## النص: **آلام الماضي وآمال المستقبل**
### الفصل الأول: **الصدفة الغير متوقعة**
**ليلى:** أممم، أنا بدي مثل مرام.
**غسان:** أنا بدي شي بلحمة. شوفي عندكن شي باللحمة؟
**الكرسون:** في عنا كتير أكلات باللحمة، في عنا كباب وشقف وكبة بالصينية وكفتة و…
**غسان:** بدي وجبة شاورما باللحمة وصحن كبة بالصينية وصحن سلطة.
**الكرسون:** أوك، ثواني وبكون الأكل ع الطاولة.
**ليلى:** مرام، هالمكان كتير حلو!
**مرام:** عجبك؟
**ليلى:** إيه، كتير.
**مرام:** خلص، ولا يهمك، كل فترة بنجي أنا وياكي وبناكل هون.
**ليلى:** أنا رح قوم أتصور سيلفي وأنشرها على الفيس والتويتر والإنستجرام.
**غسان:** اقعدي يا أختي، حاج جنان! وبعدين مرام ما بتحب تتصور وتنشر صورها ع مواقع التواصل.
**مرام:** مين قلك؟ أنا بدي أتصور وبدي أنشر صوري ع المواقع كمان.
**أحمد:** من إمتى؟
**مرام:** من اليوم، خلص، أنا قررت أعيش حياتي بالطول والعرض. يلا قومي ليلى واعمليلي تاج ع الصورة.
**ليلى:** حاضر. قامت ليلى ووقفت أمام الطاولة والكل صاروا خلفها ورفعت موبايلها: يلا، شييز!
**واخذت عدة صور لهم جميعًا وقامت بنشرهم. وجلست بجانب مرام وبدأت تفرجيها على الصور.**
**أحمد:** مرام، أنت صار معك شي؟
**مرام** وهي تنظر إلى هاتف ليلى: أبدا، ما صار معي شي بس مليت من جو الكآبة والحزن، خلص بدي أعيش حياتي متل كل هالعالم وأنبسط.
**أحمد:** بس هيك؟
**مرام:** أحمد، شبك، إيه بس هيك، أطمئن، أنا مستحيل أغلط.
**جاء الكرسون وقدم الطعام وبدأ الجميع يأكل.**
**أحمد:** مرام، أنا مبسوط منك.
**ابتسمت:** ميرسي، وميرسي لكن كلكون عنجد، وأنا لما بكون معكم برتاح.
**وهم يأكلون، يوجد أحد وضع يده على كتف مرام. كانت مرام تمسك الشوكة بيدها وتضعها في فمها.**
**جاء صوت أنثوي من خلفها يقول: مرام!**
**نظرت مرام إلى الخلف لترى من تكون هذه التي تحدثها:**
**مرام بصدمة:** هيدي أنتي!
—
### الفصل الثاني: **لقاء غير متوقع**
**يوسف:** مها، بعد ما انحبست، ضلت سنتين وطلعت لحسن سلوكها، واتعهدت إنها ما ترجع ع الشغلة مرة تانية. راحت لعند أهلها طردوها وما استقبلوها، وما ضل لها مكان تروح عليه، قام أجت لعندي وصارت تترجاني أني سامحها.
**كرم:** وسمحتها؟
**يوسف:** إيه، بصراحة وضعها كان كتير صعب وزعلت عليها، سامحتها وشغلتها عندي بالشركة، وهي عم تشتغل بالشركة، اتعرفت ع شاب حبها كتير وتزوجوا.
**كرم:** عنجد؟
**يوسف:** والله هيدا كلشي صار. الشاب اسمه بلال حبها كتير وعرف كل ماضيها، ومع هيك اتزوجها، وهي هلق كتير مبسوطة معو، وهي وهو هلق عم يشتغلوا معنا بالشركة. ويا حرام، كتير متندمة بدها تريح ضميرها وتعتذر من مرام.
