مش مياده اللى يتلعب بيها الكورة ياسي عمر
وحتكون اية يعنى حتكون لية
ووقتها انا اللى حتحكم واما كانت نهايتك على ايدى ياايمان انتى وشمس مبقاش انا مياده
اخذت حقيبتها وغادرت المكان فورا حتى رآها على وهى على وجهها الغضب الشديد
بت ياايمان انتى يازفته
ايمان وهى تاكل الجاتوه :خير يابشمهندس عاوز حاجه
على:البت مياده شايفها خارجه من الشركه وشكلها صعب اوى هو فى حاجه
ايمان :اممممم الجاتوه حلو اوى هو ده اللى يتقال عليه جاتوه صحيح مش الجاتوه اللى بجيبه ده بصراحه اخره يتقال عليه كيكه وملهاش طعم كمان
على:الله يخرببيتك ياشيخه انتى حتجنينى يابنتى ماتسيبك من الجاتوه ده دلوقتى وتردي علية
إيمان :ييييه بقى مالها المدعوقه دى الله يحرقها
ماتروح فى داهيه واللاتغور فى مصيبه تاخدها الهى يارب تخطبها مقطورة ويكون صاحبها اعمى ومنشوفوش وشها تانى والدنيا ترتاح منها ومن شرها
على:كفايه حرام عليكي زمانها ولعت
إيمان :الهى تولع وماتلاقى حد يطفيها
على:يابنتى حرام عليكى والله انا حاسس انك السبب فى مشيها بالشكل ده اقطع دراعى اما كنتى ظبطيها بكلمتين صح واللا غلط
إيمان :وانت عمرك تقول حاجه غلط ياابوانس صح
الصح كمان وبعدين ده انا حتى مردتش اتقل عليها اديتها كلمتين وخلاص صعبت علية ياعينى قلت حبقى انا كمان عليها
كفايه المقلب اللى شربته مفيش اكتر من كدا
بس مش قادرة اقولك شكلها كان صعب اوى ياعينى ماهى معذورة العصفور طار من العش هههههه
خدت حتة بمبه يا لهوي مش قادرة حساها حتفرقع ان شاء الله
مش قادرة اقولك فرحانه فيها ازاى هاين علية ااحدفها بالطوب زى ماكنت بعمل فى الناس اللى مبحبهمش وانا صغيرة انشها واحده فى دماغها يمكن تفقد الذاكرة وتنسانا وتبعد عننا بقى
وبعدين بينى وبينك مرضتش اتقل عليها العيار احسن تجر شكلي وانت عارفنى مبعرفش اسيطر على اعصابي وكان ممكن اجيبها من شعرها بس بصراحه انا النهارده فرحانه ومش ضاربه معايا خناء نهائي
على :قلبك أبيض يامونى
إيمان :وهو انا فى حاجه تعبانى غير طيبة قلبي ياللا مش مهم
وبعدين تعالى هنا قللي
على:اقولك ايه يامعلمه
ايمان :هى الأخت دى ازاى تاخد بعضها وتمشي كده من غير ماتستئذن من حد هى وكاله من غير بواب واللا ايه دى المفروض يتعمللها خروج بدون اذن ويتخصم منها ٣ايام اه احنا مش وكالة البلح
على :إيمان انا عمري ماشفتك كده انتى مافورة معاها اوى كده ليه ده انتى بتتحملى سخافات كتير وبتعديها اشمعنى دى اللى مزوداها معاها اوى كده
إيمان :عشان وحشه وحشه اوى يابشمهندس من جواها مش صافى
عارف برغم انها ملهاش كتير معانا فى الشركه بس من اول مادخلت الشركه وانا قلبي مش مستريح لها حسوده وحقوده وطماعه مبتحبش الخير لحد بتكره كل اللى حواليها عارف دى تلاقيها حتى بتكره نفسها
جواها كمية غل عمري ماشفتها فى حد اللى زى دى لو بلعت ريقها ممكن تتسمم
وعمرها ماحتشوف الخير ابدا
وعمري ماحنسالها لما شمتت فى شمس وكان نفسي اردهالها والحمد والشكر لله جاتلي الفرصه اردلها القلم قلمين اقوم اسيبها تعدي كده لا وربنا مايحصل
