رواية لم_اخن_عهدي الفصل الثاني والثالث بقلم سلمى_جنايدة حصريه وجديده
نرجع لبطلتنا المظلومة 😔….
مرق يوم ويومين واسبوع واتنين ومطر عايشة بالقهر والظلم القديم ولساها عحالها بحزنها وكبتها لمشاعرها اللي حاولت كتير تتخلص منهن ناح عز لكن مافيها ابدا …..
عز ماكان انسان عادي بالنسبة لمطر….كان كل حياتها حب طفولتها ربيت عإيديه …شافت الحب بعيونو وتصرفاتو قبل البو ….حست بحنانو واهتمامو وغيرتو عليها قبل ليعترف بحبو ….حبهن لبعض ماكان عادي ولا اعتيادي حبهن رب السما زرعو جواتهن من صغرهن ….عيونهن كانو بيحكو شعر وغزل نظراتهن لبعض كلها حب وشوق ….وقت تسمع صوتو بيرتعش كل بدنها كان صوتو متل سيمفونية بالنسبة الها وطلباتو اوامر ….وغيرتو عليها من اي شي اكبر دليل عحبو المجنون.
لهيك مافيها مطر تنسى عز بسهولة وببساطة ….عز محفور بالبها وغايص بأعماقها …ومتغلغل بخلايا جسمها .
بيوم بعد ماتعبت من التنضيف رجعت لغرفتها لترتاح ….تسطحت لتريح بدنها…وغفيت عينها ونامت .
شافت بمنامها عز عم يعاتبها ويلومها عاللي عملتو معو وحاولت بالمنام تحكي لكن صوتها ماكان يطلع مامانت سامعة الا صوت عز وصوت بمت عم تضحك وكانت شايفة خيال رجال من بعيد واقف ورا عز بدو يأذيه، حاولت تنبهو لكن عز مارد عليها وضل عم يلومها ويعيط عليها …..وصوت البنت اللي عم تضحك ماغاب من بالها …
فاقت مزعوجة كتير …
مطر: …..ياربي …احمي عز ياربي كون معو وبعد عنو اي حدا بدو يأذيه …صحي انت ظلمتني ياعز لكن انت مابتعرف الحقيقة وماعطيتني مجال دافع عن حالي واثبت انو الكلام اللي انقال عني مو مزبوط ….روغم كل هاد مابتمنالك الأذى ولا بتمنى يصرلك شي لا سمح الله بتضل غالي عألبي وحبيبي اللي ظلمني واللي مافيي انساه بنوب …(حطت ايدها عوجهها ورجعت لنوبة البكى ).
تعودت مطر عالشغل واخدت ايدها عليه وصارت اسرع من اول .
ببيت عز الدين ..
شذى: …امي …..مشان الله خلينا ندور عمطر صرلا شهرين غايبة عن البيت ولهلأ مابنعرف وينها وشو اخبارها.
نهلة: ….من كل عقلك امي بدك اخوكي يدور عليها بعد كل اللي صار .
شذى: والله ياامي انا حاسة انو في شي مو مزبوط بالموضوع …..بعدين مو ضروري اخي اللي يدور عليها …نحنا بطريقتنا بنظور عليها او بنكلف حدا يسأل عليها ويجيببلنا اخبارها ….ولا انضل غفلانين عنها ومابنعرف اي شي عنها .
نهلة: ..ليش فكرك يابنتي مطر بتغيب من بالي!!!!! كل هالفترة وهي قدام عيني من جهة مسدقة لأنو اخوكي شاف كل شي بعينو ومن جهة مو مسدقة لانو مطر تربايتي وبعرف قديه بتحبو لعزو ومستحيل تخونو ولا بأي شكل ……راسي رح ينفجر ماعدت عرفت الصح .
شذى: ….بترجاكي امي خلينا ندور عليها وبلا مانخبر اخي بالموضوع.
عز: ……على مين بدك اتدوري ومابدك اياني اعرف.
شذى😳: …….عز ………اااااااه لااا اخي مافي شي .كنت….
عز: ….بدك اتدوري عمطر ماااااا .
فس تمثال كان جنبو عالطاولة ضربو بأيدو ووقعو عالأرض .
جفلت شذى ورجعت لورا ..
عز: …..بدك اتدوري عليها روحي الله معك ….بس لا بقى تأرجيني وجهك انتي كمان .
شذى: …..عم بتقلعني ياعز .
عز : ….انا ماعم قلعك انا عم نبهك ازا بدرى وبعلم انك عم اتدوري عليها من وراي ماتلومي الا حالك عم تفهمي …….ماتخليني اغلط معك، بس احترمي مشاعري اللي دعست عليهن مطر ومااهتمت للجروح اللي تركتهن بألبي .
حط ايدو عوشها بحنية لشذى: ….انتي اختي ومابدي اخسرك مابدي اضعف بيوم وفكر حتى زعلك مني ….لهيك انسيلي هالموضوع بالمنيح اي .
باس جبينها وراح .
اتطلعت شذى بأمها وصارت تبكي عوضع اخوها وكمية الألم اللي مختزنة جواتو .
بيوم كانت مطر تنضف درج بناية بحي بعيد شوي عن البناية اللي قاعدة فيها اخدها عليها ابو نادر وتعودت عليها وصارت نجي لهالبناية مرة بالأسبوع …
عم تشطف مطر وكانت بالدور التاني سمعت صورت رجال طالعة عالدرج ….
حمزة عم يحكي من تحت : …..لحظة شوي خلينا نطلع.
مطر: ….تفضل دكتور .
حمزة: ….الله يعطيكي العافية …..كيفك اليوم ان شاء الله صرتي احسن .
مطر: ….اي الحمدلله البركة فيك دكتور .
حمزة: ….لا ولوو….بس بدك تنتبهي عصحتك احسن من هيك اتفقنا …..لك يلا ياعزوز شو عم تساوي .
مطر: ….معك حدا.
حمزة: ….اي رفيقي دكتور معي هو.
طلع الشب اللي معو وعم ينفض تيابو من المي اللي احت عليهن .
عزوز: …..اي اجيت بس تعبو تيابي مي من ال……
صدمة كبيرة ….نظرات طويلة وعميقة ….جروح انفتحت اكتر من اول وزاد كبرها ….ارواح تلاقت بعد غياب شهور …وعيون اصدمت ببعض لتحكي غضب وحقد مدفونين من وقت ….
اتطلع عز بمطر وهو مصدوم بعد هالغياب انو رح يلتقي فيها واللي جننو اكتر انو عم تشطف الدرج ….لكن فكرها وحدة من سكان البناية .
