رحت لداري عادل كان كاريلي باطيمات خملتها وجات فطرت عندي ماما واختي وجداتي عادل وجه البراءة قدامهم ماما قـ,ــ,ـتلي راكي عايشة هانية خزر فيا قتـ,ــ,ـلها الحمد لله ماما لباس راحت ماما وقلي وجدي روحك نروحو لدارنا دوشت ودرت مكياج خفيف لبسة عباية سوداء وخمار وساك وسندالة عالية شوي خرجت زلة كي شافني جا باسني قلي والله نحبك كي وصلنا لدارهم هذاك جارهم لي كان يحرش فيا عليه كي وصلت دخلت انا شفتو خزر فيا خزرة من فوق لتحت ماديتهاش فيه على كل حال تلقيت بعجوزتي ربي يحفضها وسعاد واحلام تلقيت بيهم جمعت معاهم وجمعت مع فاميتلو زدنا تعرفنا نورمال هذيك ليلة باباه قلي والله تقعدي باتي ياك بيتك هذا ماكسرش كلمتو وقعدت طيبت عشاء درتلهم كسكس وزيتون وحريرة مع سهرة فليل غدوة من ذاك كنت نخدم فالشغل تاع دار رحت سمعت طبطيب فتحت الباب مالقيت والو حتى خرجلي صاحب راجلي في وجهي تخلعت قلي عادل اه هنا قـ,ــ,ـتلو لال قلي اوك بلعت الباب فليل جا عادل حطيتلو يتعشا خبط عليا طابلة قلي معامن كنتي اليوم قـ,ــ,ـتلو كيفاه معامن انا نسيت حكاية صحبو قلي ايوب جا اليوم هدر معاك قتـ,ــ,ـلو اه قلي عادل راه قـ,ــ,ـتلو ماهوش هنا قلي ربك علاه فتحتي البابك وخبط طابلة قلي واش داك تهدري معاه خفت منو وخبطني بصفعة جات مماه وحماتاتي وباباه ضرب عادل بصفعة قلو كيفاش تضربها وهي عروسة جديدة ناضو يبهدلو فيه وانا حماتي احلام مسكينة شادتني وتهدن فيا وتمسحلي الدم قلو واش دارت حتى تضربها قلو فتحت الباب قلو باباه وكي فتحت الباب السماء تطوات مع الارض قلو هدرت مع ايوب قلو باباه طفلة هذي عاقلة ورزينة قـ,ــ,ـتلو جا طبطب حليت الباب قلي عادل وراه قـ,ــ,ـتلو ماهوش هنا هذا مكان عايرني عادل وجرحني قتـ,ــ,ـلو والله مانزيد عندك دقيقة قلي روحي الله لا يردك غدوة من ذاك جا خويا داني وعجوزتي وشيخي يبكو خرجت بسيف ماخلاونيش وكانو كامل يبكو وعادل مكانش فما كي وصلت لدارنا هدرت مع ماما وجات عندي بنت عمتي جمعنا ماقـ,ــ,ـتلهمش بلي دابزت قتـ,ــ,ـلهم جت نقعد يامات ونروح ماحبيش نقلهم بلا مايتقلقو كلشي فوقتو خير جاو عدنا جيران طيبت عشاء وكملت قاع شغل نقطعت هذاك نهار حتى فليل نلقا عادل حارق تلفون كي زاد عـ,ــ,ـيط قـ,ــ,ـتلو واش قل ماهيش ضرية درتيها قتـ,ــ,ـلو ونتا تضربني بالكاس لفمي وماندير ….
#الحلقة6
وماندي والو قلي لال ايوب جا قلي مرتك كانت برا حلت الباب وجمعت معايا قلي حسبت بالغيرة قلي اسمحيلي بزاف بزاف اقسم بالله ماقصدي ناذيك وقتـ,ــ,ـلو وليلة العرس واش ذيك الهدرة لي قلتها قلي يامهبولة نحبك ماقصديش ناذيك امنتو وقلي بعد غدوا نجي نديك اقعدي نحي على خاطرك ومبعد نجي قتـ,ــ,ـلو اوكي كان يعيط ويسقسي عليا وجا هو وماما قبل كنا دوشت كوافيت شعري لبست بدعية من التحت شابة ولبست من فوق حجاب مع باسكات وردت ساك خرجنا رحنا سلم عليا شيخس فرحو ودارو عشاء وشيخي قلي اول مرة كي كنتي صغيرة هدرت معاك عرفت بلي مكتوبك راه هنا مع ودلي قلي ربي يحفضك قعدت فدار شيخي ومبعد رحت لداري نورمال عادل كان يدخل روطار بزاف كنت نتقلق شوي كان عيطلي قلي وجدي روحك فهمت روحي قلت لازم مانمنعوش لبست لاروب غوج قصيرة ودرت فراش فيه قلوب شباب وسقمت الحالة غير دخل جا عندي باسني بوسة طويلة ورقدنا حتى صباح مالقيتوش قلت هذا وين راه يروح الخدمة كيفاش يبكر قاع هكا نضت لقيتو جايبلي باتيسري كليت ودرت فطور فطرت وحدي حتى لقست رقم غريب