رواية فريده الجزء الاول الحلقه الثالثه بقلم الكاتب محمد منصور حصريه وجديده
وبعدها بشوية ومن جوة العمارة اللي كانت ساكنة فيها فريدة يقف عادل مع البواب وكان عادل بيقول بعـ,ـصبية
انت فايق وواعي للي انت بتقوله دة
البواب
ايوة يا بية
عادل بنفس الحدة
ايوة اية. ازاي دة يعقل
عبد الله ابوه فريدة يبقي جوزها انت مجنون
فريدة
من تاليفي
محمد منصور * منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
البواب
وفيها اية لما الحج عبد الله يبقي جوزها
عادل بعصبية
انت عايز تجنني عبد الله دة يبقي ابوها يتجوزها ازاي
البواب
يا بية عبد الله يبقي جوز اختها الميتة
عادل حس ان دماغه لفت وقال
انت بتتكلم عن فريدة غير اللي انا قاصدها. ركز معايا الله يرضي عنك انا بكلمك عن فريدة بنت عبد الله السيد
البواب
هو انت مالك يا بية ما اني عارف انك بتتكلم عن الست فريدة اللي جوزها قتـ,ــ,ـلها
عادل
جوزها اللي هو مين
البواب
عبد الله السيد
عادل
اومال علي الغندور يبقي مين
البواب
دة طليقها
عادل بحدة
هو ما فيش حد غيرك اتكلم معه. انت راجل مجنون وعايز تجنني معاك
البواب
وانا بس هجننك لية انت بتسال عن الست فريدة وانا بجاوب باللي انا عارفه اصل حكاية الست فريدة تعرفها كل سكان العمارة. وهي حكاية ملخبطة لكن لازم تعرف يا بية ان اللي هقوله ليك هو اللي حصل
بعد الجملة الاخيرة دي حس عادل ان البواب دة فعلا يعرف الحقيقية وعنده الحكاية من بدايتها للنهاية فقعد عادل علي الدكة وقال
قول اللي عندك
قعد البواب جنب منه وبص له وقال
الست مديحة اخت فريدة الكبيرة كانت متجوزة من عبد الله السيد اللي اسمه نفس اسم ابوها عبد الله السيد لكن اسم الجد عند جوزها درويش. واسم جدها مصطفي
وكبرت فريدة في بيت جوز اختها واللي رباها من وهي في اولي اعدادي وكل اللي في العمارة والمنطقة اعتبروها بنته لكن اللي حصل بعد موت الست مديحة كان اغرب من،،،،،،،
وسكت البواب بشكل غريب فقال عادل باهتمام شديد
سكت لية
البواب
عايز اشرب شاي دماغي بتزن
عادل
وهو يعني دة وقت زن
البواب
هعمل لك معايا شاي
عادل
مش عايز اشرب زفت
البواب
طيب انا هخش اعمل شاي وكمان اعمل حمام وارجع لك علي طول
اتنهد عادل من الزهق والبواب دخل اوضة اللي تحت السلم وعادل باصص عليه وهو قرفان منه اصله كان عايز يكمل الحكاية وشاف باب الاوضة وهو بيتقفل ورجع يبص علي الشارع شاف قصاد منه عبد الله اتفزع لكن عبد الله ابتسم وقال
وانا بقول لية الشارع منور كدة
عادل
منور باهله بس انت ازاي دخلت العمارة من غير ما اسمع خطوات رجليك
عبد الله
سيبك مني وقولي قاعد ليه في الشارع كدة تعالي نطلع فوق
عادل
لا معلش اصلي مستني واحد
عبد الله
البواب
عادل وقف وقال
دة انت شوفتني وانا قاعد اتكلم معه
عبد الله ضحك
قاعد تتكلم مع مين. بواب العمارة دي اخرس
عادل اتصدم وفي عز صدمته خرج البواب من اوضة لكن واحد تاني غير اللي كان قاعد معه والبواب دة سلم علي عبد الله. بلغة الاشارة لانه فعلا اخرس. برق عادل وقال
مش دة اللي كان قاعد معايا