اما مطر اتطلعت فيه بنظرة كلا حزن وقهر وعيون دموع محبوسة فيها ..اتطلعت فيه وبعدت وجهها عنو لحتى ماينتبه حمزة وقت رجعلو ليقلو يدخل .
دخل عز وكانت لسا اثار الصدمة باينة عليه .
حمزة: …..خير عزوز باك شي .
عز: ……ااااااه …..لا لا ماباني شي .
مطر موومسدقة انو اللي شافتو هاد عزو حبيبها اللي كان يركض عليها ازل مايشوفها عزو اللي كانو عيونو يحكو كلام وكلام وقت يلمحها اللي كانت نظراتو جريئة وبريئة بنفس الوقت…..هلأ عم تشوف نظرات الحقد والكره بعيونو عم تشوف ملامح القسوة عوجهو .
خلصت شغلها كيف مابتعرف كان كل همها تخلص قبل لينزل عز ويشوفها …حتى انو نسيت تاخد اجرتها من اهل البناية .
حمزة: …..لك عزوز ليه ماعم تاكول انت منيح .
عز: …اي اي منيح …بس كنت بدي اسألك عن البنت اللي كانت عم تنضف الدرج هيي جارتكون شي ساكنة هون يعني.
ام حمزة: …..لا ياابني هالبنت بتجي كل اسبوع بتنضف الدرج تبع بنايتنا والبناية اللي قبالنا .
عز بصدمة وقعت المعلقة من ايدو : ……
حمزة: ……لك شوباك ياصاحبي من وقت دخلت وانت هيك ملجوم ومصدوم شو صرلك بتعرفي شي لهالبنت .
عز: …….لا لا من وين بدي اعرفا .
حاول عز بهالوقت انو يختصر القعدة حب انو يلحقا ليعرف عنا اي شي …..بس للأسف بقي بعدها شي ساعة .
وصلت مطر عالمخزن بسرعة غريبة كانت تمشي بين المشي والهرولة لحتى تقدر تهرب منو ومايقدر يلحقها …
رمت حالها عفرشتها وصارت تبكي بصوت عالي ، بكت بحرقة من البها ……
مطر: ……..عزوووووووو …….ااااااه ياعزو اااه ….لك انا مطورة حبيبتك شفتني وكأني غرببة عنك وكأني عدوة الك …..وين نظراتك اللي كانت اتدوبني فيك وين لهفتك لشوفتي وين حنيتك عليي ….لك ليه هيك متغير ومسدق كل شي عني وكأنك مابتعرفني ….لك ااااااااااااااااااه لك يتمي وموت اهلي اللي مابعرفهن وحياتي وعمري وسنيني كلا بكفة وظلمك الي بكفة تانية ..
تعبها البكي واجهدها كتر التفكير وارهقها دبلان جسمها اللي ماعاد فيها تستحملو اكتر ….واللي زاد همها شوفتها لعز بعد هالوقت الطويل .
اما عزالدين وقت راح من بيت حمزة دخل غرفتو ضايج ومصدوم بنفس الوقت ، اخد وقت وهو يترجمها بعقلو انو مطر تشتغل هيك شغلة …..شافها مذلولة ، تيابها مبهدلة مبللة مختلفة متغيرة كتير ، كان الشقى والتعتير والتعب واضح عليها ….
غمض عيونو بقوة ورجع راسو لورا وسندو عالمخدة وصار يتزكر وقت اخدها بيوم مشوار وكانت بكامل اناقتها بأرقى الملابس وبأحلى طلة ، وشاف فرحتها وقت كان محضرلها مفاجأة عيد ميلادها اللي احتفلو فيه لحالهن وكيف كانت تتنطوط متل طفلة صغيرة قدامو وشعرها يطير معها ويرتمي عكتافها واتدور حواليه متل قطة اليفة وترمي حالها بحضنو وقت يزعل منها ، وتخبي حالها فيه ومنو وقت يعصب عليها وقت الغيرة ….تزكر صوتها ورقتو ونعومتو وهمساتها بأدنو وقت ترفع رجليها وتوقف عروس اصابيعها لتقلو بخجل *بحبك*…
اما اليوم ماشاف قدامو الا بنت فقيرة معدمة ماعندا شي غير الحسرة والذل والكسرة ….
زكريات حلوة وبشعة عصفت جواتو خلتو يجن عالآخر اوقات يضحك ويبتسم واوقات ينقهر ويعصب ويكسر اي شي قدامو …
عز بصراخ: ……خرجك يامطر …..بتستاهلي …اللي متلك كتير عليها هيك شغل اللي متلك لازم تكون عم تشحد اللقمة وتترجى الناس ليشفقو عليها ويعطوها فضلتهن …..بأيدك رفستي النعمة و بعتيني مشان كلب وحقير متل رأفت ….
هدي شوي وصار يحكي بصوت واطي ودموعو سبحت عخدو وبللت دقنو : …..ليش …..شو شفتي فيو شي مو عندي ….شو عطاكي شي وانا حرمتك منو ….حبك قدي ؟….حن عليكي متلي؟ …جن بغرامك وفيكي وبعيونك اكتر مني؟ ….ليش يامطر عمري…..ليش لترجعي تطلعي بوشي وتخليني شوفك وانا متمني هالشي !!!ليه لتحققيلي امنيتي وتخليني شوفك!! …ليه لتجددي جنوني فيكي اكتر وانا اللي كنت مفكر اني بلشت اتعود عغيابك وبعدك!! …لكن اكتشفت اني لساتني مجنونك ويمكن اكتر من اول …بس ليش ليييييييييييش…يارب …يارب ريحني من عزابي ياربي ساعدني انساها واتخطى هالوجع …يارب يارب.
عأثر شوفة مطر لعز تعبت كتير وارتفعت حرارتها وتعبت نفسيتا كتير ومرق الوقت عليها وهي عم تشتغل وهي محمومة وتعبانة .
خلصت شغل وحست بالجوع وهي راجعة عالمخزن راحت عالمطعم اللي اوقات بتشتري من عندو ساندويشة …
مطر: ….يعطيك العافية عمي ….عطيني نص ساندويشة ازا ممكن .
الرجال: ….عمي انتي لمين بتاخدي نص الساندويشة.
مطر بخجل: ……الي .
الرجال: …ونص ساندويشة بتكفيكي ؟ ليه مابتاخدي ساندويشة كاملة .
مطر: …..بتكفيني عمي .
عمللها الساندويشة وعطاها اياها.
مطر: ….عمي قلتلك نص مو كاملة .
