الفصل السادس والعشرون والسابع والعشرون والثامن والعشرون من رواية شمس تتحدى الغيوم بقلمي عبير سليم حصريه وجديده

عهد :انا عاوزة امشي من هنا عاوزة ارجع بيتنا

عاليه:عهد ياحبيبتى الله يخليكى فوقى واسمعينى

عهد :عاوزانى اسمع ايه مش هو ده اللى كان نفسكم يحصل اهوه حصل خلاص يارب تكونوا مبسوطين دلوقتى

عاليه وهى تمسك بوجهها:حبيبتى انا مش ممكن اكون مبسوطه وانتى تعبانه

عهد: انتى كنتي عارفه كل حاجه كنتى عارفه انه بيحب فشرم وعايش حياته وانه حيرتبط بيها لما يرجع

ليه مقلتليش ليه منبهتنيش ليه سايبانى افضل مخدوعه وقاعده منتظراه على امل انه يرجع ويحس بية ليه ليه ده انا اختك يعنى انتي فرحانه انه حيرتبط بشمس لكن مكنتيش حتبقي فرحانه لو ارتبط بية مش كده طب ليه ليه انا عاوزة افهم هى احسن منى فايه بتحبه اد انا مابحبه

انا من يوم ماوعيت عالدنيا وانا بحبه بحبه ياعاليه ومش حقدر مش حقدر اشوفه مع واحده غيري انا عاوزة امشي عاوزة امشي ياعاليه الله يخليكى

فى الأسفل
شاكر :ياااه كان نفسي اوى افرح بيك واشوفك عريس قبل مااموت
عمر وهو يقبل يديه :الف بعد الشر عنك يا حبيبي
مروة:وحتروح تتقدم لها رسمي امتى بقى

عمر:قصدك حنروح مش حتروح كلكم طبعا حتيجوا معايا
عمر وهو ينظر لهاله:كل الموجودين دلوقتى وحاضرين معايا
وكتبلهم التاريخ انهم يشهدوا هذه المعجزة حيكونوا معايا ان شاء الله

بالطبع كان يقصد هاله التى كان عقلها غير مستوعب مايحدث ايعقل ان تذهب معهم فى امر هام يخص عمر

عمر الذي كان يظهر لها عداوته على مدار سنوات وسنوات
ثم يتجه عمر بنظره :الله امال فين عهد وعاليه راحوا فين
على سريعا :عاليه طلعت عشان تاخد الدوا وعهد طلعت معاها انا طالعلهم اشوفهم وننزل سوا

يصعد على يسمع صوت نحيب اخته الصغيرة وهى تقول لعاليه:انا مش مسمحاكى ياعاليه مش مسمحاكى انك خبيتى علية
فيفتح الباب:عاليه ملهاش ذنب ياعهد انا اللى طلبت منها ماتقوليكيش

عهد :ابيه على
على:ايوة انا ابيه على زى ماعمر يبقى ابيه عمر ياعهد

انتهى الفصل النهارده يارب يكون عجبكم واهم حاجه وحياة اغلى حاجه عندكم ما حد يقوللى الفصل صغير اقسم بالله انا بكتب فيه بقالي خمس ساعات لما خلاص حاسه انى حتعمى
لكن مهانش علية تستنوا الفصل ومنزلهوش
واشوفكم على خير ان شاء الله
🌸🌸🌸🌸🌸🌸🌸🌸🌸🌸🌸🌸🌸🌸