عبد الله
ما فيش بواب تاني غير دة
عادل
انت كذاب
ودخل عادل جري للاوضة اللي دخل فيها البواب الاولاني وبدا يدور في الاوضة اللي كانت فاضية ما كنش مصدق نفسه وكان هايتجنن وخرج بسرعه من الاوضة ومسك في هدوم البواب الاخرس وقال
فين اللي كان هنا انطق
عبد الله
ما حدش هنا غير البواب دة
بص عادل ل عبد الله وقال بعصبية
انت تخرس خالص.
ورجع بص للبواب الاخرس اللي كان مفزوع من هجوم عادل عليه ومش قادر يدافع عن نفسه وقال عبد الله وهو رايح ناحية الاسنسير
بضيع مجهودك علي الفاضي. كفاية ضـ,ـرب في البواب واستمتع بنغمة موبيلك اللي هاترن دلوقتي
ورن الموبيل مع صوت عبد الله اللي كان بيعزف النغمه بصوته بص له عادل وهو مش مصدق. وعبد الله ركب الاسنسير وعادل طلع الموبيل من جيبة وكانت مراته هي اللي بتتصل. واول ما فتح المكالمة سمعها بتقول مع بصة عبد الله لي وتحريك شفايفة بنفس الكلام اللي جيهان بتقوله وكان عبد الله هو اللي بيقوله وكانت جيهان بتقول
عادل انا حامل. الراجل اللي كان عندنا دة مكشوف عنه الحجاب
عادل ما كنش بيرد وباصص علي الاسنسير اللي ركبه عبد الله اللي كان باصص له لغاية ما بقي في مستوي ما ينفعش يشوفو في وجيهان عماله تقول
عادل. عادل. رد عليه
لكنه لسة ساكت ووقف الاسنسير في الدور السادس حط الموبيل في جيبة وطلع السلم جري ورن جرس باب شقة عبد الله اللي فتح له وهو بلبس النوم. وقال
انت مين
عادل كان باصص له وهو مبرق
وقال
انت لحقت تقلع امتي وتلبس الهدوم دي
عبد الله
يعني انت جاي تصحيني من النوم علشان تقولي انا قلعت امتي. انت مين وجاي لية في وقت متاخر زي دة
عادل مسك في رقبته ودخل بي الشقة وهو بيزقه وقال
انت لية عايز تجنني كل دة علشان بدور علي حق بنتك فريدة
عبد الله
مالك انت ومال فريدة. دي مسافرة مع جوزها
عادل
مسافرة فين. اومال جثة مين اللي انا بشرحها
عبد الله
يا اخي فال الله ولا فالك انت جاي تبشر علي بنتي وفي وشي.
وبدا عبد الله يزق عادل برة الشقة وهو بيقول
عارف انت لو ما خرجتش دلوقتي انا هطلب لك مستشفي المجانين يجو
ياخدوك من هنا
عادل
انت ازاي بالجبروت دة بنتك مقتوله وانت كدة. لا وكمان بدافع عن جوزها وعادي لو خلاها خاينة
عبد الله
انت غلطان بنتي مع جوزها في اسوان
عادل ما قدرش يتمالك نفسه وضـ,ـرب عبد الله لكمة قويه وهو بيقول
كفاية كذب بقي
صرخ عبد الله باعلي صوت عنده وبدا يستنجد بالجيران ويطلب انهم يلحقو وفعلا الجيران اتجمعوا ومسكو عادل وقدرو يبعدوا عن عبد الله، ،،،،
بعدها بكام ساعة ومن جوة مكتب ياسين مفتش المباحث يقعد عادل وياسين كان بيقول بعصبية
اية اللي انت هببته دة
عادل
ياسين انت ما تعرفش اية اللي حصل
ياسين
ولو ما يوصلش بيك الحال انك تروح ل عبد الله دة بيته وتتهجم عليه
عادل
دة راجل شيطان وعايز يجنني تخيل انه عرف ان موبيلي هيرن قبل ما يرن
ياسين
لية ان شاء الله بنتعامل مع المسيخ الدجال
عادل
والله العظيم دة اللي حصل وقال ل مراتي انها حامل قبل ما تكشف وتعرف انها فعلا حامل
ياسين
عادل باين اوي ان قضية فريدة دي واللي كان بينك وبينها عمل لك مشاكل في دماغك احنا في غنا عنها
عادل
ياسين انا مش مجنون وعارف انا بقول اية وعبد الله دة مش طبيعي
ياسين
طيب ممكن تهدئة وتروح ترتاح والملف بتاع فريدة دة نحوله لدكتور تاني
عادل
ما حدش هيقرب من فريدة غيري انا مفهوم
ياسين بحدة
لا مش مفهوم. ما لما العواطف والحب يختلطو بالشغل نبقي احنا رايحين علي كارثة
عادل
ما فيش اي كوارث وتقريري النهائي هيكون قصاد منك قبل غروب شمس بكرة
وراح عادل ناحية باب مكتب ياسين وفتح الباب علشان يخرج لقي قصاد منه فريدة واقفة علي رجليها وجنب منها جوزها علي الغندور،،،،،،،،،
ازاي دة حصل هو في اكتر من فريدة هقول لكم بس مش النهاردة. عملت اللي عليه ونزلت الحلقة مستني تعملو اللي عليكم وتعلقو سلام