الرجال: ….خدي ساندويشة كاملة وعطيني حق نص .
مطر: ….لأ …يابتاخد حق كاملة يااما اقسمها وعطيني نص .
عطاها اياها كاملة وقلا: ….عمي تعي لعندي كل يوم وخدي ساندويشة كاملة ومابدي حقا.
اتطلعت فيه بحزن وتركتلو الساندويشة قدامو وراحت.
كان بالصدفة لامحها عز من بعيد وشافها دخلت المطعم وكلعت منو فاضية وعم تبكي .
نزل وراح للمطعم وسأل صاحبو.
عز: …..عم بدي اسألك ليش الصبية اللي طلعت من هون طلعت عم تبكي .
الرجال: ….رح تجنني هالبنت والله .
عز: …..ليش شو صار.
قلو الرجال عاللي صار ….وماانصدم عز من موقف مطر لانو عرف انو عزت نفسها عليها انو تتحسن الناس عليها وهي اللي كانت بنت عز ونعيم وكانت تاكل احسن اكل وكل شي يوصل لعندها واللي مايعجبها يجيها غيرو .
ماعرف يفسر اللي صار معو شفق عليها انو مامعا تشتري ساندويشة كاملة وبنفس الوقت شمت فيها لانو هي السبب بكل اللي عم تمرق فيه .
بيوم وقت العصر كانت مطر عم تشطف درج بنايه قبال بناية ام حمزه شافتها من البلكون وخبرتها انو تمرق عليها وقت تخلص شغلها .
وقت خلصت مطر راحت لعند ام حمزة …
ام حمزة: يااهلا وسهلا تفضلي .
مطر: ….يسعد مساكي خالة .
ام حمزة: …..مساالورد يابنتي تفضلي .
دخلت مطر وماكانت بتعرف مين موجود ..
دخلتها عالصالة …
اتفاجأت وقت لقيت عز قاعد مع حمزة واختو نبيلة .
خحلت مطر وماقدرت ترفع عينها …
مطر: ….بعتذر مابعرف انو عندك ضيوف .
ام حمزة: لاياامي عز مو ضيف هاد ابني حمزة وبتعرفي وهاد رفيقو الدكتور عز الدين .
مطر بخجل وصوت دوبو مسموع: ………اهلا وسهلا.
ام حمزة: عزو …هي مطر ست الصبايا.
اكتفى عز انو يزورها ويهز راسو بس .
نبيلة: ….ياهلا بالقمر …لك مابعرف ليه يامطر بحبك من جوات البي .
مطر: ….تسلمي انسة نبيلة كلك زوء .
مطر: اي خالة قلتيلي عايزتيني خير .
ام حمزة: ….كل خير ….بدي اسألك بالأول انتي مختصرة شغلك عشطف البنايات والا بتشتغلي اي شي تاني .
مطر:……. حسب الشغل .
ام حمزة: ….هاد ياستي بنت اختي عاملة مباركة لانو ولدت وصرلا عشر ايام وبدا مين يخدم الضيوف وسألت عن بنت تشتغل وتساعدها قلتلا عندي صبية بتطير العقل عقد مو نضيفة وهادية وقلت انتي اولى من غيرك ورح تكرمك كتير شو رأيك .
عز : 😳😳
مطر😔: …….اي خالة مافي مشكلة .
ام حمزة: خلص لكان تتي لعندي الخميس الساعة خمسة لنروح سوا بحكم انك مابتعرفي البيت .
مطر: ….على عيني .
نبيلة: ….مطر …انتي مع مين عايشة .
رفعت عينها فيها وسواد الدنيي تجمع قداما وغصة خنقت بحلقا ماقدرت عطول تحكيوخاصة انو الحكي كلو قدام عز ….
مطر: ….لحالي .
نبيلة: …..كيف يعني لحالك …يعني امك ابوكي اخواتك .
مطر مع كل دمعة: ……امي وابي ماتو وانا صغيرة وماعندي اخوات ولا قرايبين .
ام حمزة: ….ياحبيبة البي وعايشة لحالك انتي؟
مطر: …..اي خالة .
حمزة: ……وعند مين ربيتي يعني معقول من صغرك وانتي لحالك .
مطر: ….لا وقت ماتو اهلي ربيت عند جيرانا هنن اللي ربوني وحنو عليي واهتمو فيي وماقصرو معي وكانو اعز عليي من اهلي لو موجودين ….اصلا مابعرف غيرهن .
نبيلة: ….اي طيب وليه علأ عايشة لحالك يعني ماتوو.
مطر بلهفة:.. لأ من غير شر عنهون ….بس هنن سافرو .
نبيلة: …ايواااا طيب ليه ماسافرتي معهن.
مطر بتردد: …….لاني مو بنتهن ماقبلت الداخلية يخلوني سافر معهن قال ممنوع .
ام حمزة: ….ومن زمان مسافرين .
مطر: ……من شهور تقريبا .
نبيلة: ….طيب ماتركولك شي يعني شغل مصاري بيت اي شي .
مطر: …….امبلى تركولي .
نبيلة: …شو تركولك .
مطر بابتسامة: ……تركولي زكريات …..زكريات طفولتي معهن الاوقات اللي كنا نقضيها سوا حبهن واهتمامهن الي …..كانت زكريات حلوة كتير صعب تنتسى ….لكن اخر زكرى ….هيي اللي قلبت كل شي وغيرت موازين حياتي .
وقت سمع كلامها عن الزكريات غمض عيونو بقوة وبعد وجهو عجنب😖.
نبيلة: ….طيب ليه بنوتة قمر متلك لهلأ ماتزوجت .
مطر: …..انا اتزوج هههه مين اللي بدو يقبل بوحدة معدمة ومعترة متلي .
ام حمزة: اسم الله عليكي بتجنني ياامي الله يبعتلك الحظ وابن الحلال .
حمزة: ….ليكي في عنا ممرض بالقسم اللي انا فيه بدو يتزوج هو شب كتير محترم وهادي ماعندو كتير يعني بس بيقدر يتزوج عقدو وبدو بنت حلال …شو رأيك قلو عنك وهلي يجي يشوفك .
طار عقلو عز وقت سمع هالكلام من حمزة ….لكن اختصر وقت سمع مطر قالت.
مطر: …..هههه لأ دكتور انا لا اصلح للزواج .
نبيلة: ….يووو كيف يعني انتي مرتبطة شي .
مطر: ……لأ بس اللي متلي مافيها تتزوج ابدا .
ام حمزة: …..له يابنتي ليش عم تحكي هيك الف شب بيتمناكي .
مطر😔: …..بس انا لأ .
