على فكرة مراة ابوكى كلمتنى بتقولى معلش مقدرتش اجى الخطوبه كنت تعبانه
بينى وبينك انا كان نفسي اقولها بركه يااختى انك مجيتيش
🌹🌹🌹🌹🌹🌹🌹🌹🌹
فى اليوم التالي بداخل الشركه
تجلس منى السكرتيرة وتمارس عملها فتجدايمان أمامها: صباح الخير يامنى
منى :صباح النور يا ايمان
إيمان :عاوزة ادخل للباشا
منى:ادخلى ياقلبي
إيمان :مانا قلت استئذنك بردو عشان شكلك ميبقاش وحش
منى :هههههه لاياقلبي خدى راحتك عالاخر وبعدين البشمهندس انتى الوحيده اللى سامحلها تقتحم عليه المكتب من غير اذن بس على الله ماسمعش ضرب وخبط بعد ماتدخلى ويطلب منى برشام للصداع زى كل مرة ههههههه
إيمان :لا اطمنى عالاخر ده انتى حتلاقينى انا شخصيا بترمي قدامك عالمكتب هنا
منى :ههههه ربنا معاكى
وبعدين قوليلي صحيح الطقم بتاع امبارح جايباه منين
إيمان :عجبك
منى:تحفه يابت اللذينه حياكل منك حته بصراحه اللبس عليكى بيبقى حلو اوى
انتى عارفه الفستان الشتوى اللى سألتك عليه تسنيم وراحت جابت زيه بصراحه مكنش حلو عليها زيك يامضروبه
إيمان :الرك عالقالب يابنتى القالب غالب وبعدين اصلها ياعينى رفيعه اوى لكن انامقلوظه والفستان ملفوف علية هههههههه
منى :انا كنت عاوزة اسالك امبارح بس انتى كنتى مشغوله ومعرفتش اسالك
إيمان :ده محل فاتح جديد فى وسط البلد مش حعرف اوصفهولك شوفى نفسك فاضيه امتة ونروح سوا وكمان عنده حاجات تانيه كتير حتعجبك اوى
منى :ماشي اسيب بكرة الولاد عند ماما ونروح بعد الشغل ماشي
إيمان :ماشي يامزة حدخل بقى استعنى عالشقا بالله
تدق المكتب وتدخل :صباح الفل والياسمين على الباشا الكبير بتاعنا
يزيد :الدخله دى مش برتاحلها خير اللهم اجعله خير
إيمان :بقى كده بردو مكنش العشم يابرنس
يزيد :إيمان ادخلى فى الموضوع وانجزى عندى شغل
ايمان :اه ماهى خلصت حاجتى من جارتى خلاص اخدتنى لحم ورمتنى عضم اروح انا فين دلوقتي
يزيد:يالهوى علية انتى حتلبسينى تهمه عالصبح يخرببيت سنينك
إيمان :اه ماهو بص شوف بتكلمنى ازاى كأنك مش طايقنى
يزيد :انجزى يازفته عاوزة ايه والاوربي
إيمان :والنبي لتوطي صوتك البت منى بتقعد تضحك علية وهى سامعاك بتبهدلنى كده كرامتى ياكابتن كبريائى
برستيجى فوسط الموظفين
انجزى يازفته خلصي انا مش فاضيلك دلوقتى مشاكل الدنيا كلها فوق راسي الصبر من عندك يارب
على وهو يفتح الباب:ههههههه هههههههه اقسم بالله انا جاى على صوت ضحك منى بره ومتوقع انها حتقوللى ان صوتك ده بسبب إيمان
إيمان :عجبك كده الفضايح دى قلتلك حتفضحنا اهوه اعمل ايه انا بقى اوري وشي للبرة ازاى وانا كل ماادخل هنا صوتك يعلاوتعمللى فضيحه
على:عملتيله ايه يامصيبه
ايمان :وربنا لسه ماعملت ده مش مدينى فرصه اتكلم معاه نهائي ونازل فية بهدله
يرضيك كده يابشنهندس اهئ اهئ
على:لا طبعا مصدقش ده انتى الحته الجوانيه عند يزيد
يزيد :ايمان ادخلى فى الموضوع وقولى عاوزة كام يوم اجازة
على:اجازه يخرببيتك اجازة ايه تانى أنتى مشبعتيش اجازات
ايمان :والنبي ماجبت سيرة اجازات على لسانى
يزيد :اللى ربى خير من اللى اشترى يامنتى عيب عليكى ده انا افهمك من نظرة
إيمان طول عمرك لماح ياباشا طب ايه رايك فى اللينسز دى حلوة حلوة حتعجب حسونتى
يزيد :اه حلوة وزى القمر وحتعجب حسونتك اللى طبعاجاي وانتى جايه عشان تاخدى اجازة عشان تقعدى معاه صح واللا انا غلطان