عيط قلت الو قلي انا ايوب قـ,ــ,ـتلو شكون ايوب قلي صاحب عادل قتـ,ــ,ـلو شكون مدلك نيميرو تاعي اصلا قلي ماتحوسيش تعرفي قلي اسمعي مازيديش جي لدار شيخك قلي كيراني نشوفك يرضبني السم لقلبي تشوكيت من الهدرة هذي قلت لازم نقول لعادل واش قلي عادل ماجاش حتى لليل كي دخل دخل بالتطياح قلي باتهبلني تهدري مع رجال من مورايا ماتحشميش ناض يسب ضربني بصفعة بكيت قلت لي عينو فيا غير لي يضربني ورقدت ودمعة على خدي كرهت منو عيشني المر من اول زواجي شيخي وعجوزتي وداري وخياتو ماهمش هكا غير هو وهذا صحبو الله يذلو باغي يفسدلي نهاراتي حتى نضت صباح نفس الروتين طيب فطور ودوشت لبست شورت وبيستي فالاسود قلت نرقد عادي جا عادل فليل سمعت الباب كنت مع تلفوني حتى جا قلي اسمحيلي والله ماغرضي ناذيك ماديتهاش فيه مبعد قلي اخزري فيا جيت نايضة باش نشرب الماء حكمني جبدني من يدي قلي والله نحبك افهمي قـ,ــ,ـتلو كيفاه صحبك هذا اي حاجة يقولها تامتو وقـ,ــ,ـتلو اصلا نسيت انا باش نقلك قلي والله ذاك نهار قلي مدلي نفتح من عندك مديتلو ونيميرو تاعك كان فما شافو قلي كي قلي اليوم ضربتو كسرتو بحار عليه لسقني فالحيط باسني وقلي راكي واجدة قلي لازم حنا فات نعيشو قلي نتي حب قلبي من حت كنتي صغيرة قلي احسني عوني قلي لازم نولو عايلة ونجيبو الاولاد رقدنا كيم كان الحال جوزنا ياماتنا عادي رحت لدار شيخي وحد نهار كانو دايرين عقيقة وليد عم عادل مرتو ولدت رحنا شفت فما هذاك ايوب حتى دخلت وشويا موراها سمعنا الحس ولابوليس والدنيا دايرين حالة انا قلبي حبس هذاك ايوب لي كان يعيط كان ناوي الشر وكان يتكيف صوللح دعاوي شر دخلوه للحبس تهنيت منو فالصح انا
#الحلقة7
كملنا هذيك العقيقة رحت لداري سلمت على شيخي رجعنا لدار نورمال دوشت ونحيت المكياج وكلش غدوة صباح كنت راقدة فطنت لقيت سخانة طالعة للتالي نضت مالقيتوش عيطتلو قلي وي عمري راني فالخدمة ماتتقلقيش قـ,ــ,ـتلو اوكي وبعثتلو واش يجيب قضيان نقيت داير كي جا فليل كيم العادة دخل حطيتلو يتعشا خزر فيا قلي ياخسارتي فيك قـ,ــ,ـتلو واش بيك قلي راكي تهدري مع رجال قتـ,ــ,ـلو وشنو قلي اصلا غلطة كي جبتك عشتي لدار عندي قـ,ــ,ـتلو مامحنتكش عليا اصلا نتا برضايتك جبتني قتـ,ــ,ـلو واش بيك هكا قلي نهار رحت لفرنسا قالولي درتي راجل من مورايا نسيت ماقـ,ــ,ـتلكمش عادل قبل مانتزوجو راح لفرنسا قـ,ــ,ـتلو وشنو واش راك تقول زيرني من كتفي عينيه ولاو فعيني قـ,ــ,ـتلو انا وتشك فيا لهذي درجة قلي وينتا بديتي فحياتي باش مانشكش فيك تشوكيت قتـ,ــ,ـلـ,ــ,ـو نقلك خليني والله مانزيد نرجع لهذي الدار كامل قتـ,ــ,ـلو ايلا زدت شفت وجهي اذبحني ودير واش تحب طلقني ضربني كي دمـ,ـرني جا راصي مع الطابلة وجعني راصي تغميت حشاكم رجعت كي نضت لقيت روحي فالسبيطار وهو فوق راصي قلي تحسنتي قتـ,ــ,ـلو اخطيني ماتهدرش معايا قلي نتي ديري ليجاست انورمال مكاش منهم كامل خرجنا مسبيطار وانا راصي واجعني جابتلي ماما عشاء قالتلي واش بيك قـ,ــ,ـتلها غير طحت ماحبيش نخبرها باسكو علابالي كون تقول لبابا يقتـ,ــ,ـل عادل نورمال باسكو مايبغيش عليا راحت وخلاتني وضلامت عليا الشمبرة نضت نبكي صليت ودعيت ربي وانا نبكي ماقدرش نحبس تالمو غاضتني عمري بزاف حتى جا مسحلي على راصي وباسني على راصي قـ,ــ,ـتلو خليني ماتوشينيش ماتزوجت كالناس ماعشت كالناس قـ,ــ,ـتلو انا لي ندمت كي تزوجت بواحد من حت عرفتو فصغري