حمزة: ….شو السبب.
مطر: …..لأني مريضة يادكتور .
ام حمزة: ….مريضة !!!!شو مرضك يابنتي ماقلتيلي انك مريضة من قبل .
مطر: ……انا مريضة قلب.
فتح عز عيونو عالاخر وانصدم بكلامها .
حمزة: …..مريضة قلب ….من متى .
مطر: …..من شهور .
ام حمزة: ..وعم تتعالجي يعني .
مطر: لأ خالة انا مرضي ماالو دوا .
حمزة: …مافي مرض مالو دوا .
مطر: ….الا مرضي ……مالو دوا …. وازا انوجد تمنو غالي كتير وانا مافييي عليه .
حمزة: قليلي شو هو دواكي وانا بجبلك اياه.
ام حمزة عم تبكي عليها وقت شافت الأسى والدموع بعيونها وهي تحكي .
ام حمزة: ….بنتي ازا مو موجود بالمشفى بخلي حمزة يجبللك اياه من برا .
مطر: …..الله يحميلك اياه ….بس والله صعب ماحدا بيقدر يجيبو غيري ولجيبو لازم قدم تنازلات .
نبيلة: …..وحدة وحدة علينا شو التنازلات اللي لازم تقدميها لتجيبي دواكي .
مطر:…..لازم دوس عكرامتي وقدمها لأقدر احصل عالدوا عرفتي شو .
نبيلة: …..شو هي حزورة ….فهميني ماعم افهم .
حمزة: ولا انا مافهمت .
عز الوحيد اللي قدر يفهم عمطر ويعرف شو مرض البها وانو دواها تترجاه وتعتذر منو وبهيك بتكون داست عكرامتها كرمال يرضى عليها …..هنن فهمو مرضها بالكلام الصريح لكن عز فهم مقصدها لأنو بيعرف مغزى كلامها .
نبيلة: ياستي وشو ماكانت التنازلات لازم تقدميها كرمال صحتك وكرمال تعيشي وتتزوجي وتجيبي ولاد .
مطر بلهجة اصرار: ……يموت البي وينتهي عزابي ولا عيش بألب سليم بدون كرامة …وبعدين مو حرام كون انانية واعمل عيلة عودهن عليي وانا بعرف اني رح اتركهن قريب .
ام حمزة: والله يابنتي كلامك كلو الغاز ماعم افهم عليكي شي .
مطر عم تمسح دموعها : ….انسي خالة …..انسي …..المهم هلأ بعد يومين بجي لعندك لنروح سوا…..بالأزن.
ام حمزة:لحظة شوي ….انتي مامعك موبايل ؟
مطر: …..لا .
ام حمزة: هي موبايل صحي هو مو حديث بس بيقضي مصالح ….جبلك حمزة الو شريحة لحتى كل مااحتجتك اطلبك .
اتضطرت مطر تاخدو بعد خجل وتردد كتير لكن بالنهاية اخدتو .
كل الوقت اللي مرق بييت ام حمزة وكل الحديث اللي دار بينهن بوجود عز ومطر ماعطت عز ولا نظرة …..ماكان عندها استعداد تجازف بهيك مغامرة لان وقتها رح تفضح حالها وعيونها رح بيكشفو كل شي .
بعد ماراحت مطر ….
ام حمزة: …ياالله هالدنيي شو فيها مآسي وبواب مسكرة مابتعرف شوفي وراها.
عز: …..خالة لا تأمني لأي حدا وماتسدقي اي حدا وشو مابينقال قدامك .
ام حمزة: …..قصدك انو هالبنت مو سادقة .
عز: ….انا مابعرفها لحتى احكم عليها ….بس انتي ماتسدقي اي حدا …..بكونو اللي متل هيك عندون غايات مخباية ورا اقنعة بحطوها لياخدو غرضهن منك .
ام حمزة:….انا مو بنت اليوم ياعزو لحتى مااقدر ميز الصالح من الطالح وهالبنت واضح عليها السدق .
بعد مانزلت مطر كانت عم تمشي بسرعة مامعها حدا الا دمعاتها اللي صارو رفقاتها بوقت الشدة بينزلو ليواسوها ويخبروها انو هنن معها وحاسين فيها .
بعد يومين راحت مطر لعند ام حمزة وراحو سزا لبيت بنت اختها وقضت اليوم كلو عندا ….
انبسطت فيها وشافتا كتير مؤدبة وخلوقة وقالتلا ازا احتاجتها رح تتصل فيها ….
هوا وبرد كتير الأرض ناشفة واوراق الشجر عم توقع والجو عم يعلن عن قرب فصل الشتي …
من وقت اللي قلع عز مطر من بيتهن ماشافها شهور لكن وقت التقى فيها صدفة بييت حمزة كترت شوفاتو الها وكأنو القدر عم يحطهن بوش بعض لغايات مجهولة ….
طلع عز بسيارتو مع رفيقو بعد ماخلصو شغلهن بالمجمع الطبي …وقتا لمح مطر عم تنضف قدام بناية كبيرة ….
بقي آترها كل الوقت بعد ما خلصت شغلها ..
وهي بالطريق حست بالبرد كتير لانو تيابا كانو مبللين قربت من مطعم كان حاطط شواية الفراريج بالشارع قدام واجهة المطعم …وقفت جنب الشواية وصارت اتدفي بأيديها وتنفخ عليهن ..
كان عز لاحقها ليعرف وين ساكنة ، شافها وين واقفة نزل لعندها بسرعة …
عز: …..شو عم تعملي هون .
جفلت وقت سمعت صوتو اتطلعت فيه بعيون حزينة مشتاقة معاتبة وماردت عليه😟.
عز: ….روحي من هون .
مطر: ……
عز: …..روحي من هوون بلا مانادي لصاحب المطعم وخلي يقلعك من هون روووحي .
سحبها من ايدها ودفشها لبعيد .
عطتو نظرة وقت دفشها خلت بدنو ينتفض من حزنو عليها 🥺.
مشيت شوي ورجعت اتطلعت فيه وهي عم تبكي …ماكانت منتبهة انو قدامها في رصيف …تفركشت فيه ووقعت عالأرض واجت على ايدها .
لا ارداي ركض عز عليها وحاول يساعدها.
عز: ….صرلك شي .
نترت ايدو عنها وقامت موجوعة .
عز: …..هاتي لشوف ايدك .
مطر بألم 😖: …..مابدي منك شي .
كان في ولاد قاعدين عزاوية الطريق صارو يضحكو عمطر وقت وقعت .
صرخ عز فيهن: ……بس انت واياه على شو عم تضحكو .
