قبل عشر سنوات
الف الف مبروك ياعمري هاد أحلى خبر بسمو بحياتي واخيرا رح يجينا بيبي صغير
الهام :ههههه والله لي بشوفك فرحان بقول متزوج من سنين ولهلق ما اجاك ولد
كريم : لك انا عم استنا ها الخبر بفارغ الصبر
يا الله ايمتا بدي احملا وشوفا بين ايديي
الهام :تحملا 😲
كريم :اي والله مشتهي يجينا بنت كتير بحب البنات
الهام :بس انا بدي صبي
كريم :كل شي من الله حلو المهم الخلقة التامة
مدام انتي فيكي تفوتي ترتاحي بالغرفة
الهام :اه شو حكيتي
الممرضة :كنت عم قول فيكي تفوتي ترتاحي بالغرفة من مبارح انتي اعدي ع الكرسي
الهام :كيف بدي ارتاح وبنتي عم تروح من بين ايديي …كيف بدي نام وهي عم تتوجع والأجهزة معلقا بجـ,ـسـ,ـما
رامي :مدام ممكن نحكي شوي
الهام :الله يخليك لاتسألني عن شي بس طمني عن بنتي
رامي:مرام وضعا صعب ما عم نقدر نعرف كيف وصلت لها المرحلة
الهام :والله ما كان قصدي قلا اني بحبا والله ماكان قصدي 😭😭
رامي:طيب خلص اهدي
بس لازم تحكيلي كل شي من شان نقدر نساعد مرام
الهام :انا كنت بالغرفة عم احكي معو هي ليش هيك عم تعمل والله انا بحبا
رامي :ياربي والله ماعم افهم شي
الممرضة :مدام لو سمحتي قومي معي
رامي :عطيا ابرة مهدئ بركي بترتاح وبتقدر تحكي لازم اعرف السبب
الممرضة :حاضر دكتور
رجعت اتذكر …..
الهام :كريم الحقني اطلب الاسعاف
كريم :يلا حبيبتي انا جاي فورا
الهام :(عم تصـ,ـرخ ) كريم من شان الله الحقني ماعاد فيي …رح اولد …اااخ يا امي
كريم :دكتور الله يخليك ساعدا خايف يصرلا شي
الدكتور :
لاتخاف امورا تمام
بعد ساعتين :
الدكتور :مبروك اجتك بنوتة
كريم :الحمد لله ياربي،ألف الحمد لله
شكرا دكتور ،ممكن فوت شوفا
الدكتور:اي طبعا
كريم :الحمد لله ع سلامتك حبيبتي
الهام :الله يسلمك
كريم :دخيل الله ما أحلاها ،يييي والله بخاف احملا كتير صغيرة ،امممم بتشبه ابوها
الهام:هههه بتشبه امها
كريم :بدي سميها مرام
الهام :لاء ما حلو
كريم :بالعكس كتير لابقلا
خلص بوعدك البنت التانية انتي بتسميا
الهام :التوبة ما بقى عيدا لسا بدي جيب ولاد بعد هالعذاب ،شفت الموت بعيوني
كريم :ههههه امي وستي حكو قبلك نفس الحكي وكرو دزينة
