رواية لم_اخن_عهدي الفصل الاول بقلم سلمى_جنايدة حصريه وجديده 

رواية لم_اخن_عهدي الفصل الاول بقلم سلمى_جنايدة حصريه وجديده

المقدمة

نأتي غرباء لهذه الدنيا ولانملك فيها الا الاحباء الذين لطالما احاطونا بحبهم وعفوهم وكرمهم واهتمامهم ، جائو بنا لدنيا لم نرى اولها الا عيونهم ونسيم رائحتهم واحتضنو قلوبنا بقلوبهم التي لطالما غمرتنا بحنان الابوين الذين هم مصدر الامان والحب والثقة وزرع الله بهم الرحمة والرأفة لأطفالهم ….
ولكن لكل روح اجل ولكل اجل كتاب وسرعان مايخطفهم الموت لتبقى ارواح صغيرة هائمة على هذه البسيطة تنتظر من يحنو عليها ويرعاها كحب والديها …..

خجلت مطر وقت تحدد موعد عرسها على عز الدين تلبكت كتير واحمرو خدودها مع انو بتعرف انو هيي مخطوبة لإلو من صغرها لكن هلأ خلص تحدد الوقت اللي حطتو مرت عمها وعز الدين واللي فاجأها انو قريب كتير ….
نهلة: …..شو بنتي عندك اعتراض عموعد العرس والا موافقة .
مطر: ……لااا ….متل مابدك مرت عمي ….بسس….
عزالدين: ….بس شو حبيبي ، ماحاج انتظرنا كتير وهي تخرجتي والحمدلله يعني مابقى في شي يمنع مااا.
مطر : …..لااا ماهيك قصدي اناااا…..بس تفاجأت انو الموعد قريب .
مرت عمها: …اي حبيبتي عزو حب يفاجئك وقال انو بجوز خلصتي جهازك كمان ماهيك.
مطر:…..اي امبلى تقريبا شبه خالص يعني باقي اشياء بسيطة .
عز : …..بسيطة مو بسيطة انا ماعاد اصبر اكتر خلص حاجتي ناطر من سنين….لك بدي اتجووووووز .
نهلة: …..ههههههههههه لك عمهلك امي شوباك هيك استعجلت مرة وحدة .
عز : لك ياامي لو عليي من شي اربع سنين متجوز انا بس انتي ومطر اللي كنتو رافضين لتخلص جامعتا وهي خلصت يعني مافي مشكلة هلأ .
نهلة: ….اي امي خلص اتفقنا بأزن الله بعد شهر من هاليوم منيح هيك .
عز : …..مع انو شهر كتير بسسسس…..يلا ماشي اللي صبرني هالسنين بصبرني شهر …😏.
نهلة: هههههههههههه.
مطر :☺.

رجعو اخوات عز الدين من شغلهن شيرين وشذى وانبسطو كتير بالخبر وقت عرفو من امهن …
شيرين : ….واخيرا مطورة رح تتجوزي من الحب 😉…نيالك على عزو شقد بحبك .
شذى: …ياحياتي الله يتمملكن عخير يارب ….اي وماتنسي كمان هيي بتعشقو كتير بس بتخجل تبينلو احيانا .
شيرين 😳: ….لك شو بتخجل لك انا اكتر من مرة شايفها عم تتطلع بعزو نظرات مو بريئة 😂.
مطر بخجل : …..ياويلك هلأ انا هيك لك والله وقت شوفو كيف بيتطلع فيي بدوب بتيابي من الخجل بس اخوكي اللي مدري كيف نظراتو صرت خاف منهن من جديد ….صاير جريء كتير معي .
شذى: …هههههه اي كمشتو اكتر من مرة عم يحاول يقربلك بس انتي بتبعدي عنك.
مطر: ها شفتي ست شيرين والله هو اللي بيتطلعلي نظرات مو بريئة مو انا .

بهالوقت دخل عليهن عزالدين سلم وقعد حد مطر وحط ايدو ورا ضهرا وضمها الو ووشوشها بأدنها خلاها تستحي وقامت من حدو وراحت للمطبخ .
شذى: ….لك عزو حل عنها بقى حرام عليك لسا كل ماالتقيت فيها بتخجلا .
عز : …..ههههههه اي اصلا اللي مشعلقني ومحببني فيها انو بتخجل بسرعة وبتقصد قلا كلام حلو لشوف خدودا وهنن عم يتغير لونن للون الورد.
شيرين: ….ياعينيييي…..لك الله يبعتلي عريس رومنسي وشاعري متلك ياعزو .
عز : …..مارح تلاقي متلي بتعرفي ليش …..لأنك مو متل مطر 🤪.
ضربتو بالمخدة : تضرب شو غليظ …ليش من شو بشكي انا ااااه .
ضمها الو وباس جبينها: ….لك انتي حبيبة البي واختي الحلوة لك عم امزح ولووو ..
شيرين: ..هاا …ومااحلاك تحكي جد .

على وقت العشا كانت مطر طالعة من غرفتها نازلة للصالة ماشافت الا حدا كمشها من خصرها وسكر تمها وسكر الباب وراه .
مطر: امممممممم.
عز 🤫: …..هشششش ماتخافي هاد انا….
مطر : …….عزووو ….والله وقعتلي البي .
حط ايدي عوشها: ….سلامة البك يانبض البي .
مطر عم ترجف بين ايديه: ….شو بدك عزو .