إيمان :وانت عمرك تقول حاجه غلط صح الصح ياباشا طول عمرك بتفهمها وهى طايرة
يزيد وهو يهبد على المكتب :مفيش اجازات ياايمان
ايمان وهى تهتز من صوته:طب حاضر بس اهدى لا احنا اتحسدنا طب وربنا اتحسدنا صابتنا عين وربنا هى اكيد عين مياده مفيش غيرها مكنش العشم يابشمهندس
على:ايمان هو انتوا مشبعتوش من بعض ده انتوا قعدتوا شهر كابسين على نفس بعض عاوزة ايه تانى
إيمان :طب وهو حضرتك بتزهق من المزة بتاعتك
على :بصراحه لاء هههههه
يزيد :وانا قلت مفيش اجازات واتفضلي على مكتبك
عاوزة حاجه تانى؟
إيمان والدموع تجري فى عينيها :لا خلاص مش عاوزة حاجه انا اسفه خلاص بعد اذنكم
يزيد :استغفر الله العظيم يارب
ايمان انتى عاوزة ايه
ايمان وهى تمسح دموعها :خلاص والله بابشنهندس مش عاوزة حاجة
على:جرى ايه يامونى قلبتيها دراما كده ليه من امتى يعنى وانتى بتزعلي من يزيد ده انا نفسي مبعرفش اتكلم ولا اهزر معاه زيك
يزيد وهو ينظر لها والدموع تلمع فى عينيها ويرق قلبه لها:طب اقعدي ياايمان عاوزة كام يوم
إيمان :خلاص والله
يزيد:انطقى وخلصينى هو يوم واحد مفيش غيره
ايمان:ماشي تشكر ياابن الأصول
بس بقى فى حاجه تانيه بالمرة كده عشان تبقى قطيعه بالمرة
على:قولي ياوش المصايب
إيمان :يعنى هو بس كنت محتاجه اجازة اسبوع قبل فرح عمر وشمس
يزيد :اسبوع ليه ياايمان هو انتى اللى حتتجوزي واللا هما
إيمان :مش لازم اكون مع شمس واحنا بنفرش شقتهم وبنشتري بقية الحاجات
يزيد :بعد الشغل ياايمان متستعبطيش الاجازة حتاخديها اليوم اللى قبل الفرح ويوم الفرح بس
المشروع بتاع العجمي فيه شغل كتير مخلصش ومحدش بيعرف يخلصه غيرك الله يخليكى بقى
ايمان :بص انا حقولك حاضر عارف ليه عشان انا مؤدبه وبسمع الكلام
تمام ياباشا بس متزعقليش تانى انا حساسه
يزيد :حاضر ياست ايمان
تخرج ايمان بينما يضحك على:ههههههه ههههههه
مجنونه وربنا والله مش عارف الشركه من غيرها ممكن يحصللها ايه
يزيد :تحفه ملهاش حل اصلا انا مقدرش اجي الشركه وهى مش موجوده صدقنى لو قلتلك ان وهى مسافرة كنت حاسس ان المكان ناقصه حاجه ربنا يسعدها يارب
بالخارج منى :هههههه هههههه هههههه
إيمان :اضحكي يااختى اضحكي
منى:نفسي افهم انتى بتعمليله ايه بتخليه يتعصب كده
إيمان :اهوه عندك ادخلى اساليه
منى:لا يااختى وانا مالي
تتجه ايمان لممارسة عملها بينما شمس وعمر وسيف يعملون معا فى تصميمات مشروع العجمى المطلوب منهم
انتهى البارت النهارده ومتقلقوش ان شاء الله ححاول هاه ححاول بس موعدكومش بصراحه انى حسرع فى الاحداث عشان حساكم حتقـ,ـتلونى
ادعو ربنا يستر فى الاحداث الجايه وتعدي على خير ان شاء الله
تعليقاتكم اراءكم لايكاتكم تعاطفكم لوحده مو كفايه
ريفيوهاتكم اللى عمري ماشفتها بس ياللا مش مهم انا عارفه نيتكم كويس
بس يعنى راعونى شويه ده انا غلبانه والله ونفسيتى تعبانه من ساعة ما رجعونا الشغل تانى كان مالها الاجازة ماكانت زى الفل فرحونى بقى ياجدعان احسن نفسيتى زفت
باي باي ياحبايبى
قبل مايزيد يشخط فية انا كمان
🌹🌹🌹🌹🌹🌹🌹🌹🌹🌹🌹🌹🌹🌹
الفصل الواحد والثلاثون من رواية شمس تتحدى الغيوم
بقلمي :عبير سليم
💖💖💖💖💖💖💖💖
فى شقة عصام
عصام :هاجر انتى حتفضلي ساكته كده مبتكلمنيش
هاجر :عصام من فضلك ياريت تخليك فى حالك وتبعد عنى
عصام :ازاي يعنى أبعد عنك انتى مراتي وأم بنتى انتى هاجر اللى اتحديت الدنيا كلها علشانها وعلشان أكون ليها.