وعلى فكرة ده انا كنت رحيمه بيها اوى كمان وقلت حرام بردو ماهى نفسها تستلقطلها عريس لقطه بس ياللا اخدت اللى فيه النصيب
على:ده انتى جباره المهم قوليلي عجبك الحاتوه ياقطه
إيمان :اوى اوى مش قادرة اقولك وخصوصا الفاكهة اللى عليه طازة وتحفه مش حامضه الله يخرببيتك ياعم حسنين ويخرببيت المخبز بتاعك بيحط حتة كريز متعرف ده كريز واللا طماطم ضاربه
بقولك ايه تاخد حته
على:ههههههه ههههههه ههههههه لا لا انا مش قادر يخرببيت سنينك حتمـ,ـوتيني
إيمان :الف بعد الشر عنك ربنا يحميك لشبابك ويخليك لولادك
على:امانه عليكى ماتقولي ان شالله مياده كفايه عليها اللى اخدته
إيمان :تصدق كنت حقولها اخدتها من على طرف لسانى نفسي بس تصيبها دعوة الله يحرقها
فى داخل المكتب تدخل ايمان وهى تدندن
شمس :كنتى فين يامونى كل ده بقالك اكتر من ساعتين مختفيه
ايمان :كنت بوزع الجاتوه ياقلبي على الاخوة الزملاء
شمس :حبيبتى يامونى عقبال مااوزع جاتوه فرحك يابطتى
ايمان :يارب ياشموستى يارب
تمشي مياده فى الشوارع والطرقات كالمجنونه ثم تتصل على اقرب صديقه لها
انتى مبترديش ليه مش برن عليكى
انجى :مالك بس فى حاجه حصلت واللا ايه
مياده :تعاليلي حالا انا على اخري
💖💖💖💖💖💖💖💖💖💖
يدخل شقته والنار تأكل قلبه فيجدها جالسه فيتجه نحو غرفته دون التحدث إليها فتقوم وراءه :ممكن افهم ايه آخرة الوضع اللى احنا فيه ده ولحد امتى حتفضل تعاملني بالشكل ده
عصام وهو يبدل ثيابه :من فضلك ياهاجر انا جاي تعبان من الشغل ومش مستحمل كلام ابعدي عنى عاوز استريح
هاجر :ووجودى بقى هو اللى تاعبك مش كده
لا ياحبيبي بقولك ايه انا الكلام ده مينفعش معايا اه اوعى تفكر انى حترجى فيك واقعد ابكي عشان تحن علية لا انا كرامتى عندى اهم من اى شئ
عصام :بقولك ايه اعملى اللى انتى عاوزاه انا خلاص مبقتش طايق عمالك السوده دى شوفى عاوزة ايه يابت الناس وانا تحت أمرك بس تبعدي عنى
هاجر:عصام انا عارفه انى زعلتك منى بس انا بحبك بحبك اوى يهون عليك تزعلنى وانا حامل وتعبانه
عصام :بتحبينى اه لا بصراحه واضح اوى الحب ده انا عاوز افهم ايه هو مقياس الحب عندك اللى بيحب حد بيخاف عليه بيسعده بيهتم براحته بيعملله كل اللى نفسه فيه
انتى فين من كل ده احنا من يوم مااتجوزنا كل اللى هامك نفسك وبس مبتفكريش غير فى هاجر وبس عاوزة تستنفزينى بكل شكل
لاعمرك خفتى علية ولا على صحتى ولا على قرشي اللى انا تعبان وشقيان فيه
هاجر :هو فى إيه كل شويه تسمعني الكلمتين دول وهو انت كنت بتتجوزنى ليه مش عشان تسعدنى وتفرحنى وتجيبلى اللى انا عاوزاه لما انت مش اد فتح بيت كنت بتتجوز ليه عالعموم لو عيشتى مش عاجباك مع السلامه بس حتندم علية ياعصام وحفكرك
عصام :هههههههههه حندم ده على أساس انى لسه مندمتش لا ده ندمت ومن بدري اوى كمان انا مش عارف كان عقلي فين لما سيبت الانسانه اللى كانت بتحبنى وبتخاف علية ومحافظه علية مش عارف
هاجر :لا بقولك ايه انا مستحمله كل القرف اللى انا فيه ده على اساس انك تعقل وتعرف ان ملكش غير بيتك لكن لسانك ينطق باسم واحده تانيه لا علية وعلى أعدائي ياقلبي ولو انت محروق اوى كده عليها روحلها ياعنية مع السلامه والقلب داعيلك