عز : ….لك اشتقت اقعد معك لحالنا ….اشتقت قرب منك اكتر ….بدي ضمك حبيبي .
مطر: …..لاااا عزو مو وقتو هالحكي .
عز : ….لك شو مو وقتو اتتي خطيبتي …شغلة وقت بتصيري ملكي ومرتي ….يعني مابقي وقت كتير كلا اسبوعين تلاتة وبضمك قدام الكل مو بالخفى .
مطر: ….لوقتا فرج بس هلأ خليني روح .
عز : ….مافي تروحي لمكان ماسدقت لمحتك هلأ لك من وقت تحدد عرسنا وانتي مقلوب حالك معي ماعدت اقعد معك ولا شوفك ولا احكي معك متل الخلق كل الوقت عم تهربي مني لك شو صرلك …..كني ماعدتي تحبيني متل اول .
مطر بلهفة: ……لا والله مو هيك بس انااااا من وقتا حسيت بالحامي وبلش العد التنازلي عندي …وشوفة عينك مشغولة كل الوقت لخلص امور العرس قبل الموعد مابدي اتلبك وانسى شي .
عز : انا خايف تنسيني الي .
مطر: ….ههههه لأ مو لهالدرجة انت مو سهل تنتسى عزو.
عز: …..ياروح عزو انتي…طيب لتثبتيلي انو لسا بتحبيني ….هاتي 😽.
مطر:شوووو …..لا مستحيل .
عز: شفتي انو مابتحبيني .
حاولت تفلت حالها منو وحست انو خلص رح ياخد غرضو لكن ….
مطر: …..لك عزو شو هاد اللي وراك .
التفت ورا ونزلت من تحت ايديه بخفة وفتحت الباب وهربت .
عز : ……لك ……ماشي يامطر وين رح تهربي مني انا بأرجيكي وبدل البوسة رح اخد تنتين ….لا مابكفي تنتين عشرة .
وهنن عم يتعشو قاعدين قبال بعض.
عم يتطلع فيها ويعملا بأيدو👌🏻.
مطر عم تاكل وتضحك عليه .
نهلة: ….شوباكي انتي واياه عشو عم تضحكي وهو ضايج وعم يتحلفلك .
مطر: ههههه مافي شي مرت عمي ….بس هو هيك عطول ضايج وبدو كل شي عمزاجو .
عز: …..اي شو عليه والله يامطر الا بدل الوحدة عشرة وبتشوفي .
نهلة: …..عشرة شو امي .
عز : …..ااااااه لا امي ماتشغلي بالك …..كنت عم حاول اخد منا حبة شوكولا وهيي بخلت عليي فحلفت الا اخد عشرة بدل الوحدة ….ماهيك حبيبي.
مطر : ….😁😁😁. …اي هيك .
بقي اسبوعين عموعد العرس وخلصت مطر كل امورها وصارت جاهزة لساعة الصفر ….
اما عز فكان ينتهز اي فرصة بتكون فيها مطر لحالها ليقرب منها ويضمها ….وكان يتقصد يسمعها كلام حلو ومحرج لتتعود عليهن لوقت العرس ويصير اي شي بتسمعو منو عادي وهيك بنظرو انو عم يمهدلها الطريق لليلة العرس لحتى ما تشوف هالشي غريب عليها .
كان عز قاعد عند رفيقو رأفت بالمحل عم يتفق معو عهدية حلوة تناسب مطر بليلة العرس …
رأفت تقريبا بعمر عز الدين بالتلاتين ، عندو محل مجوهرات كبير وكان عز اخد الدهب لمطر من عندو .
رأفت من يومو عينو كانت تروح صوب مطر وكان يحس تجاهها بمشاعر نفس مشاعر عز الها ….كانت تلاحظ مطر هالشي لكن مابدا تلفت نظر قدام عز واهلو .
وقت عرف رأفت انو مابقي الا اسبوعين عالعرس ضاج كتير وقرر يمشي بخطتو اللي رح تخلي عز يبعد فيها عن مطر ويخلي مطر برجليها تجي لعندو وتطلب مساعدتو هو بالزات ….
بس ياترى شو رح يعمل رأفت🤔 ومعقول يقدر يفرق بين حبيبين كانو ناطرين سنين يصيرو لبعض…..
خلينا نشوف شو رح يصير احداث وشو ناطر مطر

#لم_اخن_عهدي
#سلمى_جنايدة
#الجزء_الآۆلْ

رأفت : …..بدي تتفركش هالجوازة بأي طريقة عم تفهمي.
سوزان: ….اي اي اصلا من مصلحتي تتفركش ، انت بتعرف اني بحبو لعز وبدي اياه من سنين بس هو مو شايف قدامو غير هالغبية مطر .
رأفت : ….احترمي حالك سوزان واوعك تغلطي بمطر .
سوزان: ….بس لو اعرف شو عاملة فيكن هالمطر ماعاد شفتو غيرا .
رأفت : ….هلأ المهم انتي حاولي تعملي اللي قلتلك عليه لانو انتي بتقدري تفوتي بيتهن بس انا صعب ….وهالشي لصالحنا تنيناتنا .
سوزان: …..طيب رح حاول رغم انو صعب اللي طلبتو لكن ومو سهل عليي اوصل لموبايلها بس رح اعمل جهدي .
رأفت: ……ضروروي مو تحاولي وبتشوفي وبعمل جهدي مابقى معنا وقت ….انصدمت اليوم وقت قلي عز انو بعد اسبوعين ….حاولي قد مافيكي تخلصي الموضوع .
