#وانت بقي زعلان كده عشان هي تعبانه
التف اليها رمقها بنظرة ناريه انكمشت قليلا مالبثت ان اقتربت منه وقال
#ايه يفرق معاكي
قالت بنعومه
#طبعا يابيبي ….مش جوزي …وعارفاك كويس اوي
ابتسم بسخريه
#متاكده
تعلقت بعنقه وهمست
#طبعا ….. ممكن تضحك علي الناس كلها بس عليه انا …زوزه
نظر في عيناها وقال
#وانا هضحك عليكي ليه …متضايق عشان مراتي تعبانه شيء طبيعي جدا
مررت سبابتها علي وجهه وابتسمت
#تمام طلاما دا اللي مضيقك خليك جنبها ياحبيبي
ابعد ذراعيها وقال
#مش مستني اذنك ياست عزه
هزت كتفها وقالت
#اوكيه طالما مش محتجني ياحبيبي انا هسافر لماما اقعد اسبوع ولااتنين
فهم الان معني لمعه النصر وابتسامتها المستفذه …. وللمره الاولي يراها عزه تعتقد انها تتحكم برغبته … اقترب منها حتي اغمضت عيناها لقد اعتادت علي تدليله المفرط واعلان عشقها في كل لحظه اعتادت ان يخبرها الاتبتعد عنه …كان يظن هذا عشق ولكن هي ظنته تنازل وتحكم حمقاء بجداره ربت علي خدها
#ابقي سلميلي علي مرات عمي ياعزه وخدي السواق يوصلك
قال جملته وتحرك ناحيه المطبخ ليتركها بذهولها تحترق
حمل الطعام من لواحظ وتحرك للخارج كانت ماتزال واقفه مكانها
#ايه ياعزه انت اتحنطتي ولاايه يلا عشان تلحقي توصلي بالنهار …. عندك فوق فلوس في در ج الكوميد خوديها وانتي مسافره
رمقته بنظره غاضبه لايعرف لما اسعدته لقد رد واحده من صفعاتها المؤلمه دوما رمقت الطعام وقالت بغيض
#انت شايل الاكل ليه مش في خدامين في البيت
ابتسم وقال باستفذاذ
# لاء ازاي في طبعا .. بس انا عاوز ادخلها الاكل بنفسي
#بس انت عمرك ما عملت كده معايا
# المره الجايه لما تبقي تعبانه هبقي اجيبلك الاكل متنسيش تسلميلي علي مرات عمي واتصلي لما توصلي عشان اطمن عليكي
قال جملته واتجه الي الممر ورغما عنه شعر بالرضا …. يعلم جيدا ان عزه ليست من نوعيه النساء الغيوره …كما يعلم جيدا ان غضبها الان نابع من جرح كرامتها …. ولكن جمودها الدائم يقتله هل مازال يحبها سؤال سمج مشوش يتردد بداخله ….. ولم يجد له اجابه ضحكات الصغيره العاليه جذبت اذنه ليدخل الي الغرفه لقد نسي ان عائشه ذهبت اليها التفتت الاثنين اليه وعلقت عائشه
#ابيه جاسر بحاله جيبلك الاكل يابرنسيس
وكزت كتف عائشه التي قالت ضاحكه
#شايف ياابيه خليك شاهد فينا من مد الايد اهوه
حملت عائشه الطعام منه ووضعته علي الطاوله الصغيره … قال بمرح
#معلش بقي ياعيشه ….عشان تعبانه بقي لازم ندلعها شويه
عائشه بمرح وهي تضع يدها علي صدرها
#ايه ضاااااه ابيه جاسر بيهزر ….
وكز جاسر كتفها فتاوهت وجلست بجوار حور قائله بمرح وهي تفرك كتفها
# انا بقول ياابيه نهذر بالبق بس … انت ايدك تقيله اوي…….تعالي يابنتي اكشف عليكي واهو اعمل بلقمتي في البيت ده
حور بحماس #ايه ده هو انتي دكتوره ياعيشه
جلس جاسر علي الطرف الاخر وقال ضاحكا
#علي اخر الزمن اخلي بيطريه تكشف علي مراتي
حور ضاحكه
#تصدقي فكرتيني بسليم اما كنت اقوله هتبقي دكتور حمير زي رشدي اباظه … يقولي اه انا داخل بيطري مخصوص عشان اعالجك
عائشه بفضول #سليم دا اخوكي اصل انا مشفتش حد من عيلتك خالص
عشق الحور
البارت الثاني عشر والثالث عشر
حور بحماس #لاء بن عمي سليم دا دحيح العيله … كان مربلنا الرعب انا ويونس في البيت …… عشان كنا بنعمل دوشه جنبه ..وناخد ورق المحاضرات بتعته نعمله مراكب وصوريخ …. بس ايه طلع الاول علي دفعته واجتله بعثه وسافر من اربع سنين …. بس ماما قلتلي انه راجع