عصام :اروحلها اروحلها فين ماخلاص راحت للى احسن منى مش عارف عقلي كان فين ياريتنى كنت اقدر ارجعلها تانى وانا كنت وطيت بست رجلها عشان تسامحني
اتخطبت خلا وعارفه اتخطبت لمين لصاحب الشركه بنفسه شفتى حكمة ربنا انااتاكدت انى مليش فى الطيب نصيب القدر فرق بيننا عشان شايلها الاحسن منى
ياااه انا لو فضلت اندم عليها العمر كله مش كفايه عليها
هاجر:ياعينى تصدق صعبت علية الدمعه حتفر من عينى حاسب على نفسك ياحبيبي احسن يجرالك حاجه
عصام :انا مش قادر اصدق انتى ايه انا ازاى ماشفتكيش على حقيقتك ازاى اتخدعت فيكى زمان ودلوقتى
بقى انتى هاجر لا مش ممكن استحاله فين حبك لية انتى ازاى بقيتى كده واللا انتى اصلا كنتى وحشه من الاول وانا اللى كان حبي ليكى عامينى
دلوقتي بس انا صدقت بابا لما قاللى انه مش مقتنع انك سيبتى جوزك عشان بتحبينى زى ماقلتى وانه اكيد هو اللى سابك
هاجر:لا بقولك ايه انت حتشتغلنى انت وابوك واللا ايه
جتكم الارف كلكم
فيقوم عليها عصام ويمسكها بقسوة لم تعهدها من قبل :هما مين دول اللى جتهم الارف ده انا اللى حوريكى الارف اللى تستحقيه عشان انتى متستحقيش المعامله اللى كنت بعاملهالك
هاجر :فى ايه انت عاوز تضربنى واللا ايه طب فكر بس تمد ايدك علية وانا اصوت والم عليك الناس
عصام :وانا بقى عاوز اسمع صويتك اللى حتصوتيه ده وينهال عليها ضربا دون اعتبار منه بحملها
فقد كان مغيبا تماما لا يدرك ماذا يفعل فقد وضع فيها كل مافعله فى شمس
كأنما كان ينتقم من نفسه كان يضربها بعنف شديد صمت اذانه عن صريخها ونجدتها بأحد
كانت تصرخ بشده :اه حموـ,ـت الحقونى ياناس
لم يفيق مما فيه الا عندما وجدها مغشي عليها
وازداد خوفه عندما وجد الدماء على الارض
عصام :هاااااااجر
انتهى البارت يارب يكون عجبكم وقدرت اوصلكم المشاعر المسيطرة على الابطال النهارده
مشاعر على وسيف وعاليه تجاه عهد
مشاعر عمر وشمس وفرحتهم بخطبتهم
ايمان وماتحدثت به مع عصام ومياده اخذا بثار صديقتها
موقف عصام من هاجر
متنسوش بقى تعليقاتكم وتوقعاتكم الجميله
🌹🌹🌹🌹🌹🌹🌹🌹🌹🌹🌹🌹🌹🌹🌹
الفصل الثلاثون من رواية شمس تتحدى الغيوم
بقلمي :عبير سليم
💖💖💖💖💖💖💖💖
فى احدى المستشفيات الخاصه يقف عصام أمام غرفة العمليات وهو قلق للغايه فهو لا يعلم ماذا حدث لزوجته ولجنينها
يمر الوقت دون أن يطمئنه أحد
يخرج الدكتور إليه
عصام :خير يادكتور طمنى الله يخليك
الدكتور : اطمن الأم والجنين بخير
عصام :بجد يادكتور يعنى الجنين محصلوش حاجه
الدكتور: الحمد لله النزيف وقف وقدرنا نسيطر على الوضع بس الأم تعبانه ومحتاجه للراحه التامه
عصام :حاضر يا دكتور
بعد قليل فى احدى غرف المستشفى يجلس بجوارها حيث كانت صامته لا تتحدث إليه
عصام :حمد الله على سلامتك يا هاجر
يدق الدكتور على الباب ويدخل:السلام عليكم
عصام :وعليكم السلام
الدكتور :حمد الله على سلامتك يامدام
هاجر :الله يسلمك يا دكتور
الدكتور :مدام انتى محتاجه الراحه التامه مفيش مجهود نهائى ولا تتحركى لمدة شهر عالاقل لحد ماالمشيمه ترجع لوضعها الطبيعى المرة دي ربنا ستر لكن مرة تانيه معتقدش انها ممكن تعدي على خير