راحت فوق كسرة خاطرها اجت وقعتها قدامو .
واقف عم يتطلع عليها وهي رايحة …
نزل رفيقو من السيارة : …..لك ليه ماخليتها اتدفي ايديها يعني لو مانها بردانة ماكانت وقفت هون .
عز: ……ماحبيت تشم ريحة الفراريج وتشتهيون ومامعها تشتري .
كان سادق بكلامو ومستغرب من حالو ليه منعها اتضل واقفة وبنفس الوقت حاقد عليها …
رفيقو: …..بماانك شفقان عليها جيبلها نص فروجة واعطيها اياها .
عز وهو راجع عسيارتو: …..لو بعرف انو رح تقبل تاخد الوجبة مابستنى اقتراحك ….بس حتى لو ماشافت انو انا اللي حاططهن عباب بيتها رح تكبهن بالزبالة ولا تاخدهن لانو رح تعرف انو مني .
#لم_اخن_عهدي
#سلمى_جنايدة
#الجزء_الثالث
عند رأفت بالمحل ….
كان رأفت عم يحكي بصراخ عالموبايل …
رأفت : مابعرف دبري حالك …..يعني مااستفدت منك شي انا كل هالشهور ولهلأ مافي اخبار عنها …..لك توقعتا تجي وتطلب مني ساعدها او تجي وتستفسر عن اللي صار وانو ليه حكيت لعز انو هيي اللي بعتت الصور ، رح جن بدي اياها بأي طريقة بدي اياها .
سوزان : ….والله مافي اي خبر عنها حتى عز مافكر يدور عليها فكرتو رح يحن ويسأل عنها ، حتى خالتي مابتجيب سيرتها انو بس ليه هيك عملت بس شذى اللي مو مقتنعة ولا مسدقة انو مطر تعمل هيك اما البقية مسدقين وجانين.
رأفت : كل هاد مابهمني ينباعو بالعزا كلون انا بتهمني مطر وبس ، ليكي سوزان كل شي طلبتي عطيتك اياه ولسا بعطيكي قدو بس بدي اي خبر عنها عم تفهمي .
سوزان: ..اي ماتهتني بشي وانا ماقصرت معك وكل شي بدك اياه ساويتو واللي عليي عملتو ….شو بدك لسا ساوي اكتر .
رأفت: ….هييييي لا تعلي صوتك وتطولي وتقصري قدامي والله ازا مابتسألي وبتحاولي تستفسري عن شي الا اجي واقلب كل شي عليكي مو الك شهور عم تسحبي مني مصاري ودهب وهلأ جاية تقليلي ماقصرت معك شو عملتي انتي قدام اللي عملتو انا عالأقل ليكو حبيب القلب قدام عينك ومو زنبي ازا هو مو طايق يتطلع بخلقتك، لكن انا اللي عملت كل شي كرمال اوصل لمطر وماحسنت لهلأ اوصل لخبر واحد عنها .
سوزان: ….وشو بدك مني ساوي هلأ.
رأفت: …..اسألي خالتك عنها عأساس بدك تعرفي ازا وصلولها او ازا سمعو شي خبر بخصها …وابقي رديلي خبر .
سوزان: …ماشي بحاول .
رأفت بصراخ: مو تحاولي ياسوزان مو تحاولي بدي خبر واحد عالأقل عم يغلي البي عليها بدي اياها افهمي بدي اياهااااا.
سوزان: ….طيب طيب ماشي ….بس لو اعرف شو عاملتلكن هالمطر ….ان كان انتي والا عزو.
******
رجعت مطر عالمخزن موجوعة عأثر الوقعة ماسكة ايدها وعم تبكي مو من ايدها بس لأ ومن اسلوب عز معها وكيف عاملها ….كانت رح تجن انو كيف كان حنون ومافي منو معها وهلأ قلب لوحش لئيم كل همو يقهرها ويبكيها .
بالليل زاد وجع ايدها اكتر وورمت وتغير لونها وماعادت تستحمل اكتر ..ماعرفت من مين تطلب مساعدة وهي مو متعودة تطلب من حدا شي …..لكن وحع ايدها حرمها النوم والراحة ، واخيرا تزكرت المستأجر بالبناية بالطابق التالت بيشتغل ممرض قررت تروح لعندو وتسأل عن مسكن يخفف وجعها شوي .
ترددت بالأول تروح اولأ لكن راحت بالنهاية .
دقت الباب بخجل …
ملاك: ….مطر.
مطر: …مساالخير مدام …بعتزر عقلة زوئي وجيتي بوقت متأخر بس اجيت اسأل الاستاز نبيل ازا عندو شي مسكن قوي .
ملاك: ….هلا مطر لا ولا يهمك تفضلي فوتي .
مطر: ….مابقدر والله بس موجوعة كتير وماعم استحمل الوجع .
ملاك: اي لحظة ….نبيل يانبيل تعى هي مطر عايزتك.
نبيل: ….اهلا مطر تفضلي فوتي .
مطر عم تحكي بوجع: كتر خيرك بس بدي اسألك ازا عندك شي مسكن قوي .
نبيل: …لمين وشو الوجع.
مطر: الي ….لأيدي وقعت عليها اليوم وانا راجعة من شغلي وماعم اعرف نام من وجعها .
نبيل: ….ارجيني اياها .
ارجتو اياها كانت ايدها وارمة من عند الرسغ من فوق .
نبيل: ….مطر ايدك مكسورة وهي مابدا بس مسكن بدا جبيرة كمان.
مطر🥺 : ياويلي مكسورة ……وشو بدي ساوي هلأ .
نبيل: …هلأ باخدك عالمشفى وبجبرولك اياها.
مطر: …..عفوا استاز نبيل عالسؤال ….قديه بياخدو عالجبيرة .
نبيل عم يضحك : هههه ولا يهمك هي مشفى حكومي مابياخدو شي وازا لزم الأمر بعالجك عاسم ملاك .
ملاك: ….اي مطر اتعالجي عبطاقة التأمين تبعي .
مطر: ومافيها مسؤولية عليكن.
نبيل: …لاماتخافي انا بزبطها مع رفيقي .
راحت معهن عالمشفى وخطولها جبيرة عأيدها وعطوها مسكن قوي .
شكرتهن مطر عمساعدتهن الها وحمدت الله انو عندها جيران اوادم وعندهن شي لله.