سوزان: ….ماشي الحال وشو بجد معي بخبرك اول بأول.

صارت سوزان تروح لبيت خالتها كل يوم وصارت تتقرب من مطر رغم انو مطر وسوزان مو على علاقة طيبة ببعض ….لكن اتضطرت سوزان تتودد لمطر كرمال توصل لهدفها .
قدرت توصل سوزان لموبايل مطر بعد مااقنعتها تروح وترتاح بغرفتها بعد يوم طويل كلو شغل وترتيب وتجهيز …
دخلت سوزان لغرفة مطر وسحبت موبايلها وقدرت تفتحو من بصمة اصبعها لمطر واخدت اللي بدها اياه من الموبايل ورجعت كل شي متل ماكان ..
بقي اسبوع وكانت التحضيرات كلا جاهزة للعرس …
كانت مكر ومرت عمها وشيرين وشذى عم يكتبو اسماء المدعويين للعرس عبطاقات الدعوة ..كانو مبسوطين وعم يضحكو ….
نهلة: مطر شو صار ببدلة العرس رحتي وشفتيها .
مطر: ….اي مرت عمي شفتا وقستا وضبتلي اياها صاحبة المحل وقالتلي رح تبعتا للصالون اللي حجزنا فيه .
شيرين: ..معقول ماما ماشفتي البدلة لسا .
نهلة: لأ ياماما ماشفتا لانو حابة شوفا اول مرة عليها بيوم العرس ….وثقانة انا بزوء مطر وزوئكن اكيد .
شذى: ….شو ياماما البدلة بتاخد العقل بتجنننن ولو شفتي مطر وهي لابستا كانت بتسحر متل الحورية .
نهلة بقلق: ……الله يقدم اللي فيه الخير يارب .
شيرين: …خير ماما في شي مدايقك .
نهلة: ….مابعرف البي ناقزني…. ليش حاس انو رح يصير شي مو منيح .
مطر: …..خير مرت عمي بذو حاسة شغلتي بالي .
سوزان: ….شوو خالتي فيكي شي تعبانة .
نهلة: …لا لا مافيي شي بس ….خلص خلص ان شاء الله تكون بس وساوس من خوفي وقلقي ليقوم يصير شي وينزعلنا فرحتنا .
شيرين: انتي هيك ياماما عطول بتضلي قلقانة بوقت الفرح ليقوم يصير شي وبالآخر كلا وساوس من قلقك وخوفك .
نهلة: …ان شاء الله يمون خوفي مالو داعي …..اوووف …خلينا نكمل عند مين صرنا ماكتبنا اسمو .
سوزان عم تحكي بحالا😈 : (لا ياخالتي هالمرة خوفك مو عالفاضي وحياتك عالمليان وفايض كمان واحساسك ماخانك هالمرة بس ليه لهلأ ماعمل شي هالغبي رأفت).
عند رأفت بالمحل كان عز رايح لعندو ليبعتلو بطاقة الدعوى .
بعت رأفت لسوزان بهاللحظة وقلا تتصل فيه من رقمها الجديد .
بعد شوي اعتزرت سوزان وراحت لتعمل الاتصال ..
دقتلو ووقتها ترك رأفت موبايلو قدام عينو لعز وعأساس قام يشوف زبون دخل لعندو .
عز : ….لك يارأفت ….يارأفت موبايلك عم يرن…
رأفت : .اي يلاا بس شوي .
رجع رن الموبايل مرة تانية …
حمل عز الموبايل لياخدو لرأفت وهون كانت الصدمة ….
وقف عز وعينو ماانقامت عن الموبايل وعلامات الصدمة واضحة عوشو وقت شاف صورة مطر عخلفية موبايلو لرأفت .
كان رأفت عم يتطلع على عز بطرف عينو ليتأكد انو شاف صورة مطر والا لأ .
ابتسم وقت شاف دهشة عز وكان ببالو عرفان ومتأكد انو رح ياكل اللي في النصيب من عز لكن قال انو رح يستحمل كرمال يوصل لغرضو .
متل البرق وصل عز لرأفت وبوكس 👊🏻طاير وقعو فيه عالأرض …قعد فوقو وصار يضربو بوكسات ورا بعض بلا وعي حاول رأفت يدافع عن حالو لكن عز كان بحالة هستيرية وهايج متل المجنون ماقدر يسيطر عحالو ابدا لوقت اتدخلو اللي بالمحل وبالزور لقدرو يفكو رأفت من ايدين عز .
وقفو عز : ……هلأ بدي اعرف شو عم تعمل صورة مطر عموبايلك ….احكي قبل مااطلع بروحك …احكيييييي.
رأفت عم يلهت ويحكي بالمقطع ويبزق دم من تمو وانفو: ……بعد ……عني …….والله الا ….ردلك الصاع عشرة ياعز ……انا بأرجيك .
رجع هجم عليه عز مرة تانية ليضربو ووقفو الشباب ..
عز: ….لك احكيييييي من وين جبت صورتاااا ….لك قول ياواطي .
رأفت تم يستفزو اكتر ليكبر المشكلة اكتر : ….مارح قلك ….خليك عم تتحرقص ….ولعلمك عندي غيرا كتير ههههه.
جن جنانو لعز وهجم عليه مرة تانية ورجع ضربو اكتر من مرة وعشوي كان رح يغمى عليه لرأفت من كتر الضرب .