**كرم:** نيالك ع قلبك الكبير يا يوسف.
**سليمان:** ههههههه ذو قلبٌ رحيم.
**يوسف:** سلوم، حاج مسخرة، أحسن ما أدق لنسمة وأقلها وينو سليمان لهلق ما وصل لعندي، وخلي ليلتك سودة.
**كرم:** ههههههههههه، بيعملها يا سليمان، دير بالك ع حالك.
**سليمان:** هههههههه، خلص، خلص، والله ما عاد أتمسخر.
—
### الفصل الثالث: **الاعتذار المفقود**
**مرام:** هيدي أنتي؟
**مها:** مرام، كيفك؟
**مرام قامت ووقفت أمامها:** يا محاسن الصدف، والله بعد زمان أنسة مها.
**تفاجأ أحمد وليلى عندما قالت مرام اسم مها وعرفوها، لكن غسان لم يفهم أي شيء.**
**مها:** مرام، ممكن كلمتين على انفراد؟
**مرام كانت تنتظر عليها بقرف:** لا، أنت بالذات ما عندي كلام أحكيه معك، مشان هيك احترمي حالك وفلي من وجهي، أحسن ما أعمل مصيبة.
**غرغرت الدمعة في عين مها:** مرام، مشان الله اسمعيني بس كلمتين.
**مرام بانفعال ضربت يدها على الطاولة:** هههههه، الله ليش يلي متلك بيعرف الله؟ روحي من خلقتي أحسنلك. كانت مرام تتكلم بصوت عالي والجميع صار ينظر عليها.
**أحمد:** مرام، اهدي شوي، العالم كلها عم تتطلع عليكي.
**مرام:** أحمد، خليك عجنب.
**أحمد بصوت هادي:** مرام، روحي معها لمكان محايد وشوفي شو بدها، ليكي شلون أحرجتيها للمخلوقة وصارت تبكي.
**مرام:** لا تخاف، هيدي دموع التماسيح. بس أمري لله، رح شوف شو بدها. تفضل أنسة مها، بنحكي برا.
**مشت مها ومرام إلى حديقة المطعم.**
**غسان:** مين هيدي البنت وليش هيك مرام كانت عم تحكيها؟
**ليلى:** هيدي كانت رفيقتها بالجامعة من زمان وما كانوا يحبوا بعض هي ومرام.
**أحمد بصدمة:** أنت تعرفيها لمها؟
**ليلى:** بصراحة، مرام حكتلي كل قصتها من زمان.
**أحمد:** أمممم.
—
### الفصل الرابع: **مواجهة الماضي**
**مرام:** تفضلي أنسة مها، احكي شو بدك.
**مها:** مرام، أنا آسفة.
**مرام وهي تكلمها من غير اهتمام:** ومن شو آسفة بالضبط؟
**مها:** أنا آسفة عكلشي عملتو فيكي من زمان. بترجاكي، سامحيني، أنا من سنين وأنا عم أتعذب، وهلق لما شفتك، فرحت كتير.
**مرام:** هههه، وإيمت رجعلك ضميرك؟ بالله، لما كنت بالحبس؟
**مها:** وأنت شو عرفك إني كنت محبوسة؟
**مرام بضحكة نصر:** هههههههههههه، لأنه أنا كنت ورا فوتك ع الحبس، يا شطورة، مشان تاني مر تعرفي مع مين عم تلعبي.
**مها:** أنا ماني مصدقة. بس هيدا الشي مانو مهم، وأنا غلطت وأخدت عقابي. بس بترجاكي، تسامحيني… مشان الله يا مرام، سامحيني، والله أنا تغيرت كتير ومستعدة أعمل أي شي لحتى تسامحيني.
**حزنت عليها مرام:** خلص، ماشي، روحي، الله يسامحك.
**مها:** من قلبك؟
**مرام:** إيه، من قلبي. أنا أصلاً نسيت الماضي وفتحت صفحة جديدة بحياتي.
**مها:** مرام، يوسف…
**قاطعتها مرام:** مها، اسم يوسف ما بدي أسمعه. عم قلك أنا نسيت الماضي وفتحت صفحة جديدة. أي، أنت كيفك؟
**مها:** أنا الحمد لله، اتزوجت شاب محترم اسمه بلال وبحبني كتير، وهو كان قاعد معي جوا.
**مرام:** إيه، الله يهنيكي ويسعدك.
**مها:** مرام، مين هدول الناس يلي كنت قاعدي معون؟
**مرام:** مها، الحديث بينتنا انتهى، أنا هلق سامحتك، بس تاني مرة إذا شفتيني، اعملي حالك ما بتعرفيني، أوك؟ وهلق عن إذنك.
**مشت مرام وعادت إلى طاولتها، وعادت مها أيضًا إلى طاولتها، جلست على كرسيها ولم تتكلم وكانت شاردة.**
—
### الفصل الخامس: **التفكير في المستقبل**
**على طاولة مها.**
**بلال:** حبيبتي، اعتذرتي منها؟
**مها:** إ