نسيت مطر وجع ايدها وقت تزكرت موقف عز معها وكيف دفشها لتروح من قدام المطعم …
مطر 😭: …..ليه هيك ياعزو صاير البك حجر ..استكترت عليي استدفي شوي وانت شايف وضعي وحالي ،مابكفي ظلمتني وقلعتني من بيتك وسدقت الكلام اللي طلع عليي كمان عم تحرم عليي عيش بأمان بعيد عنك ….لك مابدي منك شي بس اتركني بحالي …ليه صاير عم تطلع بوشي وين مابروح وكأنك خيالي وآترني وين مابروح …..مابكفي وضعي موبزيادة كمان اجت كسرة ايدي ، ياربي كيف بدي عيش وكيف رح اشتغل بأيد وحدة ….ياربي تفرجها وتتطلع بحالي .
تاني يوم شافها ابونادر صاحب البناية .
ابونادر: ….شو يامطر شوباها ايدك .
مطر :شوفة عينك ياعمي وقعت مبارح وانكسرت ايدي .
ابونادر: ….ايوااا انتو هاد اللي شاطرين فيه توقعو وتنكسرو وتقطعو ارزاقنا ماا.
مطر: …له ياعمي ليه هيك عم تحكي ….مين قطع رزقك. ….الرزق من عند الله .
ابونادر: ….مين قطع رزقي …..انتي وهالمغضوبة مرتي وقت وقعت اول مااجيتي لهون بتتزكري مو كانت رجلا مكسورة وقتا وقفت الحال وماعادت تنضف البنايات لوقت اجيتي انتي واخدتي نص الاجرة من التنضيف ….وهلأ انتي وقعتي يعني مافيكي تشتغلي بأيد وحدة .
مطر: هيك نصيبي عمي .
ابونادر: اي وانا كيف رح آخد اجرتي منك وانتي ماعم تشتغلي .
مطر: …..ولا يهمك عمي وقت ارجع للشغل رح عوضك بأزن الله .
اتطلع فيها وماعجبو كلامها وراح.
مطر: …..لك العمى بألبك شو طماع لك حتى مرتك هالمسكينة ماخلصت منك وانت اللي معك مصاري مابتاكلها النيران وعم تشغلها عند الناس ، ياالله الطمع والجشع شو بيعملو بالبني آدم ….لك حتى كلمة سلامتك ماسمعتها منو .
بعد اسبوع اتصلت ام حمزة بمطر لتسألها انو ليه مااجت وتنضف البناية تبعهن …..وخبرتها مطر انو ايدها انكسرت وبدها وقت لحتى ترجع لشغلها.
اتصلت ام حمزة بحمزة وخبرتو انو مطر ايدها مكسورة ووصتو يجبلا دوا وحليب وبيض وفواكه ويمرق لعندها عالبيت لحتى تسكبلا اكل.
مرق حمزة لعند عز عالعيادة …
عز: ….شو هلأ راجع عالبيت مو بكير.
حمزة: بدي روح عالمخبر بالأول وامرق لعند الدكتور قاسم وجيب فحوصات امي وبعدا بدي امرق عالصيدلية و انزل جيب لامي شوية اغراض طلبتهن مشان مطر .
عز وقت سمع اسمها انتفض بدنو.
عز: …..مطر قصدك اللي بتنضف درج البناية عندكون.
حمزة: اي هيي مسكينة …وقعت من اسبوع وانكسرت ايدها وطلبت امي جبلا شوبة ادوية واغراض وابعتلا اياهن خطي البنت يتيمة ومالها حدا .
رجع عز بزاكرتو لقبل اسبوع وقت وقعت مطر قدامو عأيدها وبهيك تأكد انو ايدا انكسرت ، لام حالو انو بجوز يكون هو السبب وقت منعها اتضل واقفة قدام المطعم وماانتبهت وهي ماشية من الدموع اللي مغطيين عيونها لحتى وقعت وانكسرت.
حمزة عم يأشرلو بأيدو 👋🏻: هيييي عزوو وين رحت ..عم اسألك رايح بدك شي .
عز: …..اي …..لحظة جاي معك انا .
جاب حمزة كل شي طلبتو امو منو وراح لبيت مطر …كان اول مرة بروح لهونيك .
كان عزالدين معو ..
وقت وصلو للبناية التقى حمزة بواحد من سكان البناية وسألو وين مطر ساكنة وعطاه الطريق .
نزل الدرج واستغرب من منظر الباب ….دق الباب واستنى ليجي الجواب…
فتحت مطر الباب وضلت واقفة مصدومة بحمزة …كان نازل لحالو وضل عز ناطرو بالسيارة.
مطر: ….دكتور حمزة …..اهلا وسهلا ….خير في شي .
حمزة: …كيفك مطر سلامات شو صاير معك .
مطر: الله يسلمك يارب ….وقعة بسيطة كسرتلي ايدي …الحمدلله عكل حال ….بس خير انت شو جابك لهون.
حمزة: …ام حمزة جنت عليكي وقت عرفت عنك وبعتتلك شوية ادوية واغراض .
مطر: …..شووو ….كتر خيرها بس والله ماالو داعي يعني بدبر حالي انا مافي مشكلة .
حمزة: …يعني مابتعرفيها لأمي قديه بتحبك …بس معليه تاخديلي طريق دخلك الاغراض .
مطر: …..والله عم تخجلوني انتو هيك .
حمزة: يعني بدك امي تزعل منك ….شو هالحكي يامطر اتتي عزيزة علينا ….يلا بقى وحعتني ايدي خديلي طريق .
مطر بخجل: ….تفضل .
وقت دخل استقبلتو ريحة الرطوبة اللي كانت آكلة البيت والكراكيب الموجودة تبع سكان البناية.
حمزة: ….مطر شو هالاغراض هي كلا….. هدول الك .
مطر: ههه….لا شو الي هدول لسكان البناية .
شفق عوضعها وعالعيشة اللي عايشتا هالمكسينة …ماقدر يضل اكتر خنقتو العبرة وماحب يبين حزنو عليها قدامها لحتى مايكسر بخاطرها .
حمزة: …..اي مطر بتؤمريني بشي تاني …ماتخجلي مني انا متل اخومي بأزن الله شو مابتحتاجي تعي لعندي او حاكيني طيارة بجيكي .
مطر بابتسامة حزن: ….كتر خيرك …مابدي الا سلامتك الله يحميك يارب …..امانة سلملي عالهالة وعالآنسة نبيلة كتير وتشكرها بالنيابة عني .
حمزة: …..الله يسلمك بيوصل ان شاء الله .
طلع من عندها مو شايف قدامو …
وقت طلع بالسيارة سألو عز ….
عز: …كل هاد عم تعطيها اغراض شوصرلك.
ضل ساكت حمزة شوي واتطلع بعز نظرة حزن والدمعة بعينو .