عصام :حاضر يا دكتور ان شاء الله مش حتعمل اى مجهود
الدكتور :مدام دلوقتى احنا المفروض نبلغ البوليس عشان ييجى يحقق
عصام :بوليس بوليس ليه
الدكتور :واضح تعرضها للاجهاض حصل بسبب ضرب هى اتعرضتله وده طبعا ظاهر جدا على جسمها من كمية الكدمات اللى منتشرة فى كل اجزاء جسمها
يعنى لو اتحولت لقضيه ممكن تبقى شروع فى قـ,ـتل
تزوغ عينا عصام يمينا ويسارا ولا يستطيع الرد وبما سيقول
الدكتور :هاه يامدام حضرتك تحبي نبلغ
لو اى حد مكانى كان بلغ على طول واخلى مسئوليته
لكن انا مردتش اتخذ اى قرار من نفسي قلت لما أسألك الأول وانتى وراحتك
تسكت هاجر وتنظر ناحية عصام الذى كان يترجاها بعينيه الا تقل شيئا ثم تتحدث للدكتور :مفيش حد عمللى حاجه يادكتور انا كنت نازله عالسلم ووقعت
الدكتور :متاكده من الكلام ده
هاجر :ايوة طبعا متأكده وشكرآ لاهتمام حضرتك يادكتور
الدكتور :عفوا يامدام وحمد الله على سلامتك مرة تانيه
عصام :دكتور هى ممكن تخرج امتى من هنا
الدكتور :على بكرة بالليل ان شاء الله بعد اذنكم
يخرج الدكتور فيلتفت عصام لهاجر:هاجر انا آسف انا والله مش عارف عملت كده ازاى حقك علية
هاجر :طلقنى ياعصام
عصام :انتى مجنونه إيه اللى بتقوليه ده
هاجر :أنا ابقى مجنونه فعلا لو عشت معاك يوم واحد انت كنت حتقـ,ـتلنى انا وبنتك طب انا وبقيت بتكرهنى ومش طايقنى لكن بنتك هانت عليك انك تقتـ,ـلها
عصام :غصب عني والله ياهاجر انتى اللى عصبتينى وخليتينى أخرج عن شعوري
هاجر :غصب عنك كنت حتقلتنا وتقوللى غصب عنك لا والله
عصام من فضلك انا عاوزة اتطلق
عصام :طب ممكن تهدي بس ولما تخرجى بالسلامه نتكلم براحتنا
فتسكت هاجر ولا ترد عليه
🌸🌸🌸🌸🌸🌸🌸🌸🌸🌸🌸
فى أحد المطاعم الفاخرة يجلسان بجوار بعضهما والحب يغمر قلوبهم
عمر :حبيبي ياكل ايه
شمس باحراج :اى حاجه
عمر :إيه اى حاجه دى حبيبتى تختار اللى هى عاوزاه والدنيا كلها تبقى تحت أمرها
شمس :ربنا يخليك لية ياعمر
عمر وهو يقبل يدها :ويخليكى لية ياست البنات هاه بقى قوليلي حتاكلي إيه
شمس :طب اطلب انت اى حاجه على ذوقك
عمر :ماشي ياستى حطلبك المرة دى بس اعملي حسابك بعد كده كل حياتنا حتكون على ذوقك انتى
شمس :اممممم طب مش يمكن ذوقى ميعجبكش
عمر :ياسلام شوف ازاى اذا كنتى انتى عجبانى يبقى ازاى ذوقك مش حيعجبنى انتى اى حاجه منك بتعجبنى ياشموستى
شمس :ربنا يقدرنى يارب واقدر أسعدك ياعمر
عمر :انا متأكد انك حتسعدينى ياقلبي انا اللى بدعي ربنا انى اقدر افرحك واسعدك واعوضك عن اى اى حاجه وحشه حصلتلك فى حياتك
شمس :متوجعنيش ياعمر اوعدنى انك متوجعنيش انا اتوجعت كتيييير اوى ومش حمل اى وجع تانى صدقنى لو قلتلك حتبقى دى النهايه بالنسبه لي
قلبي تعب خلاص استحمل كتير أوى ومش حيقدر والله ماحيقدر اكيد حينتهي بس المرة دى حيبقى بيدبح بايد أغلى انسان عندي
عمر :الف بعد الشر عنك ياحبيبتى اوعي تقولى كده تانى شمس انتى النور اللى ظهرلي فى عز العتمه انتى نعمه من عند ربنا لازم افضل اشكره عليها العمر كله واحافظ عليها عشان ربنا يحميهالي ويخليهالي
انا لو وجعتك ابقى بوجع قلبي قبل مااوجعك انتى.