ازاى دلوقتى بتطلبي منى أبعد عنك
هاجر :انا عارفه انك اتحديت الدنيا عشانى ومبنكرش ده لكن انت خلاص لا بقيت طايقنى ولا عاوزنى شايفه عينيك كلها كره لية.
عصام :إيه الكلام الفارغ ده انا عمري ماكرهتك ياهاجر انا كاره تصرفاتك اللى بتتصرفيها.
بتتصرفي بشكل يخلينى احس انك مبتحبنيش زى مابحبك
هاجر :ليه عملتلك إيه طلبت منك شاليه فى الساحل واللا عربيه أحدث موديل مانا قابلاك بعيشتك كل ده عشان كام فسحه فسحتهالي واللا كام حاجه هبله اشتريتها لي كل شويه تقولي طلباتك كتير خربتى بيتى انزلي اشتغلي وساعدينى ليه يعنى ده كله لما انت مش قد فتح بيت كنت بتتجوز ليه ولما انت محتاج واحده تشتغل وتساعدك متجوزتش واحده بتشتغل ليه
ماهى كانت معاك اللى بتشتغل سيبتها ليه سمعت كلامى ليه ماكنت اتجوزتها وريحت نفسك وريحتنى.
عصام :عشان بحبك ياهاجر عشان بحبك انتى ضحيت بكل حاجه عشانك انتى.
جرحتها ودست عليها بكل قسوة عشان بحبك انتى.
مهمنيش الناس حتقول عليها ايه وانا سايبها قبل الفرح بأيام عشان خاطرك انتى.
نسيت كل اللى عملته معايا وكل وقفاتها اللى وقفتها معايا عشان مسيبكيش انتى.
طردتها من حياتى بكل جبروت متهزتش لدمعه من دموع عينيها اللى شفتها وهى نازله ادامى زى الشلال عشان هاجر.
عرفت ان جالها انهيار عصبي وان حالتها سيئه جدا وبىدو مهمنيش وقلت عادي حتنسى.
كل ده ليه هاه تقدري تقوليلي عملت كل ده عشان خاطر مين
عشان هاجر حبيبتى اللى عينى فتحت على حبها من أيام ماكنا فى ثانوي وبنروح الدروس سوا لحد مادخلنا الكليه مع بعض عمري ماحلمت بحياتى غير معاكى عمرى ماتمنبت اعيش غير وياكى انتى مش حد تانى
هاجر :اه عشان كده كل شويه تعايرني وتقوللى ياريتنى ماكنت اتجوزتك انا انخدعت فيكى ياريتنى ماسيبتها.
عصام :انتى السبب فى كل اللى انا بقوله ده انتى السبب لما تبقي طول الوقت مبتفكريش غير فنفسك وبس طبيعى لازم اقارن بينك وبينها صحيح انا مكنتش بحبها قد ماهى كانت بتحبنى بس كنت حابب حبها لية أكتر خوفها علية اهتمامها بية
انتى بقى فين من كل ده هاه انطقى بصي يابنت الناس انا من ساعة اللى حصل وانا عمال ادادي فيكى مش عشان دايب فهواكى دوب لا انتى قدرتي وففترة صغيرة اوى تغيري مشاعري من ناحيتك.
ولا عشان متكلمتيش وقلتى انى انا اللى عملت فيكى كده لا ياهاجر انا بعمل كده بس عشا بنتى اللى كنت حتسبب فى مـ,ـوتها وعشان بلوم نفسي على انى مديت اديا عليكى واناعمري مامديت ايدي على واحده ست.
لكن حتسوقي الهبل علية حوريكى اللى عمرك ماشفتيه انتى فاهمه واللا لاء فوقي كده وخللي بالك من اللى فبطنك وحافظى على بيتك ياهاجر يمكن نقدر نكمل مع بعض مش عشانى وعشانك لاء لكن عشان البنت اللى ملهاش اى ذنب انها تتربى بين اب وام بعيد عن بعض.