عز وهو ماسك برقبتو ومان رح يخنقو: …..لك احكي من وين حبت صورتا احكييييييييييي.
رأفت وهو عم يختنق : …….رح ……احك…..كي.
تركو عز …
قام رأفت وهو دايخ ومو شايف منيح : …….هييي …….هييي…االلي بعتتلي ……صورا .
عز بعصبية: ….مين هيي ولااا احكي .
رأفت عم يسعل: ……مطر……هيي اللي ….بعتتلي …..صورا .
عز : كزااااااب …..كزااااااب …مطر مابتعمل هيك .
رأفت عم يضحك بطرف تمو وعم يبزق دم: …..امبلى هي …..حتى اكتر ….من صورة بعتتلي .
مسكو عز من رقبتو من جديد وقلو: ……اثبتلي انو هيي اللي بعتتون .
عطاه رأفت موبايلو بعد مافتحلو عالصور من الواتس وقلو: ….هاد مو رقمها ؟…..هي مو صورتا اللي عالواتس ؟ …..وليك كم صورة بعتتلي .
عز مصدوم انو ليه لتبعتلو مطر صورها وكلون وهي لابسة فساتين حفلات وصورا وهي بغرفتا لحالا وشوية كلام حلو باعتيتون لرأفت …
عز: …….ماعم سدق ……لك ماعم سدق …..مطر تعمل هيك ….لك ليش …..ليييييسش.
رأفت : …..ملت منك كل الوقت لزقان فيها ومل الوقت دالق حالك عليها ودللتا كتير لاخدت منك وشبعت .
عز بعصبية: ……انا مو دالق حالي عليها ومابشوفا كتير اصلا ياانا مشغول ياهيي مشغولة دوبني شوفا ساعة بالنهار كلو .
رأفت عم يمسح تمو وسحب موبايلو من ايد عز: …..انا شو بعرفني هيي هيك قالتلي ..
عز: ….وكيف هالحكي …..ونحنا رح نتزوج بعد اسبوع.
رأفت: ….قالتلي رح تقدر تتهرب منك بهالأسبوع وانو عندا خطة .
وارجاه المحادثة اللي بتثبت كلامو .
ضربو بوكس تاني وقعو فيه مرة تانية وقلو : …..راجعلك ياحقير .
عز مخنوق ومصدوم انو ليه مطر تعمل هيك …..هو بحبا كتير ووعدا يخليها اسعد وحدة بالدنيي كلا ..كان سايق بسرعة جنونية وعم يبكي لأول مرة ….لأول مرة بحس بالإهانة انو البنت اللي حبا مابتطيقو ولا بتحبو وحس انو فارض خالو عليها وصار يتزكر تصرفات مطر معو من وقت تحدد عرسهن وصدمتها يوم عرفت وانو كل ماحاول يقرب منها كانت تصدو وماتخلي يلمسها ….كل هالشي كان يتوافق مع كلام رأفت .
بهالوقت اتصل رأفت بسوزان وخبرها بالقنبلة اللي فجرها بوش عز وانو هلأ جاي عالبيت وطلب منها تخبرو شو رح يعمل .

وصل عالبيت ودخل لاقاهن قاعدين ولسا عم يكتبو اسماء المدعويين عالحفلة ..
مشى بخكوات سريعة ناح مطر وقفها وسفقها كف وقعت عالكنباية ..
نهلة: ….عززززز ……شو صرلك امي ….شو جنيت .
مسكها مرة تانية وسفقها كف تاني وتالت ورابع لوقعت عالأرض وشحطها لعند الدرج اللي بطلع عالطابق التاني …
كل هاد وصراخ امو واخواتو ليفهمو منو ليه هيك عم يعمل مع مطر .
مطر كانت بحالة يرثى لها: ………عزووووو لك شو في ليه عم تضربني …..اااااااه …..لك شو في ياعز .
عز وهو كامشها من شعرها: ….مابتعرفي مااااااا …مابتعرفي ياكلبة كنتي متوقعة تستهبليني وتغدري فيي لآخر لحظة ماااا…..بس مافشرتي انتي والكلب التاني مافشرتو لك انا عزالدين مابينضحك عليي فهمتي فهمتيييييي .
نهلة: …..ولك ياامي اتروك البنت وفهمتي شوفي شو صاير معك وليه هيك عم تصربا لمطر .
عز : …..هالمحترمة اللي ربيتيها واعتبرتيها متل بناتك ولميتيها من الشارع عم تخوني ياامي …عم تخون العشرة والعمر اللي عشناهن مع بعض ….
نهلة: ….لك شو عم تخبص انت مستحيل مطر مابتعمل هيك ….مستحيل اللي قلك كزاب.
عز بصراخ: …..الللي قليييي ….لك واللي شفتو بعيني شو بتسمي كمان كزب .
مطر عم تبكي وهي تحت رجلي😭: ……مستحيل خونك ياعز ……..انا مابخون والله مابخون …
نزل عز لعندا وكمشا من شعرا: ….لك اخرسييييييييي اخرسي مابدي اسمع صوتك .
شيرين: …..لك يااخي مشان الله فهمنا شو القصة وشو شفت ومؤن اللي قلك هالكلام .
عز: ……رأفت رفيقي او اللي كان رفيقي لأنو هالحقير هو اللي عم تخوني معو الخانوم …..باعتيتلو صورها لك صور الي انا مابعتتلي اياهن وانا خطيبا .
نهلة: ….مستحيل ياامي بجوز يكون حدا باعتهن ليعمل بينكن فتنة ومشاكل .