حمزة: ……ااااخ ياصاحبي عاللي شفتو .
عز: …..شو شفت.
حمزة: …..لك معقول في ناس عايشة هيك عيشة …..لك.معقول في ناس بالقناعة هي ….في ناس بترضى بالقليل بهالشكل .
عزصابو الفضول: …..ليش شوفي.
حمزة: …..الله يكون بعونها هالبنت وانا اللي رايح اسأل بأي طابق ساكنة اتاريها المسكينة عايشة تحت الأرض .
عز : …..مافهمت كيف يعني .
حمزة: ……لك البنت عايشة بالمخزن تبع البناية …..لك لو شفت الفرشة اللي بتنام عليها والا المكان والا ريحة الرطوبة وقت دخلتلا الاغراض ….عايشة بين الكراكيب واثاث السكان اللي مابيستخدمو عايشة بمخزن متخيل الوضع انت …..وفوق كل هاد ماكانت بدا تاخد مني شي خجلت وعزت نفسها عليها …..شو هالقوة اللي عندا لحتى تصبر عالعيشة بهيك مكان …..ااااخ لو امي تشوفها شلون عايشة الا تدخل بصدمة قوية وكآبة من زعلها عليها .
كان عز بحالة لاوعي عم يتخيل المنظر وحمزة عم يشرحلو وضعا ….مطورة البو حبيبتو تعيش هيك عيشة مطر اللي كانت ماتلحق تشتهي شي او تطلب طلب الا ويكون حاضر قدامها مطر اللي كانت متل نسمة ربيع تفرفح البو بطلتها وضحكتها وجمال مبسمها عم تمرق بهيك حالة ….ليش …..مو هي السبب مو هي اللي اختارت هي الحياة وفضلتها عكل حب وحنان عز الها …..عقلو والبو بصراع شي عم يحننو عليها وشي عم يرجعو لوعيو ويزكرو انو هيي اللي اختارت وهيي اللي رفست حياة الحب والهنا مشان واحد مابيسوى شي قدام نظرة وحدة من عيون عز .
ببيت عزالدين ….
سوزان قاعدة مع خالتها وشيرين وشذى….
سوزان : ….صحي خالتي بدي اسألك مافي اخبار عن مطر ماعرفتو شي عنا وين هي عند مين وين راحت مافي شي خبر عنها.
نهلة: …..لا والله ياسوزان مابنعرف عنا شي من يوم اللي صار لهلأ ماشفناها ولا وصلنا خبر عنها والا ازا هي عايشة والاااااا……والا ميتة .
شيرين: …..تروح وين ماتروح الله لا يجيب سيرتها ولا بدنا شوفتها لكان اللي عم يصير بأخي من وراها شي قليل.
سوزان: ليش شوبو عزو شو صاير معو .
شيرين: مابو شي …..بس لهلأ بحسو مو نسيانها وعطول حزين ومكتئب …شوباكي سوزان مفكرة الشغلة سهلة ليقدر اخي يتجاوزها هو قوي اي بس والله اللي صار معو بيقسم الضهر .
شذى بعصبية: ماااااابسدق ولا كلمة من اللي انقالو عن مطر مطر مو هيك والله مو هيك افهمو بقى مابتعملا اكيد في شي مو مزبوط في شي كان اكبر منها وقدر عليها لصار فيها هيك .
سوزان : …..شو بدو يكون صاير ياشذى كل شي صار قدام عينك وعزو بعينو شاف صورها وكلامها معو شو ضل اكتر لتقتنعي انو مطر وحدة ….
شذى: ……لا تكملي سوزان لشو بدك توصلي .
سوزان بتردد: ….انا لا لشو بدي اوصل انا بس عم اشرحلك شو صار.
شذى: مابدي مين يشرحلي كنت حاضرة انا وشفت كل شي ومااقتنعت بشي .
نهلة: لك يابنتي بدك تكزبي اللي شافو اخوكي بعينو يعني هو حابب هالعزاب .
سوزان: مزبوط ….كلنا بنعرف قديه عزو كان يحبها بس هيي اللي مابتستاهل حبو.
وكملت سوزان كلامها ووجهتو لخاىتها لتنهي نقاشها مع شذى.
سوزان: ….طيب خالتي ولا حتى عزو عرف عنها شي يعني هو رجال وبيطلع كتير يعني الا مايكون وصلو عنها خبر.
اجاها صوت عز متل الرعد من بعيد ….
عز: ……عن مين بدي اعرف ست سوزان ….عن مين عم تسألي .
سوزان بلعت ريقها : ……اهلا عزووو كيفك .
وقف قبالها وحط ايديه بجيابو : ….عم مين عم تسألي .
سوزان: ….كنت ………
شذى: اخي كانت سوزان عم تسأل عن مطر انو مافي اخبار عنها او ازا انت تحديدا وصلك اي شي بخصوصها.
زورها عز: ….وليش عم تسألي عن مطر ..شو جابها عبالك بعد هالوقت .
سوزان: ….ااااه مافي شي بس هيك مجرد سؤال.
عز: ولا تسألي حتى شي مابخصك ماتسألي فيه اي …بعدين انتي من ايمتى بتحبيها لمطر والبك عليها ……عبالي مابتطيقيها وكنتي تنغاظي كتير منها .
سوزان : ….اناااا…..وليش لأنغاظ منها .
عز مشان يقهرها: لأنك كنتي تغاري منها …..ولأني كنت حبا بجنون صح ……ليكي سوزان اخر مرة بسمع اسم مطر علسانك عم تفهمي والا بتحبي فهمك بطريقتي
مرق الليل وعزو كل بالو عند مطر حس بالزنب انو هو السبب بوقعتها ، كان حابب يطير لعندها وقت حس الشوق دابحو ليشم ريحتها ليضمها متل زمان و يقلها كل اللي بألبو ويروي شوقو وحنينو الها ……ماعم تطلع من بالو وتفكيرو والبو .
طلع عالبلكون والوقت متأخر صار يشوفها بكل شي قدامو اجت عينو عالوردة اللي بالزريعة حس الوردة عم تسألو عنها ….حس القمر عم يعاتبو عليها ، حتى الليل عم يزكرو فيها وقت كانت تسهر هي واياه عالمرجوحة اللي بالجنينة ، اتطلع عيسارو شاف شجرة اللوز وضحك وقت اتزكر لما طلعو عالشجرة ليلقطو لوز منها ووقعت هي واياه عالأرض وانخدشت رجلها وصارو يضحكو بصوت عالي .