وده اخر كلام عندى ولو متعدلتيش الباب يفوت جمل بس تعملي حسابك انك حتخرجى من هنا لوحدك والبنت حتفضل معايا انا وانا اللى حربي بنتى وانتى مع الف مليون سلامه.
انا خارج رايح ازور ابويا واختى الأكل جمبك اهوه عن إذنك
يخرج عصام من الشقه بينما تحدث هاجر نفسها: بقى كده ياعصام العموم أحسن بردو فى ستين داهيه انا اصلا مش طايقه اعيش معاك بس ياترى علاء لما يرجع حيرضى انه يرجعلي تانى.
ايوة انا متأكده انه حيرجعلي هو بس زعلان منى لكن انا متاكده انه لسه بيحبنى وسلمى قالتلي انه متجوزش انا لازم اعرف حيرجع امتى عشان اتكلم معاه واخليه يسامحنى ونرجع لبعض تانى
💖💖💖💖💖💖💖💖💖
فى صباح يوم جديد وميلاد أمل جديد للحياة وتخطي مرحله من حياتنا واستقبال حياة جديدة تحمل لنا الأمل والتفاؤل.
فى احدى المستشفيات الخاصه فى داخل احدى الغرف
يجلس على الكرسي المتحرك وهو مرتدي روب العمليات وعلى قدمه طفله الصغير وبجانبه زوجته و معهم أيضا شمس.
وليد :بشمهندسه ممكن اطلب منك طلب
شمس :اتفضل ياوليد
وليد :لو ربنا أراد انه يسترد وديعته والوشوش متقابلتش تانى امانه عليكى أمل وزياد تخللي بالك منهم ومتسيبيهومش دول غلابه ملهمش حد فى الدنيا
أمل وهى تبكى :ألف بعد الشر عنك ياحبيبي ان شاء الله حتخرج بالف سلامه وحتخرج من هنا واقف على رجليك بامر الله ومحدش حيربي ابنك غيرك ياوليد
وليد :يارب ياامل يارب بس بردو عاوز قلبي يبقى مطمن من ناحيتكم.
شمس :وليد بلاش الكلام ده أن شاء الله حتبقى زى الفل وترجع تقف على رجليك تانى.
يدخل عمر عليهم :جاهز ياوليد
وليد :ايوة جاهز يابشمهندس.
يدخل الممرض:ياللا بينا يابطل العمليات جاهزة خلاص
شمس :هى مدة العمليه اد إيه
الممرض : لسه بدري مش اقل من اربع ساعات ادعوله بس ربنا يقومه بالسلامه.
يقبل وليد زياد ويحتضنه بشده وكأنه يخاف الا يراه ثانية ويحتضن زوجته ويوصيها على ابنه:امانه عليكى ابنى ياامل زياد امانه فى رقبتك ياامل تخللى بالك منه وتربيه كويس وتقوليله انى بحبه اوي وكان نفسي اكبره واعلمه واخليه راجل
وتخللى بالك من نفسك انا عارف انك جدعه وبميت راجل بس الزمن بقى وحش اوى والناس مبقتش زى زمان خللى بالك من نفسك ومن زياد ياامل
كانت امل منهارة من البكاء خوفا على زوجها
عمر:فى ايه بس ياوليد لزمته ايه بس الكلام ده أن شاء الله حتخرج بألف سلامه
يخرج وليد بصحبة الممرض على الكرسي ويقومون جميعهم بتوصيله حتى باب الاسانسير.
الممرض :خلاص دوركم انتهى الاسانسير طالع عالعمليات مباشرة ماينفعش حد يطلع دعواتكم.
ترتمى امل فى حضن شمس وتبكى بشده
بينما تبكى معها شمس وتصبر قلبها:اهدي اهدي ياحبيبتى ان شاء الله حيقوم بالف سلامه.
أمل :يارب يارب ده غلبان اوى وطول عمره شقيان ياحبيبي عمره ماشاف الفرح من اول ماوعت عينه على الدنيا
هيا ليه الدنيا جايه عالغلبان اوى كده.
سايبه القوي والمفتري يظلم ويتجبر ومبتهدش غير اللى ماشي جمب الحيط
شمس :ابتلاء ياامل ربنا بيحطنا فى ابتلاءات عشان يشوفنا حنصبر واللا لاء واللى بيصبر ربنا بيجازيه كل خير مش ربنا بيقول وانما يوفى الصابرون اجرهم بغير حساب
يبقى احنا لازم نصبر وندعي ربنا
اما بالنسبه للى بيظلم ده ربنا بيسيبه يظلم عشان حسابه بيبقى تقيل قوى
امل :يارب يارب يابشمهندسه يارب