عز: …ياامي مشاااان الله افهمي علييي هييي اللي باعتيتون من موبايلا ومتفقة معو تهرب بيوم العرس او قبل بيوم ….وشفت المحادثة اللي بينها وبينو .
نهلة فاتحة عيونها عالآخر: …..مطر …..شو هالحكي ……لك قولي شو هالحكي اللي عم نسمعو .
مسكت فيها مطر وعم تبكي بحرقة وتترجاها: ….. والله يامرت عمي والله مافي منو هالحكي …..ورحمة امي وابي مابعرف عن شو عم يحكي واي صور والله العظيم ماعملت شي والله…ًاااااااه.
عز: ……يعني عم كزب انا ولي .
مطر: ……..انا ماعم قول انك عم تكزب بس اللي قلك هو الكزاب …..والله ياعز ماعملت واللي زرعك بألبي هالكلام كلو كزب وتلفيق .
نهلة: ….لك بنتي عم يقلك انتي باعتة من موبايلك وحاكييتو لرأفت ……مين بيمسك موبايلك غيرك اصلا مابيفتح الا عبصمة ايدك .
صارت مطر تصرخ : ……والله مابعرف ….مابعرف ….بس انا ماعملت هيك شي يامرت عمي والله ماعملت 😭.
سوزان واقفة وماكانت متوقعة هالحيلة رح تنطلي على عزالدين الزكي اللي مابتمرق عليه هيك قصة لكن قالت انو الظاهر من صدمتو مافكر منيح وجنونو وقت شاف صور مطر عتلفون رأفت خلا يفقد عقلو وسيطرتو عتركيزو ضعفت .
سوزان قررت تتدخل: …..يامطر اعترفي بقى وقولي ….
عز بصراخ: ….انتي اخرسي وخليكي عجنب ماتتدخلي بالموضوع.
مطر: سدقني ياعزو والله مابعرف شو قصة الصور خليني احكي ….
رفعها من شعرها وصراخها ملا البيت من الوجع .
عز: …….لك اخرسييييي مابدي اسمع صوتك ياكلبة ….انا كيف ماانتبهت انو من وقت تحدد موعد العرس وانتي عم تصديني كل ماقربت منك ……وصرتي تتحايديني كتير وتبعدي عني ….ماانتبهت لهالشي من جدبنتي كنت فكرو خجل بس طلعت اجدب وغبي تاريكي مابدك قرب منك لحتى تكوني لغيري ياوسخة ……هلأ هلأ بتضبي اغراضك وبتنقلعي من هالبيت مابدي شوف وشك …..والا لأ لحظة ليه لتضبي اغراضك كل النعيم اللي عايشة فيه حضرتك والاغراض اللي عندك كلا مني …..روحي عند الحقير اللي بعتيني كرمالو خلي هو يجبلك ….اطلعي من هون بتيابك هدول واحمدي ربك انو مطالعك انا عرجليكي مو محملة ….انقلعيييييييي.
مطر 😭: …عزووووووو والله بريئة من كل شي سدقني .
نهلة: ….لك امي كيف رح تقلعا هيك بهالليل .
شيرين : لك اخي …..
قاطعهن عز: ……ولااااااااكلمة …هلأ بدا تطلع وبتيابا قبل ماطالعا محملة ……لك روحي لعندو ….براااااااااااا.
شحطا لعند باب البيت ورماها برا وسكر الباب …..
صرخ بأعلى صوتو : …لك لييييييييييييسش ……لييييش ياربي …….لك ليه لتعمل فيي هيك ……هاد جزاة حبي الها …..اااااااااخ.
نهلة: ……هدي حالك ياامي …..مشان الله ليقوم يصرلك شي .
شيرين: …..ماعم سدق مستحيل مطر تعمل هيك ….مستحيل.
شذى: وانا عم ماعم سدق ياربي حاسة عم احلم .
عز : ..لك خلاااأص اسكتؤ انتي واياها مابدي اسمع صوت. …..حاج تحكو عن المستحيل …..صار قدامكن المستحيل وصار كل شي ماكنا متوقعينو ……لك انا اللي عم احلم مو انتو ……ياربي ياربي خلي هالشي يكون حلم او كابوس ….المهم فيق منو حتى لو مزعوج بس مايكون حقيقة .
قامت مطر وطلعت من الفيلا عم تجر حالها جر من تعب ضرباتو لعز اللي ماتخيلتو بيوم يزعلها مو يضربها حتى …..عم تبكي مصدومة مقهورة مخنوقة مو مسدقة اللي عم يصير …كانت شاردة ودموعها عوشها كل هاد وهي ماشية ومو منتبهة لوين رايحة ولوين رجليها عم يسوقوها …ماحست لا بالوقت ولا بالطريق اللي ماشية فيه ولا بحالها انو طالعة بالبيجامة وبشحاطة البيت ….
مطرعم تحكي مع حالها: ….شو اللي عم يصير ياربي …..كيف هيك صار ….ومين اللي بعت صوري للزفت رأفت ….كيف وصلولو …ياربي تلهمني الصح ياربي خليك معي انت اللي عارف اني مظلومة وانو مالي حدا بهالدنيي غيرك والله ماخنتو لعز اااااه ياعزو شو ظلمتني وشو قسيت عليي .
