إيمان :ههههههه فى ايه بس ياباشا انت عاوز تقلبها دراما واللا ايه وبعدين انا من امتى بخبي عنك حاجه ماهو لو فى حقولك على طول
يزيد :حسن مزعلك فى حاجه وديني اولع فيه
إيمان :لا وربنا حسونتى مش ممكن يزعلنى ده حبيبي
يدخل على مرة ثانيه:يزيد قفل الشغل وياللا بينا الجماعه مستنيينا فى البيت وشمس وخالتها هناك
يزيد:اتفضلي ياهانم معانا
إيمان :حاضر
على:عرفت مالها
يزيد :حتيجي وحتقوللى ايه اللى مضايقها دى تربيتى وانا حافظها
😢😢😢😢😢😢😢😢😢😢😢
فى احدى الشقق تجلس مع صديقتها لترتب وتخطط فكل محاولاتها حتى الان باءت بالفشل:تقدري تقوليلي حعمل ايه دلوقتي ده انا سامعه ان فرحهم كمان كام يوم
انجى :يعنى مفيش اى نتيحه من اللى انتى عملتيه
مياده :نهائى كل ماحاول اقرب منه الاقبه حاطط بيننا الف سد ده اتغير نهائى انا مش قادرة اصدق ان ده عمر اللى كان اول مابيشوفنى عينه كانت بتطلع علية
انجى:متقلقيش يابنتى اسمعي كلامى هما كلهم بيبقوا كده فى الاول بتبقى الجلاله واخداهم والاخلاص واخد حقه معاهم بعد كده بترجع ريمه لعادتها القديمه
مياده :وانا حفضل مستنيه لحد امتى ان شاء الله يعنى اللى اسمها شمس دى تتجوز عمر وانا افضل مستنيه حتة موظف كل امله فى الدنيا انه يطلع فى قرعة المصيف لا انا مش حستسلم ابدا وعمر حيبقى لية حتى لو اضطريت اعمل مصيبه
انجي :اهدي كده عشان نعرف نخطط واطمنى كل اللى انتى عاوزاه حيحصل
😢😢😢😢😢😢😢😢😢😢😢
تتوالى الأيام ويتعافى شاكر ويسترد صحته ويفرح الجميع بالتجهيزات لحفل زفاف عمر الذى طالما تمنوا ان يرونه زوجا له اسرة وها قد ان الأوان ليحقق امالهم فيه
تدخل عهد البيت بعد رجوعها من التمرين فتجد الزغاريد تملاء البيت
عهد:هو انتوا جبتوا الموبيليا بتاعة عمر
هاله :ايوة ياحبيبتى جيبناها عقبالك ياعهد لما نفرح بيكي ان شاء الله
عهد :ان شاء الله بعد اذن حضرتك
تصعد عهد إلى غرفتها لتستعيد الحوار الذى دار بينها وبين سيف قبل يومين
تخرج عهد من الجامعه فتجد سيف واقفا منتطرها
عهد :سيف
سيف :انا مستنيكي من بدري ياعهد
عهد :خير ياسيف فى حاجه
سيف :عاوز اتكلم معاكي شويه
عهد :مااحنا بكرة عندنا جيم وحنتكلم
سيف :لا انا مش قادر استنى لبكرة معلش ياعهد اوعدك انى مش حاخرك وعلى فكرة انا مستئذن من علي وهو عارف
عهد :الله ده الموضوع جد بقى
سيف :ايوة ياعهد ممكن تتفضلي
عهد :حاضر يا سيف
يجلسون امام البحر فتبدا عهد بالكلام :ياللا اتفضل اتكلم قول ايه الموضوع الخطير اللى عاوز تكلمني فيه
سيف :عهد انا بحبك
فتسكت عهد ولا ترد
سيف :سكتي ليه ياعهد انا عارف انك اتفاجئتي من كلامي
عهد:لا ياسيف انا متفاجئتش من كلامك اوعى تكون فاكر انى مش حسه بيك ولا بمشاعرك ناحيتى
سيف:بجد ياعهد حسه بحبي ليكى حسه اد ايه بحبك ومبتمناش فى الدنيا دي كلها غيرك
عهد :ايوة ياسيف طبعا بس انا………
سيف :قلبك مش معايا مش كده انا عارف كل حاجه ياعهد وعارف قلبك مع مين
عهد :سيف انت عارف انى
سيف :عارف عارف ياعهد انك بتحبي عمر بس للأسف مقدرتش امنع نفسي من انى أحبك غصب عنى مش بايدي ياعهد والله غصب عنى بس مش معنى كده انى حفرض نفسي عليكى انا كل اللى بطلبه منك فرصه تديني وتدي نفسك فرصه ياعهد ولو مقدرتيش تحبينى ياعهد عمري ماحفرض مشاعري عليكى وحبعد عنك واتمنالك الخير
عهد :سيف انت فعلا تستحق اني اديك وادي نفسي الفرصه دى عشان انا فعلا محتاجه وجودك في حياتي
سيف :عهد انتى قلتى ايه والنبي سمعينى تاني قلتي ايه
عهد :سيف انا منكرش انى بقيت برتاح معاك فى الكلام اوى ومنكرش انتى بقيت بستنى معاد الجيم عشان حنبقى سوا
منكرش انك عوضتنى عن حاجات كتير اوى كنت محتاجاها فحياتى
صحيح اخواتى بيراعونى وبيحاولوا يحتوونى على اد مايقدروا بس فى حاجات هنا ميقدروش يدوهالي
سيف :وانا قدرت اديها لك ياعهد
عهد :ايوة ياسيف قدرت بس لسه مش عارفه غصب عنى والله لسه فى حاجات مسيطرة علية وعلى مشاعري
سيف :وانا مش مستعجل انا مستعد استناكي العمر كله المهم يكون فى امل