ماقدر يضل بالبيت اكتر كل شي فيه بزكرو فيها ، ركب سيارتو وماكان عرفان لوين يروح.
بهالوقت مطر كانت عم مخنوقة وعم تبكي انو في ناس اهتمت لأمرها وزعلت عليها وسألت عنها واهم واحد بحياتها كان هو سبب وقعتها .
قطع تفكيرها وقت حست انو في حركة عند باب المخزن ..خافت وقربت بهدوء ناح الباب …سمعت صوت نفس ودقات خفيفة عالباب ..
ترددت تسأل مين عم يدق او اتطنش وماتهتم طالما الباب مسكر عليها بالمفتاح والقفل ،لكن اللي زاد فضولها وقت سمعت صوت رجال عم ينادي عليها.
….: افتحي…….مطر…..لك…ليه..هىء…..ما تردي…..لك …..هاد ..هىء….هاد انا حبيبك.
ركزت مطر بالصوت منيح وفورا عرفتو …حطت ايدها عتمها بصدمة🤭…
مطر: …..عزووو…..ياويلي شو جابو هاد لهون بهالوقت …..وليه هيك عم يحكي ….
حطت راسها عالباب لتتأكد من الصوت ولتسمع شو عم يحكي ..
عز : ….لك …..مطورة…..ليه …تملتي …فيي …هيك …هىء….انا ….حبيتك ….ااااااكتر …..من ….روووحي….لك….افتحي بقى …بدي ….احكي……مممممعك ….كلمتين ……بببببس….يووووو…….لك…مااااا…رح هىء….اعمللك….ششششي….يلاااا…بققققى.
مطر بصدمة😱 وصوت ناصي : ……معقوووول …..عزوووو سكران …..من ايمتى بيشرب…..شو عم يصير معك ياعز لوصلت لهون.
بعد شوي حست عليه راح وسمعت صوت سيارتو كانت خايفة عليه يصرلو شي وهو عم يسوق ومو واعي عحالو .
ماعرفت تنام لطلع الصبح حست بالتعب وغفيت عينها .
بعد العصر اندق باب المخزن عندها ..وفتحت الباب …
مطر: …..
كان عز واقف حاطط ايدو عالباب ومنزل راسو ورافع عينو 🤨.
مطر: …..هاد انت …..خير.
عز: ..ً..
مطر:….شكلك لسا مافقت من سكرة مبارح ..
عز: يعني كنتي حاسة بوجودي .
مطر: اي…. والا ليكون متوقع مني افتحلك بهيك وقت …انت كيف بتجي لعندي بهيك ساعة متأخرة ااااه…شو اجيت تعمل.
دفشها لجوا وسكر الباب وراه…
اجت لتصرخ مسكها وحط ايدو عتمها ومنعها تصرخ…
عز: ….اوعك تصرخي مو لصالحك رح يفكرو انو بتجيبي رجال لعندك عالبيت .
مطر: امممممممم.
عز: بقيم ايدي بس ماتصرخي اوك….
وسبح بعيونها اللي كان دايب فيهن ومشتاق لشوفتهن ….اما هي عشوي تانية كانت رح توقع بين ايديه …..اللي هي بين ايديه مو اي رجال هاد حب طفولتها عزو اللي تمنتو عمرها كلو .
مطر: ….انت مين مفكر حالك ….بعد عني .
حاولت تبعدو عنها ماقدرتلو …
كمشها منيح واتطلع بعيونها: …..اهدي شوي …انا مو جاي لحبك واتساير معك ….بس حسيت انو انا السبب باللي صار معك لهيك جيت اتأكد ازا جد ايدك مكسورة والا عم تضحكي عام حمزة .
مطر عم اتدفشو بعيد عنها: ….انت بتعرف انا مابعمل هيك شي وماالي غاية ابدا لمثل واتدعي هالشي بس الظاهر انو انت اللي ماالك ثقة بالناس .
التفتلها : …..من بعد اللي عملتي اكيد ماعاد اثق بحالي مو بس بالناس …(وقتها حكى بصوت واطي وهادي )….ليه هيك عملتي فيي يامطر انا بشو قصرت معك…ليه فضلتي عليي .
اتطلعت فيه بنظرات احتقار: …..مارح جاوبك …..لانو مالي مضطرة بررلك من جديد وترجع تكزبني ….وهلأ ازا سمحت روح من هون بلا مايجي صاحب البناية وتوسخلي سمعتي .
عز: ….اناااا….انا بدي وسخلك سمعتك….
مطر: اي انت وقت بتجي لعندي بنصاص الليالي وانت سكران ومو دريان السما من العما اكيد رح توسخلي سمعتي .
عز: …..كنت سكران بدي انساكي…..عم تفهمي بدي انساكي.
مطر: …..اي وانا شو دخلني روح انساني بعيد من هون …لا تفكر ترجع لهون .
حس بالاهانة وانغاظ كتير منها ….
قبل ليروح اخد لمحة عالمكان وليردلها الاهانة تبعها ضحك وقلها : …بتعرفي شووو بناسبك هيك بيت وهيك عيشة وهيك شغل …خليكي عايشة هيك احسن.
مطر🥺: اي احسن ….وقت بكون بعيدة عنك اكيد احسن ….روووح من هون .
عطتو ضهرها ناطرة يروح.
قرب منها كتير حاول يلمسها وتراجع بالآخر …وراح.
راح وترك كلامو ينغرز بألبها متل سهم مسموم …..ترك جرح وراه كل ماحاول يندمل يرجع ينفتح وقت تشوفو او تتزكرو وهلأ وقت قرب منها كبر الجرح اكتر وكبر وجعو وقت شمت ريحة عطرو واستمتعت بقربو وقت كمشها لصدرو ..
لعنت حالها لانو لسا باقية عحبو وماقدرت تنساه وتأكدت من هالشي وقت حاكو بعض للمرة الأولى بعد هالغياب ووقت كانت بين ايديه واتطلعت بعيونو القوية ….
ابكي يامطر لتغسلي جروحك ويرتاح البك ابكي لترجعي لواقعك المر اللي الكل مفكر انو انتي اللي اخترتيه …ابكي لترتاحي من الغصة اللي تركها عز بكلامو الجارح وعايرك بفقرك وحاجتك …ابكي واتركي رفقاتك ينزلو عخدك ليواسوكي ويخففو همك .
بعد اسبوعين فكت مطر الجبيرة عن ايدها وكانت مبسوطة كتير واول حدا راحت لعندو ام حمزة ….سلمت عليها وشكرتها عاللي عملتو معها وسؤالها عنها لحالو كان بيكفي مطر لتشكرها عليه ..
يتبع