تأخر الوقت وهي ماشية ومابتعرف وين صارت وانتبهت عالشوارع اللي دخلت فيها انو اول مرة بتشوفا وحست حالا قطعت مسافة كبيرة وماحست بأي تعب لانو ضرباتو لعز اقوى عليها من اي تعب ممكن تحس فيه .
اخر شي انتبهت لبناية مفتوح بابها دخلتها بشويش وتخبت تحت درج البناية .
بقيت كل الليل وهي تحت الدرج قاعدة وخايفة خاصة وقت انطفت اضوية البناية كاملة ….
بقيت عالعتمة كل الوقت اخر شي تغلب عليها التعب والنعس مدت حالا عالارض وغفيت عينا لكن ماغفيت دموعها وجرح البها لسا عم ينزف .
صبحية تاني يوم فاقت مطر عصوت رجال غريب عم ينكشها بطرف عصايتو …
الرجال: ….هيييي ….انتي …قومي شو عم تعملي هون .
فاقت وقعدت وحست بدنها كلو مكسر من نومة الارض ….اخظت وقت لتزكرت وين هي وشو صار معها وبعدين اتزكرت كل شي ونزلو دموعها متل الشلال …
مطر: …..اناااااا.
الرجال بعصبية: ….انتي مين …قولي والا والله بخليهن يجو ياخدوكي تسول .
مطر: ….لاااا لااااا انا مو شحادة ولا من اللي ببالك ….انا بس مالقيت مكان نام فيه ….لهيك اتضطريت نام هون الليلة .
الرجال: ….وكيف دخلتي لهون .
مطر: …..لقيت الباب مفتوح .
الرجال: …..اها يعني اتتي كل الليل هون …..معناها رح تدفعيلي اجرة الليلة اللي قضيتيها هون .
مطر 😳: …..بس انا نمت عالدرج عالأرض يعني مااستأجرت لا بيت ولا غرفة حتى .
الرجال: اي بس هالدرج اللي مو عاجبك حماكي من الليل وكلابو صح .
مطر: ….اي عمي بس انا مامعي شي اعطيك اياه.
الرجال: ….خليكي هون لحظة وراجعلك .
كانت مطر عم تفرك ايديها ببعض من القلق والتوتر …وانتبهت انو لسا محبسها اللي لبسها اياه عز بأيدها ….وحست انو هالرجال طماع قامت شلحتو وحطتو بجيبة كنزتها .
بعد شوي رجع الرجال ومعو مرتو عم تتعكز عليه كانت رجلا مكسورة .
المرة عم تتطلع بمطر : ……صباح الخير يابنتي .
مطر: …اهلين خالة .
الرجال: ….هي هيي …قليلي شو نعمل فيها هلأ .
المرة: ….بنتي مين انتي وليه هيك حالتك ووينن اهلك.
مطر 🥺: ……انا ماعندي اهل ….امي وابي متوفيين وماعندي اخوات …..كنت عايسة عند بيت عمي ووووووو……
الرجال: اي وشوووو .
مطر: …..هربت من بيتهن …..بدهن يزوجوني لرجال كبير مشان المصاري وانا مابدي .
الرجال: ….اي وشو يعني مو عيب عليكي عايشة عندهن ووقت احو يسترو عليكي هربتي من عندون .
المرة: ….ابونادر لحظة شوي خلينا نفهم من البنت شو القصة ….اي بنتي …..طيب وليه هربتي كان فيكي تقليلون مابدك.
مطر: ……قلتلون بس هننن…….بدهن يزوجوني اياه غصب عني وانا بخاف منو لهالرجال مابحبو .
المرة: …..بسيطة يااامي ….شو ابونادر ….شو نعمل هلأ.
ابونادر: هلأ انا جبتك لهون لتسأليني شو نعمل ماانا جايبك مشان تقليلي شو نعمل …
ام نادر: ….وانت من ايمتا بتاخد رأيي بشي ….ليكي انا برأيي يابنتي ترجعي لبيت عمك وتتفقي معهن وتحاولي تحلي الموضوع بالرواق.
مطر: ….لا لا مستحيل مافيي ارجع والله بيدبحوني لاني هربت من البيت ورح يزوجوني اياه غصب عني مارح يهتمو لرأيي.
ام نادر: ….والله قطعتيلي البي وانتي عم تبكي ….خلص بنتي اهدي شوي .
اخدت جوزا عجنب : …شو رأيك يارجال نقعدها بالمخزن اللي هون خطي بنكسب فيها اجر وثواب وبنكون سترنا عبنت مالها حدا .
ابو نادر: ….انتي جنيتي شي ….افرضي لاقوها اهلها وعملولنا شي مشكلة اااااه وقتا رح توقع براسي انا .
ام نادر: ….لك بالعكس رح يتشكروك وقت يشوفوك حافظت عبنتهن وحويتها ببيتك احسن مااتضل بالشوارع.
فكر ابونادر: …..هيك قولك .
ام نادر: …لك اي خطي بتكسب فيا اجر حرام …..ليك شو رأيك نعطيها من عنا شي تنام عليه وبطانية .
ابونادر …..ليكي رح اجرك هالمخزن اللي هون بس عشرط مابتدقري غرض في لان كل الاغراض اللي في لأصحاب البناية ورح اعمل معك جميلة كمان رح بعطيكي فرشة تنامي عليها وبطانية ….لحتى ما تقولي عمي ابونادر تركني نام عالأرض.
ام نادر: ….لك انا قلتلك اجرها المخزن ؟….لك عالحالتين المخزن انت مو مستفاد منو بشي ليه لتأجرها اياه وهي ماعندا شي تعطيك اياه ….انت ماعندك شي لله.
