رواية فريده الجزء الاول الحلقه الثانيه بقلم الكاتب محمد منصور حصريه وجديده 

يعني ما فيش املاك تخص والدك او والدتك

عادل
احنا حالتنا المادية متوسطة لكن ما نمتلكش اي شئ. بس باذن الله انا شغلي هيخليني في حتة تانية

عبد الله
طيب يا ابني اديني فرصة اسال عليك وبعدها نتكلم.

وبص عبد الله في ساعة ايدة وقال

الساعة جت 10. ودة ميعاد النوم بتاعي

فهم عادل المقصد من كلام عبد الله وهو كدة بيطرده وقام وقف وفريدة قالت

بابا احنا لسة ما اتكلمناش

عبد الله قام وقف وقال

هنبقي نتكلم بعدين

وخرج عادل من الشقة، ،،،،،

ونرجع ل عادل وهو باصص
ل جيهان وبيقول

وبعدها جالي الرد اني مرفوض ودي كانت اخر مرة اشوف فيها فريدة لاني اللي عرفته من صاحبتها منى انها سافرت رومانيا مع باباها

جيهان
بس باين من كلام عبد الله دة انك لسة بتحب فريدة

عادل
حوار فريدة دة خلص يوم ما روحت اتقدم لك واتجوزتك

جيهان
مش باين والدليل علي كدة كلامه معاك عن التقرير بتاعك في جرريمة قتـ,ــ,ـل فريدة

عادل
هو انتي فاكرا اني هكتب في التقرير اللي ضد ضميري علشان فريدة كانت في يوم زميلتي في الكلية

جيهان
لا حبيبتك اللي انت مش قادر تنساها

وقامت جيهان وقفت وعادل مسك ايدها وقال

جيهان اوعي تخلي كلام الراجل المجنون اللي كان هنا يآثر علي اللي بينا

جيهان سحبت ايدها من ايد عادل وما قالتش اي كلمة ودخلت اوضتها، ،،،،،،،،

وتاني يوم ومن جوة المشرحة كان عادل واقف قصاد جثة فريدة وبيبص لها وهو ماسك المشرط وايدة بتترعش مش قادر يشرحها وهنا يدخل عليه ياسين مفتش المباحث اللي بيحقق في القضية وقال

اية يا دكتور واقف لية قصاد الجثة كدة. وكمان ايدك بتترعش

بص له عادل وساب المشرط وراح قعد علي كرسي وقال

مش قادر اشتغل دماغي فيها اسئلة كتير وكلها ملهاش اي اجابة

ياسين
هي القضية دي كلها غريبة.

عادل
لية بتقول كدة

ياسين
هو انت ما تعرفش ان. علي. جوز فريدة كل شوية يقول كلام واتحول علي مستشفي الامراض العقلية

عادل بتركيز اكتر
مش فاهم

ياسين
يعني شوية يعترف ويقول انه هو اللي عمل كدة وشوية ينكر انه قـ,ــ,ـتلها حسيت اني بحقق مع اثنين مش واحد. وعرفت انه لما وصل المستشفي حاول يقـ,ــ,ـتل نفسه

هنا عادل افتكر اللي عملو
عبد الله امبارح في شقته وحالة الهياج اللي جت له وقال لياسين

دة نفس اللي عملو ابو فريدة

ياسين
وانت شوفت فين ابو فريدة

عادل
كان عندي في الشقة امبارح وعملي مشكلة مع مراتي

ياسين
ودة ازاي بقي

عادل
هحكي لك

وحكي عادل اللي حصل وبعد ما خلص قال ياسين

دة اصله دة بقي مجنون هو كمان

عادل
ما عرفش لكن لازم اعرف واجيب حق فريدة،،،،

وبعدها بشوية ومن جوة العمارة اللي كانت ساكنة فيها فريدة يقف عادل مع البواب وكان عادل بيقول بعصبية

انت فايق وواعي للي انت بتقوله دة

البواب
ايوة يا بية

عادل بنفس الحدة

ايوة اية. ازاي دة يعقل
عبد الله ابوه فريدة يبقي جوزها انت مجنون، ،،،،،،،

انا كدة خلصت حلقة النهاردة عملت اللي عليه ونزلت الحلقة مستني تعملو اللي عليكم وتعلقو سلام