تفيق عهد من ذكرياتها في هذا اللقاء:ان شاء الله حيكون فى امل ياسيف انت تستحق انى اديك وادي نفسي الفرصه دى
💖💖💖💖💖💖💖💖💖💖💖
واخيرا ان الاوان لتسعد قلوب قد ملاء الحزن قلبها وطال املها فى البحث عن السعاده واخيرا سيكتب القدر لتلك القلوب ان ترتاح وتطمئن لما اختارته وعقدت امرها عليه
فتلك الليله هى اخر ليله سيبتعد كلا منهما عن الاخر اخر ليله تحمل ما تبقى لها من الالام ومن الغد سوف تبدأ حياة جديده بين اثنين جمع بينهما الحب والف بين قلوبهم العشق والغرام
الليله ليلتك يامعلم ياللا بقى ياقلبي اتعلم الف الف مبروك ياصاحبي
عمر :الله يبارك فيك يا حبيبي عقبالك يارب
سيف :اما انا بقى محضرلك حتة سهرة محصلتش
عمر :ودى حتكون فين هنا
يزيد :ايوة طبعا هنا عشان ابوك يفرح بيك ده احنا بقالنا سنين مستنيين اليوم ده
يحتضنه عمر :ربنا يخليك لية ياابو عشق عقبال ماتفرح بيها وتشوفها احلى عروسه في الدنيا
أنس :قريب ان شاء الله قريب
سيف :هههههههههه انس مستعجل اوى
يتجمع عمر وعلى ويزيد وبعض الاصدقاء للاحتفال بالعريس
بينما على الجانب الآخرفى شقة سناء يتجمع كل الأهل والأحباب وبعض من الجيران المقربين الذين لايحملون لشمس سوى كل حب وموده للاحتفال بحنة شمس
الاغانى والديجي والانوار معلقه على العمارة كلها اعلانا عن فرح شمس
تعلو الزغاريد ويلتف الجميع ليصفقوا ويرقصوا على الاغاني الشعبيه كانت أمل تشاركهم هذه الفرحه فمنذ سكنها بحانبهم وهى لاتفارقهم لحظه واحده فلقد أصبحوا لها الأهل والسكن
إيمان :ايوة ياامل ايه يابنتى فيفى عبده
كانت أمل ترقص والجميع يصفق لها بينما كانت سناء تحمل زياد على قدميها فلقد تعلقت به كثيرا
اما شمس فسعادتها لا توصف فكم حلمت وتمنت بذاك اليوم الذي يجمعها بحبيبها وها قد جاء هذا اليوم
تقوم ايمان لتشارك امل فى الرقص والكل يطلق الزغاريد
كانت عليا ومروة يستعدان للذهاب الى بيت شمس لمشاركتهم فرحتهم ومعهم عشق
تتفاجأ عليا بعهد:استنوني انا جايه معاكم
عليا:حتيجي معانا عند شمس
عهد :ايوة ياعليا هو انا حقعد هنا فى وسط الرجاله اعمل ايه بس حنعدي على حنين تيجى تهيص معانا وتفرفش شويه
وترقصلها حبه اصلها بتمو*ت فى الرقص
عليا:عهد انتى كويسه ياحبيبتى
عهد :انا عمري ماكنت كويسه زى اللحظه دى
فتحتضنها عليا:ياحبيبتى باعهد ربنا يريح قلبك يارب
فرحه كبيرة تملأ الوجدان لكن فرحة شمس تعدت كل الحدود
يقف فى الشارع أمام البيت يستمع الى الموسيقى التى يعلو صوتها على اى شئ اخر ينظر الى تلك الانوار المعلقه ويندب حظه كيف له ان بفرط فيها بهذا الشكل
ايعقل ان يكون كل ماحدث كابوسا وهى الان تستعد للزفاف به ليتني استطيع ان اعيد الزمان مرة اخرى ليتني لم افعل مافعلته
فلتسعدي ولتهنئي يامن اعطيتني كل شئ ولم تنلى منى غير الغدر والاسى
انا بقول كفايه كده النهارده عشان الفرح ميقلبش لنكد
اه ماهو مينفعش يعنى اجوز شمس واطلق انا
مانتوا عارفين احنا فعيد بقى واجازة وقاعدينلنا و مفيش غير طلبات وبس وانا وغلاوتكم عندي عملت نفسي نايمه عشان اكتبلكم البارت
فانا بقول اخللى عندي دم واشوف المعجنه اللى حصلت وانا عامله نفسي نايمه
كل سنه وانتم كلكم طيبين واشوفكم البارت الجاي ان شاء الله
خلاص انا جايه اهوه يادي النيله علية الواحد ميعرفش ينام شويه فى البيت ده واللا ايه
وانت خليك ياخايب واقف كده تحت البيت جتك نيله تستاهل حد قالك تسيب شمس وتروح لوش الهم اللى معاك دى
وانتوا يابنات كملوا رقص متوقفوش خليكم زى مانتوا لحد ماارجعلكم كان نفسي والله اجي اهز معاكم شويه بدل مانا عماله اغير بامبرز واغسل فى مواعين بس جوزى وولادى حيولعوا فية
زي مانتم هاه اوعوا حد يقوم ارقصي يابت ياامل وانتى ياحنين دى ليلة شمس وعمر هو احنا عندنا اغلى منهم
وعقبال كل البنات اللى بيقرووا الروايه تلاقوا مزز كده زى عمورة وسيف ويزيد وعلي
يالهوي انا جايه اهوه
😭😭😭😭😭😭😭😭😭😭😭😭😭😭
يتبع