ابو نادر: ….اي ماكنا مستفادين منو للمخزن بس هلأ في مين يسكن فيه وبكفي انو رح تنام بأمان فيه يعني مارح ارميها بالشارع وقول مادخلني بحدا ……بعدين هلأ انا ماعندي شي لله ….والفرشة والبطانية اللي عطيتا اياهون هاد شو بتسمي اااااه .
ام نادر😏: لااااا كتر خيرك والله فيك الخير ….لك والله هالفرشة لو تعطيها لشحاد مابيقبل فيها وانت عم تمنن هالبنت فيون .
ابو نادر: ……روحي من وشي هلأ ، بكفي قطعتي رزقتي بوقعتك وكسرتك …روحي اطلعي عالبيت .
عطاها ابو نادر الفرشة والبطانية لمطر وعطاها مفتاح المخزن وقلا : ….شي ساعتين وراجعلك عايزك بموضوع ضروري …..واوعك تقربي للأغراض الموجودة هون اي شي بروح بحملك مسؤوليتو ها .
مطر: ….كتر خيرك عمي …..لا مارح قرب لشي بوعدك.
دخلت عالمخزن كان مليان اغراض يادوب قدرت تلاقي مكان تنام فيه .
اتطلعت مطر بالفرشة وقرفت تقعد عليها كانت مشققة كتير ومعفنة ودبلانة كتير والبطانية رقيقة كتير ….لكن قالت احسن من النومة بالشوراع والحيرة وين روح بحالي …..بضل هون لوقت لاقي مكان منيح انتقل عليه.
مدت حالا وتزكرت اللي صار معها قبل بيوم دبلو عيونا عقد مابكيت واخيرا استسلمت للنوم .
بعد ساعتين فاقت عصوت دق الباب .
قعدت شوي وانتبهت انو هي وين …..قامت وفتحت الباب .
مطر: …..اهلا عمو .
ابو نادر: …..تعي بنتي لقيتلك شغل .
مطر: ….شغل!!!! الي انااا.
ابو نادر: اي لكان الي …لكان كيف بدك تعيشي وتدفعيلي اجرة سكنك .
مطر😔: …..اي معك حق .
ابو نادر: …يلا سكري الباب منيح وتعي معي .
راحت مطر معو وهي تعبانة كتير .
مطر: …..عمي شو رح اشتغل انا .
ابو نادر: …رح شغلك بدل هالمغضوبة ام نادر…..مانت تشطف وتنضف درج البنايات اللي انا متفق مع اصحابهن ..ومن وقت وقعت وانكسرت من خمس ايام مااشتغلت شي بنوب .
مطر: ….اي وانا شو رح اشتغل يعني مافهمت .
وقف شوي واتطلع فيها : …..لك بنتي انتي غبية شي ….عم قلك رح تشتغلي عواض ام نادر يعني رح تشطفي ادراج البنايات اللي رح ابعتك عليهون هلأ وهيك بتاخدي الاجرة من اصحاب البنايات وبتقدري تدفعيلي .
حست فيه قديشو جشع وطماع …بس مضطرة تسايرو لان هي فعلا بحاجة الشغل لتقدر تصرف عحالا ….وتدفعلو اجرة الخرابة اللي مأجرها اياها .
دق الباب فتحتلو ست بأول الاربعين بس كانت مدللة حالا ومو باين عمرها عليها …
ابو نادر : …..كيفك مدام اعتماد ….هي الصبية اللي قلتلك عليها .
اتطلعت بمطر من فوق لتحت وصارت تأشر بأيدا عليها: ….هلأ هي رح تقدر تشطف وتنضف متل ام نادر .
ابو نادر: …اي اي ياخانوم بتعجبك سدقيني .
اعتماد 🧐: …اتتي شو اسمك .
مطر : …….مطر.
اعتماد: ….غريب اسمك ….هلأ ليكي رح بعطيكي مفتاح الغرفة اللي فيها اغراض التنضيف …بتطلعي من فوق بتبلشي وانا بتفق مع نسوان البناية لنعطيكي اجرتك .
ابو نادر: ….اي مدام بدك مني شي .
اعتماد: لأ ….بس من هلأ …ازا ماعحبني تنضيفها مارح بعطيها اجرة عم تفهمي انتي واياه .
ابو نادر: …..لا لا رح تعجبك ..
مسك مطر من ايدها : …..ليكي بيضيلي وجهي هااااا والا بتروح علينا الاجرة فهمتي .
مطر: …..اي اي عمي حاضر .
كانت مطر اول مرة بتمسك مكنسة وقشاطة وبتشتغل هيك شغلة …..وهي اللي كانت مدللة وكل شي يجي لعندها .
اعتماد بعد ماراح ابو نادر: ….ليكي بتخلصي شغل قبل الضهر عم تفهمي مابدي حوزي يرجع وانتي لسا عم تشتغلي …..هو مابطيق العجقة والشغل بيرجع تعبان وبدو يرتاح ….وبالنسبة للأجرة لاتعكيها كلا لأبو نادر هو واحد طماع ومابيشبع مصاري .
مطر: ……حاضر مدام.
كانت مطر كل كم درجة تسند ضهرا وتريح حالا شوي ….مو ن
متعودة وحاولت قد مابتقدر انو تستعجل وتنضف منيح .
اخدت وقت وهي عم تشطف واخيرا خلصت وحست حالا تعبت كتير .