شمس :وعد ياعمر
عمر :وعد ياقلب عمر
شمس :بتحبنى اوى كده ياعمر
عمر:لا على فكرة انا مش بحبك خالص ده بابا هو اللى اجبرنى اتجوزك وقاللى لو مااتجوزتش البنت اللى اسمها شمس دي انا ححرمك من الميراث
واطردك برة البيت واخليك تشحت
وحتبقى لقيط عارف يعنى ايه لقيط يعنى مش ابنى وحسن يوسف هو اللى ابنى
شمس :هههههه هههههه هههههه
عمر :ضحكتك حلوة اوى اوعدينى انك متحرمنيش منها وتفضل منورة وشك على طول
شمس انا بعشقك بمـ,ـوت فيكى انا اذاكنت بدعي ربنا بحاجه فانا بدعيه انك تفضلي فحياتى شمس انا محتاجك قوى فى حياتى اوعي تفكري انك تحرمينى منك فيوم من الأيام
انا بحس معاكى بالامان بحس ان حبك محاوطنى ومخلينى حاسس انى مش عاوز ولا محتاج غيره
حاسس ان ربنا عوضنى بيكى عن حاجات كتير راحت منى عن عمري اللى كان حيضيع لولا انه جمعنا ببعض
شمس :الكلام ده كتير علية اوى
عمر:كتير عليكى انتى بتقولى ايه انا مهما قلت مش ممكن حوفيكي حقك ابدا
شمس انتى متعرفيش حبك عمل فية إيه غيرنى وغير فية حاجات كتير أوى وأهم حاجه علاقتى بربنا انا مش مصدق نفسي انى الحمد لله بقيت بصلي كل الفروض بعد ماكنت مبصليش غير الجمعه بس.
دول فى البيت مش مصدقين نفسهم وبيقولوا الحب يصنع المعجزات لأن بصراحه كل اللى فى البيت بيصلوا انا الوحيد اللى كنت بعيد اوى عن ربنا
انا خجلان اوى من نفسي ياشمس مكسوف من ربنا اوى كل مااقف بين ايديه عشان اصلي بقول ازاى كنت حارم نفسي من لذة القرب من ربنا بالشكل ده
شمس :المهم انك رجعتله ياعمر وانت مش وحش ياعمر انت بس كنت محتاج زقه محتاج حد ياخد بايدك مش اكتر
عمر:انتى اللى ليكى الفضل فكده لولا وجودك فحياتى كنت حفضل زى مانا شمس خليكى جمبي متسيبينيش ارجوكى
شمس :معاك ياحبيبي طول مافية نفس فى الدنيا حفضل معاك وعمري ماحتخللى عنك ابدا انت بقيت كل حياتى ياعمر
عمر :انتى قلتي ايه دلوقتي
شمس :قلت انى حفضل معاك
عمر :لأ اللى قبل كده
شمس :قبل كده ايه انا مش فاكرة والله
عمر:يالهوى بمـ,ـوت فى براءتك قلتى حبيبي عاوز اسمعها تانى
تنظر شمس في الأرض خجلا ويصبح وجهها احمر كالجمر
عمر :لاء لاء، وربنا انا مش حقدر على كده حرام عليكى يابنتى انتى عاوزة تعملى فية ايه اكتر من كده حتمـ,ـوتينى
شمس :بعد الشر عنك
عمر:احلى بعد الشر عنك فى الدنيا كلها بحبك بحبك بحببببك
شمس :عمر بس الله يخليك الناس حوالينا
عمر:واحنا مالنا بالناس وبعدين اللى متغاظ مننا يعمل زينا خليهم يتعلموا ياقلبي ازاى يحبوا بجد ويقدروا الناس اللى بيحبوهم
شمس :انت جتني منين
عمر:كنت فين وانا فين جتني منين والايام دى كانت غايبه عنى فين
شمس :ههههههه انت قلبت النهارده على عبدالحليم حافظ كده ليه
عمر:حبيبتى نور عيوني انتي اللى جيتيني منين طلعتيلي من البحر زى الجنيه خطفتينى سحبتينى لتحت لتحت لأبعد مكان فى الدنيا خليتينى مش شايف ولا سامع غيرك اسرتينى بحبك مليتى علية حياتي كلها
انا عمري ماتخيلت انى ممكن احب بالشكل ده بقى انا عمر اللى كان مقطع السمكه وديلها يقع على بوزه كده بس ايه مش قادر اقولك مش قادر اوصفلك احلى وقعه فى الدنيا ياباشا
شمس :انت اللى وجودك رجعلي ثقتى فنفسي وفكل الناس اللى حواليه بعد ما كنت خلاص قررت اقفل على قلبي رجعت فتحته للدنيا تانى
ثم تغنى بصوت عذب
ورجعت تانى اعيش نفس الحياة من تانى افتح لقلبي الدنيا واخدها بين احضانى هى الحياة كده ليه بقى ليها لون تانى بقى ليها طعم جديد غيرلي ايامى
