… عندي حق مدامكي في داري وفرغ يشرب.. خرجت وخليته تلاقيت بمااما صبحت عليها وروحت نرفد فراشي جوايه 10 سمعنا ططيب حكمت قلبي حسبتهم هما حتى لقيتها احلام ختي جاية بفاليزتها بلا ولاادها من غير ولدها لي يرضع دخلت سلمنا عليها باينة جااية مقلعة وعندها حاجة دخلت
صحا قعدت من بعد عيااات ساكتة ونطقت… غادي نطلق.. شافت فيها ماما… شا كاين ثاني علاه تطلقي… مكان واالو بغيت نطلق وصاي… شفت فيها خليني نطلق ولا بغيتي طلقي . مالكي نتي ثاني علاه بغيتي تطلقي.. سكت .. حكاتلها ماما دارت شافت فيااا.. بغا يجيب جماعة ويردك وراه يحاول فيك وبزيادة رسلتيله ورقة طلاق على بالك كون غيره ديك دقيقة هو يطلقك غير لي وصلتي رفعتيله .. انا ضـ,ـربني وعايرني وطيح بيااا ينوض يعيط ويرقد يعيط وتاالية قاااع خدعني وفي وجهي راقد معايا وحدايا ويهدر وانا راقدة حداه حاكمتني غصة فقلبي نصبر في روحي غير بولاادي مانيتمهمش في بلاصة ما يطلب سماح مابقات عيشة في رحبة وصاي ماراكيش كيما كنتي وبغيت نبدل خصني مرااا لي تقوم بيا وتتهلى فيا مشي ملي تنوضي ونتي لااهية بولاادك وانا +- ماتحوسي عليااا ماتسقسي كون جرب يقعد نهار واحد فدار يشوف حاسب مين يدخل يلقى دار كيما خرج ما على بالهش بلي نظل نقي ونسيق ونغسل ونطيب ونربي ونندب عمري نسيتها وسمحت فيها. دسيت دسيت بزاااف فقلبي غادي يطردق باه مع تالي يقولي بغيت نبدل وطاحت تضرب فروحها ياااا ما سمحيلي هذا هو راجل لي دخلتك على جاله سبيطارات.مادعيتيش عليااااا بصح ربي مانساكش ني نخلص ياااا ماااا نغبنت بزااف قالي هدرة ضرتنييييييي بزااف يااا مااا ما نجمتش ني مخنوقة طردقت ضربة وحدة كانت نورمال غير دروك انا نحكملها في يديها ويما تعنق فيها وتبكي وما نجمناالهاش هبلت تاع صح. وجها ندباته وداك طفل غير يبكي. عمري شفت ختي هاك تالية قاع داخت نسيت روحي وبديت نبكي ونجري بداك طفل جبتلها لما بدات ماما ترش عليها حليت عينيها وقاعدة تبكي وتخلط فلهدرة وتقولها غير سمحيلي ططبو فلباب رفدت طفل وروحت بخلعة ما قلتش حتى شكون لقيته عادل وشيخي و4 رجالة كبار وواحد خلعني كي راه واقف لكبر باين عليه رااجل كبيررر.. كي حليت خزر فيااا … ودخل هما بعدو على لباب .. نتي غير تحلي غير تحلي جد لباب… عادل رحمة على والديك روح مناااا ماخصنيش فوق لي راني فيه حـ,ـمبوووك روح… قـ,ــ,ـتلك نجي لربعا ولي راهم براااا يقااارعووو ماحشمتيش من كبرهم… صاي روح برك راك نولي معاك بلا دو جماعة غير روح دروك.. بدا يشوف وفطفل… شا كاين مالكي… مكان واالو ختي مريضة شوية نتا روح دروك وانا من بعد نجي معاك مهيم روحو دروك رحمة على والديك ماخصناش مشاكل…. غادي نروح ونجي من بعد نديك بفمك راكي تقولي نجي معاك … ايه نجي نجي صاي.. ريحان راكي مليحة… راني مليحة ايه. كنت نحوس غير يخرج وليكيديه كون يجي بولحية ويلقى احلاام هنا في ديك حالة والله ما نباتو فدار . كي جا خاارج ونسمع ماما عيـ,ـطت … ريحاااااااان جريلي ختك ريحاااان… شاف فيااا … شا كاين روحت نجري لقيتها طايحة وغايبة على لوعي … جري ختك ماراهيش منجمة تتنفس. حطيت طفل وروحت بغيت نقيس عليها لما بلخلعة.. حكمني .. ماتقيسيش لا عمرك تقيسي على واحد لما وهو هاك .. جيبيلي حاجة نرفدها بيها…. شا نجيبلك شااا نجيبلك رفدها كيما راهي ماراكش تشوف راهي تموت رفدها بيها ب لحااف لي كانت قاعدة عليه ماما خرجت بلبدعية و دارت خيمار فوقها وانا قعدت فدار حكمت ولدها .. لي كانو عند لباب كي شافو هاك داهم شيخي وليت نرجف فدار وزاد ولدها غير يبكي مابغاش يسكت وليت نعيط وحدي فدار حرقت تلفون واحد ماردش تالية قاع مين رد خلعني كنا في فقدت لوعي ولينا في يليقلها عملية لقلبها وليوم
يتبع
