_________________________
في المنزل السيوفي…
اميرة كانت قاعده في عيونها دموع من نور انها مشيت قالت: ليه كدا يا نور تمشي انا مش عارفه هعمل اي دلوقتي انا مش عارفه ازاى هقعد هنا ابقي مطمئنة عليكي وانتي في مكان بعيد عني
ميار طلعت من الاوضه بتاعتها.. قالت.: ماما انا ماشيه عا.. قبل ما تكمل استغربت من انها بتبكي. قالت بقلق: ماما مالك في اي اي اللي حصل؟
اميره اتنهدت: نور مشيت يا ميار
ميار بفرحه شديده بجد
اميرة بصت ليها باستغراب
ميار زالت الابتسامة من ملامحها بسرعه قالت بتصنع الحزن: بجد يا ماما مشيت ازاي تخليها تمشي كده
اميرة بحزن: معرفش لقيتها طلعه من الاوضه في ايدها الشنط و ماشيه.. ابوها كان مستنيها
ميار بفرحه جواها قالت بتمثيل: قد اي هي جبانه يا ماما ازاي تمشي. كدا و تستسلم لكل ده هي كدا بتثبت لينا انها عملت كدا و انها خايفه لا لا نور مش عجبني اللي هي عملتو ده يا امي
اميرة اتنهدت بحزن فضلت ساكته حزينه جدا من انها نور مشيت
ميار قامت بأست راسها بابتسامة: ولا تزعلي نفسك هي هتبقي مرتاحه في بيت ابوها احسن من هنا ب كتير صدقيني. كملت ب غل: و حتى كمان احسن ليها طول ماهي قاعده هنا وليد هيبقي قدامها هي هتتعب اكتر تحس بالوجع جواها علشان بتحبه.متنسيش اننا قريبأ باذن الله انا وهو هيبقي في خطوبه.
اميرة بحزن: يلا خير إن شاءلله لعله خير يا بنتي.
ميار درات ضهرة: سلام يا ماما.
قالت ب قسو: فعلاً لعله خير يا امي طالما هي مشيت خلاص. انسئ حاجه تخليني اشغل بالي او اي حاجه صدقيني يا نور هتتصدمي صدمه عمرك كمان لسه اكتر من كدا لما تسمعي احلي خبر و ان وليد اللي انتي بتحبيه انا وهو بقينا لبعض يا ست نور
_________________________
نور كانت سنده رأسها ع الكرسي ل ورا بتاع العربية بحزن شديد بتفكر في كل حاجه. بتحاول تتمسك دموعها مش عاوزه تعيط التفكير مش عاوز يروح من بالها و كل اللي حصل و وجع جسمها….
هاني بص ليها بابتسامة: نور مالك ساكته كدا يعني مالك سرحانه في اي
نور انتبهت لي: هاا لا مش سرحانه ولا حاجه يا بابا
هاني بفضول: اومال مالك بقا يا حبيبي؟؟
نور بابتسامة بسيطه جدا: صدقني انا معاك اهو مش سرحانه. بس نعسانه شويه
هاني بابتسامة: طيب يا حبيبي ان شاءلله نصل و تروحي تنامي براحتك
نور بنفس الابتسامه بسيطه: باذن الله يا بابا
هاني ركز في السواقه. و سرع في السواقه
نور اتنهدت سندت راسها علي الكرسي ل ورا اغمضت عيونها مليئة بالدموع.
_________________________
بعد وقت طويل.
كانو وصلو هاني ركن العربية.
و نزل هو و نور.
امينه بصت من الدور الثاني من البلكونة. عليهم بهدوء. راحت نزلت
فتحت بابتسامة مليئة بالهدوء
نور بصت ليها اول لما فتحت
امينه بابتسامة: نور حبيبت قلبي حمد لله على السلامة يروحي حـ,ـضنتها.. بابتسامة: نورتي بيتك يا حبيبت
نور بدلتها الحضـ,ـن بهدوء: الله يسلمك
هاني داخل بابتسامة ليهم. داخل الشنط.
امينه مسكت ايدها و دخلو. قفلت باب
قعدوا في الصالون: والله نورتي البيت يروحي
نور بابتسامة بسيطه: دا نورك ياقلبي
امينه بابتسامة: مبسوطه انك جيتي يا نور عيني عارفه دا انا مجهزة ليكي الاوضه بتاعتك و الاكل و كل حاجه علشان خاطر عارفه انك جايه تعبانه ي قمري
نور بصت ليها بابتسامة: تسلميلي يا عمري
هاني كأن قاعد باصص ليهم بابتسامة. شايف ان امينه مبسوطه بيها و ان نور بتتكلم معاها
نور بدأت تسرح و ملامحها ظاهر عليها الحزن
امينه بهدوء: مالك يا نوري انتي زعلانه ليه؟؟
نور انتبهت ليها قالت بحزن: لا مش زعلانه ولا حاجه… قامت: ممكن توريني الاوضه بتاعتي علشان عاوزه اغير هدومي علشان كمان عاوزه اصلي
هاني بابتسامة: امينه وريها الاوضه بتاعتها قومي
امينه قامت بابتسامة: حاضر تعالي معايا يا نور عيني.
شألوا الشنط…وراحو علي الاوضه بتاعتها.
“ولا تحسبن الله غافلا عما يعمل الظالمون،إنما يؤخرهم ل يوم تشخص فيه الابصار ”
يتبع..