اعتماد: ….شو خلصتي واخيرا …..بطيئة كتير انتي يعني وين ام نادر عنك ….بس ماشي حالو شغلك .
عطتها الأجرة ورجعت مطر عالبناية لان كانو بنفس الحي .
لاقاها ابو نادر : ….شو صار معك كل هاد عم تنضفي بهالوقت هاد ام نادر بتنضف تلات بنايات .
مطر: ….اول مرة بشتغل هيك شغلة .
ابونادر: ….اي بس من هلأ بدك تشدي حيلك اكتر عندك كمان بناية بدك تروحي تنضفيها .
مطر😥: ….هلأ؟
ابونادر: ….اي هلأ قبل ليرجعو من شغلهن لازم تكوني مخلصة كل شي ….يلا مشي معي لوصلك للبناية التانية….صحيح عطتك الست اعتماد الأجرة.
مطر: …..اي عطتني هدول.
اعطتو اياهن كلون وتركت معها شي بسيط .
وصلت عالبناية التانية ونضفتها وحست بتعب اكتر لان اشتغلتهن ورا بعض وماارتاحت بينهن ابدا .
وقت رجعت عالمخبأ تبعها ماانتبهت عحالا انها بدون اكل ماكانت تحس بالجوع ابدااا .
حست بوجع كتير كبير وقت مددت حالها وجع جسدي ووجع نفسي .
كل ما اختلت بحالا مابفارقها ابدا اللي صار معها وبترجع دمعاتا تشتقلا لترجع تنزل بكل سهولة .

ببيت عزالدين ……
تعبت الست نهلة كتير من اللي صار وارتفع الضغط عندا ونقلوها للمشفى..
نهلة بتعب: ماقلتلكون ياامي انو البي حاسسني انو رح يصير شي مو منيح ماسدقتوني .
شيرين: …..ريحي حالك امي …..مين مان متوقع من مطر تعمل هيك شي .
شذى: …..مابسدق مستحيل مطر مابتعمل هيك شي لك روحا معلقة بعز …..يعني مابتعرفوها انتو …..البي حاسسني انو في شي غلط .
نهلة: ….غلط شو ياامي واخوكي شاف كل شي بعينو…..لك اااخ يامطر شو عملتي بحالك وفينا وشو عملتي بعزو ..لك الدنيي كلا كوم وعزو لحالو كوم تاني ..انا خايفة عليه ياامي خايفة يصرلو شي .
شيرين: ….ماتقلقي امي عزو رجال ورح يقدر يتخطى هيك شي .
نهلة: …لك شو يتخطى …انتي مابتعرفي يعني قديشو متعلق فيها ومجنون بحبها.
شيرين: …..امبلى بعرف ياامي بس مابصير يضعف مشان وحدة مابتستاهل لحظة زعل عليها .
شذى: …لك لا لأ مستحيل كل الدنيي مابنقنعني انو مطر تعمل هيك شي .
نهلة: ….لك يابنتي لكان اللي مقتنعة والا مسدقة لكان مطر ترباية ايدي اللي ربيتا معكون اخسن ترباية تعمل هيك …حاسة حالي رح جن والله …كيف هيك بيوم وليلة بينقلب حالنا ….كنا مبسوطين ومو مسدقين ايمتا يجي العرس ونفرح فيهن …فجأة بيتحول فرحنا لهم وغم …..الله يسامحك يامطر.
شيرين: ….امي انسيلي اياها واهتمي بحالك صحتك اهم هلأ.
بهالوقت دخل عز عليهن وكان جايب الادوية واوراق الخروج .
عز: ….يلا امي طمني الدكتور عليكي وقال فيكي تطلعي هلأ .
رجعو عالبيت وكل واحد راح لغرفتو ..
دخل عز لغرفتو واستسلم للمي لتريحلو اعصابو ..
رفع راسو وترك المي تلعب عوجهو لتختلط مع دموعو اللي لأول مرة بينزلو عفراق مطر ..
عز: …..لك اااااااخ اااااخ ….لك انا يامطر تلعبي فيني هيك وتتركيني كرمال واحد مابيسوى …لك ليش واناواللي حبيتك اكتر من روحي اكتر من حالي ….صرت شوف فيكي مستقبلي شوف فيكي دنيتي كلا صرت اتنفسك سلبتيلي عقلي وتفكيري صرت شوفك امي واختي وحبيبتي وعشيقتي وخطيبتي ومرتي ….لك ااااااااااخ يامطر ااااااخ.
طلع من الحمام تعبان كتير وقرر ينام لحتى يريح حالو شوي من تفكيرو المتواصل فيها .
لكن مطر ماسمحتلو ينام ابدا وصارت تجيلو بخيالاتو وهو عم يتزكرها وهي عم تضحك وتركض وتهرب منو وتخجل من نظراتو وكلامو .
قعد بالتخت وحط ايدي عراسو وحمل صورتها اللي خاططها جنب تختو.
عز عم يحكي مع الصورة: …..ليه هيك عملتي فيي ..بشو قصرت معك انا ….حب وبجنون حبيتك ….اهتمام ماقصرت فيكي ابدا …..دلال ودللتك …..مابخلت عليكي بيوم بأي شي ….البي وعطيتك اياه ….عقلي وسيطرتي عليه ……لك شو كان ناقصك لحتى عملتي فيي هيك …..لك شوووووووو.
كسر صورتها بأيدو 👊🏻وقطعها ورماها لبعيد .
يتبع