كـ,ـرهت حياتي على جالو قلي خسارة عليك تقولي هكا قـ,ــ,ـتلو نسقسيك نتا نورمال ولا لال قلي علاه قتـ,ــ,ـلو جيني مريض مرات قلي لا نحبك اقسم بالله ماتسمحيش فيا سماح غير نحبك قـ,ــ,ـتلو اخطيني كي قتـ,ــ,ـلو هكا ضـ,ـربني بصـ,ـفعة رحت غدوة من ذاك لدارنا بلا مانخمم حكيت لماما كلش ماحوسش نفهم اصلا قالتلي كون قتيلي مقبل كيم العادة حرق تلفون بالعياط كنت في دارنا يعني مشي مليحة بزاف شعور طفلة كي تخرج من دار صعيب شوي كان عادل يحكم بابا فالجامع يقلو قلها اسمحيلي اسمحيلي بزاف بزاف بابا يحن على عادل تحسب وليدو جا شيخي وعجوزتي قالولي ارجعي راكي بنتنا ونحبوك ماحبيش نرجعهم وقتـ,ــ,ـلهم غدوة نرجع وجدت روحي غدوة من ذاك صنعت قاطو ودوشت ولبست سروال مع شوميز وفوقهم لافاست كلاسيك مع باسكات ودرت مكياج خفيف كنت نبان عزباء مشي مزوجة غير جا عادل سلم على بابا وماما ودخل طوموبيل سلم على راصي قلي اسمحيلي رحنا ديركات لدار شيخس حماتاتي مالفرحة ولاو يبكو ويعنقو فيا شيخي يسلم عليا وعجوزتي تدعي ربي يعطيكم عجوز كيم عجوزتي ياربي قعدت شويا ورحت لداري غير دخلت سيقت شوي وعادل قلي مدام رجعتي ضوات دار تشوكيت من هدرتو قلي نروحو نتعشاو برا رحنا تعشينا شريت مكياج شوي وشريت خمارات قلي عادل ياعمري تبانيلي تحبي الخمارات كثر مني قـ,ــ,ـتلو هههه نعشقهم شرينا ورجعنا لدار لبست لاروب قصيرة قلي عادل راني متوحشك بزاف بزاف خلي ليلتنا مميزة جا حكمني من يدي وباسني من رقبتي وشواربي قلي نحبك اوعديني ماتسمحيش فيا نحبك قتـ,ــ,ـلو مام انا نحبك فوتنا ليتلتنا رقدنا فجر صلينا ورقدنا وزيد فات العيد وكلش مكانش جيني ليغاقل سييت تاست لقيت عندي وريتلو التاست وعادل طار بالفرحة….
#الحلقة8
رحنا لدار شيخي فرحو وعجوزتي دارت عشاء عرضت جوارين ولافامي كاملين كنا فرحانين الحمد لله مكانش بيناتنا مشاكل ريحت وتهنيت الحمد لله جاز وحمي صعيب كنت نمرض بزاف بزاف وولادتي جازت بزاف صعيبة شفت الموت لدرجة كي كنت فالطابلة ندير فالعملية حشاكم رجعت وولدت زوج بنات توام نورسين وسيرين فرح باباهم كي شافهم سلمه على راصي لحد الان راه عمرهم عام راهم يكبرو ورجع عادل حنين معايا ونحبو بزاف مام هو يحبني
كيم كان الحال جازو اليام وكان رايح عرس وليد عم عادل عبد القادر لي كام عايش معانا في الدار الكبيرة قبل مانروح للباطيمات كنت انا اول عروسة لدارنا واول كنة ليهم كيم قـ,ــ,ـتلكم عادل الوحيد في دارهم وجدو للعرس ماشريت لي روب وكلش باسكو في جهازي كنت شارية كلش الحمد لله وكان كلش بالطبع نضت صباح بكري نقيت داري شوي شوي باسكو دايما هي نقية غي نقي شوي برك رحت جا عادل داني للحفافة وخرجتني قمر الله يبارك لبست قفطان جاني زلة تاع الصح كي خرجت شافني عادل قلي واو راكي نتي عروسة رحت جيت لدر عادل الكبيرة شافوني حمتاتي قالولي راكي هايلة عادل الله الله واش دا شكروني وجا سلم عليا شيخي في راصي ومبعد سلمت عليا عجوزتي لميت فاليزة تاع القش لي نلبسو ورحنا نطلقنا في كورتاج كان يهبل كانت ام عبد القادر في لاصال باش تستقبل العروس ركبت فالطوموبيل انا وعادل ولينة اختو واحلام وسعاد راحت مع راجلها وكانت بنت سعاد حماتي قاعدة في حجري ياعمري شعال زينة تهبل تقلي مرت خالي شابة تشبه لعادل راجلي نيشان كيم كان الحال وصلنا لاصال ستقبلت ام عبد القادر العروسة بالتمر والحليب عادي دخلنا لاصال ريحنا شوي رحت بدلت ولبست كراكو وشعري كان مطلوق
